Korint II 9
9
Paulus ilemap lo abaŋ get kibinep ienoi
1Ge gungaz dinanenoi ŋa saen so ŋebedanip gazek ŋepanaŋoi.#Kor II 8:4, 20 2Ŋa nami kumek ŋaloŋge ŋa Makedonia tamolpain zidinnen biŋami ŋibiselak ŋabol, Akaia umaz binilaklon mug lo abaŋ dikibinewoi dibol. Me aŋ nami jaugjauglon kuzumpanu isikilalak.#Kor II 8:19 3Ge taiggaz me ŋanauge diladime, meginpe auama aŋoi ujanime me abaŋ ewoi mai lasen so ienoi, tea, aŋ abaŋ ikibinep ienoi, ŋa get aŋoi ŋabollak egin.#Kor II 8:24 4Teatap Makedoniawain ŋa maip alemap aŋ abaŋ so kibine binitap am fuzoznen ewoi mamai funumawoi, sebami looi anau apanaŋlak me kin so abolame. 5Mewoi ilog ibol, ŋa taiggaz ŋeseseŋanap i dimugpa ziminen dilap nami lo anauwoi, get nean anaulak me dikibinewoi, meginpe nami lo abaŋ me zuaik egin so atemaniwoi, tea, lolon mon.
Fabul tepaetame egin uzip niŋon teŋalewoi
6Es megin, me i fabul taitai mon ipaeime i mai niŋon taitai mon iŋaloi, ge me i gauz ipaeime i mai niŋon gauz iŋaloi.#Met 11:24; 19:17 7Daŋan dadodado bubudin ibolpa egin denauwoi, ladin iseklon tea, gegaun nauklon mai tea. Ta i bubendaŋanlon lo iwaime me Anut i ilon paniime.#Rom 12:8 8Ge Anut i inaunen iloŋ, lo dadon isap aŋ ziminen idu gedagadpa ienoi, meginpe aŋ sansan abaŋ daŋanlon dudumi isap amademap aŋ uzat gauai daŋan se dinap amadowoi.#Met 22:8 9Gazelak egin, I sezanelak, waizgaz pinidinlak, inan taoz dedeŋanidime.#Kan 112:9 10Ge me i paektamol fabul paniime, anaŋ janekoi mai, i nami fabul paeknen mai ipanaŋoi, nami taoz inan niŋon mai inaup kuzumoi.#Jes 55:10; Hosea 10:12 11Aŋ abaŋ daŋanlon lowaklon filiamidaŋanoi, me idlon tamolpain Anut pez depaniwoi.#Kor II 1:11; 4:15 12Bian uzat melon gungaz mon abaŋ so deŋaledime, tea, Anut melon mai peznen gauz ŋaleime.#Kor II 8:14 13Bian uzat melon aŋ kibianaŋpa totol gamun dab apaniwoi, aŋ iwoi, aenta daŋanoi mai lo awamaplon Anut biŋan ibisawoi. 14I aŋoi jatemeg demadodime aŋoi digod mai, Anut inan kanim lamilon zen ienimelakoi. 15Anut inan suzuzum me tabolnen tea mewoi pez tepaniwoi.
Currently Selected:
Korint II 9: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Korint II 9
9
Paulus ilemap lo abaŋ get kibinep ienoi
1Ge gungaz dinanenoi ŋa saen so ŋebedanip gazek ŋepanaŋoi.#Kor II 8:4, 20 2Ŋa nami kumek ŋaloŋge ŋa Makedonia tamolpain zidinnen biŋami ŋibiselak ŋabol, Akaia umaz binilaklon mug lo abaŋ dikibinewoi dibol. Me aŋ nami jaugjauglon kuzumpanu isikilalak.#Kor II 8:19 3Ge taiggaz me ŋanauge diladime, meginpe auama aŋoi ujanime me abaŋ ewoi mai lasen so ienoi, tea, aŋ abaŋ ikibinep ienoi, ŋa get aŋoi ŋabollak egin.#Kor II 8:24 4Teatap Makedoniawain ŋa maip alemap aŋ abaŋ so kibine binitap am fuzoznen ewoi mamai funumawoi, sebami looi anau apanaŋlak me kin so abolame. 5Mewoi ilog ibol, ŋa taiggaz ŋeseseŋanap i dimugpa ziminen dilap nami lo anauwoi, get nean anaulak me dikibinewoi, meginpe nami lo abaŋ me zuaik egin so atemaniwoi, tea, lolon mon.
Fabul tepaetame egin uzip niŋon teŋalewoi
6Es megin, me i fabul taitai mon ipaeime i mai niŋon taitai mon iŋaloi, ge me i gauz ipaeime i mai niŋon gauz iŋaloi.#Met 11:24; 19:17 7Daŋan dadodado bubudin ibolpa egin denauwoi, ladin iseklon tea, gegaun nauklon mai tea. Ta i bubendaŋanlon lo iwaime me Anut i ilon paniime.#Rom 12:8 8Ge Anut i inaunen iloŋ, lo dadon isap aŋ ziminen idu gedagadpa ienoi, meginpe aŋ sansan abaŋ daŋanlon dudumi isap amademap aŋ uzat gauai daŋan se dinap amadowoi.#Met 22:8 9Gazelak egin, I sezanelak, waizgaz pinidinlak, inan taoz dedeŋanidime.#Kan 112:9 10Ge me i paektamol fabul paniime, anaŋ janekoi mai, i nami fabul paeknen mai ipanaŋoi, nami taoz inan niŋon mai inaup kuzumoi.#Jes 55:10; Hosea 10:12 11Aŋ abaŋ daŋanlon lowaklon filiamidaŋanoi, me idlon tamolpain Anut pez depaniwoi.#Kor II 1:11; 4:15 12Bian uzat melon gungaz mon abaŋ so deŋaledime, tea, Anut melon mai peznen gauz ŋaleime.#Kor II 8:14 13Bian uzat melon aŋ kibianaŋpa totol gamun dab apaniwoi, aŋ iwoi, aenta daŋanoi mai lo awamaplon Anut biŋan ibisawoi. 14I aŋoi jatemeg demadodime aŋoi digod mai, Anut inan kanim lamilon zen ienimelakoi. 15Anut inan suzuzum me tabolnen tea mewoi pez tepaniwoi.
New Testament published by the British and Foreign Bible Society in 1960. Genesis published by the Australian Bible Society in 1971.