KENDEU 26
26
Isaac Gerar ga Kelungh
1Abraham tingdau cika herakum kum kecu de cai keda gede cuh di. Isaac Philistiame gwangpei Abimelech da Gerar ga mie. 2Rampaube Isaac ze peu pecu ngau gai nah marang eh cu, “Egypt ga mie so; I ncu bam lulo kebeu deu aika bam lu. 3#Ken. 22:16-18.Aika lungh lu, ciciu de I ncu ngngwa la luzie nah ncu samlam beuzie. I hangdeu aide pelane ncu nah n leuhme, de peu zie. I n pei Abraham dage a sampet kebeu de kaipwa bam luzie. 4I ting ga heghi kebam kieege n leuh tei nkiee beuzie, nah I penui ze hangdeu ai pelane peu zie. Heleuh pelane penui ze samlam beu lo ada de kie zie, I n leuhme ze samlam kebeu nzwa. 5I ncu samlam beuzie, kedanemene Abraham a sam mzai eh a zai pelane nah a sam pelane mzai kelu ne” debeu.
6Cine Isaac Gerar ga lungh di. 7#Ken. 12:13; 20:2.Cika mina dung pe nau ha keteu kecu dau pa au pe tipui liedi. Pa pecu le pe nau lie rau di, kedanemene pa cika mina dung Rebecca ze luu lu kerane pecu teitset ti kera hing di, pa hezuyi süt kecune. 8Isaac cika kak ge lungh dige, Hegwangpei Abimelech pe kebaaki gade pie nkei gai, ge Isaac penai Rebecca nrai mcuibam eh ngau lu. 9Abimelech Isaac ze qu lü, “Pa n nau da! Nang daitei pa n tipui lie rang no?” dedi.
Pa keli eh, “I pecu a nau lie beu cai acu teitset ti kera I cet kedine” debeu.
10Abimelech cu “Nang anui dage daipai tei gai lano? A mina dung hang ge reluicui eh n nau ze ngngwa zeudi lubui, nah anui mau de n peu ga lubui” dedi. 11Abimelech mina pelane ze mrai rang mrak eh cu: “Keheibe de aipau dede nah pe nau dage bui kemak tei gai cai teitset tizie” debeu.
12Isaac cipau deu gage heleuh gi lu, nah cipau kum pa gikegai hai kieege luhlüt lu, kedanemene Rampaube pecu samlam kebeu ne. 13Pa mahei reureu lü mahei süt kecume ge tei lu. 14Pa meurün hau nah ketum hau kekiee ge nah kilame kekiee ge kebam ne, Philistiame pecu ngau penui riak di. 15Cine penui ndaa pe pei Abraham ring kebam dau pe kilame tekwa kui kelu pelane met ti.
16Ge Abimelech Isaac dade cu, “Anui gu deudi püt ti. Nang anui swa nkiengki dida” dedi. 17Cine Isaac tetti delü Gerar deu Langkam gage pe ramzeuki tei lu, delü pa cika kak ge lungh bam di. 18Pa ndaa Abraham tingdau tekwa kui kelu Philistiame ne Abraham tsai dige kaam kedi dung de kui dai lu. Isaac tekwa cidung de pe pei ne msiak kebeu zi dung pwa qu dai lu.
19Isaac kilame hangdeu langkam gage tekwa ge kui eh dui ngau lu. 20Gerar ga meurün kekwame Isaac meurün kekwame ze kesamlim eh rang, “Dui aide anui gu” dedi. Cine Isaac tekwa zi msiakpwa “Kesamlim” lie qulu.
21Isaac kilame tekwa keda ge kui dai lu, nah cipau ha de ziemne de kesamlim dai di, cine pa cide zi msiakpwa “Ngaurau” tei di. 22Pa cika de mie keda ge gage tekwa ge kui dai lu. Cipau ha de au kehebwak gah, cine pa cide “Kamnahm kega” lie qulu. Pa cu, “Cu au Rampaube hangdeu aide ga relui eh lungh kera anui ze peu da, nah anui aika de lungh yilu buida” dedi.
23Isaac cika püt eh Beersheba ga gwang di. 24Cipau ziu Rampaube peu pecu ngau gai eh cu, “I n pei Abraham Tinggwang. Ngngi diso; I ncu ngngwa la. I ncu samlam beu eh n leuhme kekiee pwapeu zie, a kilabe Abraham dage a sampet de ziemne” dedi. 25Isaac cika ge recabam ge tei lü Rampaube ze reca. Delü pa cika ge pe rezeuki tei lu, nah pe kilame tekwa keda ge kui lu.
Isaac penai Abimelech Kesamtei kelu
26 #
Ken. 21:22. Abimelech Gerar gade pecu keledeube Ahuzzath penai roigwame reu kedihbe Phicol ze nzang eh Isaac ze redau kera gwang. 27Cine Isaac keteu eh, “Nnui cu daitei acu kerengau gai zie lie gwang lano? Nnui ndaa ada de nnui zai sia eh acu peu nnui namdi gade tet dida delü” dedi.
28Penui keli eh, “Cu au anui Rampaube ncu nzang kela ci bam dida, nah anui kecet anui kak ga sünne eh kesamdau keluge bam kerabe. Anui ncu peu n sampet gai neu la 29anui nda ge kesia tei gai kemak nzwa nang de anui dage kesia tei laklie kecu. Anui nda de anui zai yi nah ncu peu n lung nciep eh tet da. Rampaube ncu samlam kebeu cu au ncigi eh bam dida” dedi. 30Isaac penui ziemne taktyei ge ntei lu, nah penui tyei nah sak. 31Tingcang nuge hang ge hang ge kecu pe sampet lü cide reset gele pekau giak di. Isaac penui ze yi eh lalo gai eh penui zangname tei eh kelamtsam di.
32Cipau nai Isaac kilame gwang eh penui tekwa kui kelu ha peda ge pau gai. Penui rang eh, “Anui dui ngau luda” dedi. 33Pa tekwa zi “Reset” msiak lu. Ciciu eh Beersheba#26:33. Beersheba: Aipau zi de Ibri gade pekieh “Samkak Tekwa” mede “Sena Tekwa” (21:31 dede pei lu). namdi de pezi ngau lu.
Esau Nau Sangpui dung
34Esau mmi 40 dige, pa Hittime relei kena Beeri napui Judith, penai Elon napui Basemath ze luu lu. 35Penai Isaac nah Rebecca teilung teirei süt gai.
Currently Selected:
KENDEU 26: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
KENDEU 26
26
Isaac Gerar ga Kelungh
1Abraham tingdau cika herakum kum kecu de cai keda gede cuh di. Isaac Philistiame gwangpei Abimelech da Gerar ga mie. 2Rampaube Isaac ze peu pecu ngau gai nah marang eh cu, “Egypt ga mie so; I ncu bam lulo kebeu deu aika bam lu. 3#Ken. 22:16-18.Aika lungh lu, ciciu de I ncu ngngwa la luzie nah ncu samlam beuzie. I hangdeu aide pelane ncu nah n leuhme, de peu zie. I n pei Abraham dage a sampet kebeu de kaipwa bam luzie. 4I ting ga heghi kebam kieege n leuh tei nkiee beuzie, nah I penui ze hangdeu ai pelane peu zie. Heleuh pelane penui ze samlam beu lo ada de kie zie, I n leuhme ze samlam kebeu nzwa. 5I ncu samlam beuzie, kedanemene Abraham a sam mzai eh a zai pelane nah a sam pelane mzai kelu ne” debeu.
6Cine Isaac Gerar ga lungh di. 7#Ken. 12:13; 20:2.Cika mina dung pe nau ha keteu kecu dau pa au pe tipui liedi. Pa pecu le pe nau lie rau di, kedanemene pa cika mina dung Rebecca ze luu lu kerane pecu teitset ti kera hing di, pa hezuyi süt kecune. 8Isaac cika kak ge lungh dige, Hegwangpei Abimelech pe kebaaki gade pie nkei gai, ge Isaac penai Rebecca nrai mcuibam eh ngau lu. 9Abimelech Isaac ze qu lü, “Pa n nau da! Nang daitei pa n tipui lie rang no?” dedi.
Pa keli eh, “I pecu a nau lie beu cai acu teitset ti kera I cet kedine” debeu.
10Abimelech cu “Nang anui dage daipai tei gai lano? A mina dung hang ge reluicui eh n nau ze ngngwa zeudi lubui, nah anui mau de n peu ga lubui” dedi. 11Abimelech mina pelane ze mrai rang mrak eh cu: “Keheibe de aipau dede nah pe nau dage bui kemak tei gai cai teitset tizie” debeu.
12Isaac cipau deu gage heleuh gi lu, nah cipau kum pa gikegai hai kieege luhlüt lu, kedanemene Rampaube pecu samlam kebeu ne. 13Pa mahei reureu lü mahei süt kecume ge tei lu. 14Pa meurün hau nah ketum hau kekiee ge nah kilame kekiee ge kebam ne, Philistiame pecu ngau penui riak di. 15Cine penui ndaa pe pei Abraham ring kebam dau pe kilame tekwa kui kelu pelane met ti.
16Ge Abimelech Isaac dade cu, “Anui gu deudi püt ti. Nang anui swa nkiengki dida” dedi. 17Cine Isaac tetti delü Gerar deu Langkam gage pe ramzeuki tei lu, delü pa cika kak ge lungh bam di. 18Pa ndaa Abraham tingdau tekwa kui kelu Philistiame ne Abraham tsai dige kaam kedi dung de kui dai lu. Isaac tekwa cidung de pe pei ne msiak kebeu zi dung pwa qu dai lu.
19Isaac kilame hangdeu langkam gage tekwa ge kui eh dui ngau lu. 20Gerar ga meurün kekwame Isaac meurün kekwame ze kesamlim eh rang, “Dui aide anui gu” dedi. Cine Isaac tekwa zi msiakpwa “Kesamlim” lie qulu.
21Isaac kilame tekwa keda ge kui dai lu, nah cipau ha de ziemne de kesamlim dai di, cine pa cide zi msiakpwa “Ngaurau” tei di. 22Pa cika de mie keda ge gage tekwa ge kui dai lu. Cipau ha de au kehebwak gah, cine pa cide “Kamnahm kega” lie qulu. Pa cu, “Cu au Rampaube hangdeu aide ga relui eh lungh kera anui ze peu da, nah anui aika de lungh yilu buida” dedi.
23Isaac cika püt eh Beersheba ga gwang di. 24Cipau ziu Rampaube peu pecu ngau gai eh cu, “I n pei Abraham Tinggwang. Ngngi diso; I ncu ngngwa la. I ncu samlam beu eh n leuhme kekiee pwapeu zie, a kilabe Abraham dage a sampet de ziemne” dedi. 25Isaac cika ge recabam ge tei lü Rampaube ze reca. Delü pa cika ge pe rezeuki tei lu, nah pe kilame tekwa keda ge kui lu.
Isaac penai Abimelech Kesamtei kelu
26 #
Ken. 21:22. Abimelech Gerar gade pecu keledeube Ahuzzath penai roigwame reu kedihbe Phicol ze nzang eh Isaac ze redau kera gwang. 27Cine Isaac keteu eh, “Nnui cu daitei acu kerengau gai zie lie gwang lano? Nnui ndaa ada de nnui zai sia eh acu peu nnui namdi gade tet dida delü” dedi.
28Penui keli eh, “Cu au anui Rampaube ncu nzang kela ci bam dida, nah anui kecet anui kak ga sünne eh kesamdau keluge bam kerabe. Anui ncu peu n sampet gai neu la 29anui nda ge kesia tei gai kemak nzwa nang de anui dage kesia tei laklie kecu. Anui nda de anui zai yi nah ncu peu n lung nciep eh tet da. Rampaube ncu samlam kebeu cu au ncigi eh bam dida” dedi. 30Isaac penui ziemne taktyei ge ntei lu, nah penui tyei nah sak. 31Tingcang nuge hang ge hang ge kecu pe sampet lü cide reset gele pekau giak di. Isaac penui ze yi eh lalo gai eh penui zangname tei eh kelamtsam di.
32Cipau nai Isaac kilame gwang eh penui tekwa kui kelu ha peda ge pau gai. Penui rang eh, “Anui dui ngau luda” dedi. 33Pa tekwa zi “Reset” msiak lu. Ciciu eh Beersheba#26:33. Beersheba: Aipau zi de Ibri gade pekieh “Samkak Tekwa” mede “Sena Tekwa” (21:31 dede pei lu). namdi de pezi ngau lu.
Esau Nau Sangpui dung
34Esau mmi 40 dige, pa Hittime relei kena Beeri napui Judith, penai Elon napui Basemath ze luu lu. 35Penai Isaac nah Rebecca teilung teirei süt gai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.