Korint II 8
8
MEDAEŊ GAŊMALAN TANEK KABE NAUKOI, 8–9
Makedonia madaeŋ gungaz anedin didu
1Taiggaz, Anut inan kanim Makedonia medaeŋ pinidinlak mewoi am abolpa aloŋoi.#Rom 15:26 2I modoanek inan kibianek ujanlon judin gauz isag, waiz ifumeg mai i lo zen didu. 3I denaunen diloŋlak me denau funi, me ŋaloŋge ŋabol. Tea, denaunen diloŋlak me beleŋanig sebadin ladin ibolge megin denau. 4I gungazoi lo e inan kanim lowak inan peleŋanekoi mai gauz seseŋanamag digod.#Kor II 9:1; Apos 11:29 5I denauwoi tat abollak egin so denau, tea, i malanmalan sebadin dududin Anut depani, meginge am mai bubudin depenamalak, Anut gamun funiime egin.
Korintgaz mai gaŋmalan detaniwoi
6Meginge am Titus aseseŋanig i get fun inaulak egin aŋ ziminen mai segauz uzat e inaup dadon isawoi. 7Aŋ abaŋ daŋanlon dudumi isalak, ŋan lamilon maliknenlon, azulon, aloŋnenlon, nami jaugjaug daŋanlon, am lami penamanenlon mai, mewoi lo elon mai dudumi isap amado.#Kor I 1:5; Kor I 16:1, 2
8Ŋa azu e kibiaiŋ egin so ŋabolŋame, tea, aenta nadin judinlon ŋa aŋnami ilopanek ŋikibianiŋame, me niŋon tat, 9aŋ inad Ujanzen Jesus Kristus inan kanim aloŋame, i bo filiandaŋan imade, ge aŋoi i waiz inau, meginpe aŋ inan waizlon filiamidaŋanoi.#Mat 8:20 10Azu ewoi lil ŋepanaŋŋame, abaŋ aŋ umaz taimon binilak fun anaug tinimi mai anaug amadelak me gazo segauz naup biniwoi. 11Meginpe aŋ lami ibolge ukumelak egin aŋ nami abaŋ ienime menen gazomnen niŋon ta anaup idusawoi. 12Ta inan ilon ibolmap jes ienime paninen me iduse, inan abaŋoi aben so kudewoi.#Met 3:27, 28; Mar 12:43 13Aenta tinidin pasa iboloi, ge aŋ muzuan funaŋoi so ŋabol. 14Tea, zazep ienoi, saen elon nami subuŋan ilap waizgaz deŋalewoi, meginpe nadin subuŋan aŋ waiz amademap i didinaŋoi, me zazep ienoilakoi.#Kor II 9:12 15Gazelak egin, Me i gauz iŋalelak i subuŋan tea, me i kin mon iŋalelak me mai waiz tea.#Ekso 16:18
Titus Korintnen ilaime
16Ge Anut pez panipe me Titus inaug i ŋa egin aŋoi jaundaŋange madoime. 17I nama gadiŋ mon uziwoi so ibol, tea, i jaun itubge siben ibol maig ziminen ilaime. 18I maig am nama tima ta i medaeŋmedaeŋlon totol gamun ibolnen gamun ifuime me anaug maig diladime. 19Ge me mon tea, tea, medaeŋmedaeŋ i dipilianig i am maip lo uzat ewoi atozoi, me am Ujanzen inan biŋanoi, idinad lo beŋten itasawoi mai anauame.#Gal 2:10 20Am mewoi dab anauame, tata i lo zen me id tenautame mewoi so peneŋanadoi. 21Am sizlon kagin gauaioi kankan aŋaleame, Ujanzen naonnen, tamolai noadinnen mai tiduklak me. 22I maig nama tima ta anauame me saen kin kuzum ikibianilak, abaŋ kuzumlon jaundaŋan uzat mai inaulak, ge gazo inan jaun mug itub, i aŋ gauz inau panaŋimelakoi. 23Me Titus i inag dinek, aŋoi inag uzatbi mai; me timagaz i medaeŋ nadin sigianek, Kristus inan kubel.#Kor II 7:13; 12:18; Rom 16:7 24Mewoi medaeŋmedaeŋ meladinlon nami ilopanek nama fuzoznen aŋoi me mai niŋon beŋten anaup tamol me denasiwoi.#Kor II 7:14
Currently Selected:
Korint II 8: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
