Башталганы 13
13
Аврам ла Лот эки башка барганы
1Аврам ӱйин, бары-јогын алганча Египеттеҥ чыгып, Негев јаар ойто јӱре берген. Оныла кожо анайда ок Лот барган. 2Аврамда сӱрекей кӧп мал-аш ла алтын-мӧҥӱн болгон. 3Ол Негев деп чӧлдӧҥ чыгып, ойто Бет-Элге ууланган. Аврам Бет-Эл ле Айдыҥ ортозындагы, алдындагы јаткан јерине келген. 4Аврам анда тагыл тургузуп, Кайраканныҥ адын адап, бажырган болгон.
5Аврамла кожо кӧчӱп јӱрген Лотто база оок ло јоон мал-аш ла кийис айылдар болгон. 6Олордыҥ мал-ажы ума јок кӧптӧп, јер тапчы боло бергенинеҥ улам, кожо јадып болбой баргандар. 7Аврам ла Лоттыҥ кӱдӱчилериниҥ ортозында блааш-тартышту чугаан башталган. (Ол ӧйдӧ бу јерде база ханаанейлер ле периззейлер јуртагандар).
8Аврам Лотко айткан:
– Бойыс ортодо, кӱдӱчилерис ортодо ӧӧн-бӧкӧн чыкпазын, кандый да болзо бис тӧрӧӧн улус ине. 9Бастыра јер сениҥ алдыҥда. Менеҥ бӧлӱнӱп, бар. Сен сол јаны јаар барзаҥ, мен оҥ јаны јаар барарым. Сен оҥ јаны јаар барзаҥ, мен сол јаны јаар барарым.
10Лот ајыктап кӧрзӧ, Иорданнаҥ ала Цоарга јетире ӧзӧк Кайраканныҥ садындый, Египет јериндий јакшынак сугаттарлу эмтир. Бу Кайракан Содом ло Гоморраны јоголтколок тужы болгон. 11Лот Иордан ӧзӧкти талдап, кӱнчыгыш јаар ууланган. Анайып, олор бӧлӱнӱп, эки јара баргылаган: 12Аврам Ханаан јеринде, Лот дезе ӧзӧкти јакалай калалардыҥ јуугында токтогон. Ол Содомго коштой јерлерле кӧчӱп јӱрген. 13Содомныҥ улузыныҥ кылыгы јаман, Кайраканга удура кӧп кинчек эдип турган болгон.
Аврам Мамрениҥ эрмен агаштарыныҥ јанына токтоп јуртаганы
14Лот Аврамнаҥ бӧлӱнӱп барарда, Кайракан Аврамга айткан:
– Эбире ајыкта! Тӱндӱк ле тӱштӱк, кӱнчыгыш ла кӱнбадыш јаар кӧр. 15Сениҥ кӧрӱп турган бу ончо јерди Мен сеге ле сениҥ калдыктарыҥа јажын-чакка берерим. 16Сениҥ калдыктарыҥды јердиҥ кумагы ошкош кӧп эдерим: јердиҥ кумагын тоолоп болбос, сениҥ калдыктарыҥ база ондый болор. 17Бар, Мен сеге берип јаткан јерлерди сындай, јакалай базып, кӧр.
18Аврам Хеврон каланаҥ ыраак јок, эрмен агаштар ӧскӧн Мамрениҥ јерине кӧчӱп келген. Анда ол Кайраканга тагыл тургускан.
Currently Selected:
Башталганы 13: АЛТ
Highlight
Share
Copy
Want to have your highlights saved across all your devices? Sign up or sign in
© Российское Библейское Общество, 2025
© Институт перевода Библии, 2025
Videos for Башталганы 13
Ep 37. Genesis 13: How Do Famine and Wealth Both Test Faith?
The Bible Show
Ep 41. Genesis 17: What Does the Covenant of Circumcision Really Mean?
The Bible Show
Ep 42. Genesis 18 Part 1: Abraham Fails Again, and Sarah Laughs at God
The Bible Show
Ep. 45 Genesis 19 Part 2: Can God Redeem Even the Worst Family History?
The Bible Show