LUKE 5
5
Jisu Caisuime Raitume de Qu kelu
(Mat. 4:18-22; Mrk. 1:16-20)
1 #
Mat. 13:1,2; Mrk. 3:9,10; 4:1. Ciciu eh mina dung Tinggwang sam nking zie lie pecu niah kecu dau pa Gennesaret jaai kuung ga sap lu. 2Nah pa rejaai kuung ga liem kena ngau; dede heka ketuihme cika de mpet lü penui lang hui bam. 3Pa liem ket paube ga lüt lu, nah cide Simon liem, ge pa pecu cide manage dui ga tau lüt gailo beu. Nah pa bam lu delü liem gade mina ze ledeu.
4Nah pa marang mtak dige Simon dade, “Kecuk gage liem tau gai delü nnui lang saam gailo saam lu kerane” debeu.
5 #
Jhn. 21:3. Ge Simon cu, “Kedihbo, anui tingmui tuihcang da, dede magede tuih luma! Dede n sam ziemne a lang saam gai dai zie” dedi. 6#Jhn. 21:6.Nah penui sam gaige heka kekiee saam lu; nah penui lang hak di kezeu ne penui zangme liem keda ga kela dung de gwang ngha lo qu gai. 7Penui gwang eh liem kenana tei puih lu, cine penui dui ga nlim miedi laidi. 8Dede Simon Peter cide ngau luge Jisu pi ga keumie lu eh, “O! Rampaubo, ada de nreu dilu, kedanemene I kemaume ge lu” dedi.
9Kedanemene penui heka tui süt kelu ne Simon de nah pecu ngngwa kela leune de penui sui gah di; nah Simon zangbe kena Zebedee nah kena Jakob penai Johan de penai sui gah di. 10Cidau Jisu Simon dade, “Ngngi so, cu gade nang mina ze tui di zieda” debeu.
11Nah penui penui liem kideu ga teu mpet luge, penui ma pelane gidi eh pecai sui di.
Jisu Kempa gede Tei Nci kebeu
(Mat. 8:1-4; Mrk. 1:40-45)
12Pecai pa renam gega bam ge mpa süt kecume ge peda gwang; nah pa Jisu ze ngau luge pe ju nkum punglu eh peda de pe nggia kie eh, “Rampaubo, nang n lungning lie cai nang acu tei nci beuzie,”#5:12. acu tei nci beu lo: Mateei aide mige dade de tei nci lula melie la. dedi.
13Nah pa pe ba hwalü pecu deu gai eh cu, “A lungning da nci lu,” debeu. 14#Lev. 14:1-32.Ciciu ge zette kempa peda gah di. Nah pa mida gede rang helo pecu kaam di; dede “Gwang eh cingku pei de lia lo delü peu penui ze ci lu kerane ncu tei nci kelu ratak Mosa ne rang kebeu nzwa tei di lo,” debeu.
15Dede pe ha rang mdi nteeiki di; nah mina kekiee pe sam nking zie lie nah penui mateei tei myi lu zie lie nkwa lu. 16Dede pa nreu renaam ga gwang eh kie bam di.
Jisu kennoi gede Teimmi kebeu
(Mat. 9:1-8; Mrk. 2:1-12)
17Pecai tingnai ge pa mide ledeu bam cika Phariseeme nah hezai kecime de pe tai ga bam penui Galilee nam nah Judah nam dung nah Jerusalem nam dung gade gwang; Jisu mide tei myi lu kera Rampaube kenkieng peda la. 18Nah ainie, midung ge kennoime gede zeu gage pwa gwang zeuge penui pecu pwa lüt Jisu dwa gage kai beu kera telei cu; 19dede mina maabe ziemne pecu pwa lüt kera lampui pei luta dige, penui kireu rahang ketietki ge gade pecu nah pe jeu si eh mina dung kak ga Jisu dwa gage kai. 20Nah pa penui kenlum ngau eh cu, “Minabo, n mau dung gi beudi delie,” debeu.
21Ge Phariseeme nah laisiu kecime penui kak gade nkim keteu eh, “Mide rang kehera sam kerang aipau de cau no? Tinggwang gwale cau kemau gi lu lano?” dedi.
22Jisu penui lung gade keteu kebam dung de ci lü penui sam keli eh cu, “Daitei eh nnui nnui lung gade ainzwa cet lano. 23Dai de be rang relui no, ‘N mau dung gi beu dida’ de kecube mi, ‘Cuh lü tet lu’ de kecube no? 24Dede nnui de peu mina Nabe kideu reu ga kemau dung gi lu kebui pe kenkieng kebam ci lu kera ziemne delie,” debeu, nah pa kennoibe dage rang eh, “I nda ge rang la, cu lu, n jeu pwalu delü kilung gwang cu,” debeu.
25Ciciu ge pa zette penui dwa ga cu lu delü pe zeu pwa lü Tinggwang ze twa eh pe kilung gwang di. 26Nah mina pelane penui sui gah di, nah penui Tinggwang de twa di, nah kengngi le penui de puihpung eh cu, “Anui henai mretkei ketei dungge ngau da,” dedi.
Jisu Levi ze Qu kelu
(Mat. 9:9-13; Mrk. 2:13-17)
27Aipau cai pa hegole tet mpet ge heraha kehame ge pezi Levi heraha keha ki ga bam eh ngau lu, ge pa peda de cu, “A caisui lu” dedi. 28Nah pa makeheibe de püt di eh cuh lü pecai sui di.
29Nah Levi taktyei kedi ge pe ki gage pe ziemne telei lu; nah cika heraha kehame maadi ge nah kedame dung de si eh penui de ngngwa ketaktyei. 30#Luk. 15:1,2.Dede Phariseeme nah penui Hezai kecime pe caisuime dade ncam eh, “Daitei eh nnui heraha kehame nah kemaume de ngngwa matyei lano?” dedi.
31Ge Jisu penui sam keli eh, “Pepum yi kebamme doctor de teu kera tau ga, dede keteeime ziemne. 32I keyi tei kelame de meliene kemaume de helung nreu lulo qu kerane gwang lie,” debeu.
Kemmwang ha Keheteu
(Mat. 9:14-17; Mrk. 2:18-22)
33Pecai penui peda de cu “Johan caisuime mmwang nah kekie teila, nah Phariseeme caisuime de ciciu la, dede n caisuime au matyei nah masak la kela lie” dedi. 34Ge Jisu penui dade cu, “Nnui peu hemeu kehenuime de lakciube penui de ngngwa kebam dau mmwang bam di lubui ni? 35Dede peting ge gwang zie: lakciube ze penui dade ngngwa tet dizie, nah cipau tingdau penui mmwang zie,” debeu.
36Pa samgwa gede penui dage ranglia eh, “Migede pai keheci ge gade hiet lü cide pai kehegua gage kopkai lama; ciciu cai pai keheci cide hak dizie, nah kehecibe gade hiet kelu dede keheguabe de zeu lak. 37Nah migede zau keheci pwa zaula kehegua gage kai lama; ciciu cai zau keheci ne teihgeu lah de pungpang di eh cide tera dizie, nah teihgeu lah de sia dizie. 38Ciciu meliene zauchi pwa teihgeu lah keheci gage rui gaila. 39Nah migede zau keheguabe sak lü kehecibe sakneu lama, kedanemene pa ‘Keheguabe yiki’ de rang lalu,” debeu.
Currently Selected:
LUKE 5: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
LUKE 5
5
Jisu Caisuime Raitume de Qu kelu
(Mat. 4:18-22; Mrk. 1:16-20)
1 #
Mat. 13:1,2; Mrk. 3:9,10; 4:1. Ciciu eh mina dung Tinggwang sam nking zie lie pecu niah kecu dau pa Gennesaret jaai kuung ga sap lu. 2Nah pa rejaai kuung ga liem kena ngau; dede heka ketuihme cika de mpet lü penui lang hui bam. 3Pa liem ket paube ga lüt lu, nah cide Simon liem, ge pa pecu cide manage dui ga tau lüt gailo beu. Nah pa bam lu delü liem gade mina ze ledeu.
4Nah pa marang mtak dige Simon dade, “Kecuk gage liem tau gai delü nnui lang saam gailo saam lu kerane” debeu.
5 #
Jhn. 21:3. Ge Simon cu, “Kedihbo, anui tingmui tuihcang da, dede magede tuih luma! Dede n sam ziemne a lang saam gai dai zie” dedi. 6#Jhn. 21:6.Nah penui sam gaige heka kekiee saam lu; nah penui lang hak di kezeu ne penui zangme liem keda ga kela dung de gwang ngha lo qu gai. 7Penui gwang eh liem kenana tei puih lu, cine penui dui ga nlim miedi laidi. 8Dede Simon Peter cide ngau luge Jisu pi ga keumie lu eh, “O! Rampaubo, ada de nreu dilu, kedanemene I kemaume ge lu” dedi.
9Kedanemene penui heka tui süt kelu ne Simon de nah pecu ngngwa kela leune de penui sui gah di; nah Simon zangbe kena Zebedee nah kena Jakob penai Johan de penai sui gah di. 10Cidau Jisu Simon dade, “Ngngi so, cu gade nang mina ze tui di zieda” debeu.
11Nah penui penui liem kideu ga teu mpet luge, penui ma pelane gidi eh pecai sui di.
Jisu Kempa gede Tei Nci kebeu
(Mat. 8:1-4; Mrk. 1:40-45)
12Pecai pa renam gega bam ge mpa süt kecume ge peda gwang; nah pa Jisu ze ngau luge pe ju nkum punglu eh peda de pe nggia kie eh, “Rampaubo, nang n lungning lie cai nang acu tei nci beuzie,”#5:12. acu tei nci beu lo: Mateei aide mige dade de tei nci lula melie la. dedi.
13Nah pa pe ba hwalü pecu deu gai eh cu, “A lungning da nci lu,” debeu. 14#Lev. 14:1-32.Ciciu ge zette kempa peda gah di. Nah pa mida gede rang helo pecu kaam di; dede “Gwang eh cingku pei de lia lo delü peu penui ze ci lu kerane ncu tei nci kelu ratak Mosa ne rang kebeu nzwa tei di lo,” debeu.
15Dede pe ha rang mdi nteeiki di; nah mina kekiee pe sam nking zie lie nah penui mateei tei myi lu zie lie nkwa lu. 16Dede pa nreu renaam ga gwang eh kie bam di.
Jisu kennoi gede Teimmi kebeu
(Mat. 9:1-8; Mrk. 2:1-12)
17Pecai tingnai ge pa mide ledeu bam cika Phariseeme nah hezai kecime de pe tai ga bam penui Galilee nam nah Judah nam dung nah Jerusalem nam dung gade gwang; Jisu mide tei myi lu kera Rampaube kenkieng peda la. 18Nah ainie, midung ge kennoime gede zeu gage pwa gwang zeuge penui pecu pwa lüt Jisu dwa gage kai beu kera telei cu; 19dede mina maabe ziemne pecu pwa lüt kera lampui pei luta dige, penui kireu rahang ketietki ge gade pecu nah pe jeu si eh mina dung kak ga Jisu dwa gage kai. 20Nah pa penui kenlum ngau eh cu, “Minabo, n mau dung gi beudi delie,” debeu.
21Ge Phariseeme nah laisiu kecime penui kak gade nkim keteu eh, “Mide rang kehera sam kerang aipau de cau no? Tinggwang gwale cau kemau gi lu lano?” dedi.
22Jisu penui lung gade keteu kebam dung de ci lü penui sam keli eh cu, “Daitei eh nnui nnui lung gade ainzwa cet lano. 23Dai de be rang relui no, ‘N mau dung gi beu dida’ de kecube mi, ‘Cuh lü tet lu’ de kecube no? 24Dede nnui de peu mina Nabe kideu reu ga kemau dung gi lu kebui pe kenkieng kebam ci lu kera ziemne delie,” debeu, nah pa kennoibe dage rang eh, “I nda ge rang la, cu lu, n jeu pwalu delü kilung gwang cu,” debeu.
25Ciciu ge pa zette penui dwa ga cu lu delü pe zeu pwa lü Tinggwang ze twa eh pe kilung gwang di. 26Nah mina pelane penui sui gah di, nah penui Tinggwang de twa di, nah kengngi le penui de puihpung eh cu, “Anui henai mretkei ketei dungge ngau da,” dedi.
Jisu Levi ze Qu kelu
(Mat. 9:9-13; Mrk. 2:13-17)
27Aipau cai pa hegole tet mpet ge heraha kehame ge pezi Levi heraha keha ki ga bam eh ngau lu, ge pa peda de cu, “A caisui lu” dedi. 28Nah pa makeheibe de püt di eh cuh lü pecai sui di.
29Nah Levi taktyei kedi ge pe ki gage pe ziemne telei lu; nah cika heraha kehame maadi ge nah kedame dung de si eh penui de ngngwa ketaktyei. 30#Luk. 15:1,2.Dede Phariseeme nah penui Hezai kecime pe caisuime dade ncam eh, “Daitei eh nnui heraha kehame nah kemaume de ngngwa matyei lano?” dedi.
31Ge Jisu penui sam keli eh, “Pepum yi kebamme doctor de teu kera tau ga, dede keteeime ziemne. 32I keyi tei kelame de meliene kemaume de helung nreu lulo qu kerane gwang lie,” debeu.
Kemmwang ha Keheteu
(Mat. 9:14-17; Mrk. 2:18-22)
33Pecai penui peda de cu “Johan caisuime mmwang nah kekie teila, nah Phariseeme caisuime de ciciu la, dede n caisuime au matyei nah masak la kela lie” dedi. 34Ge Jisu penui dade cu, “Nnui peu hemeu kehenuime de lakciube penui de ngngwa kebam dau mmwang bam di lubui ni? 35Dede peting ge gwang zie: lakciube ze penui dade ngngwa tet dizie, nah cipau tingdau penui mmwang zie,” debeu.
36Pa samgwa gede penui dage ranglia eh, “Migede pai keheci ge gade hiet lü cide pai kehegua gage kopkai lama; ciciu cai pai keheci cide hak dizie, nah kehecibe gade hiet kelu dede keheguabe de zeu lak. 37Nah migede zau keheci pwa zaula kehegua gage kai lama; ciciu cai zau keheci ne teihgeu lah de pungpang di eh cide tera dizie, nah teihgeu lah de sia dizie. 38Ciciu meliene zauchi pwa teihgeu lah keheci gage rui gaila. 39Nah migede zau keheguabe sak lü kehecibe sakneu lama, kedanemene pa ‘Keheguabe yiki’ de rang lalu,” debeu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.