Башталганы 10
10
Нойдыҥ калдыктары
1Бу Нойдыҥ Сим, Хам ла Яфет деп уулдарыныҥ калдыктары керегинде куучын. Чайыктыҥ кийнинде Сим, Хам ла Яфет балдарлу болгон.
2Яфеттиҥ уулдары: Гомер, Магог, Мидия, Яван, Тувал, Мешех ле Тирас. 3Гомердиҥ уулдары: Ашкеназ, Рифат ла Тогарма. 4Яванныҥ уулдары: Элиша, Таршиш, анайда ок киттейлер ле роданейлер. 5Олордоҥ талайды јакалай јаткан калыктар таркаган. Олордыҥ јуртаган јерлери, ук-тӧстӧри ле ук-уйалары мындый болгон. Кажызыныҥ ла тили башка болгон.
6Хамныҥ уулдары: Куш, Мицраим, Пут ла Ханаан. 7Куштыҥ уулдары: Сева, Хавила, Савта, Раама ла Савтеха. Рааманыҥ уулдары: Шева ла Дедан.
8Куштыҥ база бир уулы Нимрод. Нимрод ак-јарыкта ады-чуузы чыккан баштапкы јуучыл, 9Кайраканныҥ кӧзинде улу аҥчы болгон. Оныҥ да учун: «Кайраканныҥ алдында Нимрод ошкош улу аҥчы кижи ол», – деп, кеп сӧс јӱрет. 10Оныҥ каандыгы озо баштап Шинар ороондогы Вавилон, Урук, Аккад ла Калне болгон. 11Бу ороонноҥ ол Ассирия дӧӧн јӱре берген. Анда Ниневияны, Реховот-Ирди, Калахты, 12анайда ок Ниневия ла Калахтыҥ ортозында Ресен деп тӧс каланы туткан.
13Мицраимнеҥ лидийлер, анамейлер, лехавейлер, нафтухейлер, 14патрусейлер, каслухейлер, кафторейлер, (олордоҥ филистимдер) бӱткен.
15Ханааннаҥ бӱткендери: оныҥ тун уулы Сидон, Хетт, 16иевусейлер, аморейлер, гиргашейлер, 17хиввейлер, аркейлер, синейлер, 18арвадейлер, цемарейлер ле хаматейлер. Соҥында Ханааннаҥ бӱткен ук-уйалар јер сайын тарап-таркаган. 19Олор Сидонноҥ ала Герар јаар Газага јетире, Содом, Гоморра, Адма ла Цевоим јаар Лашага јетире јерлерди ээлеген.
20Хамныҥ калдыктары, олордыҥ тилдери, јерлери, ук-тӧстӧри ле ук-уйалары андый болгон.
21Сим де балдарлу болгон. Ол – Эвердиҥ ончо уулдарыныҥ ада-ӧбӧкӧзи, Яфеттиҥ јаан аказы. 22Симниҥ уулдары: Элам, Ашшур, Арпахшад, Луд, Арам. 23Арамныҥ уулдары: Уц, Хул, Гетер ле Маш. 24Арпахшад Шелах деп уулду болгон, Шелах Эвер деп уулду болгон.
25Эвер эки уулду болгон: бирӱзин Пелег деп адаган, нениҥ учун дезе оныҥ ӧйинде јер ӱлелген болгон, экинчизиниҥ ады – Йоктан. 26Йоктанда мындый уулдар болгон: Алмодад, Шелеф, Хацармавет, Ярах, 27Хадорам, Узал, Дикла, 28Овал, Авимаэл, Шева, 29Офир, Хавила ла Иовав. Былар ончозы Йоктанныҥ уулдары. 30Олордыҥ јерлери Мешанаҥ ала кӱнчыгыш јаар Сефардыҥ кырларына јетире болгон.
31Симниҥ калдыктары, олордыҥ тилдери, јерлери, ук-тӧстӧри ле ук-уйалары андый болгон.
32Нойдыҥ уулдарыныҥ калдыктары андый болгон, олордоҥ андый албатылар бӱткен. Чайыктыҥ кийнинде јер ӱстинде албатылар олордоҥ таркаган.
Currently Selected:
Башталганы 10: АЛТ
Highlight
Share
Copy
Want to have your highlights saved across all your devices? Sign up or sign in
© Российское Библейское Общество, 2025
© Институт перевода Библии, 2025
