Korint I 10
10
Anut Israel gauai kibiniameg i audipas, id megin so tenauwoi.
1Taiggaz, aŋ me aloŋoi ŋabol, idinad mamgaz daŋan timtaen paenlon demade, daŋan mas dubufateg dile.#Ekso 13:21; 14:22 2Daŋan Moses izinnen timtaenlon maslon mai flanalak. 3Daŋan didnen anaŋ taimon me diani.#Ekso 16:4, 35; Deut 8:3 4Daŋan didnen naz taimon me dimili. I didnen pat me i uzlak menen dimili, pat me Kristus.#Ekso 17:6 5Ge me Anut tamolai kuzumoi gamun so funi; i fatu udaulon belemanag dimatlak.#Num 14:23, 30
6Abaŋabaŋ e me idinad naolalekoi didu, i denaulak egin abaŋ salanoi bubed so imaisoi.#Num 11:4, 34 7I denaulak, gazelak egin, Tamolai abaŋ dianiwoi naz dimiliwoi dematal didug ŋan dimaisge dug detazi.#Ekso 32:6 8Jait mai so tabiwoi, i jait diabilak egin, uzig nal taimonlon 23,000 dibal didug dimat.#Num 25:1, 9 9Id Ujanzen so tikibianiwoi, i denaulak eginge motlon depadallak.#Num 21:5, 6 10I denaulak egin id so tuŋuzuzoi. Nasi, wagaztotol i ifug dimat pasilak.#Num 14:2, 36; Heb 3:11, 17 11Abaŋ e iwoi naolalekoi idulak, ge id bebanadnenoi gazelak, idoi me wadan saen mug fodlak iduime me.#Pet I 4:7 12Mewoi tata me itiuzime ibol, i dab panip i so ibal iduwoi.#Rom 11:20 13Kibianek tamol joazenen iloŋime me mon aŋale. Ge Anut i buben malik, aŋnami tiwomi beleŋanip kibianaŋnen dal setebazewoi, meginpe i inaup kibianek kin tuzugusaŋpa aŋ joazenen aloŋoi.
Gobtibud sigianeknen me krisgaz dimoioi.
14Mewoilakoi bubeggaz, mazoztibud sigianeknen ibinip au.#Joh I 5:21 15Aŋ kagindaŋanlak egin ŋepaiaŋŋame, sebami ŋainag azu abetenae. 16Gab bazdaŋan id baz tepanitame me Kristus inan dazlon peleŋaneknen tea tat? Sepalaŋ id tubufatetame me Kristus tininlon peleŋaneknen tea tat?#Mat 26:27; Apos 2:42 17Sepalaŋ taimonlakoi id mai kuzumge tinid taimon, id daŋan sepalaŋ taimon tanitame.#Rom 12:5; Kor I 12:27 18Israel nadin kagin denaumap ailpa, i me janauk abaŋ dianidime me wiwa mai so depeleŋanidime tat?#Lew 7:6, 15 19Ait ŋabolŋame? Anaŋ mazoztibud janauk depanilak i niŋon tat, mazoztibud tat niŋon?#Kor I 8:4 20Tea, abaŋabaŋ gobgaz ja denaudime me i buga sladin ja denau depanidime, Anut so depanidime. Aŋ buga sladin apeleŋananen me ŋamoi.#Lew 17:7; Deut 32:17; Kan 106:37 21Aŋ Ujanzen inan gab buga sladin nadin gab mai amolnen tea. Aŋ Ujanzen inan anaŋ, buga sladin nadin anaŋ mai unuanen tea.#Kor II 6:15, 16 22Tea, id tenaup Ujanzen jenain isuioi? Idinad zagud inan nenaziime tat?
Ilopaneklon tatozmap taidgaz bodoklak idlon so deladaloi.
23Abaŋ daŋan tenaunen taloŋ, ge abaŋ daŋan idoi so gauai. Abaŋ daŋan tenaunen taloŋ, ge abaŋ daŋan subuloaneknen tea.#Kor I 6:12 24Ta i siben gauai madowoi so dalel mon, tea, muduban gauai madowoi me.#Rom 15:2; Kor I 10:33 25Dadeŋ abenlon didaddime me ani, kakadoi, domtenge iselak me sodoz so anau mon.#Rom 14:2–10, 22 26Tan, abaŋ daŋan melon diendime mai me Ujanzen inanlak.#Kan 24:1 27Ladinlon so maliklak ta abaŋ aniwoi wigiaŋtap, aŋ alawoi aboltap, aŋ abaŋ i noaminen diziime segauz ani, anaŋoi sodoz so anau mon, kakadoilakoi.#Luk 10:8 28Ge ta ipaiaŋtap, E me janaukoi denaulak, meginpe so ani mon, ibollak iwoi kakad mai.#Kor I 8:7 29Oina kakadoi so ŋepao, tea, inanoi ŋabol, So wani mon. Aitoige ta inan kakadlon ŋainag tazeŋ ŋawoi iduse ŋabol me betenaewoi? 30Ŋa pez paneklon ŋanitap, aitoi abaŋ mewoi ŋa pez ŋepanilak ŋawoi azu salan diboloi.#Rom 14:6; Tim I 4:4
Krisgaz i abaŋ daŋan Anut kubeloi denauwoi.
31Mewoi aŋ anitap imilitap, tea, abaŋ tata anautap, aŋ abaŋ daŋan Anut inan kubeloi anau.#Kol 3:17; Luk 13:26 32Aŋ Judawain, Grikwain, Anut inan eklesiawain ta owoi ladin bebazenen so pinidin mon. 33Ŋa mai abaŋ daŋanlon tamol daŋan ladin gamun ifunen ŋenauŋame egin, sibeg inag gamun funagnen so ŋedalel, tea, kuzumpanu nadin, i putudin isawoilakoi.
Currently Selected:
Korint I 10: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
