LUKE 4
4
Jisu ze Kekedak
(Mat. 4:1-11; Mrk. 1:12-13)
1Nah Jisu Kemci Rabe le pecu puihpung eh Jordan reu kuung gade caili di, nah Rabe ne pecu ngngwa renam ga gwang 2eh zie redai ge Satan ne pecu kedak. Nah pa cipau tingdau magede tyei ma; nah zie cidung de cang dige pa mzeu di.
3Ge Satan peda de, “Nang Tinggwang nah lie cai aipau tsu dede nku mmi lulo beu lo” dedi.
4 #
Hez. 8:3. Jisu pe sam keli eh cu, “ ‘Mina nku rünne le ring gailak’ de eh raupwa la,” debeu.
5Nah Satan pecu ngngwa kideutuh kecehu ge reu ga hangh eh piage gage kideu ga renam kedi dung saupwa pecu lia, 6nah peda de cu, “I aidung pelane reu kenkieng nah aidung de ga makeyi pelane ncu peu zie; kedanemene aidung de pwa acu peu dida nah I cide peu keneume de peu lu builu. 7Cine nang acu reca cai, cide pelane n gu dizie” dedi.
8 #
Hez. 6:13. Ciciu ge Jisu cu, “‘Nang n Tinggwang Rampaube ze reca zie, nah nang pe gwa rünne tei zie’ de raupwa la,” debeu.
9Pecai pa pecu Jerusalem ga ngngwa gwanglü pecu peu Kerecaki reu ga bam lu, delü peda de cu, “Nang Tinggwang Nabe lie cai aika de cak mie gai pielo; 10#Lei. 91:11,12.kedanemene ‘Pa tinggimgwame de peu n mapie luzie.’ 11‘Nah penui ba le ncu pwa cu luzie, peu ntsu gage n pi sam melu kerane de eh raupwa lalu’” dedi.
12 #
Hez. 6:16. Nah Jisu peda ge rang gai, “Kesanglaisiu rang la, ‘Nang n Rampaube Tinggwang ze kedak lak de eh rang nzeu’” debeu.
13Satan mdakkepie cidung de kaicang dige tingkak ke peda de nreu tet di.
Galilee ga Jisu bata Tei Kendeu
(Mat. 4:12-17; Mrk. 1:14-15)
14Ciciu eh Jisu Rabe kenkieng gade Galilee ga nli gwang di, nah pe ha renam kuung lule ailam rang pupbak ladi. 15Nah penui synagogue dung gade mide ledeu mteibe twapung eh.
Nazareth ga Jisu ze Mlai kedi
(Mat. 13:53-58; Mrk. 6:1-6)
16Ciciu eh pa nda hena dau lungh kecu nam Nazareth ga gwang lu; nah pa tingdane zai nzwa eh Sabbath nai synagogue ga hangh lu. 17Nah pa kesanglaisiu pei zie lie cu sap luge mi pecu caihakecibe Isaiah laisiukwak peu. Pa laisiukwakbe let luge ainzwa raupwa la eh ngau lu.
18 #
Hez. 6:16. “Rampaube Rabe ada la,
kedanemene pa Samlia keyi pwa kegame de ledeu lo acu keniak lu.
Pa acu hebaangme de lungmpet kebeu nah mikcietme de peu mangau dai kelu rangrwa culo,
nah keherei kelame de kerelui peu kera
19nah Rampaube ngau kenggia mida rangrwa lo eh lang gailie.”
20Pa kehezuilaisiu hezui di eh hegwa tei kebambe de peu dai di, delü bam di; nah synagogue ga kebam leune pecu pieling bamkap di. 21Nah pa penui dade rang eh, “Henai nnui kesiu gade kesanglaisiu sambe cang luda” debeu.
22Nah mina pelane pecu twa kap di, nah pemui gade ngaugia sam dung rang kepet ziemne penui sui gah di; nah penui cu, “Aide Joseph napei meni?” dedi.
23Nah pa penui dage rang eh, “Nnui mi rang la kela sam cai rangsui eh ada de, ‘Doctor, nkatei ncu tei myi lulo’ de eh, ‘Nah nang Capernaum gade tei kecu anui kesiu dung de n nam aika dede tei gailo’ de eh rang zie cika,” debeu. 24#Jhn. 4:44.Nah Jisu rang si eh, “I nnui dage rang zeu, caihakecime mige dede pekatei pe ram gade au yilie luma. 25#1 Hg. 17:1.A koa kingnei lu: kesangsiakbe gade I nnui dage rang zeu, nda Elijah kelungh tingdau Israelme kak ga hemipui kekiee lage, cidau mmi kecum eh kei herok tingkahm di, nah cidau kideu cide pelane ga herakum kum süt gwang. 26#1 Hg. 17:8-16.nah Elijah de penui Israelme dage lang gai ma, Sidon ga kelungh hemipui Zarephath dage lang gaidi. 27#1 Hg. 5:1-14.Nah caihakecibe Elisha tingdau Israelme kak ga kempame kekiee la, dede penui de tei nci luma, Syriame Naaman de gwale” debeu.
28Penui sam aidung de siu luge synagogue ga kebam pelane penui rata süt di. 29Nah penui cuh lü pecu renam gole teu mpet lü penui nam tei pwa kebam kideutuh twang ga ngngwa hangh di, kedanemene pecu cika ge kelui gaidi kerane. 30Dede pa mina dung kakki gade zau tet di.
Herakesiabe kela Pei ge
(Mrk. 1:21-28)
31Nah pa Galilee deu ga Capernaum nam ga nghungh di. Nah pa Sabbath nai penui de ledeu bam di; 32#Mat. 7:28,29.nah penui pe keledeu ziemne penui sui gah di, kedanemene pe sam au pe kenkieng si kecune. 33Nah synagogue ga mige mci kemak herakesiabe peda kela kauge bam; nah pa sabaq eh, 34“Ah, nang anui ze teu depai teila? Nazareth Jisu? Nang anui ze nkap di zie lie gwang lani? Nang cau bi I ci bam; Tinggwang langkegai Kemcibe lie” dedi.
35Dede Jisu pecu herata eh, “Zing dedi, peda de tet mpet ti,” dedi. Ciciu ge herakesiabe pecu kelien mie mina dung kak gage kai di eh pecu tei keherei si mene peda de tet mpet di.
36Nah penui pelane penui sui gah eh ketket dage rang eh, “Aide dai sam no? Kedanemene pa pekatei pe aja nah kenkieng teu eh mci kemak rabe dung de langzeu, nah penui tetti zeu,” dedi. 37Nah renam togwapung kebam heni pelane ga pe ha rang gwang di.
Jisu mina kekiee de Teimmi kebeu
(Mat. 8:14-17; Mrk. 1:29-34)
38Nah pa cuh lü synagogue gade tet di, nah Simeon ki ga lüt lu. Simeon nai mra eh mateei bam, cine pe ziemne peda de penui nggia kie di. 39Nah pa pe tai ga sap lü kenra de kesiu gaige cide pecu püt ti; ciciu ge pa zette cuh lü penui gwa tei bam di.
40Pecai tingnaimik nlüt di lai kezeu dau mi mateei kebam ketsamtsam leune dung de peda ngngwa gwang beu; nah pa cidung ketket reu gage pe ba hwa gai eh penui de tei myi beu. 41Nah herakesia dung de penui kekiee ge dade mpet eh sabaq eh, “Nang Tinggwang Nabe” dedi.
Dede pa penui ze kesei eh peu penui ze marang tadi, kedanemene penui pa Khrista kecu ci kedine.
Jisu Synagogue dung ga Keledeu
(Mrk. 1:35-39)
42Nah tingba luge pa tetpwa heni mi kega ga miedi. Nah mina pecu pei eh peda gwang nah penui dade tetti helo eh pecu kaam neu di; 43dede pa penui dade cu, “I Tinggwang kedi Samlia keyi teu renam keda ga dung de ledeu maisia reu; kedanemene aide ziemne acu lang gailu,” dedi.
44Nah pa Judah ga synagogue dung ga mide ledeu ladi.
Currently Selected:
LUKE 4: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
LUKE 4
4
Jisu ze Kekedak
(Mat. 4:1-11; Mrk. 1:12-13)
1Nah Jisu Kemci Rabe le pecu puihpung eh Jordan reu kuung gade caili di, nah Rabe ne pecu ngngwa renam ga gwang 2eh zie redai ge Satan ne pecu kedak. Nah pa cipau tingdau magede tyei ma; nah zie cidung de cang dige pa mzeu di.
3Ge Satan peda de, “Nang Tinggwang nah lie cai aipau tsu dede nku mmi lulo beu lo” dedi.
4 #
Hez. 8:3. Jisu pe sam keli eh cu, “ ‘Mina nku rünne le ring gailak’ de eh raupwa la,” debeu.
5Nah Satan pecu ngngwa kideutuh kecehu ge reu ga hangh eh piage gage kideu ga renam kedi dung saupwa pecu lia, 6nah peda de cu, “I aidung pelane reu kenkieng nah aidung de ga makeyi pelane ncu peu zie; kedanemene aidung de pwa acu peu dida nah I cide peu keneume de peu lu builu. 7Cine nang acu reca cai, cide pelane n gu dizie” dedi.
8 #
Hez. 6:13. Ciciu ge Jisu cu, “‘Nang n Tinggwang Rampaube ze reca zie, nah nang pe gwa rünne tei zie’ de raupwa la,” debeu.
9Pecai pa pecu Jerusalem ga ngngwa gwanglü pecu peu Kerecaki reu ga bam lu, delü peda de cu, “Nang Tinggwang Nabe lie cai aika de cak mie gai pielo; 10#Lei. 91:11,12.kedanemene ‘Pa tinggimgwame de peu n mapie luzie.’ 11‘Nah penui ba le ncu pwa cu luzie, peu ntsu gage n pi sam melu kerane de eh raupwa lalu’” dedi.
12 #
Hez. 6:16. Nah Jisu peda ge rang gai, “Kesanglaisiu rang la, ‘Nang n Rampaube Tinggwang ze kedak lak de eh rang nzeu’” debeu.
13Satan mdakkepie cidung de kaicang dige tingkak ke peda de nreu tet di.
Galilee ga Jisu bata Tei Kendeu
(Mat. 4:12-17; Mrk. 1:14-15)
14Ciciu eh Jisu Rabe kenkieng gade Galilee ga nli gwang di, nah pe ha renam kuung lule ailam rang pupbak ladi. 15Nah penui synagogue dung gade mide ledeu mteibe twapung eh.
Nazareth ga Jisu ze Mlai kedi
(Mat. 13:53-58; Mrk. 6:1-6)
16Ciciu eh pa nda hena dau lungh kecu nam Nazareth ga gwang lu; nah pa tingdane zai nzwa eh Sabbath nai synagogue ga hangh lu. 17Nah pa kesanglaisiu pei zie lie cu sap luge mi pecu caihakecibe Isaiah laisiukwak peu. Pa laisiukwakbe let luge ainzwa raupwa la eh ngau lu.
18 #
Hez. 6:16. “Rampaube Rabe ada la,
kedanemene pa Samlia keyi pwa kegame de ledeu lo acu keniak lu.
Pa acu hebaangme de lungmpet kebeu nah mikcietme de peu mangau dai kelu rangrwa culo,
nah keherei kelame de kerelui peu kera
19nah Rampaube ngau kenggia mida rangrwa lo eh lang gailie.”
20Pa kehezuilaisiu hezui di eh hegwa tei kebambe de peu dai di, delü bam di; nah synagogue ga kebam leune pecu pieling bamkap di. 21Nah pa penui dade rang eh, “Henai nnui kesiu gade kesanglaisiu sambe cang luda” debeu.
22Nah mina pelane pecu twa kap di, nah pemui gade ngaugia sam dung rang kepet ziemne penui sui gah di; nah penui cu, “Aide Joseph napei meni?” dedi.
23Nah pa penui dage rang eh, “Nnui mi rang la kela sam cai rangsui eh ada de, ‘Doctor, nkatei ncu tei myi lulo’ de eh, ‘Nah nang Capernaum gade tei kecu anui kesiu dung de n nam aika dede tei gailo’ de eh rang zie cika,” debeu. 24#Jhn. 4:44.Nah Jisu rang si eh, “I nnui dage rang zeu, caihakecime mige dede pekatei pe ram gade au yilie luma. 25#1 Hg. 17:1.A koa kingnei lu: kesangsiakbe gade I nnui dage rang zeu, nda Elijah kelungh tingdau Israelme kak ga hemipui kekiee lage, cidau mmi kecum eh kei herok tingkahm di, nah cidau kideu cide pelane ga herakum kum süt gwang. 26#1 Hg. 17:8-16.nah Elijah de penui Israelme dage lang gai ma, Sidon ga kelungh hemipui Zarephath dage lang gaidi. 27#1 Hg. 5:1-14.Nah caihakecibe Elisha tingdau Israelme kak ga kempame kekiee la, dede penui de tei nci luma, Syriame Naaman de gwale” debeu.
28Penui sam aidung de siu luge synagogue ga kebam pelane penui rata süt di. 29Nah penui cuh lü pecu renam gole teu mpet lü penui nam tei pwa kebam kideutuh twang ga ngngwa hangh di, kedanemene pecu cika ge kelui gaidi kerane. 30Dede pa mina dung kakki gade zau tet di.
Herakesiabe kela Pei ge
(Mrk. 1:21-28)
31Nah pa Galilee deu ga Capernaum nam ga nghungh di. Nah pa Sabbath nai penui de ledeu bam di; 32#Mat. 7:28,29.nah penui pe keledeu ziemne penui sui gah di, kedanemene pe sam au pe kenkieng si kecune. 33Nah synagogue ga mige mci kemak herakesiabe peda kela kauge bam; nah pa sabaq eh, 34“Ah, nang anui ze teu depai teila? Nazareth Jisu? Nang anui ze nkap di zie lie gwang lani? Nang cau bi I ci bam; Tinggwang langkegai Kemcibe lie” dedi.
35Dede Jisu pecu herata eh, “Zing dedi, peda de tet mpet ti,” dedi. Ciciu ge herakesiabe pecu kelien mie mina dung kak gage kai di eh pecu tei keherei si mene peda de tet mpet di.
36Nah penui pelane penui sui gah eh ketket dage rang eh, “Aide dai sam no? Kedanemene pa pekatei pe aja nah kenkieng teu eh mci kemak rabe dung de langzeu, nah penui tetti zeu,” dedi. 37Nah renam togwapung kebam heni pelane ga pe ha rang gwang di.
Jisu mina kekiee de Teimmi kebeu
(Mat. 8:14-17; Mrk. 1:29-34)
38Nah pa cuh lü synagogue gade tet di, nah Simeon ki ga lüt lu. Simeon nai mra eh mateei bam, cine pe ziemne peda de penui nggia kie di. 39Nah pa pe tai ga sap lü kenra de kesiu gaige cide pecu püt ti; ciciu ge pa zette cuh lü penui gwa tei bam di.
40Pecai tingnaimik nlüt di lai kezeu dau mi mateei kebam ketsamtsam leune dung de peda ngngwa gwang beu; nah pa cidung ketket reu gage pe ba hwa gai eh penui de tei myi beu. 41Nah herakesia dung de penui kekiee ge dade mpet eh sabaq eh, “Nang Tinggwang Nabe” dedi.
Dede pa penui ze kesei eh peu penui ze marang tadi, kedanemene penui pa Khrista kecu ci kedine.
Jisu Synagogue dung ga Keledeu
(Mrk. 1:35-39)
42Nah tingba luge pa tetpwa heni mi kega ga miedi. Nah mina pecu pei eh peda gwang nah penui dade tetti helo eh pecu kaam neu di; 43dede pa penui dade cu, “I Tinggwang kedi Samlia keyi teu renam keda ga dung de ledeu maisia reu; kedanemene aide ziemne acu lang gailu,” dedi.
44Nah pa Judah ga synagogue dung ga mide ledeu ladi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.