Korint II 10
10
PAULUS SIBENOI KIN FUZOZIME, 10–13
Paulus depeneŋanilak me i bitiime
1Ge ŋa Paulus sibeg Kristus inan zaek imulnenlon, inan mazoz kaginlon ŋepaiaŋŋame, ŋa me aŋ ziminen binag ŋadug ŋemadoŋame, ge aŋ maip so temademap ŋisililiŋame.#Kor I 2:3 2Ŋa aŋ ŋogodoanaŋ, ŋa aon ŋalemap ilog gazo ienime egin iwoi gik so ŋenauwoi, me am tinin kagin uzig atozame diboldime me.#Kor I 4:21; Kor II 10:11 3Am tinimalon atozmeg tinin inan ju so anauame. 4Amnama ju inan dazuk me tan enen tea, tea, me Anut inan tiwon sep gegaun sebazinen.#Ef 6:13–17 5Am dal funatek sutanlak abaŋ daŋan me Anutoi taloŋnen daŋeg ienime me asebaziame, lama inan kankan daŋan asebanip i Kristus dagom depaniwoi. 6Nami dagom panek idusemap am abaŋ tealak me daŋanoi wagaz aduwoi, me nean anaulak ienime.#Kor II 2:9
Paulus igaslon biŋan so bisaime, tea, sekauk bitekoi
7Abaŋ melamilak ienime me anasipe. Ta i inau pani i Kristus inan, i siben mewoi faun kankan ŋalewoi, i siben Kristus inan egin, megin am mai. 8Ŋa aŋ subuloanaŋoi, so sebazaŋoi Anut gaten nauknen tiwon penamalak mewoi kin gauz ŋabol tat, ge azu ŋabolŋame mewoi mamai so funagoi.#Kor II 12:6; Kor I 5:4, 5 9Ŋa gazeklon aŋ zoazuk ŋepanaŋoi so abol mon. 10I dibol, Inan gazek me muzuan gegaun mai, ge tininlon i bodok mon, inan azu mai se mon.#Kor II 10:1; 11:6 11Tamolpain me diloŋoi, am ibennen atozmeg nama azu gazeklon abolame me amademap anauame.#Kor II 13:2, 10
Ujanzen i inan totol igatiime
12Sebadin biŋadin dibisadime menen aenta mai am wozou taimon, tea, i mai kiliadiname am so abol. Ge i sebadin nugnuglon bitiniamap nugnug dikolnenoi mai dibolmap i ladin tea egin.#Kor II 3:1; 5:12 13Abaŋ tata tenaenen so aloŋ melon so fuzozame, tea, Anut penamalak melon mon, me am ziminen ataselak me,#Rom 12:3 14Am aŋ ziminen so alelak egin am nama fuzoznen so apenenaziame, tea, am malanmalan Kristus inan totol gamundaŋan aŋ ziminen alelak. 15Am tamol ta nadin uzat me tata tenaenen so iloŋlak mewoi so fuzozame, tea, am lama ibol nami lamilon maliknen subuloanimap am aŋ leŋamilon uzat aben ujanoi,#Rom 15:20 16meginpe am aŋnami fatu muzinnen mai totol gamun ipidinoi, tata inan uzatlon get uzat naulak mewoi so aboloi.#Apos 19:21 17Ta inan uzatoi fuzozime i Ujanzenlon fuzozoi.#Jer 9:22, 23; Kor I 1:31 18Ta i siben gatiimelak me so iduse, tea, Ujanzen igatiime ŋan i mon iduse.#Kor I 4:5
Currently Selected:
Korint II 10: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Korint II 10
10
PAULUS SIBENOI KIN FUZOZIME, 10–13
Paulus depeneŋanilak me i bitiime
1Ge ŋa Paulus sibeg Kristus inan zaek imulnenlon, inan mazoz kaginlon ŋepaiaŋŋame, ŋa me aŋ ziminen binag ŋadug ŋemadoŋame, ge aŋ maip so temademap ŋisililiŋame.#Kor I 2:3 2Ŋa aŋ ŋogodoanaŋ, ŋa aon ŋalemap ilog gazo ienime egin iwoi gik so ŋenauwoi, me am tinin kagin uzig atozame diboldime me.#Kor I 4:21; Kor II 10:11 3Am tinimalon atozmeg tinin inan ju so anauame. 4Amnama ju inan dazuk me tan enen tea, tea, me Anut inan tiwon sep gegaun sebazinen.#Ef 6:13–17 5Am dal funatek sutanlak abaŋ daŋan me Anutoi taloŋnen daŋeg ienime me asebaziame, lama inan kankan daŋan asebanip i Kristus dagom depaniwoi. 6Nami dagom panek idusemap am abaŋ tealak me daŋanoi wagaz aduwoi, me nean anaulak ienime.#Kor II 2:9
Paulus igaslon biŋan so bisaime, tea, sekauk bitekoi
7Abaŋ melamilak ienime me anasipe. Ta i inau pani i Kristus inan, i siben mewoi faun kankan ŋalewoi, i siben Kristus inan egin, megin am mai. 8Ŋa aŋ subuloanaŋoi, so sebazaŋoi Anut gaten nauknen tiwon penamalak mewoi kin gauz ŋabol tat, ge azu ŋabolŋame mewoi mamai so funagoi.#Kor II 12:6; Kor I 5:4, 5 9Ŋa gazeklon aŋ zoazuk ŋepanaŋoi so abol mon. 10I dibol, Inan gazek me muzuan gegaun mai, ge tininlon i bodok mon, inan azu mai se mon.#Kor II 10:1; 11:6 11Tamolpain me diloŋoi, am ibennen atozmeg nama azu gazeklon abolame me amademap anauame.#Kor II 13:2, 10
Ujanzen i inan totol igatiime
12Sebadin biŋadin dibisadime menen aenta mai am wozou taimon, tea, i mai kiliadiname am so abol. Ge i sebadin nugnuglon bitiniamap nugnug dikolnenoi mai dibolmap i ladin tea egin.#Kor II 3:1; 5:12 13Abaŋ tata tenaenen so aloŋ melon so fuzozame, tea, Anut penamalak melon mon, me am ziminen ataselak me,#Rom 12:3 14Am aŋ ziminen so alelak egin am nama fuzoznen so apenenaziame, tea, am malanmalan Kristus inan totol gamundaŋan aŋ ziminen alelak. 15Am tamol ta nadin uzat me tata tenaenen so iloŋlak mewoi so fuzozame, tea, am lama ibol nami lamilon maliknen subuloanimap am aŋ leŋamilon uzat aben ujanoi,#Rom 15:20 16meginpe am aŋnami fatu muzinnen mai totol gamun ipidinoi, tata inan uzatlon get uzat naulak mewoi so aboloi.#Apos 19:21 17Ta inan uzatoi fuzozime i Ujanzenlon fuzozoi.#Jer 9:22, 23; Kor I 1:31 18Ta i siben gatiimelak me so iduse, tea, Ujanzen igatiime ŋan i mon iduse.#Kor I 4:5
New Testament published by the British and Foreign Bible Society in 1960. Genesis published by the Australian Bible Society in 1971.