KENDEU 14
14
Abram Lot ze Kelikelu
1Hegwang hang mdai, Babylon ga Amraphel, Ellasar ga Arioch, Elam ga Chedorlaomer, nah Goiim ga Tidal penui, 2hegwang keda hang mengei de keregih kera miedi: Sodom ga Bera, Gomorrah ga Birsha, Admah ga Shinab, Zeboiim ga Shemeber, nah Bela (mede Zoar) hegwangpei penui ze. 3Hegwang mengei aidung de henna tei lü cu Jaaidi Ketsai mmikedi Siddim Langkam ga kemaacüt lu. 4Penui mmi 12 Chedorlaomer kang ga lungh, dede mmi 13 bekum penui pecu keregih di. 5Mmi 14 bekum Chedorlaomer nah pe henna roigwame ze nzang gwang Ashteroth Karnaim ga Raphaimme, Ham ga Zuzimme, Kiriathaim deu langkie ga Emimme, 6nah Edom deutuh ga Horiteme ze ngam lu, penui ze Elparan ga hetaideu kuung kecang gwazui mie eh. 7Penui nreu togwa gai eh Kadesh ga nli gwang dai lu (Cide de Enmishpat lie la). Penui Amalekme deu pelane gwa lu nah Hazazon Tamar ga kelungh Amoriteme ze ngam lu.
8Ciciu ge Sodom gwangpei, Gomorrah gwangpei, Admah gwangpei, Zeboiim gwangpei, nah Bela gwangpei penui roigwame ze ngngwa Siddim Langkam ga pet eh 9Elam, Goiim, Babylon, nah Ellasar gwangpei dung penui hang mdai hegwang mengei ze keregih. 10Langkam cide hom kecuk dung le puih bam, nah Sodom penai Gomorrah gwangpei roitak gade pak kera tei ge penai hom ga cak miedi nah hegwang kedame hang cum lamlwatuh dung gage pak gaidi. 11Hegwangpei mdai dung ze Sodom nah Gomorrah ga hema pelane nah taktyei de si eh keu lu, delü pak di. 12Penui Sodom ga lungh kebam Abram sinabe napei Lot nah pe ma dung pelane teu tetti.
13Mige cika de pak lü gwang Ibri be Abram dage aipau ha de pau beu, cidau Abram Amoriteme pei Mamre gu rebang kedi dung tai ga lungh bam la. Mamre nah pe sina kena Eshcol penai Aner penui pelane Abram ze henna tei ciak. 14Abram pe ki mede tuihpwa kedi ci luge, pe kibaume heroi ketei ciem keci mina 318 ze nzang eh kemdei Dan kecang ga hegwang mdai dung ze zui mie. 15Tingmui Abram pe mina dung ze mzi lu delü penui ze ketang kera lampui kwalu, delü Damascus tingpeu lebie Hobah kecang ga penui ze zui mie. 16Pa hema pelane ngau dai lu nah pe kime Lot nah pe ma dung teugwang dai lu, mipui dung nah hebaangme keda dung de si eh.
Melchizedek ne Abram ze Samlam kebeu
17Abram Chedorlaomer nah hegwang kedame de ngam lü caili gwang luge, Sodom ga hegwangpei Shaveh deu Langkam (Cide hegwangpei deu Langkam) ga pet pecu redau lu. 18#Ibr. 7:1-10.Ge Melchizedek, Salem ga hegwangpei nah Tinggwang Hutube cingku pei, nku nah zau teu Abram da gwang lu, 19nah pecu samlam beu eh cu, “Tinggwang Hutube, tingkideu tei kegaibe, Abram ze samlam kebeube tei lulo! 20Tinggwang Hutube, ncu peu n ngauraume reu nkieng kelu bede hetwa pung lulo!” dedi. Nah Abram pa mangau dai kelube pelane kereizige pwa Melchizedek ze peu.
21Sodom ga hegwangpei Abram dade, “Ma tuihkelu bedung luu lu, dede a mina dung pelane de acu peu dai lo” dedi.
22Abram keli eh, “I Rampaube Hutube Tinggwang, ting nah kideu tei kegaibe dwa gade sünne eh reset gaila, 23I n gu magede luu laklie eh, helangriana ge mede picum ria nage de. Cine madaude, ‘I ne Abram ze tei mahei beu’ de rang gailak. 24I a ziemne magede luu lak. I a mina dung teugwang kecube rünne luu luzie. Dede a henname, Aner, Eshcol, nah Mamre penui ze peu penui qwa keu lu” dedi.
Currently Selected:
KENDEU 14: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
KENDEU 14
14
Abram Lot ze Kelikelu
1Hegwang hang mdai, Babylon ga Amraphel, Ellasar ga Arioch, Elam ga Chedorlaomer, nah Goiim ga Tidal penui, 2hegwang keda hang mengei de keregih kera miedi: Sodom ga Bera, Gomorrah ga Birsha, Admah ga Shinab, Zeboiim ga Shemeber, nah Bela (mede Zoar) hegwangpei penui ze. 3Hegwang mengei aidung de henna tei lü cu Jaaidi Ketsai mmikedi Siddim Langkam ga kemaacüt lu. 4Penui mmi 12 Chedorlaomer kang ga lungh, dede mmi 13 bekum penui pecu keregih di. 5Mmi 14 bekum Chedorlaomer nah pe henna roigwame ze nzang gwang Ashteroth Karnaim ga Raphaimme, Ham ga Zuzimme, Kiriathaim deu langkie ga Emimme, 6nah Edom deutuh ga Horiteme ze ngam lu, penui ze Elparan ga hetaideu kuung kecang gwazui mie eh. 7Penui nreu togwa gai eh Kadesh ga nli gwang dai lu (Cide de Enmishpat lie la). Penui Amalekme deu pelane gwa lu nah Hazazon Tamar ga kelungh Amoriteme ze ngam lu.
8Ciciu ge Sodom gwangpei, Gomorrah gwangpei, Admah gwangpei, Zeboiim gwangpei, nah Bela gwangpei penui roigwame ze ngngwa Siddim Langkam ga pet eh 9Elam, Goiim, Babylon, nah Ellasar gwangpei dung penui hang mdai hegwang mengei ze keregih. 10Langkam cide hom kecuk dung le puih bam, nah Sodom penai Gomorrah gwangpei roitak gade pak kera tei ge penai hom ga cak miedi nah hegwang kedame hang cum lamlwatuh dung gage pak gaidi. 11Hegwangpei mdai dung ze Sodom nah Gomorrah ga hema pelane nah taktyei de si eh keu lu, delü pak di. 12Penui Sodom ga lungh kebam Abram sinabe napei Lot nah pe ma dung pelane teu tetti.
13Mige cika de pak lü gwang Ibri be Abram dage aipau ha de pau beu, cidau Abram Amoriteme pei Mamre gu rebang kedi dung tai ga lungh bam la. Mamre nah pe sina kena Eshcol penai Aner penui pelane Abram ze henna tei ciak. 14Abram pe ki mede tuihpwa kedi ci luge, pe kibaume heroi ketei ciem keci mina 318 ze nzang eh kemdei Dan kecang ga hegwang mdai dung ze zui mie. 15Tingmui Abram pe mina dung ze mzi lu delü penui ze ketang kera lampui kwalu, delü Damascus tingpeu lebie Hobah kecang ga penui ze zui mie. 16Pa hema pelane ngau dai lu nah pe kime Lot nah pe ma dung teugwang dai lu, mipui dung nah hebaangme keda dung de si eh.
Melchizedek ne Abram ze Samlam kebeu
17Abram Chedorlaomer nah hegwang kedame de ngam lü caili gwang luge, Sodom ga hegwangpei Shaveh deu Langkam (Cide hegwangpei deu Langkam) ga pet pecu redau lu. 18#Ibr. 7:1-10.Ge Melchizedek, Salem ga hegwangpei nah Tinggwang Hutube cingku pei, nku nah zau teu Abram da gwang lu, 19nah pecu samlam beu eh cu, “Tinggwang Hutube, tingkideu tei kegaibe, Abram ze samlam kebeube tei lulo! 20Tinggwang Hutube, ncu peu n ngauraume reu nkieng kelu bede hetwa pung lulo!” dedi. Nah Abram pa mangau dai kelube pelane kereizige pwa Melchizedek ze peu.
21Sodom ga hegwangpei Abram dade, “Ma tuihkelu bedung luu lu, dede a mina dung pelane de acu peu dai lo” dedi.
22Abram keli eh, “I Rampaube Hutube Tinggwang, ting nah kideu tei kegaibe dwa gade sünne eh reset gaila, 23I n gu magede luu laklie eh, helangriana ge mede picum ria nage de. Cine madaude, ‘I ne Abram ze tei mahei beu’ de rang gailak. 24I a ziemne magede luu lak. I a mina dung teugwang kecube rünne luu luzie. Dede a henname, Aner, Eshcol, nah Mamre penui ze peu penui qwa keu lu” dedi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.