Korint I 12
12
UZ INAN ZAIŊ, 12–14
Uz inan zaiŋ ibeniben
1Taiggaz, ŋa ŋabol aŋ Uz inan zaiŋ so aloŋmap me gauai tea. 2Aŋ aloŋ aŋ gob amademeg aŋ zuaŋge mazoz auadin itaulak zidinnen ale, lami ibolge men duzaŋge ale.#Hab 2:18, 19 3Mewoilakoi aŋ aloŋoi ŋabol, tata Anut Uzlon ibolime i kin so iboloi, Jesus i meselanekwain; tata mai so iboloi, Jesus i Ujanzen, Uzgunlon mon.#Mar 9:30; Joh I 4:2, 3; Mat 7:21
4Uz inan zaiŋ bo ibeniben, ge Uz siben me taimon.#Rom 12:6 5Biabi paluknen mai ibeniben, ge Ujanzen me taimon.#Ef 4:4; Kor I 12:28 6Nauknauk ibeniben mai dien, ge Anut i taimon me uzat daŋanlon abaŋ daŋan tiwon paniime. 7Ge Uz inan boboloaneknen inan uzat ibeniben gauai madoknenoi dadodado pinidinlak.#Kor I 14:26 8Ta Uzlon ilon kaginkagin inan azu ibolnen panilak, ta tezepasip iloŋnen azu Uz melon mon. 9Ta ilonlon maliknen ŋan Uz melon mon, ta tinin kibineknen Uz taimon melon. 10Ta kubelmaŋau inaunen, ta imugseg azu flalenen, ta uz ibeniben bitinianen, ta balen ibenlon azu ibolnen, ta me azu ibeniben flalenen.#Kor I 14:5; Apos 2:4 11Ge abaŋ e daŋan Uz taimon ŋan i‐lon mon inaulak, i ilon ibolime megin dadodado wae pinidinime.#Kor I 7:7; Rom 12:3; Ef 4:7
Eklesia tinin taimon
12Tinin i taimonge i boi kuzumdaŋan, tinin inan boi kuzumge tinin taimon egin, megin Kristus mai.#Kor I 10:17; 12:27 13Id daŋan Uz taimon tinin taimonlon temadowoi flanadlak, Judagaz, Grik, begabeg, pasekgaz mai, id daŋan Uz taimonlon timiliwoi panadlak.#Gal 3:28
14Tinin i boi taimon tea, tea, i kuzum.#Kor I 12:20 15Nien ibolpe, Ŋa niman tealakoi mewoi ŋa tinin inan tea, mewoi i tinin inan tea so taboloi. 16Me tiliŋan ibolpe, Ŋa malan tealakoi ŋa tinin inan tea, i mewoi tinin inan tea mai so taboloi. 17Tinin daŋan malan monpe azu taloŋnen me ŋan? Tinin daŋan tiliŋan monpe zuŋan taloŋnen me ŋan? 18Ge Anut ibollak egin i tininlon boi ibeniben fulutek dizilak.#Bo 4:11 19I daŋan boi taimonpe me tinin ŋan?#Kor I 12:14 20I bo boi kuzum, ge tinin taimon. 21Malan i niman so ipaiwoi, Ŋawoi o abaŋtenen? Gaten mai nien so ipaiwoi, Ŋawoi o abaŋtenen? 22Tea, azu me beleŋanip tinin boi ta me bodok e tabol me tibininen tea. 23Boi ta mewoi id mamai funadime me kin gauz dab tepanitame. Boi id beŋten tenaunen tea me kin gauz kabe tenautame. 24Boi beŋten diendime iwoi megin so tenau. Ge Anut i tinin megin sedagelak, boi biŋan tea me biŋan subuŋan paniime. 25Meginpe tininlon tezepalek so ienoi, tea, boi daŋan nugnug dab pinidin taimonoi. 26Boi ta alan inaumap boi daŋan mai alan denaudime; boi ta biŋan imaismap boi daŋan i mai zigiaime.
Eklesialon krisgaz nug dinidiniwoi
27Ge aŋ Kristus inan tinin, aŋ dadodado tinin me inan boi.#Rom 12:5; Ef 5:30 28Me Anut i malan apostel inaulak, uzig profet, uzig peteŋanek, uzig maŋaukamaŋ, tinin kibineknen, dinek, eklesia gaten, azu ibenibenlon azu dibolnen tamol mai.#Ef 4:11, 13 29Me daŋan apostel? Daŋan profet? Daŋan peteŋanek? Daŋan maŋaumaŋau denaudime? 30Daŋan tinin kibineknen inan maŋaudaŋan? Daŋan azu ibenibenlon azu diboldime? Daŋan azu fun deflaledime? 31Ge zaiŋ gauai mok me jaeŋ sufutanaŋpa amado. Dal gizaud zaiŋ aenta beleŋanalak me ŋepeteŋanaŋoi.#Kor I 14:1
Currently Selected:
Korint I 12: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Korint I 12
12
UZ INAN ZAIŊ, 12–14
Uz inan zaiŋ ibeniben
1Taiggaz, ŋa ŋabol aŋ Uz inan zaiŋ so aloŋmap me gauai tea. 2Aŋ aloŋ aŋ gob amademeg aŋ zuaŋge mazoz auadin itaulak zidinnen ale, lami ibolge men duzaŋge ale.#Hab 2:18, 19 3Mewoilakoi aŋ aloŋoi ŋabol, tata Anut Uzlon ibolime i kin so iboloi, Jesus i meselanekwain; tata mai so iboloi, Jesus i Ujanzen, Uzgunlon mon.#Mar 9:30; Joh I 4:2, 3; Mat 7:21
4Uz inan zaiŋ bo ibeniben, ge Uz siben me taimon.#Rom 12:6 5Biabi paluknen mai ibeniben, ge Ujanzen me taimon.#Ef 4:4; Kor I 12:28 6Nauknauk ibeniben mai dien, ge Anut i taimon me uzat daŋanlon abaŋ daŋan tiwon paniime. 7Ge Uz inan boboloaneknen inan uzat ibeniben gauai madoknenoi dadodado pinidinlak.#Kor I 14:26 8Ta Uzlon ilon kaginkagin inan azu ibolnen panilak, ta tezepasip iloŋnen azu Uz melon mon. 9Ta ilonlon maliknen ŋan Uz melon mon, ta tinin kibineknen Uz taimon melon. 10Ta kubelmaŋau inaunen, ta imugseg azu flalenen, ta uz ibeniben bitinianen, ta balen ibenlon azu ibolnen, ta me azu ibeniben flalenen.#Kor I 14:5; Apos 2:4 11Ge abaŋ e daŋan Uz taimon ŋan i‐lon mon inaulak, i ilon ibolime megin dadodado wae pinidinime.#Kor I 7:7; Rom 12:3; Ef 4:7
Eklesia tinin taimon
12Tinin i taimonge i boi kuzumdaŋan, tinin inan boi kuzumge tinin taimon egin, megin Kristus mai.#Kor I 10:17; 12:27 13Id daŋan Uz taimon tinin taimonlon temadowoi flanadlak, Judagaz, Grik, begabeg, pasekgaz mai, id daŋan Uz taimonlon timiliwoi panadlak.#Gal 3:28
14Tinin i boi taimon tea, tea, i kuzum.#Kor I 12:20 15Nien ibolpe, Ŋa niman tealakoi mewoi ŋa tinin inan tea, mewoi i tinin inan tea so taboloi. 16Me tiliŋan ibolpe, Ŋa malan tealakoi ŋa tinin inan tea, i mewoi tinin inan tea mai so taboloi. 17Tinin daŋan malan monpe azu taloŋnen me ŋan? Tinin daŋan tiliŋan monpe zuŋan taloŋnen me ŋan? 18Ge Anut ibollak egin i tininlon boi ibeniben fulutek dizilak.#Bo 4:11 19I daŋan boi taimonpe me tinin ŋan?#Kor I 12:14 20I bo boi kuzum, ge tinin taimon. 21Malan i niman so ipaiwoi, Ŋawoi o abaŋtenen? Gaten mai nien so ipaiwoi, Ŋawoi o abaŋtenen? 22Tea, azu me beleŋanip tinin boi ta me bodok e tabol me tibininen tea. 23Boi ta mewoi id mamai funadime me kin gauz dab tepanitame. Boi id beŋten tenaunen tea me kin gauz kabe tenautame. 24Boi beŋten diendime iwoi megin so tenau. Ge Anut i tinin megin sedagelak, boi biŋan tea me biŋan subuŋan paniime. 25Meginpe tininlon tezepalek so ienoi, tea, boi daŋan nugnug dab pinidin taimonoi. 26Boi ta alan inaumap boi daŋan mai alan denaudime; boi ta biŋan imaismap boi daŋan i mai zigiaime.
Eklesialon krisgaz nug dinidiniwoi
27Ge aŋ Kristus inan tinin, aŋ dadodado tinin me inan boi.#Rom 12:5; Ef 5:30 28Me Anut i malan apostel inaulak, uzig profet, uzig peteŋanek, uzig maŋaukamaŋ, tinin kibineknen, dinek, eklesia gaten, azu ibenibenlon azu dibolnen tamol mai.#Ef 4:11, 13 29Me daŋan apostel? Daŋan profet? Daŋan peteŋanek? Daŋan maŋaumaŋau denaudime? 30Daŋan tinin kibineknen inan maŋaudaŋan? Daŋan azu ibenibenlon azu diboldime? Daŋan azu fun deflaledime? 31Ge zaiŋ gauai mok me jaeŋ sufutanaŋpa amado. Dal gizaud zaiŋ aenta beleŋanalak me ŋepeteŋanaŋoi.#Kor I 14:1
New Testament published by the British and Foreign Bible Society in 1960. Genesis published by the Australian Bible Society in 1971.