Tit 2
2
Unjarecht de jesunde Lia
1Oba du, räd, waut to de jesunde Lia jeziemt: 2Tim 1:13 2Daut de elre Mana nichta sent, ieeboa, besonnen, jesunt em Gloowen, en de Leew, en de Jedult; 1Tim 5:1 3de elre Frues jrod soo, daut see sikj vehoolen, soo aus de Heilje daut jeziemt, nich Lastarinen, nich sklowinen aun väl Wien, Lierarinen von daut Goode; 1Tim 3:11 4daut see de junge Frues lieren nichta sennen, äare Mana to leewen, äare Kjinja to leewen, 5besonnen, rein, Hushoola, goot, äare ieejne Mana unjadon, om daut Gott sien Wuat nich jelastat woat. Efs 5:22 6Jrod soo de jinjre Mana ermon, besonnen to sennen; 7wäarent du die en aules selfst aus Väabilt von goode Woakjen hanstalst; en de Lia onvefaulscht, ieeboa, iernst, 2Tim 2:15; 1Pe 2:15; 5:3; 1Tim 4:12 8met een jesundet Wuat, nich to beschuldjen, soo daut hee, de Jäajna, sikj mott schämen un nuscht Schlajchtet von die to sajen haft.
9De Kjnajchts ermon, äare ieejne Haren unjadon to sennen, en aules wooljefellich, nich wadaspräakjen; Efs 6:5-6; 1Tim 6:1-2; 1Pe 2:18 10nuscht trigjhoolen, oba aule goode Truheit bewiesen, om daut see de Lia von Gott, ons Rada, en aules utstraumen.
Gott siene Jnod
11Wiels de Heil-brinjende Jnod von Gott es aule Menschen erschienen Tit 3:2 12un belieet ons, daut wie de Gottloosichkjeit un de weltliche Losten velieejen un besonnen, jerajcht un gottseelich läwen en dise Welt, 13luaren opp de seelje Hopninj un Erschienunk von de Harlichkjeit von däm grooten Gott un onsem Rada Jesus Christus, 1Kor 1:7; Flp 3:20; 1Tess 1:10 14dee sikj selfst fa ons jeef, daut Hee ons looskjeepen#2:14 Ooda: erleesen. mucht von aule Ojjerajchtichkjeit un reinjen fa sikj selfst een besondret Volkj, iewrich fa goode Woakjen. 2Mo 19:5; Gal 1:4; Efs 2:10; 1Tim 2:6
15Dit räd un ermon un äwazeij met aule Vollmacht. Lot kjeenem die ve-achten. 1Tim 4:12
Titus
Currently Selected:
Tit 2: DKB
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 von de Kjennichs-Bibel Jesalschoft