Kolosai 4
4
1Aŋ tamolujangaz, nami begabeg kagin taoz iwoi iduselak melon ikibinia, nami Ujanzen mai didlon madoime me aloŋ.#Lew 25:43, 53 2Gaid segatip ogodoani, melon amazazpa amado, pez paneklon. 3Meginmap am‐oi mai ogodoanipa, Anut azu abolnen dalauan pasip azu toanek Kristuslon ienime aboloi, mewoi ŋa dopoaglak.#Tes I 5:17; Rom 15:30; Ef 6:19; Tes II 3:1; Kor I 16:9 4Meginpe Anut azu ŋabolnen iduselak megin beŋten gauai ŋaboloi. 5Muzinnen demadodime iwoi kaginkagindaŋan atoz, saen so bedani mon.#Ef 5:15, 16; Tes I 4:12 6Nami azu sansan kanimdaŋan siflon kibinep aenta dududin sianip auadin abinen aloŋoi.#Ef 4:29; Mar 9:50
AZU WADAN
Paulus sibenoi, tabei panek mai
7Tukikus ŋainag anaŋ daŋanoi sai panaŋoi, i taig wazan, Ujanzenlon i dinek segatek begabegbi mai. 8Ŋan mewoi mok ŋa i ŋenaug ileg am dodin amadoame me aŋ aloŋoi, i bubumi tansaek mai ipaniwoi.#Ef 6:22 9Onesimus i mai taig bubeg segatekdaŋan, i aŋwain, i abaŋ elak idulak me daŋan sai depanaŋoi.#Filemon 10
10Aristarkus inag sebanekbi, Markus, Barnabas inan tain mai (iwoi aŋ mug kibiaik aŋalelak, i aŋ ziminen ilemap aŋale),#Apos 19:29; 27:2 11Jesus me nean ta Justus i mai tabei depanaŋ. Ŋainag uzatbi ilonlon Judatamol me mon ŋa mai Anut kaginoi uzat anauame, iwoi, bubeg gauaiimelak. 12Epafras, aŋnami ai ta, Kristus Jesus inan begabeg, i tabei panaŋime, sansan inan godoanek zagundaŋan aŋoi inauime, aŋ gazoi anaup Anut auan bubumi malikdaŋan aloŋ maip atiuzoi.#Kol 1:7 13Ŋa i ŋisigianiŋame, i aŋoi uzat gauz inaulak, Laodikianen Hierapolisnen demadodime iwoi mai. 14Lukas, ulatkamaŋ bubed, Demas mai tabei depanaŋ.#Tim II 4:10, 11; Filemon 24 15Taiggaz Laodikianen demadodime Numfas, krisgaz inan ablon detemanidime me mai ŋawoi tabei ipinidin. 16Gazek e aŋ leŋamilon usuti binimap aŋ anaup Laodikia inan medaeŋlon mai dusutiwoi; aŋ Laodikia inan gazek usutiwoi. 17Arkipus megin apai, Uzat o Ujanzenlon ŋalelak me dadon isap dab pani.#Filemon 2
18Ŋa Paulus sibeg tabei panek azu ŋegazeŋame. Ŋainag ŋuzaŋuz lami isou. Kanim aŋ toanaŋ!#Kor I 16:21; Tes II 3:17
Currently Selected:
Kolosai 4: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Kolosai 4
4
1Aŋ tamolujangaz, nami begabeg kagin taoz iwoi iduselak melon ikibinia, nami Ujanzen mai didlon madoime me aloŋ.#Lew 25:43, 53 2Gaid segatip ogodoani, melon amazazpa amado, pez paneklon. 3Meginmap am‐oi mai ogodoanipa, Anut azu abolnen dalauan pasip azu toanek Kristuslon ienime aboloi, mewoi ŋa dopoaglak.#Tes I 5:17; Rom 15:30; Ef 6:19; Tes II 3:1; Kor I 16:9 4Meginpe Anut azu ŋabolnen iduselak megin beŋten gauai ŋaboloi. 5Muzinnen demadodime iwoi kaginkagindaŋan atoz, saen so bedani mon.#Ef 5:15, 16; Tes I 4:12 6Nami azu sansan kanimdaŋan siflon kibinep aenta dududin sianip auadin abinen aloŋoi.#Ef 4:29; Mar 9:50
AZU WADAN
Paulus sibenoi, tabei panek mai
7Tukikus ŋainag anaŋ daŋanoi sai panaŋoi, i taig wazan, Ujanzenlon i dinek segatek begabegbi mai. 8Ŋan mewoi mok ŋa i ŋenaug ileg am dodin amadoame me aŋ aloŋoi, i bubumi tansaek mai ipaniwoi.#Ef 6:22 9Onesimus i mai taig bubeg segatekdaŋan, i aŋwain, i abaŋ elak idulak me daŋan sai depanaŋoi.#Filemon 10
10Aristarkus inag sebanekbi, Markus, Barnabas inan tain mai (iwoi aŋ mug kibiaik aŋalelak, i aŋ ziminen ilemap aŋale),#Apos 19:29; 27:2 11Jesus me nean ta Justus i mai tabei depanaŋ. Ŋainag uzatbi ilonlon Judatamol me mon ŋa mai Anut kaginoi uzat anauame, iwoi, bubeg gauaiimelak. 12Epafras, aŋnami ai ta, Kristus Jesus inan begabeg, i tabei panaŋime, sansan inan godoanek zagundaŋan aŋoi inauime, aŋ gazoi anaup Anut auan bubumi malikdaŋan aloŋ maip atiuzoi.#Kol 1:7 13Ŋa i ŋisigianiŋame, i aŋoi uzat gauz inaulak, Laodikianen Hierapolisnen demadodime iwoi mai. 14Lukas, ulatkamaŋ bubed, Demas mai tabei depanaŋ.#Tim II 4:10, 11; Filemon 24 15Taiggaz Laodikianen demadodime Numfas, krisgaz inan ablon detemanidime me mai ŋawoi tabei ipinidin. 16Gazek e aŋ leŋamilon usuti binimap aŋ anaup Laodikia inan medaeŋlon mai dusutiwoi; aŋ Laodikia inan gazek usutiwoi. 17Arkipus megin apai, Uzat o Ujanzenlon ŋalelak me dadon isap dab pani.#Filemon 2
18Ŋa Paulus sibeg tabei panek azu ŋegazeŋame. Ŋainag ŋuzaŋuz lami isou. Kanim aŋ toanaŋ!#Kor I 16:21; Tes II 3:17
New Testament published by the British and Foreign Bible Society in 1960. Genesis published by the Australian Bible Society in 1971.