Apostel Sai 27
27
Paulus Romnen jaua, Sidon, Mira, Kreta
1Nean denaulag am Italianen alawoi i Paulus sebanekbi aenta mai kaisar inan opasgaten ta nean Julius depani.#Apos 25:12 2Am wag talak aduse, me panu Adamitiumnenge iseg iballak, i Asia laŋ uzip ilap aon lipan daŋanlon ibaloi dibolge ataseg ale. Makedoniawain Aristakus i Tesalonikawain, am wegamalon maig ale.#Apos 19:29; 20:4
3Boŋanip egin am Sidonnen abal. Julius i tamol lo, i Paulus ilon pani, i inan kadoigaz iloi i Paulus puzupuzep lautamad depaniwoi igodge so piziani, Au ibol.#Apos 24:23; 27:43; 28:16 4Menge ataseg aleg tim diŋiamalakoi nui Kipros tininlon manin uzig ale. 5Am Kilikia, Pampilia laŋ sipilitig aleg Miranen Likia fatulon abal. 6Opasgaten men wag inasi, i Aleksandria panulonge iselak, Italianen jauawoi dibolge am me wagenlak adusawoi ibol.
7Nal kin kuzum am kinkin mon ale, alouge wagai apazemeg am damon Knidus izinnen atase. Tim gauz daŋek sinan am abalnen teabe, ibitig nui Kreta asaeg, did Salome adaŋemeg ale. 8Muzuanlon mon laŋ sipilitig aleg labun talon adu, nean Lipan Gauai, me panu Lasea sizizlon.
9Am mug saen melaen ajaualak, gazo jauaknen saen salan mok, Juda udeknal ujan mai mug binilak, mewoi Paulus tikun woteg pidin,#Kor II 11:25, 26; Lew 16:29 10Tamol aŋ, ŋa malag imugseg ŋenasiŋame ŋaloŋ, tejauanen gazo e muzuan mok, wagoi mon abaŋabaŋ waglon dizig ien, mewoi mon so ŋabol; tea, id sibed mai alan mok tenauwoi ŋaloŋ. 11Ge opasgaten i waggaten, wagfun mai mon dab ipani, Paulus auan dab so pani. 12Lipan melon mai fatu salan saenlon wag iennen gauai tealakoi mewoi aenta kuzum nean denau, i faun ditasawoi, i denasiwoi dibol, Foinikanen didunen diloŋ tat, men fatu salan saenlon wag ienoi dibol. Lipan me Kreta inan me doloau baŋen kazag baŋen daŋeg ien. Zuai saenlon melak demadowoi.
Dejaua salan, wag tezepale; nui Miletus
13Jauan tiduk ŋeŋaig isemeg i dibol, get nean denaulak, denaunen diloŋ, mewoi pitiau dezaeg laŋ duzig dile. 14Ge kitektag jabnenge dadau metalun fazeg ise, me nean Eurakuilo dibol. 15I duban ujan tanig wag ifunig dudeg ile, am anaunen tea. 16Meginge am nui kamo, nean Klauda, tininlon alemeg am wagai pazeklon mon wag inan wag mitin ibise aŋale. 17I me wag atenlak dezaeg denaulag i zaeŋ deŋaleg wag tinin stemanekoi me metagiz egin dusububuti. Fatu Afrika inan labun ujan, nean Sirtis, me inan mal, abuzlak mai adusawoi azezlak, lai dibin didu, se mon maiag ale. 18Ge tim se metalun mok mon fazeg funumalakoi boŋanip egin abaŋabaŋ, kunup dab aenta wag ilonnenge maslon disizinia. 19Nal tollon wag inan lai pazaz, fei abaŋ mai maslon dusuguagag idu.#Joh 1:5 20Nal kin kuzum ad patui mai kin so ailtag, tim guzuge dedeŋanig ientag, am titiziama ŋiliamawoi kin so asuzuazou.
Paulus ladin iŋal stemana, tataz iŋalnenoi pidin
21Tata lautamad kin ideboi so ibolmeg Paulus imaisge leŋadinlon ipaz, pidin, Tamol aŋ, aŋ auag get uzipe, Kreta so ibinipe, abaŋ alan gazo e funadime so toanadpe. 22Ge me gazo ŋepaiaŋ, aŋ sililip amadowoi. Aŋ tata so padal ilap imatoi; wag mon padaloi. 23Noz tidomlon Anut me ŋa inanlak me inan bian ŋa ŋepaluŋame, i inan eŋel 24ipaiag, O Paulus, o so uzez mon! O kaisar naonnen utasa mokoi; uloŋ, daŋan o mai ajauaame Anut i bas o panolak.#Apos 28:1 25Mewoi, tamol, aŋ sililip amado! Ŋa Anut iloglon malik, i inan auan uzip inaup iduwoi. 26Ge id tenaup wag nui talak idusawoi.
27Am mug nal 14 Adria mas ujanlak amaiatag wag inan tamol tidom loan dibol, dil sizizlon ienime tat dibol. 28Mewoi i tenaeknen kem detani denasi, men mas kin tig ien, tenaelak me fädom 20. Kitek maig faun detani, i tenae 15 mon. 29I dizezge mallak tat didusawoi, mewoi wag wadanlakage pitiau palgen detani, fatu pasak gigip isowoi dukumedime.
30Wag uzatai diauwoi denautag am se defezanamag wag damonlak pitiau detaniwoi dibolge wag kamo dibini idu. 31Paulus opasgaten mai pidin, Tamol e waglak so demademap aŋ titiziaŋ ŋiliaŋnen teabe. 32Mewoi opas wag kamo inan zaeŋ dutuzuti, wag kamo maslon dukudeg idu.
33Fatu so gigi gauaimeg Paulus daŋan bebana, i anaŋ dianiwoi, i pidin, Gazo e mug nal 14 aŋ siziaŋge jaeŋ funaŋge amadelak, anaŋ kin so ani gauailak. 34Mewoi ŋa aŋ ŋeseseŋanaŋ, aŋ anaŋ adeboi, me stemanaŋoi. Aŋ tatata inan gatenzaun taimon ta so padaloilakoi.#Mat 10:30 35Ibol binilag sepalaŋ iŋale, daŋan meladinlon Anut pez panig ibufateg jani.#Joh 6:11 36Mug daŋan silililakoi maig deŋaleg diani.#Tim I 4:4 37Am daŋan waglak amade me 276 mon. 38I daŋan loadin didilag waglon baza desebazig maslon desezane, wag pasa iboloi.
Nui Miletus naonnen wag padal ile
39Fatu gigig isemeg dil anasig me so diloŋ. Ge i lipan inan laŋ denasi, melon wag ibalnen gauai tat dibol. 40Mewoi pitiau inan zaeŋ dipasge pitiau maslon dibinge dien. Ulum depaulak me inan zaeŋ mai deflale. Lai sibsib dezaeg laŋ saeg dile. 41I dil damon ta dititig wag abuzlak iduse, gegaunge to ibolge ien; ge wadan me duban ujan loloani, funig itezepale.
42Opas dibol, i sebanek daŋan difuwoi, tata so iauwoi, mewoi, 43Ge opasgaten i Paulus patun pasiwoi ibolge laiŋ paze. I kibiai pinidinge ibol: me i dilognen diloŋ i malanmalan maslon didup laŋten dilogpa dilawoi. 44Aenta abaulak, abaŋ aenta denasip melon laŋten diduwoi. Megin denaumeg daŋan tuzugusig laŋten diduse.#Apos 27:22–25
Currently Selected:
Apostel Sai 27: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Apostel Sai 27
27
Paulus Romnen jaua, Sidon, Mira, Kreta
1Nean denaulag am Italianen alawoi i Paulus sebanekbi aenta mai kaisar inan opasgaten ta nean Julius depani.#Apos 25:12 2Am wag talak aduse, me panu Adamitiumnenge iseg iballak, i Asia laŋ uzip ilap aon lipan daŋanlon ibaloi dibolge ataseg ale. Makedoniawain Aristakus i Tesalonikawain, am wegamalon maig ale.#Apos 19:29; 20:4
3Boŋanip egin am Sidonnen abal. Julius i tamol lo, i Paulus ilon pani, i inan kadoigaz iloi i Paulus puzupuzep lautamad depaniwoi igodge so piziani, Au ibol.#Apos 24:23; 27:43; 28:16 4Menge ataseg aleg tim diŋiamalakoi nui Kipros tininlon manin uzig ale. 5Am Kilikia, Pampilia laŋ sipilitig aleg Miranen Likia fatulon abal. 6Opasgaten men wag inasi, i Aleksandria panulonge iselak, Italianen jauawoi dibolge am me wagenlak adusawoi ibol.
7Nal kin kuzum am kinkin mon ale, alouge wagai apazemeg am damon Knidus izinnen atase. Tim gauz daŋek sinan am abalnen teabe, ibitig nui Kreta asaeg, did Salome adaŋemeg ale. 8Muzuanlon mon laŋ sipilitig aleg labun talon adu, nean Lipan Gauai, me panu Lasea sizizlon.
9Am mug saen melaen ajaualak, gazo jauaknen saen salan mok, Juda udeknal ujan mai mug binilak, mewoi Paulus tikun woteg pidin,#Kor II 11:25, 26; Lew 16:29 10Tamol aŋ, ŋa malag imugseg ŋenasiŋame ŋaloŋ, tejauanen gazo e muzuan mok, wagoi mon abaŋabaŋ waglon dizig ien, mewoi mon so ŋabol; tea, id sibed mai alan mok tenauwoi ŋaloŋ. 11Ge opasgaten i waggaten, wagfun mai mon dab ipani, Paulus auan dab so pani. 12Lipan melon mai fatu salan saenlon wag iennen gauai tealakoi mewoi aenta kuzum nean denau, i faun ditasawoi, i denasiwoi dibol, Foinikanen didunen diloŋ tat, men fatu salan saenlon wag ienoi dibol. Lipan me Kreta inan me doloau baŋen kazag baŋen daŋeg ien. Zuai saenlon melak demadowoi.
Dejaua salan, wag tezepale; nui Miletus
13Jauan tiduk ŋeŋaig isemeg i dibol, get nean denaulak, denaunen diloŋ, mewoi pitiau dezaeg laŋ duzig dile. 14Ge kitektag jabnenge dadau metalun fazeg ise, me nean Eurakuilo dibol. 15I duban ujan tanig wag ifunig dudeg ile, am anaunen tea. 16Meginge am nui kamo, nean Klauda, tininlon alemeg am wagai pazeklon mon wag inan wag mitin ibise aŋale. 17I me wag atenlak dezaeg denaulag i zaeŋ deŋaleg wag tinin stemanekoi me metagiz egin dusububuti. Fatu Afrika inan labun ujan, nean Sirtis, me inan mal, abuzlak mai adusawoi azezlak, lai dibin didu, se mon maiag ale. 18Ge tim se metalun mok mon fazeg funumalakoi boŋanip egin abaŋabaŋ, kunup dab aenta wag ilonnenge maslon disizinia. 19Nal tollon wag inan lai pazaz, fei abaŋ mai maslon dusuguagag idu.#Joh 1:5 20Nal kin kuzum ad patui mai kin so ailtag, tim guzuge dedeŋanig ientag, am titiziama ŋiliamawoi kin so asuzuazou.
Paulus ladin iŋal stemana, tataz iŋalnenoi pidin
21Tata lautamad kin ideboi so ibolmeg Paulus imaisge leŋadinlon ipaz, pidin, Tamol aŋ, aŋ auag get uzipe, Kreta so ibinipe, abaŋ alan gazo e funadime so toanadpe. 22Ge me gazo ŋepaiaŋ, aŋ sililip amadowoi. Aŋ tata so padal ilap imatoi; wag mon padaloi. 23Noz tidomlon Anut me ŋa inanlak me inan bian ŋa ŋepaluŋame, i inan eŋel 24ipaiag, O Paulus, o so uzez mon! O kaisar naonnen utasa mokoi; uloŋ, daŋan o mai ajauaame Anut i bas o panolak.#Apos 28:1 25Mewoi, tamol, aŋ sililip amado! Ŋa Anut iloglon malik, i inan auan uzip inaup iduwoi. 26Ge id tenaup wag nui talak idusawoi.
27Am mug nal 14 Adria mas ujanlak amaiatag wag inan tamol tidom loan dibol, dil sizizlon ienime tat dibol. 28Mewoi i tenaeknen kem detani denasi, men mas kin tig ien, tenaelak me fädom 20. Kitek maig faun detani, i tenae 15 mon. 29I dizezge mallak tat didusawoi, mewoi wag wadanlakage pitiau palgen detani, fatu pasak gigip isowoi dukumedime.
30Wag uzatai diauwoi denautag am se defezanamag wag damonlak pitiau detaniwoi dibolge wag kamo dibini idu. 31Paulus opasgaten mai pidin, Tamol e waglak so demademap aŋ titiziaŋ ŋiliaŋnen teabe. 32Mewoi opas wag kamo inan zaeŋ dutuzuti, wag kamo maslon dukudeg idu.
33Fatu so gigi gauaimeg Paulus daŋan bebana, i anaŋ dianiwoi, i pidin, Gazo e mug nal 14 aŋ siziaŋge jaeŋ funaŋge amadelak, anaŋ kin so ani gauailak. 34Mewoi ŋa aŋ ŋeseseŋanaŋ, aŋ anaŋ adeboi, me stemanaŋoi. Aŋ tatata inan gatenzaun taimon ta so padaloilakoi.#Mat 10:30 35Ibol binilag sepalaŋ iŋale, daŋan meladinlon Anut pez panig ibufateg jani.#Joh 6:11 36Mug daŋan silililakoi maig deŋaleg diani.#Tim I 4:4 37Am daŋan waglak amade me 276 mon. 38I daŋan loadin didilag waglon baza desebazig maslon desezane, wag pasa iboloi.
Nui Miletus naonnen wag padal ile
39Fatu gigig isemeg dil anasig me so diloŋ. Ge i lipan inan laŋ denasi, melon wag ibalnen gauai tat dibol. 40Mewoi pitiau inan zaeŋ dipasge pitiau maslon dibinge dien. Ulum depaulak me inan zaeŋ mai deflale. Lai sibsib dezaeg laŋ saeg dile. 41I dil damon ta dititig wag abuzlak iduse, gegaunge to ibolge ien; ge wadan me duban ujan loloani, funig itezepale.
42Opas dibol, i sebanek daŋan difuwoi, tata so iauwoi, mewoi, 43Ge opasgaten i Paulus patun pasiwoi ibolge laiŋ paze. I kibiai pinidinge ibol: me i dilognen diloŋ i malanmalan maslon didup laŋten dilogpa dilawoi. 44Aenta abaulak, abaŋ aenta denasip melon laŋten diduwoi. Megin denaumeg daŋan tuzugusig laŋten diduse.#Apos 27:22–25
New Testament published by the British and Foreign Bible Society in 1960. Genesis published by the Australian Bible Society in 1971.