Korint I 8
8
TANTIBUD ANAD JANAUK PANEK, 8:1—11:1
Anaŋtibud i tibud tealak janauk panilak me
1Mazoztibud janauk panilak menen fun taloŋ, id daŋan taloŋnendaŋan. Ge iloŋnen mon me igas fun, ilopanek me subuloakneknen.#Apos 15:29 2Ta ilon ibol i iloŋ gauaiime me gazo inan iloŋnen iduse egin so iloŋime.#Gal 6:3 3Ge ta Anut ilon paniime iwoi Anut iloŋime.#Gal 4:9
4Anaŋ i mazoztibud pinidinlak me inan janekoi id taloŋ, mazoz me niŋon tea, Tibud taimon mon madoime, ta tea.#Kor I 10:19 5Tibud didlon tanlak mai demadodime dibol, meginge tibud kuzum ujanzen kuzum mai.#Kan 82:6; Joh 10:34 6Ge idoi Anut taimon madoime, inad Mam, i‐longe abaŋ daŋan diendime, id iwoi temadotame. Ujanzen taimon mai mon, Jesus Kristus, i‐longe abaŋ daŋan diendime, me i‐lon id temadotame.#Kor I 12:5, 6; Kol 1:16
7Ge daŋan me so diloŋdime. Aenta i gobtibud kagin wozen pasig demadelak i malik gazo mai anaŋ get mazoztibud ja denaug depanilak egin dianidime, i ladin azuazulakoi kakad kunuta.#Kor I 10:27
Ilopanek me taid buben tizininen dal.
8Janeknen abaŋ me Anut naonnen taoz so noadime, Id so tanimap tanimap mai id gauai egin tea.#Rom 14:17 9Ge dab nau, o abaŋ ta unaunen uloŋume, ge bodokgaz so kuda pisiap dibal didu mon.#Gal 5:13 10Ta, o uloŋnendaŋan gobtibud inan dazemlon matalge anaŋ wanimap nasop, me ilon azuazumap i so tat anaŋ get mazoz janauk depanilak me inan kakad dab so panip segauz janiwoi? 11Meginpe o oina uloŋnenlon tamol bodok e, nami timi, iwoi Kristus imat pasilak, me benenailak.#Rom 14:15 12Ge megin timigazoi auapaspa kakad bodoklak itiziŋinamap aŋ Kristusoi auapasame. 13Mewoi ŋainag taig anaŋoi ilon bebazemap ŋa sansan mudan so ŋaniwoi, ŋa ŋainag taig ilon bebazek so ŋepaniwoilakoi.#Rom 14:21
Currently Selected:
Korint I 8: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
