Namba 27
27
Ol dota blong Jelofehad
1-3Nao i gat wan man we i ded bifo long draeples, we nem blong hem Jelofehad. Hem i gat faef dota blong hem we nem blong olgeta, Mala, mo Noa, mo Hoglaha, mo Milka, mo Tijaha. Jelofehad ya, hem i laen* blong Hefa, mo Hefa i kamaot long laen blong Gilead we papa blong hem Makiri. Mo Makiri ya, papa blong hem Manase,* we papa blong hem Josef ya bifo. Nao wan taem, Moses, wetem Hae Pris Eleasara, mo ol lida blong olgeta, mo ol narafala man oli stap long doa blong Haos Tapolen ya we oli stap kam long hem blong mit wetem Hae God. Nao ol woman ya oli kam luk olgeta, oli talem se, “Olgeta. Papa blong mifala i no gat wan pikinini boe blong hem. Hem i ded long draeples, be hem i no wan long olgeta ya we oli biaen long Kora, we oli girap agens long Hae God. Hem i ded from ol sin blong hem nomo. 4?Hem i no gat pikinini boe blong hem, be from wanem nem blong hem bambae i mas lus long yumi? Mifala i wantem se taem yufala i givim graon long ol famle blong papa blong mifala, bambae yufala i makemaot haf i blong mifala.”
5Nao Moses i go talemaot tingting ya blong olgeta long Hae God, 6mo Hae God i talem long hem se, 7#Nam 36.2“Samting ya we olgeta oli askem i stret ya. Sipos yufala i givim graon long ol famle blong papa blong olgeta, bambae yufala i mas makemaot haf i blong olgeta. Graon we i blong go long olfala blong olgeta, bambae i mas go long olgeta. 8-11Mi mi Hae God, mi God blong yufala, mo tok blong mi long poen ya i olsem. Sipos man i ded we i no gat pikinini boe blong hem, graon blong hem bambae i mas go long ol dota blong hem. Mo sipos i no gat dota blong hem, bambae graon ya i mas go long ol stret brata blong hem. Sipos i no gat stret brata blong hem, bambae graon ya i mas go long ol stret brata blong papa blong hem. Be sipos i no gat stret brata blong papa blong hem tu, ale, graon ya blong hem bambae i mas go long wan laen blong hem we i klosap moa long hem, mo man ya bambae i save holem olsem graon blong hem stret. Yu mas talemaot tok ya blong mi long olgeta man ya, mo oltaem, bambae yufala i mas folem loa ya, stret olsem we mi mi talem long yu.”
Hae God i jusumaot Josua blong i tekem ples blong Moses
(Dutronome 31.1-8)
12 #
Dut 3.23-27; 32.48-52 Nao Hae God i talem long Moses se, “Moses. Yu go antap long bigfala hil ya Abarim, yu lukluk i go long olgeta ples long kantri ya we bambae mi mi givim i go long yufala. 13Taem yu luklukgud olgeta ples ya finis, bambae yu yu ded olsem we brata blong yu Hae Pris Eron i ded bifo. 14Bambae yu tu yu ded, from we bifo, long draeples, long springwota ya Meriba, taem we olgeta man oli stap tok agens long mi, be yutufala tu i girap, yutufala i agens long tok blong mi, yutufala i no talemaot long fes blong olgeta we mi mi tabu, mi gat paoa.” (Springwota ya Meriba, hem i stap long draeples ya Jin, klosap long ples ya Kades.)
15Nao Moses i prea, i talem se, 16“Hae God, yu yu stamba blong laef. Olgeta man oli kasem laef long yu nomo. Plis yu jusumaot wan man we bambae i save lidim ol man ya, 17#1 King 22.17; Esik 34.5; Mat 9.36; Mak 6.34mo i save givim tok long olgeta long taem blong faet, blong ol man ya blong yu oli no save stap olsem ol sipsip we i no gat man blong lukaot long olgeta.”
18-19 #
Eks 24.13
Nao Hae God i talem long hem se, “Josua we papa blong hem Nun, hem i wan man we paoa blong mi i stap long hem.#27.18-19: Narafala rod blong tanem fas haf blong tok ya blong Hae God i olsem. Josua we papa blong hem Nun, hem i wan man we Spirit blong mi i stap long hem. Bambae yu tekem hem i kam stanap long fes blong Hae Pris Eleasara wetem olgeta man, nao yu putum han blong yu long hed blong hem, yu prea long hem. Nao long fes blong olgeta man, bambae yu talemaot we hem bambae i tekem ples blong yu. 20Bambae yu letem hem i karem hae nem blong yu, blong ol man ya oli save tinghevi long hem, oli save obei long hem. 21#Eks 28.30; 1 Saml 14.41; 28.6Hae pris ya bambae i stap yusum tufala spesel ston ya Yurim* mo Tumim* blong faenemaot ol samting we mi mi wantem, mo Josua bambae i mas folem ol tok we hem i talem. Nao long fasin ya, bambae hae pris ya i stap lidim hem wetem ol narafala man long evri samting we oli stap mekem.” 22Nao Moses i mekem olsem we Hae God i talem long hem. Hem i tekem Josua i kam stanap long fes blong hae pris ya wetem olgeta man ya, 23#Dut 31.23nao i putum han blong hem long hed blong hem, i prea long hem, mo i talemaot long olgeta man we hem bambae i tekem ples blong hem.
Currently Selected:
Namba 27: OBBR
Highlight
Copy
Compare
Share
Want to have your highlights saved across all your devices? Sign up or sign in
Open Bislama Bible Revised
Bible Society of the South Pacific © 2012
