मती जान-चिनहार
जान-चिनहार
मती रआ बुगिन खभेर नवां नियम रआ उना चाइर गो पोथी रे ते मियाः हेके, जे मसी ईसु रआ चइल-चलन रआ बाखान कनाय। उना रे ते सुबिन “बुगिन खभेर” गामुः काना, जेकर ओरोथ हेके “बुगिन खभेर” उना ईसु रआ गोजुः तयोम मती, मरकुस, लूका अरो जोहन रआ दोवासते ओल केना बिदवान ककु सारीइ केना चि मती रआ बुगिन खभेर करा तरीख रे ओल केना मुदा अनुमान ते ईसु मसी रआ जनम रआ लगेभगे सात बरीस तयोम ओल्लेना मानाः कनाकु करा ठांव रे ओल केना उना हों ककु सारी, मुदा बेचोट होर मानाः कनाकु चि नियां फलस्तीन रे ओल लाःआकु चहे होय सकाःका चि जरुसलेम चट्टी रे।
नुवां रआ ओओल वनीः मती हेकेय जे ईसु एते चेला रआ बुलाहट नमुः एते पहिल मिहोर कोकोय जुगी तहिकेनाय। उनी लेबी लुतूम ते हों सारीः केनाय। मती 12 कुल वनकु रे ते मिहोर तहिकेनाय अरो उनी ता जहुदी पड़हाः इकु कथिर ओल्लेताय। नियां 60 एते ढेर धांव मरी नियम एते उदाहरन एएम रआ दोवासते निठा ते नेल सकाव वोःओ। उनी नुवां देखाव चहाः केनाय चि ईसु गी आगमजानी कराव वनाः परमेसर रिई साला वनीः मसी तहिकेनाय। मती ता परमेसर रआ राइज रआ बबेत रेहों बेचोट ओल्लेताय। जहुदी आसराय केनाकु चि मसी मियाः राइज रिई राजा होयुःआय। मती बेचोट धीरम दोहो वते नियां बिसवास ता परमेसर रआ आत्मिक सामराज रआ बाखान केते चुनौति एमुः कनाय। नवां नियम रआ एटेच कथिर मती रचित बुगिन खभेर मियाः उचित पोथी हेके चिलिमेनचि नियां रे मरी नियम रआ बेचोट संदर्भ हेनाःआं नुवां बरीया नियम ता जोड़ाव कनाय। बिदवानकु रआ नुवां हों गागाम हेनाःआं चि मती मरी नियम रआ मूसा रआ पहला पांच पोथी रआ नमूना रआ अनुसरन एकेनाय। ईसु रआ टोंगरी उपदेस (मती 5-7) रआ तुलना परमेसर दोवासते मूसा के एम वनाः नियम एते होय सकाःका (नियम 19:3—28:33)।
रंग-रुप
1. मती बुगिन खभेर रआ एटेच ईसु मसी रआ जनम अरो उनी रआ सेवकाइ रआ बाखान कनाय (1—4)
2. मती ईसु रआ सेवकाइ अरो उनी रआ ढेरी सिकछा रआ बबेत रे बाखान कनाय (5—25)
3. मती रआ आखरी हिस्स ईसु रआ सेवकाइ रआ अरो उनी रआ गोजुः अरो जुवेत बिरीत रआ बबेत उदुः कनाय (26—28)
Currently Selected:
मती जान-चिनहार: BIY
Highlight
Share
Compare
Copy
Want to have your highlights saved across all your devices? Sign up or sign in
© 2023 NLCI CC BY-NC-ND 4.0