KENDEU 25
25
Abraham Leuh Keda dung
(1 Hl. 1:32-33)
1Abraham mipui keda de luu lu, pezi Keturah. 2Pa pecu Zimran, Jokshan, Medan, Midian, Ishbak, nah Shuah penui ze nna beu. 3Jokshan au Sheba penai Dedan pei, nah Dedan leuhme cai Asshurimme, Letushimme, nah Leummimme. 4Midian napei dung cai Ephah, Epher, Hanoch, Abida, nah Eldaah penui. Aidung pelane Keturah leuhme.
5Abraham pe ma pelane pwa Isaac ze peudi; 6dede pa ring kebam dau, pe nau kedame ne nna kebeu pe napei dung ze mapeu ciak. Delü pa aipau na dung dede langpwa hangdeu tingbangle ge kai eh pe na Isaac daze langgi di.
Abraham Tsit nah Kekung
7-8Abraham cing süt eh mmi 175 dau tsaidi. 9Pe na kena Isaac penai Ishmael pecu pwa Hittime pei Ephron, Zohar napei luh Mamre tingbangle kebam Machpelah tsupop de gage kung di. 10#Ken. 23:3-16.Luh cide Abraham Hittime dade luikelu de; Abraham penai pe nau Sarah ze cika ge kung di. 11Abraham tsit cai, Tinggwang pe na Isaac ze samlam beu, pa “Ring kela Acu Ngau kelabe Tekwa” tai ga lungh.
Ishmael Leuhme
(1 Hl. 1:28-31)
12Ishmael Sarah kila Egyptme pui Hagar ne Abraham ze nna kebeube de, 13kecingbe zi rairai eh rau kelu pe na aidung de: Nebaioth, Kedar, Adbeel, Mibsam, 14Mishma, Dumah, Massa, 15Hadad, Tema, Jetur, Naphish, nah Kedemah. 16Penui heleuh 12 paome, nah penui zi dung msiakpwa penui kilwa dung nah penui kelungh ni dung zi gage kai beu. 17Ishmael mmi 137 dau tsaidi. 18Ishmael leuhme Havilah penai Shur deu kak ga, Egypt tingbangle bie Assyria lampui ga lungh. Penui Abraham leuhme keda dung dade tsam eh lungh.
Esau Penai Jakob ze Kenna
19Aide Abraham napei Isaac ha. 20Isaac Rebecca Bethuel napui (Mesopotamia ga Arameanme ge) nah Laban tipui ze luu kelu dau mmi 40 di. 21Rebecca pe na kegane Isaac pe ziemne Rampaube dade kie. Rampaube pe kekie de tei beu, ge Rebecca tetlak lu. 22Pa nedui nna lai eh bam di, nah penai ze nna kelu dwa penai pe ja gade ngngwa sia bam di. Pa cu, “Daitei ai kenzwabe ada gwang laino?” dedi. Cine pa Rampaube dade pe sam keteu.
23 #
Rom. 9:12. Rampaube peda ge,
“Heleuh kena n lung ga la;
Nang heleuh kerenia eh lungh kera kena ze nna luzie.
Hang ge kedabe swa nkiengki zie;
Kecingbe henabe nküt tei zie” debeu.
24Pa nna kera ting cang luge pa nedui nna lu, 25kecingbe au gie, nah pe geu mamai pai ge nzwa di, cine pecu Esau lie msiak lu.#25:25. Esau: Aipau zi de heram gede rekeu eh rau gai, pecai Esau leuhme ne gumkelu deu de; Seir aide Ibri gade “Mailung” de kecu koa ge nzwa. 26Henabe be Esau pisui herak ting lü nna lu, cine pezi Jakob#25:26 Jakob: Aipau zi de Ibri gade “Piki” de kecu koa ge nzwa. msiak lu. Penai ze nna kelu dau Isaac mmi 60 di.
Esau Pe Nerai qwa Zwatyei kelu
27Henana kenabe nkieng cu lu, nah Esau teihgwa keyime ge tei lu, pa hegole kela pesui la, dede Jakob be nlei hamla ma nah kilung ga bam la. 28Isaac au Esau ze ngau pe suiki kedanemene pa pe teihgih tyei kehega bam kelane, dede Rebecca Jakob ze pe suiki.
29Nai ge Jakob reteipi gii ge lang kebam dau, Esau heteih gwa eh gwang la. Pa mzeu di 30cine Jakob dade cu, “I mzeu zu dida; acu taktyei kegie lude peu lo” dedi. (Cine pecu Edom#25:30 Edom: Aipau zi de Ibri gade “Gie” kecu koa ge nzwa. lie msiakdi.)
31Jakob keli eh, “Nang acu n nerai qwa de peu cai I cide ncu peu zie” delu.
32Esau rang, “Petau da! I tsai lauda; a nerai qwa cide pe keyi daino?” dedi. 33#Ibr. 12:16.Jakob keli eh, “Keraibe nang n qwa acu peu kera reset lulo” dedi.
Esau reset lu delü pe qwa de pwa Jakob ze peudi.
34Ge Jakob pecu nku kesa nah gii kesa pwapeu. Pa tyei nah sak lu delü cuh lü tetti. Ciciu kecu gwale Esau pe nerai qwa de mapei lama.
Currently Selected:
KENDEU 25: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
KENDEU 25
25
Abraham Leuh Keda dung
(1 Hl. 1:32-33)
1Abraham mipui keda de luu lu, pezi Keturah. 2Pa pecu Zimran, Jokshan, Medan, Midian, Ishbak, nah Shuah penui ze nna beu. 3Jokshan au Sheba penai Dedan pei, nah Dedan leuhme cai Asshurimme, Letushimme, nah Leummimme. 4Midian napei dung cai Ephah, Epher, Hanoch, Abida, nah Eldaah penui. Aidung pelane Keturah leuhme.
5Abraham pe ma pelane pwa Isaac ze peudi; 6dede pa ring kebam dau, pe nau kedame ne nna kebeu pe napei dung ze mapeu ciak. Delü pa aipau na dung dede langpwa hangdeu tingbangle ge kai eh pe na Isaac daze langgi di.
Abraham Tsit nah Kekung
7-8Abraham cing süt eh mmi 175 dau tsaidi. 9Pe na kena Isaac penai Ishmael pecu pwa Hittime pei Ephron, Zohar napei luh Mamre tingbangle kebam Machpelah tsupop de gage kung di. 10#Ken. 23:3-16.Luh cide Abraham Hittime dade luikelu de; Abraham penai pe nau Sarah ze cika ge kung di. 11Abraham tsit cai, Tinggwang pe na Isaac ze samlam beu, pa “Ring kela Acu Ngau kelabe Tekwa” tai ga lungh.
Ishmael Leuhme
(1 Hl. 1:28-31)
12Ishmael Sarah kila Egyptme pui Hagar ne Abraham ze nna kebeube de, 13kecingbe zi rairai eh rau kelu pe na aidung de: Nebaioth, Kedar, Adbeel, Mibsam, 14Mishma, Dumah, Massa, 15Hadad, Tema, Jetur, Naphish, nah Kedemah. 16Penui heleuh 12 paome, nah penui zi dung msiakpwa penui kilwa dung nah penui kelungh ni dung zi gage kai beu. 17Ishmael mmi 137 dau tsaidi. 18Ishmael leuhme Havilah penai Shur deu kak ga, Egypt tingbangle bie Assyria lampui ga lungh. Penui Abraham leuhme keda dung dade tsam eh lungh.
Esau Penai Jakob ze Kenna
19Aide Abraham napei Isaac ha. 20Isaac Rebecca Bethuel napui (Mesopotamia ga Arameanme ge) nah Laban tipui ze luu kelu dau mmi 40 di. 21Rebecca pe na kegane Isaac pe ziemne Rampaube dade kie. Rampaube pe kekie de tei beu, ge Rebecca tetlak lu. 22Pa nedui nna lai eh bam di, nah penai ze nna kelu dwa penai pe ja gade ngngwa sia bam di. Pa cu, “Daitei ai kenzwabe ada gwang laino?” dedi. Cine pa Rampaube dade pe sam keteu.
23 #
Rom. 9:12. Rampaube peda ge,
“Heleuh kena n lung ga la;
Nang heleuh kerenia eh lungh kera kena ze nna luzie.
Hang ge kedabe swa nkiengki zie;
Kecingbe henabe nküt tei zie” debeu.
24Pa nna kera ting cang luge pa nedui nna lu, 25kecingbe au gie, nah pe geu mamai pai ge nzwa di, cine pecu Esau lie msiak lu.#25:25. Esau: Aipau zi de heram gede rekeu eh rau gai, pecai Esau leuhme ne gumkelu deu de; Seir aide Ibri gade “Mailung” de kecu koa ge nzwa. 26Henabe be Esau pisui herak ting lü nna lu, cine pezi Jakob#25:26 Jakob: Aipau zi de Ibri gade “Piki” de kecu koa ge nzwa. msiak lu. Penai ze nna kelu dau Isaac mmi 60 di.
Esau Pe Nerai qwa Zwatyei kelu
27Henana kenabe nkieng cu lu, nah Esau teihgwa keyime ge tei lu, pa hegole kela pesui la, dede Jakob be nlei hamla ma nah kilung ga bam la. 28Isaac au Esau ze ngau pe suiki kedanemene pa pe teihgih tyei kehega bam kelane, dede Rebecca Jakob ze pe suiki.
29Nai ge Jakob reteipi gii ge lang kebam dau, Esau heteih gwa eh gwang la. Pa mzeu di 30cine Jakob dade cu, “I mzeu zu dida; acu taktyei kegie lude peu lo” dedi. (Cine pecu Edom#25:30 Edom: Aipau zi de Ibri gade “Gie” kecu koa ge nzwa. lie msiakdi.)
31Jakob keli eh, “Nang acu n nerai qwa de peu cai I cide ncu peu zie” delu.
32Esau rang, “Petau da! I tsai lauda; a nerai qwa cide pe keyi daino?” dedi. 33#Ibr. 12:16.Jakob keli eh, “Keraibe nang n qwa acu peu kera reset lulo” dedi.
Esau reset lu delü pe qwa de pwa Jakob ze peudi.
34Ge Jakob pecu nku kesa nah gii kesa pwapeu. Pa tyei nah sak lu delü cuh lü tetti. Ciciu kecu gwale Esau pe nerai qwa de mapei lama.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.