Kolosai 3
3
KRIS TAZEŊ NIŊON, JUDA NADIN FOA TEA, 3:1—4:6
Krisgaz Kristus mai temaneklak
1Aŋ Kristus maig tiziautap aŋ abaŋ latnen Kristus Anut waŋlon madoime me abezani.#Kan 110:1; Kol 2:12 2Abaŋ latnen ienime mewoi kankan, tanlak ienime mewoi tea.#Mat 6:33; Rom 6:2 3Aŋ amat pasilak, me Kristus maig Anutlon melabubge amadoame. 4Kristus inad bas niŋon beŋten idumap saen melon aŋ i maip kubellon atasawoi.#Kor I 15:43
Kristus mai temanalakoi tazeŋ tidukoi
5Lami boi tanlak diendime me afup dimatoi, ŋan jait, nun, kagin salan mih abol anaunen, melami isinen, bulases, me tibud ta dab paninen.#Rom 6:6; 8:13 6Abaŋ menen ai dagom tealak iwoi Anut inan buzun isaime.#Ef 5:6 7Melon amademeg mai get atozlak.#Tit 3:3 8Ge gazomnen abaŋ me daŋan apaspa, buzun, bube wonanan, kagin salan, dizawaik, auamilon azu salan mok mai.#Ef 4:29, 31 9Nug azu sekauk so paipai mon, aŋ tamol tibun, inan nauknauk mai get apasilakoi.#Ef 4:22, 25 10Faun me nule panaŋoi, me iloŋnenlon faun inau mugime, inan Fun walislon.#Ef 4:24; Gen 1:27 11En Grikwain, Judawain mai, muluŋ nasekwain muluŋ nasek teawain mai, jabwain laŋwain mai, begabeg tinin pasekwain mai tea, tea, Kristus i mon i daŋanlon madoime.#Gal 3:28
Kristus inan bunun boi daŋan ŋalewoi
12Mewoi aŋ Anut inan pilianekgaz, gun bubeggaz mai, aŋ me unulawoi, teŋaemi alannen, lo adunen, bini adunen, bodo abolnen, lamilon nasinasip atoznen,#Pet I 2:9 13nugnug dadom apanip ta i tawoi peneŋanekdaŋantap aŋ nugnug nami aupasek paze iduwoi. Ujanzen nami aupasek paze idulak egin, megin aenta nadin mai apaze idu.#Mat 6:14; Ef 4:2, 32 14Abaŋ e daŋanlon malanmalan aŋ ilopanek unula, me kagin daŋan tebazep dadon isa taimonoi.#Rom 13:8, 10 15Kristus inan mazoz nami bubmilon gaten inauwoi, mewoi aŋ tinin taimonlon wigiaŋlak. Aŋ Anut pez apani.#Fil 4:7; Kor I 12:13, 27 16Aŋ nug kagin peteŋanipeteŋanip, tansaek mai nug panipanip Israel kanam, kanam ta dug mai abip bubumidaŋan Anut pez apanimap Kristus inan azu kaginkagindaŋan aŋlon kuzumpa ienoi.#Ef 5:19 17Abaŋ anauame azulon uzatlon tat, me daŋan Ujanzen Jesus neanlon anau, i‐lon Mam Anut pez apani!#Kor I 10:31
Ab samungaz kris kaginoi bebana
18Aŋ paingaz, nami tamol peadinlon amado, Ujanzenlon iduselak egin. 19Aŋ tamolgaz, nami pain lami ipinidinoi, iwoi so imimio mon.#Pet I 3:7 20Aŋ aikamogaz, nami tinami temami abaŋ daŋanlon dagom ipinidin, me Ujanzen gamun funiimelakoi. 21Aŋ temadingaz, nami nunumi buzun isanen so pinidin mon, ladin so alanoi mewoi. 22Begabeggaz, aŋ nami tamolujan tanlak abaŋ daŋanlon dagom ipinidin, malabiaboi tea, tamol gamun funiwoi egin tea, Ujanzenoi azutmap bubumi taimon malikdaŋanlon. 23Abaŋte ta anautap me bubumi gamunlon anau, Ujanzenoi egin, tamoloi tea. 24Aŋ aloŋ Ujanzenlon aŋ fuzan naon aŋalewoi; aŋ Ujanzen Kristus bian apaluame. 25Me i abaŋ salan inauime i abaŋ salan inaulak naon ŋaleime, tamol ta tinin biŋan dab paninen so ienime.#Rom 2:11
Currently Selected:
Kolosai 3: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Kolosai 3
3
KRIS TAZEŊ NIŊON, JUDA NADIN FOA TEA, 3:1—4:6
Krisgaz Kristus mai temaneklak
1Aŋ Kristus maig tiziautap aŋ abaŋ latnen Kristus Anut waŋlon madoime me abezani.#Kan 110:1; Kol 2:12 2Abaŋ latnen ienime mewoi kankan, tanlak ienime mewoi tea.#Mat 6:33; Rom 6:2 3Aŋ amat pasilak, me Kristus maig Anutlon melabubge amadoame. 4Kristus inad bas niŋon beŋten idumap saen melon aŋ i maip kubellon atasawoi.#Kor I 15:43
Kristus mai temanalakoi tazeŋ tidukoi
5Lami boi tanlak diendime me afup dimatoi, ŋan jait, nun, kagin salan mih abol anaunen, melami isinen, bulases, me tibud ta dab paninen.#Rom 6:6; 8:13 6Abaŋ menen ai dagom tealak iwoi Anut inan buzun isaime.#Ef 5:6 7Melon amademeg mai get atozlak.#Tit 3:3 8Ge gazomnen abaŋ me daŋan apaspa, buzun, bube wonanan, kagin salan, dizawaik, auamilon azu salan mok mai.#Ef 4:29, 31 9Nug azu sekauk so paipai mon, aŋ tamol tibun, inan nauknauk mai get apasilakoi.#Ef 4:22, 25 10Faun me nule panaŋoi, me iloŋnenlon faun inau mugime, inan Fun walislon.#Ef 4:24; Gen 1:27 11En Grikwain, Judawain mai, muluŋ nasekwain muluŋ nasek teawain mai, jabwain laŋwain mai, begabeg tinin pasekwain mai tea, tea, Kristus i mon i daŋanlon madoime.#Gal 3:28
Kristus inan bunun boi daŋan ŋalewoi
12Mewoi aŋ Anut inan pilianekgaz, gun bubeggaz mai, aŋ me unulawoi, teŋaemi alannen, lo adunen, bini adunen, bodo abolnen, lamilon nasinasip atoznen,#Pet I 2:9 13nugnug dadom apanip ta i tawoi peneŋanekdaŋantap aŋ nugnug nami aupasek paze iduwoi. Ujanzen nami aupasek paze idulak egin, megin aenta nadin mai apaze idu.#Mat 6:14; Ef 4:2, 32 14Abaŋ e daŋanlon malanmalan aŋ ilopanek unula, me kagin daŋan tebazep dadon isa taimonoi.#Rom 13:8, 10 15Kristus inan mazoz nami bubmilon gaten inauwoi, mewoi aŋ tinin taimonlon wigiaŋlak. Aŋ Anut pez apani.#Fil 4:7; Kor I 12:13, 27 16Aŋ nug kagin peteŋanipeteŋanip, tansaek mai nug panipanip Israel kanam, kanam ta dug mai abip bubumidaŋan Anut pez apanimap Kristus inan azu kaginkagindaŋan aŋlon kuzumpa ienoi.#Ef 5:19 17Abaŋ anauame azulon uzatlon tat, me daŋan Ujanzen Jesus neanlon anau, i‐lon Mam Anut pez apani!#Kor I 10:31
Ab samungaz kris kaginoi bebana
18Aŋ paingaz, nami tamol peadinlon amado, Ujanzenlon iduselak egin. 19Aŋ tamolgaz, nami pain lami ipinidinoi, iwoi so imimio mon.#Pet I 3:7 20Aŋ aikamogaz, nami tinami temami abaŋ daŋanlon dagom ipinidin, me Ujanzen gamun funiimelakoi. 21Aŋ temadingaz, nami nunumi buzun isanen so pinidin mon, ladin so alanoi mewoi. 22Begabeggaz, aŋ nami tamolujan tanlak abaŋ daŋanlon dagom ipinidin, malabiaboi tea, tamol gamun funiwoi egin tea, Ujanzenoi azutmap bubumi taimon malikdaŋanlon. 23Abaŋte ta anautap me bubumi gamunlon anau, Ujanzenoi egin, tamoloi tea. 24Aŋ aloŋ Ujanzenlon aŋ fuzan naon aŋalewoi; aŋ Ujanzen Kristus bian apaluame. 25Me i abaŋ salan inauime i abaŋ salan inaulak naon ŋaleime, tamol ta tinin biŋan dab paninen so ienime.#Rom 2:11
New Testament published by the British and Foreign Bible Society in 1960. Genesis published by the Australian Bible Society in 1971.