Apostel Sai 26
26
Paulus i sibenoi gatenpasek azu ibol
1Agripa Paulus ipai, O segauz sibewoi uboloi ŋabol. Paulus inan niman bisemeg gatenpasek azu egin ibol,#Apos 13:16; 21:40 2Ŋa ilog gamun funag, kiŋ Agripa, abaŋ Juda malag desaelak mewoi gazo ŋa o naonen gategpasekoi azu ŋabolnen ŋaloŋ.#Mat 10:18 3Ŋan me o sibe Juda nadin kaginoi, nadin pusaik azuoi mai kamaŋ madoumelakoi. Mewoi ŋagod, gauai binip udup madop auag uloŋŋan.
4Inag tazeŋ aifaunlonge inag tamolbadim ilonlon Jerusalemnen mai ŋabilak, me Juda daŋan diloŋ pasi. 5I get mon ŋa diloŋ; i azu tiduk diboloitap, i ŋa sigianagnen diloŋ. Ŋa get inad Anut kagin medaeŋ inan wozou gun moklon farisea ŋatozlak.#Apos 23:6; Fil 3:5 6Ge gazo e ŋa aitoige betenaek naonnen ŋitiuzŋame? Ŋan ewoi: ŋa blanipanek me get Anut inad tamadgaz pinidinlak, inan niŋon boboloaneknenoi suzuazoug ŋatozŋamelakoi, mewoi.#Apos 28:20 7Me ŋan mai inad bagedgaz twelf nadin dedeŋanek ubou naseklon ad zen tidom zen deŋalewoi dibol. Suzuazouknen ewoi, o kiŋ Agripa, Judagaz malag desaedime.#Apos 24:15 8Aitoige aŋ tata so lamilon malik, Anut me i dimatlak i faun fuŋunanen iloŋoi? 9Ŋa sibeg bo get ŋabollak, ŋa Jesus, Nasaretwain inan agez ŋatozpa, liwon ŋabip tiwon ŋetazewoi ŋabol.#Apos 24:9–20; Apos 9:1–29; 22:3–21 10Me mai Jerusalemnen ŋenaulak, waliŋgaten neanlon ŋa tamolpain gun kuzum ŋab, sebaneklon ŋufunata, difup dimatoi dibolmeg me ŋa mai, Au, gauai ŋabollak. 11Juda nadin sinagog daŋanlon gungaz sililig ŋabimeg ŋatoz, i Jesus demeselaniwoi japal ŋenau. Buzug gauz mok isag, panu bas aentalon mai ŋaleg ŋaŋal ŋauz.
12Meginge ŋa mai waliŋgatengaz neadinlon nadin letadaŋan mai Damaskusnen ŋalawoi ŋale. 13O kiŋ, ŋa dallak ad matilon didlakge sul ŋenasi, inan dedadek i ad nenazi mok, me sepetadeg ŋa inaggaz mai tilianama. 14Am daŋan tanlak abal adu, auan ta ŋaloŋ, i Hebrea azulon ipaiag, Saul! Saul! Aitoige ŋa ŋiliag uzagume? O duz pizibiteknen so uloŋoi. 15Ŋa ŋepai, Ujazen, o it mon? I auag jabig ibol, Ŋa Jesus, o i ŋale uziumelka me. 16Ge umaispa, nielon utiuzpa; ŋa ewoi o naonen ŋataselak, ŋa o inag meglaum egin ŋipiliano, o abaŋ gazo nasilak, gazop ŋepeteŋanowoi, me inan sigianektamol o ŋunuowoi. 17Israel ilonlon, gob ilonlon mai ŋa o ŋititiziop bisiowoi, i zidinnen o ŋunuop ulawoi. 18Inadin meladin unaup i po diboloi, i mafuzlonpa didaŋsap sullon dedauawoi, Satan tiwonlonpa Anut dedaŋep ditozoi; meginmap aupasek pazek idunen deŋalewoi. I me mai i wagam ŋa ladinlon maliknenlon gun ŋenaug ditozdime, getadin tebazep fuzan deŋalewoi.#Jes 35:5; 42:7, 16
19Meginlakoi ŋa, o kiŋ Agripa, abaŋ didlakge boboloanilak me so ŋaloŋlak egin so ŋenaulak.#Gal 1:16 20Tea, ŋa ŋamaisge malanmalanlon Damaskusnen uzig Jerusalemnen mai Judea fatu daŋanlon gobgaz megin mon mai azu ŋipidinlak, i tulufunawoi, Anut daŋe depanip didaŋsawoi, tulufunek didaŋsanen idusanen tazeŋ taoz diabiwoi.#Mat 3:8 21Uzat mewoi Judagaz tempellon dibiaglak, dufunagoi dibol.#Apos 21:30, 31 22Ge Anut ŋa gaid aneg idulakoi ŋa gazo e se bas ŋemadoŋame, inan fun ujangaz mitingaz mai ŋeflalep ŋipinidinŋame. Me profetgaz Moses mai get dimugseg dibollak, gazop iduwoi dibol, ŋan mon ŋabolŋame.#Luk 24:44–47 23Mesias alan inau mokoi, i mateŋlonpa matu egin imaismap, i Israelbadim gob mai sul azu pidinoi.#Kor I 15:20
Paulus inan azu bubudin isaelak
24Paulus gatenpasekoi azu megin ibolmeg, Festus inan auan talemeg gauz iwog, Paulus, o gedagad funo! Oina maŋau o nuog gedagad! 25Ge Paulus auan jabig ipai, Festus waza, ŋa so gedagad funag, tea, ŋa ilogdaŋan azu malik mon ŋabolŋame. 26Kiŋ i abaŋ me mai iloŋ pasi, mewoi ŋa mai jaugjaug i azu me ŋepai; ŋa iloglon malik, a abaŋ menen so iloŋ e ibolnen teabe. Abaŋabaŋ me kukumlon so inaug idulak.#Joh 18:20 27Kiŋ Agripa, o profet auadin ilolon malikume? Ŋa ŋaloŋ, o ilolon malikume. 28Ge Agripa ipai, Ŋa pasak kris ŋenauwoi noagume. 29Paulus ibol, Auje, ŋa Anut naonnen dadom ŋenau, gazo tat gazop tat me o mon tea, tea, i daŋan gazo inag auag diloŋdime me ŋa egin denaupes me gauai; ŋuzaŋuz ŋa dopoaglak egin i‐lon so denauwoi.
Paulus siben tininnen tea auzun dibol
30Meginlag kiŋ, gowerner, Berenike, dematallak me daŋan dimais. 31Dimulge dilemeg nug dikibiaige dibol, Tamol e salan ta so inaulak, mewoi funip imatnen tea, sebaneklon madonen mai tininnen tea. 32Agripa Festus ipai, Tamol e kaisaroi so ibolpeges i segauz gaten pasip ilawoi.#Apos 25:11; 28:19
Currently Selected:
Apostel Sai 26: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Apostel Sai 26
26
Paulus i sibenoi gatenpasek azu ibol
1Agripa Paulus ipai, O segauz sibewoi uboloi ŋabol. Paulus inan niman bisemeg gatenpasek azu egin ibol,#Apos 13:16; 21:40 2Ŋa ilog gamun funag, kiŋ Agripa, abaŋ Juda malag desaelak mewoi gazo ŋa o naonen gategpasekoi azu ŋabolnen ŋaloŋ.#Mat 10:18 3Ŋan me o sibe Juda nadin kaginoi, nadin pusaik azuoi mai kamaŋ madoumelakoi. Mewoi ŋagod, gauai binip udup madop auag uloŋŋan.
4Inag tazeŋ aifaunlonge inag tamolbadim ilonlon Jerusalemnen mai ŋabilak, me Juda daŋan diloŋ pasi. 5I get mon ŋa diloŋ; i azu tiduk diboloitap, i ŋa sigianagnen diloŋ. Ŋa get inad Anut kagin medaeŋ inan wozou gun moklon farisea ŋatozlak.#Apos 23:6; Fil 3:5 6Ge gazo e ŋa aitoige betenaek naonnen ŋitiuzŋame? Ŋan ewoi: ŋa blanipanek me get Anut inad tamadgaz pinidinlak, inan niŋon boboloaneknenoi suzuazoug ŋatozŋamelakoi, mewoi.#Apos 28:20 7Me ŋan mai inad bagedgaz twelf nadin dedeŋanek ubou naseklon ad zen tidom zen deŋalewoi dibol. Suzuazouknen ewoi, o kiŋ Agripa, Judagaz malag desaedime.#Apos 24:15 8Aitoige aŋ tata so lamilon malik, Anut me i dimatlak i faun fuŋunanen iloŋoi? 9Ŋa sibeg bo get ŋabollak, ŋa Jesus, Nasaretwain inan agez ŋatozpa, liwon ŋabip tiwon ŋetazewoi ŋabol.#Apos 24:9–20; Apos 9:1–29; 22:3–21 10Me mai Jerusalemnen ŋenaulak, waliŋgaten neanlon ŋa tamolpain gun kuzum ŋab, sebaneklon ŋufunata, difup dimatoi dibolmeg me ŋa mai, Au, gauai ŋabollak. 11Juda nadin sinagog daŋanlon gungaz sililig ŋabimeg ŋatoz, i Jesus demeselaniwoi japal ŋenau. Buzug gauz mok isag, panu bas aentalon mai ŋaleg ŋaŋal ŋauz.
12Meginge ŋa mai waliŋgatengaz neadinlon nadin letadaŋan mai Damaskusnen ŋalawoi ŋale. 13O kiŋ, ŋa dallak ad matilon didlakge sul ŋenasi, inan dedadek i ad nenazi mok, me sepetadeg ŋa inaggaz mai tilianama. 14Am daŋan tanlak abal adu, auan ta ŋaloŋ, i Hebrea azulon ipaiag, Saul! Saul! Aitoige ŋa ŋiliag uzagume? O duz pizibiteknen so uloŋoi. 15Ŋa ŋepai, Ujazen, o it mon? I auag jabig ibol, Ŋa Jesus, o i ŋale uziumelka me. 16Ge umaispa, nielon utiuzpa; ŋa ewoi o naonen ŋataselak, ŋa o inag meglaum egin ŋipiliano, o abaŋ gazo nasilak, gazop ŋepeteŋanowoi, me inan sigianektamol o ŋunuowoi. 17Israel ilonlon, gob ilonlon mai ŋa o ŋititiziop bisiowoi, i zidinnen o ŋunuop ulawoi. 18Inadin meladin unaup i po diboloi, i mafuzlonpa didaŋsap sullon dedauawoi, Satan tiwonlonpa Anut dedaŋep ditozoi; meginmap aupasek pazek idunen deŋalewoi. I me mai i wagam ŋa ladinlon maliknenlon gun ŋenaug ditozdime, getadin tebazep fuzan deŋalewoi.#Jes 35:5; 42:7, 16
19Meginlakoi ŋa, o kiŋ Agripa, abaŋ didlakge boboloanilak me so ŋaloŋlak egin so ŋenaulak.#Gal 1:16 20Tea, ŋa ŋamaisge malanmalanlon Damaskusnen uzig Jerusalemnen mai Judea fatu daŋanlon gobgaz megin mon mai azu ŋipidinlak, i tulufunawoi, Anut daŋe depanip didaŋsawoi, tulufunek didaŋsanen idusanen tazeŋ taoz diabiwoi.#Mat 3:8 21Uzat mewoi Judagaz tempellon dibiaglak, dufunagoi dibol.#Apos 21:30, 31 22Ge Anut ŋa gaid aneg idulakoi ŋa gazo e se bas ŋemadoŋame, inan fun ujangaz mitingaz mai ŋeflalep ŋipinidinŋame. Me profetgaz Moses mai get dimugseg dibollak, gazop iduwoi dibol, ŋan mon ŋabolŋame.#Luk 24:44–47 23Mesias alan inau mokoi, i mateŋlonpa matu egin imaismap, i Israelbadim gob mai sul azu pidinoi.#Kor I 15:20
Paulus inan azu bubudin isaelak
24Paulus gatenpasekoi azu megin ibolmeg, Festus inan auan talemeg gauz iwog, Paulus, o gedagad funo! Oina maŋau o nuog gedagad! 25Ge Paulus auan jabig ipai, Festus waza, ŋa so gedagad funag, tea, ŋa ilogdaŋan azu malik mon ŋabolŋame. 26Kiŋ i abaŋ me mai iloŋ pasi, mewoi ŋa mai jaugjaug i azu me ŋepai; ŋa iloglon malik, a abaŋ menen so iloŋ e ibolnen teabe. Abaŋabaŋ me kukumlon so inaug idulak.#Joh 18:20 27Kiŋ Agripa, o profet auadin ilolon malikume? Ŋa ŋaloŋ, o ilolon malikume. 28Ge Agripa ipai, Ŋa pasak kris ŋenauwoi noagume. 29Paulus ibol, Auje, ŋa Anut naonnen dadom ŋenau, gazo tat gazop tat me o mon tea, tea, i daŋan gazo inag auag diloŋdime me ŋa egin denaupes me gauai; ŋuzaŋuz ŋa dopoaglak egin i‐lon so denauwoi.
Paulus siben tininnen tea auzun dibol
30Meginlag kiŋ, gowerner, Berenike, dematallak me daŋan dimais. 31Dimulge dilemeg nug dikibiaige dibol, Tamol e salan ta so inaulak, mewoi funip imatnen tea, sebaneklon madonen mai tininnen tea. 32Agripa Festus ipai, Tamol e kaisaroi so ibolpeges i segauz gaten pasip ilawoi.#Apos 25:11; 28:19
New Testament published by the British and Foreign Bible Society in 1960. Genesis published by the Australian Bible Society in 1971.