Башталганы 4
4
Каин ле Авель
1Адам бойыныҥ ӱйиле, Евала, билишкен. Ева барланып, уулын, Каинди, чыгарган. Ол:
– Кайраканныҥ болужыла мен бала таптым! – деген.
2Оныҥ кийнинеҥ Каинниҥ карындажын, Авельди, чыгарган.
Авель кой кабырган, Каин дезе јер кыралап, аш ӧскӱрген.
3Бир канча ӧйдӧҥ Каин јердеҥ јууп алган тӱжӱминеҥ Кайраканга берӱ-сый экелген. 4Авель дезе берӱ-сыйга ӱӱринде баштапкы чыккан кураандардыҥ эҥ артыгын экелген. Кайракан Авельдиҥ берӱ-сыйын јараткан, 5Каинниҥ берӱ-сыйын јаратпаган. Каин тыҥ ачынып, чырайы јамандала берген.
6– Неге ачынып, корододыҥ? – деп, Кайракан Каиннеҥ сураган. – Недеҥ улам чырайыҥ јамандала берди? 7Јакшы керек эдип турган болзоҥ, бажыҥды ӧрӧ кӧдӱр. Ондый эмес болзо, бозогодо кинчек кетежип јат. Ол сени бийлеерге јат, је сен оныҥ бажына чык.
8Каин Авель карындажына:
– Јалаҥга барак, – деген.
Јалаҥда Каин Авельге чурап барала, оны ӧлтӱрӱп койгон.
9– Авель, карындажыҥ кайда? – Кайракан Каиннеҥ сураган.
Каин каруу јандырган:
– Билбезим. Мен карындажыма каруулчык па?
10– Сен нени кылынып салдыҥ? – деп, Кайракан айткан. – Карындажыҥныҥ јерге тӧгӱлген каны Менеҥ болуш сурап јайнайт. 11Карындажыҥныҥ каны шиҥген јер сени каргап койды. 12Мынаҥ ары јерде канча да кире иштеп, оны кичеезеҥ, ол сеге бойыныҥ ийде-кӱчин база бербес; бӱгӱннеҥ ала сен сӱрдӱрӱп, тербезен болуп јӱрериҥ.
13– Бу кезедӱ сӱрекей кату, мен ого чыдажып болбозым, – деп, Каин айткан. 14– Сен мени јер ӱстинеҥ сӱрӱп јадыҥ, мен Сенеҥ јажынып каларым. Мени сӱрдӱртӱп, тербезен болуп јӱрген кижини, туштаган ла кижи ӧлтӱрӱп койор аргалу.
15Је Кайракан айткан:
– Каинди ӧлтӱрген кижинеҥ јети катап ӧч алылар.
Туштаган улустыҥ кемизи де Каинди ӧлтӱрбезин деп, Кайракан ого аҥылу темдек эдип койгон. 16Каин Кайраканнаҥ ырап, Эдемнеҥ кӱнчыгыштай Нод деп ороондо токтогон.
Каинниҥ калдыктары
17Каин ӱйиле билишкен, ӱйи барланып, Енох деп уул тапкан. Каин ол ӧйдӧ тудуп турган калазын уулыныҥ адыла Ханох деп адаган.
18Енох Ирад деп уулду болгон, Ирад – Мехиаэл, Мехиаэл – Метушаэл, Метушаэл – Ламех деп уулдарлу болгондор. 19Ламех эки кижи алган: бирӱзиниҥ ады Ада, экинчизиниҥ – Цилла. 20Ада Явал деп уул тапкан, Явалдаҥ кийис айылдарда јадып, мал-аш кабырып јӱрер улус таркаган. 21Явалдыҥ Ювал деп карындажынаҥ јадаганла ойноор, шоорлоп јӱрер улус таркаган. 22Цилла Тувал-Каин деп уул чыгарган. Ол јес ле темир сулаачы кижи болгон, оноҥ јес ле темир сулаачы устар таркаган. Тувал-Каинде Наама деп сыйны болгон.
23Ламех бойыныҥ ӱйлерине айткан:
– Мени угыгар, Ада ла Цилла! Мен нени айдарым – угыгар, ӱйлерим! Мени шыркалаарга умзанган эр де кижини, согорго сананган јиит те кижини ӧлтӱрӱп саларым. 24Каин учун јети катап ӧч алынар, Ламех учун дезе – јетен јети катап.
Шеттиҥ туулганы
25Адам ӱйиле јуртап, база бир уул балалу болгон. «Каин ӧлтӱрген Авельдиҥ ордына Кудай меге јаҥы бала берди», – дейле, ӱйи балазын Шет деп адаган. 26Шет уулду болуп, оны Энош деп адаган.
Оноҥ ло бери улус Кайраканныҥ адын адап, Ого баштанар боло берген.
Currently Selected:
Башталганы 4: АЛТ
Highlight
Share
Copy
Want to have your highlights saved across all your devices? Sign up or sign in
© Российское Библейское Общество, 2025
© Институт перевода Библии, 2025
Башталганы 4
4
Каин ле Авель
1Адам бойыныҥ ӱйиле, Евала, билишкен. Ева барланып, уулын, Каинди, чыгарган. Ол:
– Кайраканныҥ болужыла мен бала таптым! – деген.
2Оныҥ кийнинеҥ Каинниҥ карындажын, Авельди, чыгарган.
Авель кой кабырган, Каин дезе јер кыралап, аш ӧскӱрген.
3Бир канча ӧйдӧҥ Каин јердеҥ јууп алган тӱжӱминеҥ Кайраканга берӱ-сый экелген. 4Авель дезе берӱ-сыйга ӱӱринде баштапкы чыккан кураандардыҥ эҥ артыгын экелген. Кайракан Авельдиҥ берӱ-сыйын јараткан, 5Каинниҥ берӱ-сыйын јаратпаган. Каин тыҥ ачынып, чырайы јамандала берген.
6– Неге ачынып, корододыҥ? – деп, Кайракан Каиннеҥ сураган. – Недеҥ улам чырайыҥ јамандала берди? 7Јакшы керек эдип турган болзоҥ, бажыҥды ӧрӧ кӧдӱр. Ондый эмес болзо, бозогодо кинчек кетежип јат. Ол сени бийлеерге јат, је сен оныҥ бажына чык.
8Каин Авель карындажына:
– Јалаҥга барак, – деген.
Јалаҥда Каин Авельге чурап барала, оны ӧлтӱрӱп койгон.
9– Авель, карындажыҥ кайда? – Кайракан Каиннеҥ сураган.
Каин каруу јандырган:
– Билбезим. Мен карындажыма каруулчык па?
10– Сен нени кылынып салдыҥ? – деп, Кайракан айткан. – Карындажыҥныҥ јерге тӧгӱлген каны Менеҥ болуш сурап јайнайт. 11Карындажыҥныҥ каны шиҥген јер сени каргап койды. 12Мынаҥ ары јерде канча да кире иштеп, оны кичеезеҥ, ол сеге бойыныҥ ийде-кӱчин база бербес; бӱгӱннеҥ ала сен сӱрдӱрӱп, тербезен болуп јӱрериҥ.
13– Бу кезедӱ сӱрекей кату, мен ого чыдажып болбозым, – деп, Каин айткан. 14– Сен мени јер ӱстинеҥ сӱрӱп јадыҥ, мен Сенеҥ јажынып каларым. Мени сӱрдӱртӱп, тербезен болуп јӱрген кижини, туштаган ла кижи ӧлтӱрӱп койор аргалу.
15Је Кайракан айткан:
– Каинди ӧлтӱрген кижинеҥ јети катап ӧч алылар.
Туштаган улустыҥ кемизи де Каинди ӧлтӱрбезин деп, Кайракан ого аҥылу темдек эдип койгон. 16Каин Кайраканнаҥ ырап, Эдемнеҥ кӱнчыгыштай Нод деп ороондо токтогон.
Каинниҥ калдыктары
17Каин ӱйиле билишкен, ӱйи барланып, Енох деп уул тапкан. Каин ол ӧйдӧ тудуп турган калазын уулыныҥ адыла Ханох деп адаган.
18Енох Ирад деп уулду болгон, Ирад – Мехиаэл, Мехиаэл – Метушаэл, Метушаэл – Ламех деп уулдарлу болгондор. 19Ламех эки кижи алган: бирӱзиниҥ ады Ада, экинчизиниҥ – Цилла. 20Ада Явал деп уул тапкан, Явалдаҥ кийис айылдарда јадып, мал-аш кабырып јӱрер улус таркаган. 21Явалдыҥ Ювал деп карындажынаҥ јадаганла ойноор, шоорлоп јӱрер улус таркаган. 22Цилла Тувал-Каин деп уул чыгарган. Ол јес ле темир сулаачы кижи болгон, оноҥ јес ле темир сулаачы устар таркаган. Тувал-Каинде Наама деп сыйны болгон.
23Ламех бойыныҥ ӱйлерине айткан:
– Мени угыгар, Ада ла Цилла! Мен нени айдарым – угыгар, ӱйлерим! Мени шыркалаарга умзанган эр де кижини, согорго сананган јиит те кижини ӧлтӱрӱп саларым. 24Каин учун јети катап ӧч алынар, Ламех учун дезе – јетен јети катап.
Шеттиҥ туулганы
25Адам ӱйиле јуртап, база бир уул балалу болгон. «Каин ӧлтӱрген Авельдиҥ ордына Кудай меге јаҥы бала берди», – дейле, ӱйи балазын Шет деп адаган. 26Шет уулду болуп, оны Энош деп адаган.
Оноҥ ло бери улус Кайраканныҥ адын адап, Ого баштанар боло берген.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Российское Библейское Общество, 2025
© Институт перевода Библии, 2025