Ester 2
2
Ngo Ester mo dadi 'Olana 'ai were'a
1Palisi'i i'a ma di'ara ino kalaha 'olana ro ruta riwara, unanga 'a 'elingi moju ngo Wasti, 'ai were'a, 'ami ga'a ra unanga re putusanga ga'a singe-ngeta'a ḏua ra munanga. 2Sababu gena-ge ma 'olana 'ai falalomu masiretene ga'a unanga ya'u ngaku 'aḏi pula'a duga re domolo so'o ne: <<Jobilaha 'olana 'o soma'a ngowa'a sidisa mosolese-mosolese ga'a manga jamani lai rousu di'a ma 'olana. 3Ma 'olana balasu sitede 'ai pagawe-pagawe toma daeraha mo-moini toma Pareta nena-ne ma dara di'a 'aḏi disa mosolese-mosolese ga'a manga jamani lai rousu, kara gasa ananga mo-moini toma kadato we-were'a toma limau Susan. Re 'a Hegai, unanga ma 'olana 'o ngaku madutu, 'o dadi ngowa'a la-lamo'o ga'a 'ai munara pa'i 'urusu re diai ananga. 4Gena ḏua kara ma 'olana no pili mosolese ga'a 'olana nimi nyanyaḏi, re 'o sidadi 'ai were'a, 'ai were'a ma siḏa, ngo Wasti, 'ami nga-ngali.>> Ma 'olana 'a 'akoru duga re domolo gena-ge re unanga 'a siḏagi. 5Toma limau Susan gena-ge 'age ngowa'a Yahudi matengo 'ai lomanga Mordekhai, 'a Yair 'ai ngowa'a, Yair 'a Simei 'ai ngowa'a re ananga nena-ne ju'uda toma suku Benyamin ino. 6Ma siḏa Mordekhai sanga dawana wakutu Nebukadnezar 'olana Babel 'o sita'aloko limau Yerusalem. Mordekhai sanga dawana toma Babel mamete'e 'a Yoyakin 'olana Yehuda, re dawana ma lelegu ma repe ḏi'i.#2'Oln. 24:10-16; 2Taw. 36:10 7Mordekhai rai biḏanga madutu ua matengo, munanga mosolese ja-jamani re lamo rousu masala, 'ami lomanga ngo Ester, lomanga 'Ibrani ngo Hadasa. Ester 'ami ḇaḇa re ngina raḏi sengene palisi'i i'a kara Mordekhai mi 'angutu munanga, mada'a unanga 'o magoro ino sa'olo 'ai ngowa'a madutu. 8Wakutu singadolo ma 'olana 'ai parenta pasala i'a, mosolese manga repe sanga lomu toma limau Susan re ngo Ester ḏi'i munanga 'age ra ananga manga sigolona. Munanga sigasa ra ma 'olana 'ai kadato re siwatasa ra Hegai ga'a 'o dadi we-were'a manga bi-biri'i toma kadato. 9Hegai 'o sanangi madutu re 'o dadalara munanga. Dadi unanga jau-jau mi diai, re 'ami ngo-ngoromo mai siwola i'a re lai sa'i madutu. Re ngo Ester sigasa toma ngi'i ma rousu i'a, toma kadato we-were'a manga ngi'i, re mosolese pahe madutu nga tumudingi rama 'olana 'ai kadato 'aḏi sanga cumutu di'a de-de'oso munanga. 10Ngo Ester ma gogono 'ami 'asala mangale munanga ngowa'a Yahudi, munanga mo mete'e Mordekhai 'ai bererongo. 11Wangere ma jelele i'a, Mordekhai 'o tagi-tagi toma kadato we-were'a ma soana toma biono di'a 'o sano, la disa waro ngo 'Ester 'ami 'ahu, 'oru ga'a 'i dadi ra munanga. 12Mete'e ma 'atoranga mosolese-mosolese gena-ge sanga diai sirousu ma di'ara musungu rimoi: Ngara rarama sipake reo goroho capuru manyanyi, kara ma di'ara ngara rarama ḏi'i sipake reo goroho capuru bou-bounu ma lelegu. Gena ḏua, mosolese matengo-matengo sanga cumutu sapolo otu ḏagilomu ra ma 'olana Ahasyweros. 13Wakutu mosolese matengo mo sapolo talaḏi ma 'olana, munanga mo mapake 'oru ḇato ga'a sirousu munanga mete'e 'ami mau. 14Toma 'orasa lobi'i, munanga ananga sigasa ra ma 'olana 'ai kadato, re ma ḇiḇini ino sigasa ḏi'i toma kadato lelegu, rema falalomu ga'a ma 'olana 'o ngaku madutu 'ai lomanga Saasgas 'ai munara pa'i 'urusu ma 'olana 'ai were'a ma lelegu. Mosolese gena-ge mo sapolo mo otu ra ma 'olana riwara, na'o ma 'olana 'o paralu kara mi 'aro'o 'a terongo 'ami lomanga. 15Ḏua, ngo Ester 'ami 'orasa 'i ngadolo di'a mo otu rama 'olana. Ester 'ami ḇaḇa 'a Abihail rera moi ra Mordekhai ga'a 'o 'oro ino ngo Ester ma tero sa'olo 'ai ngowa'a madutu, ngo Ester ngowa'a mo-moini 'aḏi sanangi 'aḏi oḏi'i munanga. Wakutu munanga mo tagi otu ra ma 'olana, mo mapake mete'e sa'olo 'a Hegai mi si'aturu, unanga gena-ge ma 'olana 'ai falalomu ga'a 'u ngaku madutu re 'o dadi kadato we-were'a ma sae'e. 16Gena-ge 'i dadi toma musungu ma nyo-nyoimi tumudingi ra Ahasyweros 'ai pareta, ngara nyagi moi, Tebet ma ngara. Ngo Ester ananga mi gasa mo otu rama 'olana Ahasyweros 'ai kadato. 17Munanga mo sisanangi madutu ma 'olana, ma tero ua reo mosolese-mosolese ma lelegu. Sababu gena-ge, ma 'olana ganapu mi dadalara madutu. Ḏua ma 'olana 'o sigare pareta ma lastari tami sae'e re sidadi munanga, unanga 'ai were'a, mo ngali ma 'olana 'ai were'a, ngo Wasti. 18Gena ḏua, ma 'olana 'o 'a'a laya lamo'o di'a silamo'o ngo Ester re ya'u saele 'ai pagawe mo-moini re ngowa'a la-lamo'o. Unanga ḏi'i 'o siajele mangale wangere ma ngomasa#2:18 wangere ma ngomasa bolo sikuranga balastengi tai pareta ma dara re 'o sibalangu 'ai bu-bula'a pai-pai'i.
Mordekhai 'o sisalamata ma 'olana
19Toma 'orasa gena-ge, ma 'olana ro sitede Mordekhai 'o dadi 'ai pagawe. 20Ngo Ester ḏi'i mo masiajele nyangu mangale munanga ngowa'a Yahudi, sababu Mordekhai 'o simaha ua. Ngo Ester ma mete'e 'a Mordekhai 'ai mau, sa'olo mo ce-ceka'a i'a moju, 'orasa Mordekhai 'o 'angutu. 21Toma wangere rimoi, wakutu Mordekhai 'o siḏagi 'ai munara toma kadato, ma 'olana 'ai ngowa'a la-lamo'o nga muḏiḏi ga'a ma 'olana ya'u ngaku, ananga jaga-jaga ma 'olana 'ai kamara ma ngalana, gena-ge 'a Bigtan re 'a Teresh, ananga 'aḏi ma'u mafakati mau sisengene ma 'olana Ahasyweros, sababu ananga 'aḏi emono unanga madutu. 22Manga niata ma jira gena-ge, 'a Mordekhai 'a waro. Ḏua unanga 'a siajele ra ma 'olana 'ai were'a ngo Ester, kara munanga ma sijarita ḏi'i toma 'olana. 23Hali gena-ge, ananga ya disa waro, re ma ḏo-ḏogumu tala enanga 'i banari. Ngowa'a nga muḏiḏi gena-ge sanga hukumu sengene kole. Mete'e ma 'olana 'ai parenta, jarita mo-moini gena-ge 'i silefo toma boku mangale pareta ma sajarah.
Currently Selected:
Ester 2: SAJ
Highlight
Copy
Compare
Share
Want to have your highlights saved across all your devices? Sign up or sign in
2025 Indonesian Bible Society (LAI)