Korint I 11
11
1Aŋ ŋa ateŋanagpa, ŋa Kristus ŋeteŋaniŋame egin.#Kor I 4:16; Fil 3:17
PAINGAZ GETADIN TOANEKOI, 2:2–16.
Krisgaz nadin kagin gauai so pitiŋiniwoi.
2Aŋ abaŋ daŋanlon ŋa lami isouime, mewoi neami ŋibisaŋame. Ta mai, aŋ kibiai ŋepanaŋlak egin mok abi gegauname. 3Ge aŋ aloŋoi ŋabol, tamol dududin getadin me Kristus, ge pain inan gaten me tamol, Kristus inan gaten me Anut.#Kor I 3:23; Ef 5:23 4Tamol tata i gaten toanig godoani, imugseg azu mai iflaleime, i gaten benenaiime.#Kor I 12:10; 14:1 5Ge pain tata i gaten so toanig godoani, imugseg azu mai ibolime, i inan gaten biŋan benenaiime, gaten so toanilak me sazilak egin. 6Pain siben gaten so toanitap i gatenzaun gusutiwoi. Ge pain gatenzaun sazip mamai funimap i gaten toaniwoi. 7Tamol bo gaten so toaniwoi, i Anut walis, inan kubel mailak, ge pain i tamol inan kubel.#Gen 1:27; 5:1 8Tamol i painlon so inaulak, tea, pain tamollon.#Gen 2:22, 23 9Ta mai, tamol i painoi so inaulak, tea, pain i tamoloi.#Gen 2:18 10Mewoilakoi pain i jamellon gaten toaniwoi, eŋeloi.#Gen 6:2 11Ge me, Ujanzenlon pain siben naon tea, tamol mai siben naon tea. 12Pain tamollon inaulak egin, megin gazo tamol painlon itasaime. Abaŋ daŋan Anutlonge itasaime. 13Aŋ sebami abetenae, pain gaten so toanimap Anut mai godoaniime me gamun tat. 14Tinin siben aŋ so peteŋanaŋime tat, tamol i zezagen melaen samin mai dedanitap me biŋan benenaiime? 15Id taloŋ mai, pain inan gaten kibinep nidin iŋal maip i gamun funiime. 16Ta bo azu e talewoi iboltap i iloŋoi, am, Anut inan medaeŋmedaeŋ mai kagin ta dab so apaniame.
NITUD ANAŊOI KAGIN TAOZ TEALAK IENIME, 2, 17–24
Kubulek nitud anaŋoi
17Ge kibiai ŋa ŋepanaŋoi ŋenauŋame melon neami so ŋibisaŋame, aŋ atemanimeg kagin gauai mon so itasaimelakoi, tea, kagin salan mai.#Kor I 11:22 18Malan me ŋaboloi, medaeŋlon atemanimap leŋamilon tezepalek diendime, me kin iloglon malik.#Kor I 1:10–12; 3:3 19I me ladin taozlon zatamlak me beŋten ailoi tezepalek me diendime.#Joh I 2:19; Deut 13:4 20Ge aŋ atemanimap aŋ Ujanzen nitud anaŋ panadlak me aninen so aloŋ gauai. 21Animeg daŋan anenanen nami anaŋ get aniame, ta i pitol funig, ta aiu imolge ifuni. 22Ge dodin? Aŋ ab tea, melon aninen milinen mai aloŋ? Tea, aŋ Anut inan eklesia dizan awaiame, me ta i abaŋ tealak me mamai ipinidiname tat? Abaŋte ŋepaiaŋoi? Ŋa abaŋ ewoi aŋ neami ŋibisawoi? Tea, megin so ŋenauwoi.#Jak 2:5, 6
Nitud anaŋ fun
23Me ŋa aŋ ŋepanaŋlak me Ujanzen izinnen ŋeŋalelak. Ujanzen Jesus bo melon Judas i blanilak sepalaŋ iŋale,#Mat 26:26–28; Mar 14:22–24; Luk 22:19, 20 24baz panig bufate idug ibol, E me ŋainag tinig aŋoi panaŋlak. Me ŋa lami isouwoi anau.#Ekso 12:14 25I dianilak alouge megin mon gab mai jabig ibol, Gab e me ŋainag dazlon temaneknen faun, e anau, saen daŋan aŋ imilimap aŋ ŋa lamilon isouwoi.#Ekso 24:8 26Aŋ sepalaŋ a animap, naz e imilimap saen me daŋanlon Ujanzen inan mateŋ isigianiwoi, i faun isop eginmap.#Mat 26:29
Kris i waliŋ teag nitud anaŋ so dianiwoi
27Mewoi ta i gun teag Ujanzen inan sepalaŋ janiime, naz mai miliime i tininnen, i Jesus tinin daz maiwoi naon ŋalewoi.#Heb 6:6; 10:29 28Tamol siben kibianip me uzip mon i sepalaŋ janiwoi, naz mai miliwoi.#Mat 26:22; Kor II 13:5 29Me i janiime, mili maiime, ge Jesus tinin gun ŋaleime me dab so pani, i padalnen betenaek jani miliime. 30Abaŋ ewoi aŋ leŋamilon kuzum bodok maiaidaŋan mai, aenta dimat pasi.#Kor I 15:20; Ef 5:14 31Ge id sibed gauai bitiniadpe tata so bitiniadoi. 32Ge Ujanzen id bitiniadmap i bebanad, meginpe id tealakgaz maip so meselanadoi.#Heb 12:5, 6
33Mewoi taiggaz, aŋ janekoi atemanimap aŋ nug malan anau. 34Ta pitol funitap i inan ablon anaŋ janiwoi. Teatap aŋ nami temaneklon meselanek aŋalewoi. Ŋalemap abaŋ aentawoi kibiai ŋepanaŋoi.
Currently Selected:
Korint I 11: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Korint I 11
11
1Aŋ ŋa ateŋanagpa, ŋa Kristus ŋeteŋaniŋame egin.#Kor I 4:16; Fil 3:17
PAINGAZ GETADIN TOANEKOI, 2:2–16.
Krisgaz nadin kagin gauai so pitiŋiniwoi.
2Aŋ abaŋ daŋanlon ŋa lami isouime, mewoi neami ŋibisaŋame. Ta mai, aŋ kibiai ŋepanaŋlak egin mok abi gegauname. 3Ge aŋ aloŋoi ŋabol, tamol dududin getadin me Kristus, ge pain inan gaten me tamol, Kristus inan gaten me Anut.#Kor I 3:23; Ef 5:23 4Tamol tata i gaten toanig godoani, imugseg azu mai iflaleime, i gaten benenaiime.#Kor I 12:10; 14:1 5Ge pain tata i gaten so toanig godoani, imugseg azu mai ibolime, i inan gaten biŋan benenaiime, gaten so toanilak me sazilak egin. 6Pain siben gaten so toanitap i gatenzaun gusutiwoi. Ge pain gatenzaun sazip mamai funimap i gaten toaniwoi. 7Tamol bo gaten so toaniwoi, i Anut walis, inan kubel mailak, ge pain i tamol inan kubel.#Gen 1:27; 5:1 8Tamol i painlon so inaulak, tea, pain tamollon.#Gen 2:22, 23 9Ta mai, tamol i painoi so inaulak, tea, pain i tamoloi.#Gen 2:18 10Mewoilakoi pain i jamellon gaten toaniwoi, eŋeloi.#Gen 6:2 11Ge me, Ujanzenlon pain siben naon tea, tamol mai siben naon tea. 12Pain tamollon inaulak egin, megin gazo tamol painlon itasaime. Abaŋ daŋan Anutlonge itasaime. 13Aŋ sebami abetenae, pain gaten so toanimap Anut mai godoaniime me gamun tat. 14Tinin siben aŋ so peteŋanaŋime tat, tamol i zezagen melaen samin mai dedanitap me biŋan benenaiime? 15Id taloŋ mai, pain inan gaten kibinep nidin iŋal maip i gamun funiime. 16Ta bo azu e talewoi iboltap i iloŋoi, am, Anut inan medaeŋmedaeŋ mai kagin ta dab so apaniame.
NITUD ANAŊOI KAGIN TAOZ TEALAK IENIME, 2, 17–24
Kubulek nitud anaŋoi
17Ge kibiai ŋa ŋepanaŋoi ŋenauŋame melon neami so ŋibisaŋame, aŋ atemanimeg kagin gauai mon so itasaimelakoi, tea, kagin salan mai.#Kor I 11:22 18Malan me ŋaboloi, medaeŋlon atemanimap leŋamilon tezepalek diendime, me kin iloglon malik.#Kor I 1:10–12; 3:3 19I me ladin taozlon zatamlak me beŋten ailoi tezepalek me diendime.#Joh I 2:19; Deut 13:4 20Ge aŋ atemanimap aŋ Ujanzen nitud anaŋ panadlak me aninen so aloŋ gauai. 21Animeg daŋan anenanen nami anaŋ get aniame, ta i pitol funig, ta aiu imolge ifuni. 22Ge dodin? Aŋ ab tea, melon aninen milinen mai aloŋ? Tea, aŋ Anut inan eklesia dizan awaiame, me ta i abaŋ tealak me mamai ipinidiname tat? Abaŋte ŋepaiaŋoi? Ŋa abaŋ ewoi aŋ neami ŋibisawoi? Tea, megin so ŋenauwoi.#Jak 2:5, 6
Nitud anaŋ fun
23Me ŋa aŋ ŋepanaŋlak me Ujanzen izinnen ŋeŋalelak. Ujanzen Jesus bo melon Judas i blanilak sepalaŋ iŋale,#Mat 26:26–28; Mar 14:22–24; Luk 22:19, 20 24baz panig bufate idug ibol, E me ŋainag tinig aŋoi panaŋlak. Me ŋa lami isouwoi anau.#Ekso 12:14 25I dianilak alouge megin mon gab mai jabig ibol, Gab e me ŋainag dazlon temaneknen faun, e anau, saen daŋan aŋ imilimap aŋ ŋa lamilon isouwoi.#Ekso 24:8 26Aŋ sepalaŋ a animap, naz e imilimap saen me daŋanlon Ujanzen inan mateŋ isigianiwoi, i faun isop eginmap.#Mat 26:29
Kris i waliŋ teag nitud anaŋ so dianiwoi
27Mewoi ta i gun teag Ujanzen inan sepalaŋ janiime, naz mai miliime i tininnen, i Jesus tinin daz maiwoi naon ŋalewoi.#Heb 6:6; 10:29 28Tamol siben kibianip me uzip mon i sepalaŋ janiwoi, naz mai miliwoi.#Mat 26:22; Kor II 13:5 29Me i janiime, mili maiime, ge Jesus tinin gun ŋaleime me dab so pani, i padalnen betenaek jani miliime. 30Abaŋ ewoi aŋ leŋamilon kuzum bodok maiaidaŋan mai, aenta dimat pasi.#Kor I 15:20; Ef 5:14 31Ge id sibed gauai bitiniadpe tata so bitiniadoi. 32Ge Ujanzen id bitiniadmap i bebanad, meginpe id tealakgaz maip so meselanadoi.#Heb 12:5, 6
33Mewoi taiggaz, aŋ janekoi atemanimap aŋ nug malan anau. 34Ta pitol funitap i inan ablon anaŋ janiwoi. Teatap aŋ nami temaneklon meselanek aŋalewoi. Ŋalemap abaŋ aentawoi kibiai ŋepanaŋoi.
New Testament published by the British and Foreign Bible Society in 1960. Genesis published by the Australian Bible Society in 1971.