Marko 5
5
Jesu uno budisa ɓu mwali ɓuɓi ɓo Gerasane
1Ƃaka vuɓukila museli mwegungwa kunyika yama Gerasane. 2Wakati abuda muɓwato, akashangamijwa nonhu evila kumakumbu, eli nompepo umbi. 3Yoyo walugala kumakumbu, kwaka‐kusina unhu waluɓa namasimba oku‐nsunga namaketani. 4Wakasungwa kanji‐inji nemichili na maketani, asi wakaɓ’ewadumula maketani, ne michili wakayidumula; kwaka‐’kusina unhu walukwanisa ku‐nyolopesa. 5Mishaji yose, ɓusiku na masikati, wakaɓ’elikumakumbu nomu matunhu, elila ezucheka namaɓwe. 6Asi wakati eɓona Jesu elikule, wakalaɓuka akanamata kwaali. 7Wakalila newhi gulwana, akati, Ndinani, ku‐uli, Jesu, Mwananhulumyana waMwali upezhulu pazo zose? Ndinoku kowha naMwali usindishetese. 8Wakati kwaali, Buda kun’oyu nhu iwi mpepo mbi. 9Wak’ombuza, akati, Ndiwi aani zina lilyo? Wakati kwaali, Ndimi Legeoni izina lyangu, nokuti tiɓaɓili. 10Wak’ombweta kasa kuti esiɓabise kunyika y’eyo. 11Kwaka‐kulipo yopo mudunhu, idanga gulwana lyenguluɓe, jichela. 12Mipepo yose miɓi yak’ombweta ikati, Tivumile tingwine kunguluɓe. 13Jesu aka yivumila mipepo miɓi ikabuda, ikandongwina munguluɓe, idanga lyose lyenguluɓe lika laɓukila mu gungwa munomila jikafila mu gungwa jose jaluɓa makumiamakum maɓili. 14Ƃalyisi ɓajo ɓakatizha, ɓakandoleɓa kusha nomunyika. Ƃakabuda ɓenda kundoɓona zwatiwa. 15Ƃakezha kuna Jesu, ɓak’ombona wak’aɓeli nompepo umbi, wakaɓ’eline legeoni, eligele, akamba la, enoluziɓo; ɓakatya. 16Iɓo ɓakaɓona ɓaka ɓaɓuja zwatiwa kwaali, wakaɓ’eli nompepo mbi, nozwe nguluɓe. 17Ƃakatanga ku’mbweta kuti ebude munyika yaɓo. 18Wakati angwina muɓwato, yoyo wakaɓa ali nompepo mbi ako‐nkumbila kuti eɓe naye. 19Koga haaja komvumila; asi wakati kwaali, Inda unde kusha, kuna ɓokushakwenu, uɓaɓuje yezwi zose She zwa akutila iwi, waku while she. 20Wakenda akatangisa kupupula tu Dekapoli yeezo zose zwakatiwa naJesu kwaali; ɓaka chenama ɓose.
Jesu uno musa mwana nsichana wa Jailosi, kakale, uno chija nhukaji walu buda lopa
21Jesu wakaɓuya aka vuɓukila museli noɓwato, ɓanhu ɓanji ɓakaɓunga na kwaali; wakaɓ’eli kugungwa. 22Kwakaswika umwe waɓashe ɓengumba ye sinagogo, izina lilye eli Jailosi, wakati ombona, akawa kumakumbo awe. 23Wakombweta kasa eti, Unsichana wangu walebofa; izha uɓige maɓoko awo pezhulu pape, echijwe; un’ochila. 24Wakenda naye; akatoɓelwa naɓanhu ɓanji; ɓakomanikija.
25Umwe nhukaji wakati, wakaɓ’eli noɓulwaji ɓokubizha ilopa pamakole igumilinamaɓili, 26waka‐aɓoneswa kuyaɓula kunji nenganga, akaɓalipa zose zwaaluɓa nazo, asi kusina lubancho pakale, asi ɓulwaji ɓuk’ombatisa kasa. 27Wakati awha nezwa Jesu, wakezha kuɓanhu mushule, akabata inguɓo yiye. 28Akati, Kana ndabata inguɓojije joga, ndin’ochila. 29Kubizha kukwe ilopa kwaka pela pakalepo, akawha nombili kuti wachila kun’oɓu ɓulwaji. 30Jesu wakati awha kuti masimba abuda kwaali, wakashandukila kuɓanhu, akati, Ndiyani waɓa akabata inguɓo jangu na? 31Ƃalayijwa ɓaɓe ɓakati kwaali, Uɓaɓweni ɓanhu kuti ɓanoku manikija, unoti, Ndiyani wandibata na? 32Waka linga‐linga kuti eɓone wata yeezo. 33Unhukaji akatya, eluluma, eziɓa zwatika kwaali, wakezha akawa pambeli pape, ak’ombuja maleɓeswa ose. 34Wakati kwaali, Mwanangu, kudimbwa kuko kwaku chija; inda zubodo, wachila kuɓulwaji ɓuɓo.
35Echino leɓeleka, kwakaswika ɓoɓushe ɓwengumba yesinagogo, ɓakati, Unsichana uwo wafa, uchinoshoɓelani uNdayiji na? 36Jesu akaliwha yeeli whi lileɓwa, wakati kunashe wengumba yesinagogo, Usitye, idimbwa chete. 37Haajaka vumila kuti etoɓelwe nonhu, Petro na Jakoɓe na Johane ununa wa Jakoɓe chete. 38Wakaswika kungumba yashe wengumba yesinagogo, wakaɓona kuzhoweja, naiɓo ɓak’aɓelila, ɓelila kasa. 39Wakangwina, akati kuɓali, Motazhoɓa, mulila na? Unsichana haajafa, ulele. 40Ƃak’onseka, asi wakaɓabudisa ɓose, akatola tate ɓomwana na mai ɓaɓe, naiɓo ɓaluɓa naye, akangwina naɓo yo‐omo mwak’amulilele mwana. 41Wakabata mwana noluɓoko, akati kwaali, Talita kumi; ndiko kuti kanazushandulwa, Nsichana, ndinoti kwauli, muka. 42Wakamilika unsichana, aka kwenda; wakaɓa eli namakole aligumi na maɓili okuzwalwa. Ƃakashamiswa kasa. 43Wakaɓa ɓujisisa kuti zusiziɓwe nonhu; akati, umpeni zokulya elye.
Currently Selected:
Marko 5: NMQMRK
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society 1961.
Marko 5
5
Jesu uno budisa ɓu mwali ɓuɓi ɓo Gerasane
1Ƃaka vuɓukila museli mwegungwa kunyika yama Gerasane. 2Wakati abuda muɓwato, akashangamijwa nonhu evila kumakumbu, eli nompepo umbi. 3Yoyo walugala kumakumbu, kwaka‐kusina unhu waluɓa namasimba oku‐nsunga namaketani. 4Wakasungwa kanji‐inji nemichili na maketani, asi wakaɓ’ewadumula maketani, ne michili wakayidumula; kwaka‐’kusina unhu walukwanisa ku‐nyolopesa. 5Mishaji yose, ɓusiku na masikati, wakaɓ’elikumakumbu nomu matunhu, elila ezucheka namaɓwe. 6Asi wakati eɓona Jesu elikule, wakalaɓuka akanamata kwaali. 7Wakalila newhi gulwana, akati, Ndinani, ku‐uli, Jesu, Mwananhulumyana waMwali upezhulu pazo zose? Ndinoku kowha naMwali usindishetese. 8Wakati kwaali, Buda kun’oyu nhu iwi mpepo mbi. 9Wak’ombuza, akati, Ndiwi aani zina lilyo? Wakati kwaali, Ndimi Legeoni izina lyangu, nokuti tiɓaɓili. 10Wak’ombweta kasa kuti esiɓabise kunyika y’eyo. 11Kwaka‐kulipo yopo mudunhu, idanga gulwana lyenguluɓe, jichela. 12Mipepo yose miɓi yak’ombweta ikati, Tivumile tingwine kunguluɓe. 13Jesu aka yivumila mipepo miɓi ikabuda, ikandongwina munguluɓe, idanga lyose lyenguluɓe lika laɓukila mu gungwa munomila jikafila mu gungwa jose jaluɓa makumiamakum maɓili. 14Ƃalyisi ɓajo ɓakatizha, ɓakandoleɓa kusha nomunyika. Ƃakabuda ɓenda kundoɓona zwatiwa. 15Ƃakezha kuna Jesu, ɓak’ombona wak’aɓeli nompepo umbi, wakaɓ’eline legeoni, eligele, akamba la, enoluziɓo; ɓakatya. 16Iɓo ɓakaɓona ɓaka ɓaɓuja zwatiwa kwaali, wakaɓ’eli nompepo mbi, nozwe nguluɓe. 17Ƃakatanga ku’mbweta kuti ebude munyika yaɓo. 18Wakati angwina muɓwato, yoyo wakaɓa ali nompepo mbi ako‐nkumbila kuti eɓe naye. 19Koga haaja komvumila; asi wakati kwaali, Inda unde kusha, kuna ɓokushakwenu, uɓaɓuje yezwi zose She zwa akutila iwi, waku while she. 20Wakenda akatangisa kupupula tu Dekapoli yeezo zose zwakatiwa naJesu kwaali; ɓaka chenama ɓose.
Jesu uno musa mwana nsichana wa Jailosi, kakale, uno chija nhukaji walu buda lopa
21Jesu wakaɓuya aka vuɓukila museli noɓwato, ɓanhu ɓanji ɓakaɓunga na kwaali; wakaɓ’eli kugungwa. 22Kwakaswika umwe waɓashe ɓengumba ye sinagogo, izina lilye eli Jailosi, wakati ombona, akawa kumakumbo awe. 23Wakombweta kasa eti, Unsichana wangu walebofa; izha uɓige maɓoko awo pezhulu pape, echijwe; un’ochila. 24Wakenda naye; akatoɓelwa naɓanhu ɓanji; ɓakomanikija.
25Umwe nhukaji wakati, wakaɓ’eli noɓulwaji ɓokubizha ilopa pamakole igumilinamaɓili, 26waka‐aɓoneswa kuyaɓula kunji nenganga, akaɓalipa zose zwaaluɓa nazo, asi kusina lubancho pakale, asi ɓulwaji ɓuk’ombatisa kasa. 27Wakati awha nezwa Jesu, wakezha kuɓanhu mushule, akabata inguɓo yiye. 28Akati, Kana ndabata inguɓojije joga, ndin’ochila. 29Kubizha kukwe ilopa kwaka pela pakalepo, akawha nombili kuti wachila kun’oɓu ɓulwaji. 30Jesu wakati awha kuti masimba abuda kwaali, wakashandukila kuɓanhu, akati, Ndiyani waɓa akabata inguɓo jangu na? 31Ƃalayijwa ɓaɓe ɓakati kwaali, Uɓaɓweni ɓanhu kuti ɓanoku manikija, unoti, Ndiyani wandibata na? 32Waka linga‐linga kuti eɓone wata yeezo. 33Unhukaji akatya, eluluma, eziɓa zwatika kwaali, wakezha akawa pambeli pape, ak’ombuja maleɓeswa ose. 34Wakati kwaali, Mwanangu, kudimbwa kuko kwaku chija; inda zubodo, wachila kuɓulwaji ɓuɓo.
35Echino leɓeleka, kwakaswika ɓoɓushe ɓwengumba yesinagogo, ɓakati, Unsichana uwo wafa, uchinoshoɓelani uNdayiji na? 36Jesu akaliwha yeeli whi lileɓwa, wakati kunashe wengumba yesinagogo, Usitye, idimbwa chete. 37Haajaka vumila kuti etoɓelwe nonhu, Petro na Jakoɓe na Johane ununa wa Jakoɓe chete. 38Wakaswika kungumba yashe wengumba yesinagogo, wakaɓona kuzhoweja, naiɓo ɓak’aɓelila, ɓelila kasa. 39Wakangwina, akati kuɓali, Motazhoɓa, mulila na? Unsichana haajafa, ulele. 40Ƃak’onseka, asi wakaɓabudisa ɓose, akatola tate ɓomwana na mai ɓaɓe, naiɓo ɓaluɓa naye, akangwina naɓo yo‐omo mwak’amulilele mwana. 41Wakabata mwana noluɓoko, akati kwaali, Talita kumi; ndiko kuti kanazushandulwa, Nsichana, ndinoti kwauli, muka. 42Wakamilika unsichana, aka kwenda; wakaɓa eli namakole aligumi na maɓili okuzwalwa. Ƃakashamiswa kasa. 43Wakaɓa ɓujisisa kuti zusiziɓwe nonhu; akati, umpeni zokulya elye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society 1961.