Башталганы 3
3
Адам ла Ева Кудайдыҥ сӧзин бусканы. Кудайдыҥ јаргызы
1Кудай Кайракан јайаган тынар-тындулардыҥ ортозынаҥ јылан эҥ сӱмелӱзи болгон. Ол ӱй кижинеҥ сураган:
– Садтагы агаштардыҥ алама-јиилегин Кудай слерге јибезин дегени чын ба?
2Ӱй кижи каруузын јандырган:
– Биске агаштардыҥ алама-јиилегин јиирге јараар, 3је јаҥыс садтыҥ ортозындагы агаштыҥ алама-јиилектерин јибегер, олорго тийбегер де, оноҥ башка ӧлӱп каларыгар деп, Кудай айткан.
4Јылан:
– Јок, слер ӧлбӧзигер, – деген. – 5Кудай билер: слер олорды јип ийзегер, кӧстӧригер ачылып, јакшыны ла јаманды билер кудайлардый боло береригер.
6Ӱй кижи кӧрзӧ, ол агаштыҥ алама-јиилектери јакшы, кӧскӧ эптӱ ле ойгор санаалу болорго кижиниҥ јиир кӱӱни келер болгон. Ол алама-јиилекти ӱзӱп, јип ийген. Ӧбӧӧнине база берген, ол до јип ийген. 7Экилезиниҥ кӧстӧри ачылып, куба-јылаҥаш болгондорын оҥдоп, инжир агаштыҥ јалбырактарын тизеле, курчанып алгандар.
8Серӱӱн эзин согордо, олор садта базып јӱрген Кудай Кайраканныҥ табыжын угала, агаштар ажыра јажына бергендер.
9– Сен кайда? – деп, Кудай Кайракан кижини кыйгырды.
10Онызы каруузын јандырды:
– Сениҥ садта базып јӱргениҥди угала, коркып, јажына бердим, нениҥ учун дезе мен куба-јылаҥаш.
11– Сени куба-јылаҥаш деп, кем айтты? – Кудай Кайракан сураган. – Мен сени јибе деген агаштыҥ алама-јиилегин јидиҥ эмеш пе?
12Кижи каруузын јандырган:
– Сен берген ӱй кижи меге бу алама-јиилекти берерде, мен јигем.
13– Сен не мынайда кылындыҥ? – Кудай Кайракан ӱй кижинеҥ сураган.
Онызы каруузын јандырган:
– Мен јыланныҥ мекезине кирип, јидим.
14Айдарда, Кудай Кайракан јыланга айткан:
– Мынайып кылынганыҥ учун ончо мал-аш ла ончо тынар-тындулардыҥ ортодо каргышка калдыҥ: бастыра јӱрӱмиҥе ичиҥле јылып, тоозын-тобрак јип азыранарыҥ. 15Сени ле ӱй кижини ӧштӱлер эдерим, сениҥ калдыгыҥ оныҥ калдыгына ӧштӱ болор. Ол сениҥ бажыҥды балбара базар, сен дезе оны чоҥчойына чагарыҥ.
16Кудай Кайракан ӱй кижиге айткан:
– Барлу тужыҥда чучурап јӱрериҥ, балдарыҥды оорып-кыйналып чыгарарыҥ. Ӧбӧӧниҥди кӱӱнзеп, ого тартылып јӱрериҥ, ол дезе сениҥ бийиҥ болор.
17Кижиге дезе Кудай Кайракан айткан:
– Мен сеге ол агаштыҥ алама-јиилегин јибе дегем, сен дезе, ӱй кижиниҥ сӧзин угуп, оны ӱзӱп јидиҥ. Сениҥ учун јер каргышка калды. Бастыра јӱрӱмиҥде јерге кӱчиҥди салып, шыралап, азыранып јӱрериҥ. 18Јер сеге тегенектӱ јыраалар ӧскӱрер, јалаҥныҥ ӧлӧҥиле азыранарыҥ, 19кара терге тӱжӱп, калашка јединериҥ. Јердеҥ бӱткен бойыҥ, јерге кайра буруларыҥ: не дезе сен – тоозын-тобрак, ойто тоозын-тобрак болуп каларыҥ.
Адам ла Еваны Эдем садтаҥ сӱргени
20Эр кижи – Адам ӱйин Ева деп адаган, нениҥ учун дезе ол јер ӱстинде ончо улустыҥ энези.
21Кудай Кайракан тындулардыҥ терелеринеҥ кийим эдип, кижиге ле оныҥ ӱйине кийдирген. 22Оноҥ Кудай Кайракан айткан:
– Кижи бистиҥ бирӱбистий болуп калды: јакшыны ла јаманды билип алды. Эмди јӱрӱм берер агаштыҥ алама-јиилегин ӱзӱп јийле, ол ӱргӱлји јӱрӱмдӱ болуп калбазын!
23Мынайып, Кудай Кайракан кижини јердеҥ бӱткен бойы јерде ле иштеп јӱрзин деп, Эдемдеги садтаҥ чыгара сӱрген. 24Кижини сӱрӱп ийеле, Эдем садтыҥ кӱнчыгыш јанына Ол херувимдери ле от-јалбышту, кажы ла јанына айланып турар кылышты тургускан. Олор јӱрӱмниҥ агажы јаар барган јолды каруулдагылаган.
Currently Selected:
Башталганы 3: АЛТ
Highlight
Share
Copy
Want to have your highlights saved across all your devices? Sign up or sign in
© Российское Библейское Общество, 2025
© Институт перевода Библии, 2025
Башталганы 3
3
Адам ла Ева Кудайдыҥ сӧзин бусканы. Кудайдыҥ јаргызы
1Кудай Кайракан јайаган тынар-тындулардыҥ ортозынаҥ јылан эҥ сӱмелӱзи болгон. Ол ӱй кижинеҥ сураган:
– Садтагы агаштардыҥ алама-јиилегин Кудай слерге јибезин дегени чын ба?
2Ӱй кижи каруузын јандырган:
– Биске агаштардыҥ алама-јиилегин јиирге јараар, 3је јаҥыс садтыҥ ортозындагы агаштыҥ алама-јиилектерин јибегер, олорго тийбегер де, оноҥ башка ӧлӱп каларыгар деп, Кудай айткан.
4Јылан:
– Јок, слер ӧлбӧзигер, – деген. – 5Кудай билер: слер олорды јип ийзегер, кӧстӧригер ачылып, јакшыны ла јаманды билер кудайлардый боло береригер.
6Ӱй кижи кӧрзӧ, ол агаштыҥ алама-јиилектери јакшы, кӧскӧ эптӱ ле ойгор санаалу болорго кижиниҥ јиир кӱӱни келер болгон. Ол алама-јиилекти ӱзӱп, јип ийген. Ӧбӧӧнине база берген, ол до јип ийген. 7Экилезиниҥ кӧстӧри ачылып, куба-јылаҥаш болгондорын оҥдоп, инжир агаштыҥ јалбырактарын тизеле, курчанып алгандар.
8Серӱӱн эзин согордо, олор садта базып јӱрген Кудай Кайраканныҥ табыжын угала, агаштар ажыра јажына бергендер.
9– Сен кайда? – деп, Кудай Кайракан кижини кыйгырды.
10Онызы каруузын јандырды:
– Сениҥ садта базып јӱргениҥди угала, коркып, јажына бердим, нениҥ учун дезе мен куба-јылаҥаш.
11– Сени куба-јылаҥаш деп, кем айтты? – Кудай Кайракан сураган. – Мен сени јибе деген агаштыҥ алама-јиилегин јидиҥ эмеш пе?
12Кижи каруузын јандырган:
– Сен берген ӱй кижи меге бу алама-јиилекти берерде, мен јигем.
13– Сен не мынайда кылындыҥ? – Кудай Кайракан ӱй кижинеҥ сураган.
Онызы каруузын јандырган:
– Мен јыланныҥ мекезине кирип, јидим.
14Айдарда, Кудай Кайракан јыланга айткан:
– Мынайып кылынганыҥ учун ончо мал-аш ла ончо тынар-тындулардыҥ ортодо каргышка калдыҥ: бастыра јӱрӱмиҥе ичиҥле јылып, тоозын-тобрак јип азыранарыҥ. 15Сени ле ӱй кижини ӧштӱлер эдерим, сениҥ калдыгыҥ оныҥ калдыгына ӧштӱ болор. Ол сениҥ бажыҥды балбара базар, сен дезе оны чоҥчойына чагарыҥ.
16Кудай Кайракан ӱй кижиге айткан:
– Барлу тужыҥда чучурап јӱрериҥ, балдарыҥды оорып-кыйналып чыгарарыҥ. Ӧбӧӧниҥди кӱӱнзеп, ого тартылып јӱрериҥ, ол дезе сениҥ бийиҥ болор.
17Кижиге дезе Кудай Кайракан айткан:
– Мен сеге ол агаштыҥ алама-јиилегин јибе дегем, сен дезе, ӱй кижиниҥ сӧзин угуп, оны ӱзӱп јидиҥ. Сениҥ учун јер каргышка калды. Бастыра јӱрӱмиҥде јерге кӱчиҥди салып, шыралап, азыранып јӱрериҥ. 18Јер сеге тегенектӱ јыраалар ӧскӱрер, јалаҥныҥ ӧлӧҥиле азыранарыҥ, 19кара терге тӱжӱп, калашка јединериҥ. Јердеҥ бӱткен бойыҥ, јерге кайра буруларыҥ: не дезе сен – тоозын-тобрак, ойто тоозын-тобрак болуп каларыҥ.
Адам ла Еваны Эдем садтаҥ сӱргени
20Эр кижи – Адам ӱйин Ева деп адаган, нениҥ учун дезе ол јер ӱстинде ончо улустыҥ энези.
21Кудай Кайракан тындулардыҥ терелеринеҥ кийим эдип, кижиге ле оныҥ ӱйине кийдирген. 22Оноҥ Кудай Кайракан айткан:
– Кижи бистиҥ бирӱбистий болуп калды: јакшыны ла јаманды билип алды. Эмди јӱрӱм берер агаштыҥ алама-јиилегин ӱзӱп јийле, ол ӱргӱлји јӱрӱмдӱ болуп калбазын!
23Мынайып, Кудай Кайракан кижини јердеҥ бӱткен бойы јерде ле иштеп јӱрзин деп, Эдемдеги садтаҥ чыгара сӱрген. 24Кижини сӱрӱп ийеле, Эдем садтыҥ кӱнчыгыш јанына Ол херувимдери ле от-јалбышту, кажы ла јанына айланып турар кылышты тургускан. Олор јӱрӱмниҥ агажы јаар барган јолды каруулдагылаган.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Российское Библейское Общество, 2025
© Институт перевода Библии, 2025