MARK 15
15
Jisu ze Pilate dwa Ngngwa Kegwang
(Mat. 27:1-2,11-14; Luk. 23:1-5; Jhn. 18:28-38)
1Tingco nuge cingku kedihme kelwa süt eh hangkiame, Hezai keledeume, nah Baudi pelane de redau lu, delü penui mariam dung tei lu. Penui Jisu ze kaang di delü ngngwa tetti, nah pecu Pilate ba gage kai beudi. 2Pilate pecu keteu, “Nang Judahme gwangpei deni?” Jisu keli gai, “Nang kerang deda.” 3Cingku kedihme Jisu ze ma kekiee le rang mmau, 4cine Pilate pecu keteu dai, “Nang sam keli lau meni? Penui kemmau sam dung pelane kingnei lulo!” 5Jisu sam gede rang tadi, nah Pilate pe swaga di.
Jisu ze Teitset di kera Sam kaikebeu
(Mat. 27:15-26; Luk. 23:13-25; Jhn. 18:39—19:16)
6Kahkegwang Ngyi ramsang Pilate au mina dung kie kegai hebaangme hang gede lungmpet beu kela pezai bam. 7Cidau ting kehebwak gade mide teitset kedi mede si eh mige pezi Barabbas hebaangki ga bam. 8Mina maabe nkwa lü Pilate dade pa tei beu kela suiyi de kie kecu dau, 9pa penui de keteu, “Nnui ziemne acu peu Judahme gwangpei de lungmpet beu neu lani?” 10Pa au cingku kedihme Jisu ze penui riak kedine pe ba gage tuih gai kebeu ci hemi süt bam. 11Ciulie de Cingku kedihme, hemaabe de kelung gai eh peu penui ziemne Barabbas ze lungmpet beu lo Pilate dade kie kera tei gai. 12Pilate hemaabe dade marang dai, “Ciciu de, nnui Judahme gwangpei lie qu kelabe de acu peu daitei di neu lano?” 13Penui sa caili gai, “Pecu gwak di!” 14Pilate keteu di, “Dede pa daipai tei mau dino?” Penui sa nteei reu di, “Pecu gwak di!” 15Pilate hemaabe suiyi tei lu neu di, cine pa penui ziemne Barabbas ze lungmpet beudi. Pecai pa peu Jisu ze dap delü pecu gwak di lo balie gaibeu di.
Roigwame Jisu ze Ketelia
(Mat. 27:27-31; Jhn. 19:2,3)
16Roigwame Jisu ze Deuceudih gwangki kigu ga ngngwa nlüt lu delü penui maame kedame dede qu hekwa lu. 17Penui Jisu reu gage cuatie gieremang ge kai lu, hetuu hua dung pwa hegwang peurwa ge tei lu. 18Pecai penui pecu kellum cuh di: “Judahme gwangpei de peu ringtie lo!” 19Penui tsingtieh ge pwa pe reu gage dap, pe reu gage ncai msui gai, penui kokdung lu, delü pe dwa ga keumie. 20Penui pecu telia cang dige, penui pai gieremang cuatie ra di delü pe paini dung pwa pecu teu dai lu. Pecai pecu gwak di kerane nzang tetti.
Jisu ze Kegwak
(Mat. 27:32-44; Luk. 23:26-43; Jhn. 19:17-27)
21 #
Rom. 16:13. Lampui gade penui mige pezi Simon ze redau lu, pa kilwa gade namdibe ga gwang la, nah roigwame pe kemeih tei eh pecu peu Jisu Cross pwa. (Simon au cyrene gade gwang nah pa au Alexander penai Rufus pei.) 22Penui Jisu ze heni ge Golgotha lie qu kela ga ngngwa gwang lu, aide pekieh “Hepoira ni.” 23Cika de penui pecu zau gage daru ge myrrh kailü peu kera teicu, dede Jisu cide sak ma. 24#Lei. 22:18.Pecai penui pecu gwak di, delü pe paini dung penui kak gade mzi lu, cau be daipai de ngau luzie bi kecu dacak eh. 25Penui pecu kegwak ting cide tingco bam hekui dau. 26Pecu kemmau sam mdu kegai ainzwa: “Judahme Gwangpei.” 27#Isa. 53:12.Penui Jisu ze ngngwa sütketyeime hang na dede gwak di, hang ge pe zetle nah kedabe pe hile.#15:27. Keda laisiu pedum 28 de bam la: Ainzwa eh kesanglaisiu rang kela de tei gwang cang lu, “Pa kemaume de het kegai ga ncüt” (Luk. 22:37 de pei lu)
29 #
Lei. 22:7; 109:25. Mina kah kegwangme penui peungum nah Jisu ze kekii sam rang gai: “Aha! Nang Kerecaki tei nkau di eh cide lang cumne gage tei dai lu kera! 30Cu cross gade nghungh lü nkatei ncu keli lu!” 31Cinzwa eh cingku kedihme nah Hezai keledeume Jisu ze kekii sam sa gai, hang gege dage rang eh, “Pa kedame de keli ludi, dede pekatei pecu keli gailak! 32Anui Messiah ze pie go, Israel gwangpei, cu cross gade nghungh lulo, ciciu de anui pecu nlum luzie!” Nah Jisu ze ngngwa kegwak be kena de pecu kii di.
Jisu Tsit
(Mat. 27:45-56; Luk. 23:44-49; Jhn. 19:28-30)
33Tingna deudi pelane ga kemui le gumpung di, nah cide bamdapkak kecum bam di. 34#Lei. 22:1.Bam cum dau Jisu sabaq eh sa gai, “Eloi, Eloi, Lema Sabachthani?” Cide pekieh “A Tinggwang, a Tinggwang, nang daitei acu püt ti no?” 35Cika midung ge pe koa siu lu delü rang di, “Kingnei gailo, pa Elijah ze qu bam dida!” 36#Lei. 69:21.Penui mige pupteutsi ge pwa lü pak gwang, cide zau de gage mpung lu, delü cide tsingtieh tün gage kai lu. Delü pa cide Jisu muileu ga pwacuh rang gai, “Kwalu! Elijah gwang eh pecu Cross gade pwa nghungh beu laumi pie go!” 37Sabaq gai eh Jisu tsaidi. 38#Tet. 26:31-33.Kerecaki ga kehezu pai kezu pwa kebam de hak kena tei di, pe poi gade pesing kecang. 39Roigwame reu kedibe cika Cross dwa ga kesap bede Jisu dainzwa tsaidi bi ngau gai.#15:39. Tsaidi; laisiu kesa ga bam sabaq gai eh tsai di. Pa rang gai, “Mina aide Tinggwang Nabe kesang da!” 40#Luk. 8:2,3.Mipui dungge cika bam, kemdei gade pie eh. Penui kak ga Magdalene Mary, Mary Jakob henabe penai Joseph pui, nah Salome. 41Penui Jisu Galilee ga kela dau de pecai sui eh pecu ngha beu. Mipui keda kekiee ge Jerusalem gade pecu ngngwa kegwangme de cika bam.
Jisu ze Kekung
(Mat. 27:57-61; Luk. 23:50-56; Jhn. 19:38-42)
42-43Arimathea mepei Joseph gwang kelu dau tinghegi di. Pa au Baudi ga hetwa kepungme, Tinggwang Hegwangram kegwang kwa kebamme ge. Cipau nai ketelei tingba (Cide au, Sabbath dwa benai), Cine Joseph kuu süt eh Pilate dwa ga lüt delü peda de Jisu paau de kie. 44Pilate Jisu tsaidi delie kecu ci eh pe swaga di. Pa roigwame reu kedibe de qu lü Jisu tsai kedi ting tie di demi kecu keteu. 45Kedibe sam de siu kelu caine, Pilate au Joseph ze hepaau be pwalu builie kecu rang beu, 46Joseph langhcim pai ge lui lu, hepaau de pwa nghungh lu, cide pai gage hezui lu, delü cide herau ge tsuralwa gade su kelu gage kai di. Pecai pa ntsuqang kedih ge herau kimui gage kela gaidi. 47Magdalene Mary penai Joseph pui Mary cide kwa bam nah daiga ge Jisu paau kaizeu bi kecu ngau.
Currently Selected:
MARK 15: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
MARK 15
15
Jisu ze Pilate dwa Ngngwa Kegwang
(Mat. 27:1-2,11-14; Luk. 23:1-5; Jhn. 18:28-38)
1Tingco nuge cingku kedihme kelwa süt eh hangkiame, Hezai keledeume, nah Baudi pelane de redau lu, delü penui mariam dung tei lu. Penui Jisu ze kaang di delü ngngwa tetti, nah pecu Pilate ba gage kai beudi. 2Pilate pecu keteu, “Nang Judahme gwangpei deni?” Jisu keli gai, “Nang kerang deda.” 3Cingku kedihme Jisu ze ma kekiee le rang mmau, 4cine Pilate pecu keteu dai, “Nang sam keli lau meni? Penui kemmau sam dung pelane kingnei lulo!” 5Jisu sam gede rang tadi, nah Pilate pe swaga di.
Jisu ze Teitset di kera Sam kaikebeu
(Mat. 27:15-26; Luk. 23:13-25; Jhn. 18:39—19:16)
6Kahkegwang Ngyi ramsang Pilate au mina dung kie kegai hebaangme hang gede lungmpet beu kela pezai bam. 7Cidau ting kehebwak gade mide teitset kedi mede si eh mige pezi Barabbas hebaangki ga bam. 8Mina maabe nkwa lü Pilate dade pa tei beu kela suiyi de kie kecu dau, 9pa penui de keteu, “Nnui ziemne acu peu Judahme gwangpei de lungmpet beu neu lani?” 10Pa au cingku kedihme Jisu ze penui riak kedine pe ba gage tuih gai kebeu ci hemi süt bam. 11Ciulie de Cingku kedihme, hemaabe de kelung gai eh peu penui ziemne Barabbas ze lungmpet beu lo Pilate dade kie kera tei gai. 12Pilate hemaabe dade marang dai, “Ciciu de, nnui Judahme gwangpei lie qu kelabe de acu peu daitei di neu lano?” 13Penui sa caili gai, “Pecu gwak di!” 14Pilate keteu di, “Dede pa daipai tei mau dino?” Penui sa nteei reu di, “Pecu gwak di!” 15Pilate hemaabe suiyi tei lu neu di, cine pa penui ziemne Barabbas ze lungmpet beudi. Pecai pa peu Jisu ze dap delü pecu gwak di lo balie gaibeu di.
Roigwame Jisu ze Ketelia
(Mat. 27:27-31; Jhn. 19:2,3)
16Roigwame Jisu ze Deuceudih gwangki kigu ga ngngwa nlüt lu delü penui maame kedame dede qu hekwa lu. 17Penui Jisu reu gage cuatie gieremang ge kai lu, hetuu hua dung pwa hegwang peurwa ge tei lu. 18Pecai penui pecu kellum cuh di: “Judahme gwangpei de peu ringtie lo!” 19Penui tsingtieh ge pwa pe reu gage dap, pe reu gage ncai msui gai, penui kokdung lu, delü pe dwa ga keumie. 20Penui pecu telia cang dige, penui pai gieremang cuatie ra di delü pe paini dung pwa pecu teu dai lu. Pecai pecu gwak di kerane nzang tetti.
Jisu ze Kegwak
(Mat. 27:32-44; Luk. 23:26-43; Jhn. 19:17-27)
21 #
Rom. 16:13. Lampui gade penui mige pezi Simon ze redau lu, pa kilwa gade namdibe ga gwang la, nah roigwame pe kemeih tei eh pecu peu Jisu Cross pwa. (Simon au cyrene gade gwang nah pa au Alexander penai Rufus pei.) 22Penui Jisu ze heni ge Golgotha lie qu kela ga ngngwa gwang lu, aide pekieh “Hepoira ni.” 23Cika de penui pecu zau gage daru ge myrrh kailü peu kera teicu, dede Jisu cide sak ma. 24#Lei. 22:18.Pecai penui pecu gwak di, delü pe paini dung penui kak gade mzi lu, cau be daipai de ngau luzie bi kecu dacak eh. 25Penui pecu kegwak ting cide tingco bam hekui dau. 26Pecu kemmau sam mdu kegai ainzwa: “Judahme Gwangpei.” 27#Isa. 53:12.Penui Jisu ze ngngwa sütketyeime hang na dede gwak di, hang ge pe zetle nah kedabe pe hile.#15:27. Keda laisiu pedum 28 de bam la: Ainzwa eh kesanglaisiu rang kela de tei gwang cang lu, “Pa kemaume de het kegai ga ncüt” (Luk. 22:37 de pei lu)
29 #
Lei. 22:7; 109:25. Mina kah kegwangme penui peungum nah Jisu ze kekii sam rang gai: “Aha! Nang Kerecaki tei nkau di eh cide lang cumne gage tei dai lu kera! 30Cu cross gade nghungh lü nkatei ncu keli lu!” 31Cinzwa eh cingku kedihme nah Hezai keledeume Jisu ze kekii sam sa gai, hang gege dage rang eh, “Pa kedame de keli ludi, dede pekatei pecu keli gailak! 32Anui Messiah ze pie go, Israel gwangpei, cu cross gade nghungh lulo, ciciu de anui pecu nlum luzie!” Nah Jisu ze ngngwa kegwak be kena de pecu kii di.
Jisu Tsit
(Mat. 27:45-56; Luk. 23:44-49; Jhn. 19:28-30)
33Tingna deudi pelane ga kemui le gumpung di, nah cide bamdapkak kecum bam di. 34#Lei. 22:1.Bam cum dau Jisu sabaq eh sa gai, “Eloi, Eloi, Lema Sabachthani?” Cide pekieh “A Tinggwang, a Tinggwang, nang daitei acu püt ti no?” 35Cika midung ge pe koa siu lu delü rang di, “Kingnei gailo, pa Elijah ze qu bam dida!” 36#Lei. 69:21.Penui mige pupteutsi ge pwa lü pak gwang, cide zau de gage mpung lu, delü cide tsingtieh tün gage kai lu. Delü pa cide Jisu muileu ga pwacuh rang gai, “Kwalu! Elijah gwang eh pecu Cross gade pwa nghungh beu laumi pie go!” 37Sabaq gai eh Jisu tsaidi. 38#Tet. 26:31-33.Kerecaki ga kehezu pai kezu pwa kebam de hak kena tei di, pe poi gade pesing kecang. 39Roigwame reu kedibe cika Cross dwa ga kesap bede Jisu dainzwa tsaidi bi ngau gai.#15:39. Tsaidi; laisiu kesa ga bam sabaq gai eh tsai di. Pa rang gai, “Mina aide Tinggwang Nabe kesang da!” 40#Luk. 8:2,3.Mipui dungge cika bam, kemdei gade pie eh. Penui kak ga Magdalene Mary, Mary Jakob henabe penai Joseph pui, nah Salome. 41Penui Jisu Galilee ga kela dau de pecai sui eh pecu ngha beu. Mipui keda kekiee ge Jerusalem gade pecu ngngwa kegwangme de cika bam.
Jisu ze Kekung
(Mat. 27:57-61; Luk. 23:50-56; Jhn. 19:38-42)
42-43Arimathea mepei Joseph gwang kelu dau tinghegi di. Pa au Baudi ga hetwa kepungme, Tinggwang Hegwangram kegwang kwa kebamme ge. Cipau nai ketelei tingba (Cide au, Sabbath dwa benai), Cine Joseph kuu süt eh Pilate dwa ga lüt delü peda de Jisu paau de kie. 44Pilate Jisu tsaidi delie kecu ci eh pe swaga di. Pa roigwame reu kedibe de qu lü Jisu tsai kedi ting tie di demi kecu keteu. 45Kedibe sam de siu kelu caine, Pilate au Joseph ze hepaau be pwalu builie kecu rang beu, 46Joseph langhcim pai ge lui lu, hepaau de pwa nghungh lu, cide pai gage hezui lu, delü cide herau ge tsuralwa gade su kelu gage kai di. Pecai pa ntsuqang kedih ge herau kimui gage kela gaidi. 47Magdalene Mary penai Joseph pui Mary cide kwa bam nah daiga ge Jisu paau kaizeu bi kecu ngau.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.