Marko 3

Jesu uno chija nhu waka honyana luɓoko

1Wakangwina aka‐le musinagogo; feno kwaluɓa kunanhu waluɓa noluɓoko lwakapetana. 2Ƃakondingisisa kuɓona kana ango‐nchija nonsi wesaɓata; kuti ɓompe ndandu. 3Feno akati kunhu waluɓana luɓoko lwakapetana: Milika pakati paɓo! 4Akati kuɓali: Zwakavumijwa kani nesaɓata kuta zwakanaka kana zuɓi, kuchija unhu kana kuɓulaya? Ƃakanyalala. 5Feno wakati alinga‐linga eɓalingisisa noku nyetela, neshungu nokunda kokukoma kwemyoyo yaɓo, akati kunhu: Tambunuja luɓoko lulo. Akalutambunuja, luɓoko lulwe lukachijwa lukaɓa solumwe. 6Feno ɓaFarisi ɓakati ɓabuda, ɓakano langana pakalepo naɓaHerodi nondandu uwe kuti ɓango‐mbulaya chini.

Jesu uno chija ɓamwe ɓanji

7Feno Jesu wakenda naɓalayijwa ɓaɓe kugungwa; ɓanhu ɓanji kasa ɓako‐ntobela ɓeva kuGalile, noku Judia, 8ne Jerusalema, neDumia, nomuseli kwe Jordani, nokunyika yeTire neSidoni, ɓanhu ɓanji kasa ɓakati ɓawha zwaanota, ɓakaɓuya kwaali. 9Akaɓuja ɓalayijwa ɓaɓe kuti ɓwato ɓugalile kune limwe bambo lyaɓanhu, ɓesiumanikije. 10Nokuti wakachija ɓanji; neezo ɓose ɓalu ɓana ɓulwaji ɓako‐mmanikija, kuti ɓo‐mbate ɓose ɓana ɓulwaji. 11Umpepo weshambwa wakati wo‐mbona, wakawa pambeli pape, ukalila ukati, Imwi muli Mwana waMwali. 12Wakaɓaɓuja kasa kuti ɓeshu’nshambaje pachena.

Jesu uno shala ɓa Postoli ɓali gumi na ɓaɓili

13Feno akatanha mudunhu, akaɓashoɓela kwaali sokuda kukwe, ɓakezha kwaali. 14Wakamisa ɓeguminaɓaɓili, kuti ɓeɓe naye, eɓatume ɓende kunopupula. 15Ƃaluɓana masimba okuchija ɓulwaji nokubisa ɓumhande. 16Simoni unowhi Petro; 17Jakoɓe mwana wa Zebedi, naJohane ununa wa Jakoɓe, waka ɓapa mazina anowhi, ɓa Boanergese ndiko kuti, ɓanhulumyana ɓo kutinhila; 18na Andrea, naFilipu, naBartolomeo, naTomasi, naJakoɓe mwana wa Alfeo, naTadeo, naSimoni unKanani, 19naJudasi Iskarioti wako‐mpandukila ɓo.

Jesu waka shandula akati ku tuka Mweya Wakashambijika undandu

Ƃakangwina mumba. 20Ƃanhu ɓakaɓuya ɓakaɓungana, akujakaɓa nonshaji wokuti ɓelye zokulya. 21Ƃokusha kukwe ɓakati ɓazuwha, ɓakabuda ko‐umbata, nokuti ɓakati, unopenga. 22Naɓakwali ɓaka‐ɓabuluka ɓeva kuJerusalema, ɓakati: Una Belzebule, unobisa mipepo miɓi. 23Feno aka ɓashoɓela kwaali, akati kuɓali nemikwejaniso: Satani angabudisa Satanikwayina chini na? 24Kana ingumba izupalalanya yoga, yeyo ngumba hayingame. 25Kana ingumba izwipambulanya, yeyo ngumba haingakone kuma. 26Kana Satani ezumukila, akazwipalalanya, haanga kone kuma, asi unopela. 27Akuna unhu ungangwina mumba mounesimba, akatola zuɓiya zuzwe, asanhu aka sunga unesimba; feno angapalaja ngumba yiye. 28Ndoleɓesa nditi kumuli, ɓana ɓanhulumyana ɓaɓanhu, ɓano‐kanganililwa kuzwiɓi zose, nokutuka kuɓanotuka nako. 29Koga aaninani unotuka Mpepo Wakashambijika, haato‐kanganili lwa nokusinopela. 30Nokuti ɓanoti, Umpepo umbi.

Bukamu na Jesu

31Kwakaswika amai ɓaɓe naɓanuna ɓaɓe, ɓakama pazhe, ɓakatumila kwaali unhu umwe ku‐nshoɓa. 32Ƃanhu ɓakaɓeligele kwaali, ɓakati kwaali, Haɓa amai ɓaɓo naɓanuna ɓaɓo pazhe, ɓano kushaka. 33Wakaɓashandula akati, Ndiyani amai naɓanuna ɓangu na? 34Feno akalinga‐linga ɓanhu ɓaka‐ɓaligele, ɓako‐nkomba, akati: Liingani amai ɓangu naɓanuna ɓangu! 35Nokuti aaninani unota kuda kwa Mwali, ndiye ununa wangu, no ukazwaji, namai.

Currently Selected:

Marko 3: NMQMRK

Highlight

Copy