Ester 3
3
Haman 'ai niata mau si sengene ngowa'a Yahudi
1Pasala i'a ma di'ara ino 'olana Ahasyweros 'o sitede ngowa'a matengo 'ai lomanga Haman, unanga 'o dadi Menteri ma mulaingi. Haman 'a Hamedata 'ai ngowa'a ju'uda ra Agag ino.#3:1 Agag, unanga 'o Amalek manga 'olana. 'Ai bangsa 'i dadi lawana di'a bangsa Israel. 2Ma 'olana 'o soma'a 'ai pagawe mo-moini toma kadato ma dara 'aḏi mapagara manga biono tala ra Haman di'a 'aḏi silamo'o unanga. Ananga mo-moini ya mete'e parenta gena-ge, pa'i 'a Mordekhai matengo 'a mete'e ua. 3Pagawe-pagawe ma lelegu 'aḏi sano ra Mordekhai, <<I'a sa'olo ngana na mete'e ua ma 'olana 'ai parenta?>> 4Re wange moi-wange moi, ananga 'u soma'a unanga, la 'a si'a'a. Mada'a unanga 'a mete'e ua. Unanga 'o kanau,<<Ngoi ngowa'a Yahudi, to oḏu'u to mapagara 'ari biono tala toma manusia.>> Sababu gena, pagawe gena-ge 'aḏi siajele ra Haman, la 'aḏi disa waro 'a Haman 'o 'a'a 'oru ra Mordekhai. 5Haman 'o ruta madutu ra Mordekhai sababu 'a waro Mordekhai 'o mapagara 'ai biono tala ua re 'o silamo'o ua ḏi'i. 6Re wakutu unanga ra waro 'a Mordekhai ngowa'a Yahudi, Unanga 'a putusu mau sihukumu Mordekhai, re pa'i unanga ḇato ua, mada'a bangsa Yahudi ga'a 'age ra Ahasyweros 'ai pareta ma dara sanga sijira mo-moini. 7'Olana Ahasyweros 'a siḏagi 'ai parenta ma di'ara musungu nyagi moi re romoḏiḏi, toma ngara ma mulaingi gena-ge ngara Nisan, 'a Haman 'o soma'a 'a'a loterei ga'a silomanga <<pur>> di'a disa waro toma wangere re ngara 'oru ga'a nyengara si'a'a manga maksudu ma jira gena-ge. Ḏua ya sitatapu toma tanggal nyagi moi re ro'ange ngara nyagi moi re romoḏiḏi, gena-ge ngara Adar. 8Gena ḏua 'a Haman 'o kanau ra ma 'olana, <<Tuanga 'olana, 'age rema bangsa ma rousu ua rimoi, nange-ne ananga matai are toma daeraha mo-moini tananga pareta nena-ne ma sigolona. Manga 'adata re 'atoranga 'i ma'u rapu lai siḏi reo bangsa-bangsa lelegu. Ananga ya mete'e ua nanga pareta ma hukumu-hukumu. Dadi jobilaha 'olana no simaha awa ananga 'aḏi 'a'a 'ori i'a mete'e manga 'akala ma mau. 9Jobilaha, na'o 'olana no nyengara, no sisupu surata parenta di'a sijira ananga. Re na'o 'olana no 'isene 'ani falalomu ngoi 'ari 'akala ma sanga, ngoi ḏuanga i'a to pula'a salaka ma ḏubuso kilo latu ro'ange re cala nyagi rata pai'i ra ma 'olana 'ani burua ma dara.>> 10Ma 'olana 'a 'isene so'o gena, unanga 'a wuru'u 'ai 'ali-'ali tai rarag̱a kara 'o pula'a ra Haman, Yahudi manga lawana lamo'o gena-ge. 'Ali-'ali gena-ge ga'a sicapu tai surata. 11Ma 'olana 'o kanau ra unanga, <<Bangsa, re ma pipisi gena-ge, ta sisarakana ra ngana. Re bangsa gena-ge ngana na'u 'a'a 'oru ḇato mete'e 'ani mau.>> 12-13Dadi toma wangere ma nyo-nyoimi nyagi moi re ro'ange ngara ma mulaingi, Haman ya'u 'aro'o ma 'olana 'ai jurulefo-jurulefo. Unanga ya'u soma'a ananga 'aḏi lefo surat-surata mete'e unanga 'ai parenta. Toma surat-surata gena-ge, ananga ya lefo mete'e manga demo re le-lefo toma provinsi-provinsi gena-ge masiretene. Surata gena-ge 'i silefo pake ma 'olana Ahasyweros 'ai lomanga re sicapu pake 'olana 'ai 'ali-'ali, re siḏingoto capati toma ngowa'a la-lamo'o mo-moini ga'a remanga kuasa toma daeraha. Toma surata ma dara 'i silefo mangale toma wangere nyagi moi re ro'ange, toma ngara Adar, bangsa Yahudi mo-moini: Bae ra-ramasa ie bae ngowa'a bi-biri'i, bae we-were'a bae ngowa 'olo, balasu sisengene mo-moini kama dadalara ua, re 'oro manga 'ori i'a rana. 14Parenta nena-ne balasu siajele toma daeraha mo-moini, la ananga balasu 'aḏi maḏu-ḏuanga ḏua toma wangere ga'a sitantukanga ḏua. 15Ngowa'a ga'a sanga soma'a di'a gasa surata gena-ge balasu capati singadolo toma daeraha mo-moini. Ma 'olana 'o soma'a 'ai parenta gena-ge 'aḏi singadolo ḏi'i toma limau Susan. Gena ḏua, ma 'olana re 'a Haman 'aḏi tegoro ma ka'e-ka'e 'anggur, mada'a toma limau Susan ma dara 'i nyiwere sababu ma habari gena-ge.
Currently Selected:
Ester 3: SAJ
Highlight
Copy
Compare
Share
Want to have your highlights saved across all your devices? Sign up or sign in
2025 Indonesian Bible Society (LAI)