LUKE 10

Mina Riaksena ze Langkegai

1Cipau cai Rampaube mina keda riaksena eh kena#10:1. riaksena eh kena; Laisiu Kesa ga bam riaksena. de kedet lu, delü pa gwang kera renam ramsang ga nah heni luga aika ge mina hang nana eh penui de mrai lang gai. 2Nah pa penui dade, “Tsiu au kiee süt zeu, dede cide hekwa kera heta keteime cam. Cine luh mpaube de peu pe lu gage heta keteime de lang gailu kerane kie lu.#Mat. 9:37,38. 3Nnui lampui ga rip gwang kwa cu; ainie, I nnui de meurünna dung nzwa hemeu dung kak gage lang gai zeu.#Mat. 10:16. 4Rangkang bung de msung de nah picum de pung so; nah lampui ga mige dede kelum so.#Mat. 10:7-14; Mrk. 6:8-11; Luk. 9:3-5. 5Nnui ki kehei ga lüt de, keraibe, ‘Lungciep de peu ki aika bam kelube tei lulo!’ de eh rang lu. 6Nah magade cika samlam ngau lu kebuime bam cai nnui samlam peda bam luzie; dede mecai, cide nnui da gwang dai luzie. 7Nah ki cika bam jüja lu, penui pwa kepeube tyei nah sak eh, kedanemene ma keteime pe ziehi ngau kerabe lu; ki ge gade ki ge keda ga gwang so.#1 Ko. 9:14; 1 Ti. 5:18. 8Nnui renam gega lüt eh mi nnui de ngngwa kelu dau nnui dwa gage kai kebeube tyeilu; 9cika keteeime de tei myi beu nah penui de, ‘Tinggwang kedi gwang mna bam di delie,’ de eh ranglia lu. 10Dede nnui renam gega kelüt dau mi nnui de ngngwa lu mecai lampui ga mie eh rang lu,#Bat. 13:51. 11‘Nnui nam rebui anui pi ga kop kebam dede anui nnui ze mmau eh kemui mpet gaila; ciciu liede Tinggwang hegwangram au gwang mna bam kedine cide ci lulo’ de rang beulu. 12I nnui dage ranglia zie, cipau nai cipau nam de swa Sodom be lia lu yiki zie.”#Ken. 19:24-28; Mat. 11:24. Mat. 10:15.

Nlum Kemak Nam dung

(Mat. 11:20-24)

13 # Isa. 23:1-18; Eze. 26:1—28:26; Joe. 3:4-8; Amo. 1:9-10; Zek. 9:2-4. “Co, nang Chorazin! Co, nang Bethsaida! Kedanemene bata kedi nnai dage tei kegai dung de Tyre penai Sidon gage tei gai cai, penai au nda ge roso pai nah mimüt teu eh penai lung nreu luzie delu. 14Dede hetuketu gade Tyre penai Sidon be lia lu yiki zie. 15Nah nang Capernaum, ncu tei cehu pwa tinggim tung zie lie bam ni? Ncu tei henah pwa Hades gage kai dizie!”#Isa. 14:13-15.

16“Nnui koa nking kelume a koa de nking lula, nah nnui de mlai kelame acu de mlai lala, nah acu mlai kelame acu langkegaibe de mlai la,” debeu.#Mat. 10:40; Mrk. 9:37; Luk. 9:48; Jhn. 13:20.

Mina Riaksena kena Nli Kegwang

17Mina riaksena eh kena#10:17. riaksena eh kena; Laisiu kesa ga bam riaksena (pedum 1 ga pielu). bau de penui suiyi eh nli gwang eh peda de, “Rampaubo, herakesia dung de mzi gade anui kang lie!” dedi.

18Ge pa penui dade, “I Satan tinggim gade ting kekepik nzwa hungh kedi ngau da. 19#Lei. 91:13.Ainie, I nnui de henei dung nah heruimegapui dung reu de dau lu kebui nah nnui Ngauraube reu kenkieng peu dida; nah magede nnui de tei rezam lak. 20Ciciu liede herabe dung nnui kang di cu ziemne nnui suiyi so: dede tinggim ga nnui zi raupwa zeudi kecune nnui suiyi lulo” debeu.

Jisu Pesui yi kecu

(Mat. 11:25-27; 13:16-17)

21Cipau bamdapkak gade pa Kemci Rabe#10:21 Kemci Rabe gade; Laisiu kesa ga bam Rabe gade; Laisiu kesa ga bam pe rabe gade. gade pesui yi eh cu, “I ncu twa, a Pei, ting nah kideu Rampaubo, nang ma aidung de keci kecetme dade kebai teu la eh pwa ngena dung de lia nah peu ci nah ngau kegaine. Yeo, a Pei, kedanemene ciciu kecu nang n lungning delu.

22 # Jhn. 3:35. Jhn. 10:15. “A Pei ne ma pelane acu nlum beu dida nah Peibe gwale migede Nabe cau bi ci ma, nah Nabe ne pecu lia zie lie kedetkelume gwale migede Peibe cau bi ci ma,” dedi.

23Cipau cai nreu gwang ledeukelume dade nkim rang eh, “Nnui kengau dung pe mik le kengaume samlam pungtume delie! 24Kedanemene I nnui dage ranglia zie, caihakecime nah kedihme kekiee nnui kengau de ngau neu gwang, nah cide ngau luma, nah kesiu de siu neu gwang, nah siu luma,” debeu.

Samariame Keyibe Samgwa

25 # Mat. 22:35-40; Mrk. 12:28-34. Nah ainie, hezai kecime ge pecu kedak zie lie sap lü cu, “Keledeubo, I kelungta kering ngau lu kerane depai tei zie no?” dedi.

26Pa peda de “Hezai ga depai raupwa lano?” debeu.

27 # Hez. 6:5. Lev. 19:18. Ge pa cu, “Nang Tinggwang n Rampaube de n mlung pelane teu nah n kenkieng pelane teu nah n keringria pelane teu nah mlung pelane teu hung lu; nah n kidabe de nkatei ncu keku nzwa hung lu,” debeu.

28 # Lev. 18:5. Nah pa peda de cu, “Nang rangdau da; aide tei lu, ciciu de nang ring luzie,” debeu.

29Dede pa pekatei pecu le mzui lie neu eh Jisu dade cu, “He cau a kidabe no?” dedi.

30Jisu cu, “Mige Jerusalem gade Jericho ga hungh zeuge sütketyeime kak ga kaumie di, ge penui pecu herak lü pecu daptset nage gai eh tet di. 31Ge raci tei cingkume ge lampui cika tet hungh; nah pa pecu ngau luge pe mbie kedale de nria tet di. 32Cinzwa Levime gede heni cika kegwang dau pecu ngau lü pe mbiele de nria tet di. 33#2 Hl. 28:15.Dede Samariame ge pa mbeuh kela dau pa kebam ni ga gwang lu; nah pa pecu ngau luge pelung sia di, 34nah peda gwang eh macaa nah kube zau rui gai eh pe rezam zam dung kaang di; delü pecu pe kaune reu gage teu gailü hebeuhki ga ngngwa gwang lu, delü pema pielu. 35Nah pecai benai pa denarii kena keu mpet lü cide hebeuhki kekwabe de peu eh cu, ‘Pema pielu; nah nang kehei ge mpet si dide I nli gwang dai kecu dau ncu peu dai zie,’” debeu.

36“Aipau me hang cum de nang kecet, cau be sütketyeime kak ga kauzeu kebambe kidabe no?” debeu.

37Ge pa cu, “Mige pecu ngau nggia kebeube de,” dedi.

Ge Jisu cu peda de, “Gwang eh cinzwa tei lulo,” debeu.

Jisu Martha penai Mary ki ga Kegwang

38 # Jhn. 11:1. Cipau cai penui penui lampui ga gwang zeuge pa renam gega lüt lu; ge mipui ge pezi Martha pecu ngngwa pe kilung gwang lu. 39Nah pa pe caireipui Mary lie kecu ge bam ge, pa Rampaube pibang ga bam eh pe keledeu sam nking bam di. 40Dede Martha au ma telei süt kebam ne leeu di; nah pa peda gwang eh cu, “Rampaubo, a caireipui acu püt di eh akatei rünne peu ma telei kebam, nang cide cet bam meni? Ciciu cai acu ngha lo peda ge rang gailo!” dedi.

41Dede Rampaube pe sam keli eh, “Martha, Martha! Nang au ma kekiee ge tei neu eh n lungnei bam; 42dede mage au teu maisia. Mary au keyi lambie kedet luda, cide peda de keuteu di gailak.”

Currently Selected:

LUKE 10: ZemeNB

Highlight

Copy