मती 3

जोहन बतिसमा एएम वनीः

(मरकुस 1:1–8; लूका 3:1–18; जोहन 1:6–8,15–34)

1इमिन रे जोहन बतिसमा एएम वनीः हेच केते जहुदिया पोरदेस रआ टोंगरी रे नुवां परचार कराव हेलावेनाय। 2#मती 4:17; मर 1:15“मोन रुवाड़ एपे चिलिमेनचि सोवाराग रआ राइज हेनात हेच तेबाः एकाना।” 3#जसा 40:3नोंय इनिगी तहिकेनाय जेकर बबेत रे जसायाह परमेसर सोझ एते नधनी वनीः ता गाम लाःआय,

“टोंगरी रे मिहोर होहो वनीः रआ राव ओनाव ओःका,

‘परभु रआ होरा तेयारेपे,

अरो उनी रआ सड़क सोझ एपे!’”

4 # 2 राजा 1:8 मुदा जोहन उंट रआ उप रआ किचरीः होरोः ओःकेनाय, अरो अपन डांडा रे हारता रआ चमोठा तोल एकानोः केनाय, उनी टोंगरी रेन होरोमसी अरो सरहाफाफा जोम कुकनकेनाय। 5आर जरुसलेम रेन होर अरो सुबिन जहुदिया पोरदेस रेन होर अरो जरदन गाड़ा रआ आसे-पासे रेन सुबिन होर उनी ठिनुः हेच्‍चेनाकु। 6अरो उनकु अपन-अपन पाप मनाव केते, जरदन गाड़ा रे जोहन एते बतिसमा अगुवेताकु।

7 # मती 12:34; 23:33 अरो बेचोट फरीसिकु अरो सदुकिकु के बतिसमा अगु कथिर आच ठिनुः हिजुः नेल केते, जोहन ता उनकु के गामवाःकुवाय, “ए बिञ रेन होपोन! परमेसर एते हिजुः वनाः कोरोध एते बनचावोः कथिर ओकोय चेतावेःपेयाय? 8इनाते नेबरीक अपे रआ कामि एते नुवां पाता लगावोः चही चि अपे ता पाप एते मोन रुवाड़ एकाःआपे, 9#जोह 8:33अरो अपन-अपन मोन रे नुवां ओलोपे सोंचाःआं, चि अबु रिई आपु अबराहम हेकेय, चिलिमेनचि इञ अपे के गामवापेकानिञ चि परमेसर नियां दिड़ी एते अबराहम कथिर संतान जनमाव दड़िवाःआय! 10#मती 7:19निमीः दो दाड़ु रआ रेहेत रे टेंगला दोहो एकाना, जे दाड़ु बुगिन जो का जो नो:ओ उना माः केते सेंगेल रे संजोयाय। 11इञ दो अपे के दाः एते मोन रुवाड़ कथिर बतिसमा एमा पेकानिञ, मुदा जे इञ तयनोम हिजुः वनीः हेनाया, उनी इञ एते महान हेनाया, इञ दो उनी रआ खरपा रआ तोनोल रड़ा लाइख हों बनुःइञा उनी अपे के पबितर रावा एते बतिसमा एमापेयाय। 12उनी रआ हाटाः उनी रआ ती रेया अरो उनी अपन खेरयान रे अतुर केते पेटेच तेः अलग कनाय अरो गोहोम ता कोठा रे मीः ठिनुः जमायाय अरो भुसा तेः उना सेंगेल रे जे का इड़िचोः काना ओन्डोर इयाय।”

जोहन ता ईसु के बतिसमा एमाःदेयाय

(मरकुस 1:9–11; लूका 3:21,22; जोहन 1:31–34)

13इमिताः ईसु जोहन एते बतिसमा अगु कथिर गलील पोरदेस एते जरदन गाड़ा रे तेबाःएनाय। 14जोहन ता नुवां गाम केते ईसु के रोकाव चहावेनाय। “इञ केदो आम एते बतिसमा अगु रआ दरकार हेनाःआं, अरो आम इञ ठिनुः हेच्‍चेकानाम?”

15ईसु ता जबाब एमाःदेयाय, “निमीः दो निंका गी होय इचिवाम। चिलिमेनचि अलांङ के नियां लेका एते सुबिन धरमिकता ता पुराव कथिर उचित हेनाःआं।” तोब जोहन ता ईसु रआ गानाम ता मनावेनाय।

16अरो ईसु बतिसमा लेयकेते एनेन गी दाः एते उडुङ एनाय। उनी कथिर सिरमा रड़ाना अरो ईसु ता परमेसर रआ रावा मियाः पेरवां लेका अरगुःते अरो आच चेतान रे दुरुपते नेलेःदेयाय। 17#एटे 22:2; सिरिञ 2:7; जसा 42:1; मती 12:18; 17:5; मर 1:11; लूका 9:35अरो सिरमा एते नुवां राव ओनावेना, “नोंय इञ रिई दुलारा होपोन हेरेल हेकेय, जेकर एते इञ बेचोट खुस मेनाञा।”

Currently Selected:

मती 3: BIY

Highlight

Compare

Copy