MARK 16
16
Ringcudai Kecu
(Mat. 28:1-8; Luk. 24:1-12; Jhn. 20:1-10)
1Sabbath cang kedi cai, Magdalene Mary, Jakob pui Mary, nah Salome mie Jisu paau keniak kerane perim kehengui lui lu. 2Rampaube tingba benai tingco nuge, naimik kepet dau, penui herau ga mie. 3Lampuiki gade penui hang gege dage rang gai, “Herau kimui gade cau bene anui ziemne ntsuqang de kela gi beuzie no?” (Cide ntsu dih süt ge.) 4Pecai penui piecu gaige ntsu de mlah caili kedi ngau lu. 5Cine penui herau ga lüt, cika penui rehangme ge zetle ntum eh ngau lu, paiha bah eh, ge penui ngngi di. 6Pa rang gai, “Ngngi di helo. Nnui Nazareth Jisu, gwakkedibe, de peei kela I ci bam. Pa aika bam meda pa cu ringcu dida! Pielo, heni aika ge penui pecu kaizeu. 7#Mat. 26:32; Mrk. 14:28.Cu mie delü sam aide pa ne ledeukelume da pau lo, Peter de si eh: ‘Pa au Galilee ga nnui dwa rai gwang dida; cika de nnui pecu ngau luzie, pa nnui dage rang kebeu nzwa.’”
8Cine penui mpet lü herau be gade pak tetti, helung keherei nah keheu di eh. Penui mige dage de magede rang ma, penui ngngi la kedine.
SAMLIAKWAK TÜN KEHEGUABE#16:9. Laisiu kesa nah kehedet Keheguabe ga Samlia keyi tün aide bam ma (pedum 9-20).
Jisu Magdalene Mary ze peu Ngau kegai
(Mat. 28:9-10; Jhn. 20:11-18)
9Rampaube tingba benai nuge Jisu ketsai gade cuh kelu cai, pa Magdalene Mary, peda de herakesiabe sena gwa kedibe pui de, pecu peu ngau raitu gai. 10Pa mie pe zangme de pau beu. Penui helung sia bam nah hap bam; 11nah penui Jisu au ring bam nah pa pecu ngau delie kecu siu luge penui pecu nlum tadi.
Jisu Ledeukelume Kereikena de peu Kengau
(Luk. 24:13-35)
12Aipau cai, penui hang na dage penai kilwa le kegwang lampui ga kela dau Jisu pe rehi ketsam ge gade pecu peu ngau gai. 13Penai caili gwang delü kedame dage ranglia, dede penui cide nlum lu tadi.
Jisu Kereiket ze peu Ngau kegai
(Mat. 28:16-20; Luk. 2:36-49; Jhn. 20:19-23; Bat. 1:6-8)
14Kamtube, Jisu ledeukelu kereiket matyei kebam dau pecu peu ngau gai. Pa penui de kesei gai, kedanemene penui nlum kemakne nah penui pecu ring la eh kengaume de nlum hung zu kedine. 15#Bat. 1:8.Pa penui dage rang gai, “Kideu pelane ga mie culo nah mina pelane dage Samlia keyi ledeu lo. 16Keheibe de nlum lü duipum tei kelu bede keli luzie; nlum lu kemak bede mmau dizie. 17Kenlumme de miswa kega bata tei lu kebui kenkieng peu zie: penui a zi gade herakesia de gwa luzie; penui heled ketsam teu marang luzie; 18penui henei keucu mede heiriing gede sak liede, penui ze rezam dilak; penui keteeime reu gage penui ba hwa gai de, penui yi luzie.”
Jisu ze Tinggim ga Keucu kedi
(Luk. 24:50-53; Bat. 1:9-11)
19 #
Bat. 1:9-11. Rampaube Jisu penui de mpau kegai cai, pecu tinggim ga keucu eh Tinggwang zetle bam di. 20Ledeukelume mie kehei gade ledeu ladi, nah Rampaube penui de ngngwa heta tei nah miswa kega bata dung tei kelu dung ne penui keledeu dung de kesang delie kecu rang nci lia gai.
PENLIH KEDA GE#16:20. Laisiu kesa nah kehedet kehegua dung ga penlih ketie de si eh penlih keduih dede bam (pedum 9-20).
[9Mipui dung Peter nah pe zangme da mie eh penui de rang kebeu pelane rang mdui eh pau beu. 10Aipau cai, Jisu pekatei kemci nah kelungta kelikelu ring bam mui kela sam de pa ne ledeukelume de tingbang lede tingtünle kecang lang gai.]
Currently Selected:
MARK 16: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
MARK 16
16
Ringcudai Kecu
(Mat. 28:1-8; Luk. 24:1-12; Jhn. 20:1-10)
1Sabbath cang kedi cai, Magdalene Mary, Jakob pui Mary, nah Salome mie Jisu paau keniak kerane perim kehengui lui lu. 2Rampaube tingba benai tingco nuge, naimik kepet dau, penui herau ga mie. 3Lampuiki gade penui hang gege dage rang gai, “Herau kimui gade cau bene anui ziemne ntsuqang de kela gi beuzie no?” (Cide ntsu dih süt ge.) 4Pecai penui piecu gaige ntsu de mlah caili kedi ngau lu. 5Cine penui herau ga lüt, cika penui rehangme ge zetle ntum eh ngau lu, paiha bah eh, ge penui ngngi di. 6Pa rang gai, “Ngngi di helo. Nnui Nazareth Jisu, gwakkedibe, de peei kela I ci bam. Pa aika bam meda pa cu ringcu dida! Pielo, heni aika ge penui pecu kaizeu. 7#Mat. 26:32; Mrk. 14:28.Cu mie delü sam aide pa ne ledeukelume da pau lo, Peter de si eh: ‘Pa au Galilee ga nnui dwa rai gwang dida; cika de nnui pecu ngau luzie, pa nnui dage rang kebeu nzwa.’”
8Cine penui mpet lü herau be gade pak tetti, helung keherei nah keheu di eh. Penui mige dage de magede rang ma, penui ngngi la kedine.
SAMLIAKWAK TÜN KEHEGUABE#16:9. Laisiu kesa nah kehedet Keheguabe ga Samlia keyi tün aide bam ma (pedum 9-20).
Jisu Magdalene Mary ze peu Ngau kegai
(Mat. 28:9-10; Jhn. 20:11-18)
9Rampaube tingba benai nuge Jisu ketsai gade cuh kelu cai, pa Magdalene Mary, peda de herakesiabe sena gwa kedibe pui de, pecu peu ngau raitu gai. 10Pa mie pe zangme de pau beu. Penui helung sia bam nah hap bam; 11nah penui Jisu au ring bam nah pa pecu ngau delie kecu siu luge penui pecu nlum tadi.
Jisu Ledeukelume Kereikena de peu Kengau
(Luk. 24:13-35)
12Aipau cai, penui hang na dage penai kilwa le kegwang lampui ga kela dau Jisu pe rehi ketsam ge gade pecu peu ngau gai. 13Penai caili gwang delü kedame dage ranglia, dede penui cide nlum lu tadi.
Jisu Kereiket ze peu Ngau kegai
(Mat. 28:16-20; Luk. 2:36-49; Jhn. 20:19-23; Bat. 1:6-8)
14Kamtube, Jisu ledeukelu kereiket matyei kebam dau pecu peu ngau gai. Pa penui de kesei gai, kedanemene penui nlum kemakne nah penui pecu ring la eh kengaume de nlum hung zu kedine. 15#Bat. 1:8.Pa penui dage rang gai, “Kideu pelane ga mie culo nah mina pelane dage Samlia keyi ledeu lo. 16Keheibe de nlum lü duipum tei kelu bede keli luzie; nlum lu kemak bede mmau dizie. 17Kenlumme de miswa kega bata tei lu kebui kenkieng peu zie: penui a zi gade herakesia de gwa luzie; penui heled ketsam teu marang luzie; 18penui henei keucu mede heiriing gede sak liede, penui ze rezam dilak; penui keteeime reu gage penui ba hwa gai de, penui yi luzie.”
Jisu ze Tinggim ga Keucu kedi
(Luk. 24:50-53; Bat. 1:9-11)
19 #
Bat. 1:9-11. Rampaube Jisu penui de mpau kegai cai, pecu tinggim ga keucu eh Tinggwang zetle bam di. 20Ledeukelume mie kehei gade ledeu ladi, nah Rampaube penui de ngngwa heta tei nah miswa kega bata dung tei kelu dung ne penui keledeu dung de kesang delie kecu rang nci lia gai.
PENLIH KEDA GE#16:20. Laisiu kesa nah kehedet kehegua dung ga penlih ketie de si eh penlih keduih dede bam (pedum 9-20).
[9Mipui dung Peter nah pe zangme da mie eh penui de rang kebeu pelane rang mdui eh pau beu. 10Aipau cai, Jisu pekatei kemci nah kelungta kelikelu ring bam mui kela sam de pa ne ledeukelume de tingbang lede tingtünle kecang lang gai.]
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.