Joh 5

Jesus heelt eenen Kranken bie Betesda

1No dit wia doa een Juden Fast; un Jesus jinkj nopp no Jerusalem. Joh 2:13 2Doa es oba en Jerusalem bie de Schops-Puat een Wota, daut en hebräisch Betesda jenant woat, daut haft fief Veraundasch. Neh 3:1 3Doa bennen lach eene groote Häad Kranke, Blinje, Lome un Vedrieejde#5:3 Vedrieejde: Dee met vedrieejde Jlieda., dee doa luaden, no een Bewäajen von daut Wota. 4Wiels een Enjel kjeem to jewesse Tieden en daut Wotaloch un bewäajd daut Wota; wäaemma dan daut ieeschte, no daut Bewäajen, en daut Wota stieech, wort jesunt, von wautemma hee fa eene Krankheit haud. 5Un doa wia een jewessa Mensch, dee aul acht-un-dartich Joa krank jewast wia. 6Aus Jesus dän doa ligjen sach un wist, daut hee aul lange Tiet soo jewast wia, sajcht Hee to am: West du jesunt woaren? 7De Kranka auntwuad Am: Har, ekj hab kjeen Mensch, dee mie en daut Wota brinjt, wan daut Wota bewäajcht worden es; un wäarent ekj kom, sticht een aundra ver mie nenn. 8Jesus sajcht to am: Sto opp, nemm dien Bad un go! 9Un fuaz wort de Maun jesunt un neem sien Bad un jinkj. Un deeselwja Dach wia de Sabat#5:9 Sabat: De Säwenda dach en de Wäakj, (Sinowent) en däm kjeene Oabeit sull jedonen woaren.. 10Dan säden de Juden to däm Jeheelden: Dit es Sabat; daut es die nich erlaupt, dien Bad to droagen. 2Mo 20:10; Jer 17:21-22 11Hee auntwuad äant: Dee mie jesunt muak, säd to mie: Nemm dien Bad un go! 12Dan fruagen see am: Wäa es de Mensch, dee to die säd: Nemm dien Bad un go? 13Un de Jeheelda wist nich, wäa daut wia, wiels Jesus haud sikj wajchjebrocht, wiels aun däm Plauz wia väl Volkj.

14Nohäa finjt Jesus am em Tempel un säd to am: Kjikj, du best jesunt jeworden, doo nich mea sindjen, daut die nich noch waut Oajret passieet. Joh 8:11 15De Mensch jinkj han un vetald de Juden, daut et Jesus wia, dee am jesunt jemoakt haud. 16Un doawäajen vefoljden de Juden Jesus un sochten, Am doot to moaken, wiels Hee soont aum Sabat jedonen haud. Mat 12:14 17Jesus oba auntwuad äant: Mien Voda oabeit bat nu, un Ekj oabeid uk. Joh 9:4

Jesus es jlikj met Gott

18Doawäajen sochten de Juden noch mea, Am doot to moaken, wiels Hee nich mau dän Sabat bruak, oba säd uk, Gott wia sien Voda un muak sikj selfst Gott jlikj. Joh 7:30; 10:33

Däm Sän siene Vollmacht

19Dan auntwuad Jesus un säd to äant: Woarhauftich, woarhauftich, Ekj saj junt: De Sän kaun nuscht von sikj selfst doonen, aus mau daut, waut Hee sitt dän Voda doonen, wiels waut Hee deit, daut deit krakjt soo uk de Sän. Joh 3:11,32 20Wiels de Voda leeft dän Sän un wiest Am aules, waut Hee selfst deit; un Hee woat Am noch jratre Woakjen wiesen aus dise, om daut jie junt vewundren. Joh 3:35 21Wiels soo aus de Voda de Doodje opperwakjt un äant läwendich moakt, soo moakt uk de Sän läwendich, wäm Hee well. 22Wiels de Voda recht kjeenen; oba aul daut Jerecht haft Hee däm Sän äwajäft, Dan 7:13-14; Apj 10:42 23daut see aula dän Sän ieren, soo aus see dän Voda ieren. Wäa dän Sän nich ieet, ieet dän Voda nich, dee Am jeschekjt haft. 24Woarhauftich, woarhauftich, Ekj saj junt: Wäa mien Wuat hieet un jleeft däm, dee Mie jeschekjt haft, dee haft eewjet Läwen un kjemt nich en daut Jerecht, oba es vom Doot toom Läwen derchjegonen. Joh 3:16,18

25Woarhauftich, woarhauftich, Ekj saj junt: Doa kjemt de Stund, un es nu aul, daut de Doodje woaren Gott sien Sän siene Stemm hieren, un dee dee hieren, woaren läwen. Efs 2:5-6 26Wiels soo aus de Voda daut Läwen en sikj selfst haft, jrod soo haft Hee däm Sän daut jejäft, Läwen en sikj selfst to haben. Joh 1:1-4 27Un Hee haft Am uk Vollmacht jejäft, Jerecht to hoolen, wiels Hee de Menschensän es. Dan 7:13-14 28Wundat junt nich doaräwa; wiels doa kjemt de Stund, en woone aule, dee en de Jräwa sent, siene Stemm hieren woaren, 29un woaren rutkomen, dee doa Goodet jedonen haben, fa de Opparstonunk toom Läwen; dee oba Beeset jedonen haben, fa de Opparstonunk toom Jerecht. Dan 12:2; Mat 25:46; 2Kor 5:10

De veafache Zeijen fa Jesus

30Ekj kaun nuscht von Mie selfst doonen. Soo aus Ekj hia, soo recht Ekj, un mien Jerecht es rajcht; wiels Ekj sieekj nich mienen Wellen, oba däm Voda sien Wellen, dee Mie jeschekjt haft. Joh 6:38 31Wan Ekj von Mie selfst zeij, es mien Zeichnis nich woa. 32Een aundra es daut, dee von Mie zeicht; un Ekj weet, daut daut Zeichnis woa es, daut Hee von Mie zeicht. 33Jie schekjten no Johanes, un hee haft fa de Woarheit Zeichnis jejäft. Joh 1:19-34 34Ekj oba näm nich Zeichnis von Mensch; oba Ekj saj dit, om daut jie jerat woaren. Joh 1:19-34 35Hee wia eene brennende un schienende Laump. Jie oba wullen mau een Stootje en sien Licht froo sennen. 36Ekj oba hab een jratret Zeichnis, aus daut von Johanes; wiels de Woakjen, dee de Voda Mie jejäft haft, daut Ekj dee verecht, jrod dise Woakjen, dee Ekj doo, zeijen von Mie, daut de Voda Mie jeschekjt haft. Joh 3:2; 10:25,38 37Un de Voda, dee Mie jeschekjt haft, haft selfst von Mie jezeicht. Jie haben nienich entwäda siene Stemm jehieet noch siene Jestault jeseenen. Mat 3:17 38Un sien Wuat hab jie nich en junt wonen, wiels jie jleewen däm nich, dän Hee jeschekjt haft. 39Jie sieekjen en de Schreften#5:39 Ooda: Sieekjt en de Schreften.; wiels jie meenen, doabennen daut eewje Läwen to haben; un see sent daut, dee von Mie zeijen. Luk 24:27,44; 2Tim 3:15-17 40Un jie wellen nich no Mie komen, om daut jie Läwen haben.

41Ekj näm nich Iea von Menschen. 42Oba Ekj kjan junt, daut jie Gott siene Leew nich en junt haben. 43Ekj sie en mien Voda sien Nomen jekomen, un jie nämen Mie nich aun. Wan een aundra en sienem ieejnen Nomen kjemt, dän woa jie aunnämen. Mat 24:5 44Woo kjenn jie jleewen, dee jie eena vom aundren Iea nämen un sieekjen nich no de Iea, dee von Gott auleen kjemt? Joh 12:42-43; 1Tess 2:6

45Denkjt nich, daut Ekj junt ver däm Voda vekloagen woa; doa es eena, dee junt vekloacht, Moses, opp dän jie hopen. 5Mo 31:24-27 46Wiels wan jie Moses jleewden, dan wudd jie Mie uk jleewen, wiels hee haft von Mie jeschräwen. 1Mo 3:15; 49:10; 5Mo 18:15 47Oba wan jie siene Schreften nich jleewen, woo woa jie miene Wieed jleewen? Luk 16:31

Johanes

Currently Selected:

Joh 5: DKB

Highlight

Copy