Dutronome 11
11
Hae God i hae we i hae
1Nao Moses i talem se, “Olgeta. Hae God i God blong yumi, mo yumi mas lavem hem, mo yumi mas obei long olgeta loa blong hem. 2Naoia, yufala i mas tingbaot ol samting ya we hem i tijim yumi long hem, long olgeta samting ya we hem i stap mekem blong stretem yumi. Ol pikinini blong yumi oli no kasem samting ya, yumi ya nao, yumi kasem. Yumi luk finis we Hae God i hae we i hae, mo we paoa blong hem i strong we i strong. Yumi luk we hem i gat paoa blong winim ol enemi blong hem, 3#Eks 7.8—12.13mo yumi luk tu ol merikel we hem i mekem, mo ol bigbigfala samting we hem i mekem long king blong Ijip, wetem ol samting we i mekem olbaot long kantri ya blong hem. 4#Eks 14.28Bifo, long taem ya we ol soldia blong king ya oli stap ronem yumi, yumi luk we hem i brumumaot olgeta ya, wetem ol hos mo ol kat blong faet blong olgeta, we i mekem olgeta oli draon long Red Si. 5Yumi savegud ol samting ya we hem i stap mekem blong givhan long yumi long draeples, gogo yumi kamtru long ples ya, 6#Nam 16.31,32mo yumi stap tingbaot yet ol samting ya we hem i mekem long tufala ya long laen* blong Ruben,* Datan wetem brata blong hem Abiram we papa blong tufala Eliab. Yumi evriwan i luk we taem graon i open, tufala ya wetem olgeta famle blong tufala, mo ol haos tapolen blong olgeta, mo olgeta man blong wok blong tufala mo olgeta anamol blong olgeta oli foldaon evriwan i go insaed long hol ya. 7Olgeta bigbigfala samting ya we Hae God i mekem, yumi ya wetem ol olfala blong yumi, yumi nao i luk, stret long ae blong yumi.”
Ol gudgudfala samting we oli stap long kantri ya Kenan
8Nao Moses i gohed, i talem se, “Sipos yufala i obei long olgeta loa ya we mi mi stap givim long yufala tede, bambae yufala i gat paoa blong holem kantri ya we bambae i no longtaem, yufala i gokros long reva ya blong holem. 9Graon long kantri ya i gudfala tumas, mo ol kakae i save gru gud long hem. Hae God i promes* bifo finis blong givim long ol bubu blong yumi, mo long olgeta we oli kamaot biaen long olgeta, mo promes ya i kasem yumi. Mo sipos yufala i stap obei long olgeta loa ya, bambae yufala i save stap longtaem long hem. 10Kantri ya we yufala i stap go from, graon blong hem i no olsem graon ya long Ijip we yumi go stap long hem bifo. Bifo, yumi stap planem garen, mo oltaem, yumi stap hadwok tumas blong pulum wota i kam blong wasem ol garen ya. 11Be kantri ya we yufala i go from naoia, hem i gat ol hil blong hem, mo i gat ol bigfala levelples long medel blong ol hil ya, mo oltaem ren i stap wasem ples ya. 12Hae God i God blong yumi, mo hem i stap lukaot long kantri ya. Oltaem nomo, hem i stap lukaot gud long hem, i stat long stat blong yia go kasem en blong hem.
13 #
Lev 26.3-5; Dut 7.12-16; 28.1-14 “Nao from samting ya, yufala i mas obei long olgeta loa ya we mi mi stap givim long yufala naoia. Hae God i God blong yumi, mo yufala i mas lavem hem, mo yufala i mas mekem ol wok blong hem long olgeta tingting blong yufala, mo long olgeta laef blong yufala. 14Sipos yufala i mekem olsem, bambae hem i save mekem ren i kam long graon blong yufala long stret taem blong hem, long taem blong mekem garen i rere blong planem, mo long taem blong mekem kakae i gru gud. Nao bambae yufala i gat plante kakae wetem waen, mo oel blong kuk, 15mo bambae yufala i gat fulap gras blong ol anamol blong yufala oli kakae. Bambae yufala i gat olgeta kakae we yufala i wantem. 16Be yufala i no mas letem ol narafala man oli pulum yufala i gowe long Hae God, blong go mekem wosip long ol narafala god, mo blong mekem ol wok blong olgeta. 17Sipos yufala i mekem olsem, Hae God bambae i kros tumas long yufala, mo bambae hem i blokem ren, nao ol ples blong yufala bambae oli kam drae mo ol samting bambae oli no moa save gru gud. Nao nating we kantri ya i gudfala tumas, be bambae i no longtaem, yufala i ded long ples ya.
18 #
Dut 6.6-9
“Bambae yufala i no mas foget long ol tok ya, oltaem yufala i mas tingbaot olgeta. Yufala i mas fasem ol tok ya long han blong yufala, mo long fored blong yufala, blong yufala i save tingbaot olgeta oltaem. 19Mo yufala i mas tijim ol pikinini blong yufala long hem. Sipos yufala i stap long haos, no yufala i stap wokbaot, no yufala i go blong slip, no yufala i girap bakegen, be yufala i mas tokbaot ol samting ya.#11.19: Narafala rod blong tanem tok long las haf blong vas ya i olsem. Sipos yufala i stap long haos, no yufala i stap wokbaot, no yufala i spel, no yufala i stap mekem wok blong yufala, be yufala i mas tokbaot ol samting ya. 20Mo yufala i mas raetem olgeta long tufala pos blong doa blong ol haos blong yufala, mo long ol get blong yufala. 21Nao yufala wetem ol pikinini blong yufala bambae yufala evriwan i save stap longtaem long kantri ya we Hae God i promes blong givim long ol bubu ya blong yumi bifo. Nao ol pikinini blong yufala, mo olgeta we bambae oli kamaot biaen long yufala bambae oli save stap long ples ya longtaem we longtaem, olsem we skae antap bambae i stap.
22“Oltaem tingting blong yufala i mas strong blong obei long olgeta loa ya we mi mi stap givim long yufala tede. Hae God i God blong yumi mo yufala i mas lavem hem, yufala i mas folem ol fasin blong hem, mo yufala i mas mekem tingting blong yufala i stap strong long hem. 23Nao sipos yufala i stap mekem olsem, nating we ol man we oli stap long kantri ya oli plante moa winim yufala, mo oli strong moa winim yufala, be taem yufala i go blong holem kantri blong olgeta, hem bambae i ronemaot olgeta long fes blong yufala, nao bambae yufala i holem kantri ya i blong yufala. 24#Jos 1.3-5Olgeta graon ya we bambae yufala i purumbut long hem bambae i blong yufala. Mak blong hem bambae i stat long draeples long saot, i go kasem Yufretes Reva long is, nao i ron i go kasem ol hil ya long Lebanon long not, nao i ron i go kasem Mediterenian Si long wes, nao i ron i go kasem draeples ya bakegen long saot. 25Mo taem yufala i go long kantri ya, hem bambae i mekem ol man blong ples ya oli fraet long yufala olsem we hem i promes finis, nao bambae i no gat man we i naf blong blokem yufala.
26“Naoia, mi mi givim tok ya long yufala, blong yufala nomo i jusumaot se yufala i wantem blong hem i blesem yufala, no i mekem trabol i kam kasem yufala. 27Sipos yufala i obei long ol loa ya blong hem we mi mi stap givim long yufala tede, bambae hem i blesem yufala. 28Be sipos yufala i no obei long olgeta, nao yufala i go mekem wosip long ol narafala god ya we yufala i no mekem wosip long olgeta bifo, bambae hem i mekem trabol i kam kasem yufala. 29#Dut 27.11-14; Jos 8.33-35Naoia, klosap yufala i go blong holem kantri ya, mo taem we hem bambae i tekem yufala i gotru long kantri ya, mo yufala i holem i blong yufala, bambae yufala i mas go stanap long tufala hil ya Gerisim mo Ebal. Olgeta we oli stanap long hil ya Gerisim bambae oli mas talemaot ol gudgudfala samting ya we hem i save mekem i kam kasem yufala, mo olgeta we oli stanap long hil ya Ebal bambae oli mas talemaot ol trabol ya we hem i save mekem i kam kasem yufala.”
30(Tufala hil ya i stap narasaed Jodan Reva long wes, long kantri ya Kenan,* long bigfala levelples daon klosap long haf blong Jodan Reva. Tufala hil ya i stap long narasaed bigfala levelples ya long wes, klosap long ol tri blong makem tabu ples ya More, klosap long taon ya Gilgal.)
31Mo Moses i talem se, “Naoia klosap yufala i gokros long Jodan Reva ya, blong go holem kantri ya we Hae God i talem finis se i blong yufala. Long taem ya we bambae yufala i holem kantri ya, mo yufala i stap gud long hem, 32be bambae yufala i mas lukaot gud blong obei long olgeta loa ya we mi mi stap givim long yufala tede.”
Currently Selected:
Dutronome 11: OBBR
Highlight
Copy
Compare
Share
Want to have your highlights saved across all your devices? Sign up or sign in
Open Bislama Bible Revised
Bible Society of the South Pacific © 2012
