KENDEU 13
13
Abram penai Lot Lamtsam kedi
1Abram Egypt gole tingpeule ge tet gai eh pe nau nah pe gunia leune teu eh Canaan tingpile bie miedi, nah Lot ze pecu ngngwa mie. 2Abram mahei süt kecu kauge, meurün, hemeu, nah ketum, rangkang goi nah kechak dung. 3Pecai pa cide püt ti eh heni ge gade keda gega mie eh Bethel lambie miedi. Pa ndaa ramzeuki Bethel penai Ai kak ga gwang cang lu 4delü recabam ge tei lu. Pa cika de Rampaube ze reca.
5Lot ze meurün, hemeu, nah ketum, nah pe kelak nah kilame bam. 6Cine penai hang na cika lungh ncüt kera tsehei deu ceu di, kedanemene penai kauruine kiee ham kedine. 7Cine Abram kaukwame penai Lot kaukwame regeu di. (Cipau tingdau Canaanme penai Perizziteme cipau deu ga lungh bam.)
8Ge Abram Lot dage rang eh, “Anai kilungme ge, nah n mina dung nah a mina dung kesamlim bui ma. 9Cine anai kelamtsam cu go. Nang kideu n sui lebie kedet lu. Nang ket lam miecu, nah I keda lebie mie luzie” dedi.
10 #
Ken. 2:10. Lot pie togwa gai eh Jordan langkam pelane, Zoar lampui pelane ga dui kiee süt kebam ngau lu, Rampaube Gurie#13:10. Rampaube Gurie: Eden Gurie de rang bam. nzwa mede Egypt deu nzwa. (Aide Rampaube Sodom penai Gomorrah namdi kena de nkap kedi dwa.) 11Cine Lot Jordan Langkam pelane pe ziemne kedet lu, delü tingbangle ge tet gaidi. Ciciu eh penai kelamtsam di. 12Abram Canaan deu ga bam di, nah Lot namdi dung kak langkam be ga lungh di Sodom tai gage ramzeuki tei lü, 13cika mina nlien nah Rampaube dage kemau tei gai.
Abram Hebron ga Kemie
14Lot tetti ge, Rampaube Abram dage rang eh, “Nang kebam gade lule ailam pie teune gailo. 15#Bat. 7:5.I ncu nah n leuhme ze nang ngau kebam hangdeu pelane peu zie, nah cide tingtie n gu zie. 16I n leuhme kiee süt kecu migede penui pelane ze peikap gai kelak ge pwa ncu peu zie; cide kideu ga heciang peikap gai kelak nzwa zie! 17Cu, mie hangdeu pelane pie gailo, kedanemene I cide pelane ncu peu zielu” debeu. 18Cine Abram pe ramzeuki nsün mie Hebron ga tsingbang kemci Mamre tai ga lungh di, nah cika de pa Rampaube ze recabam ge tei beu.
Currently Selected:
KENDEU 13: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
KENDEU 13
13
Abram penai Lot Lamtsam kedi
1Abram Egypt gole tingpeule ge tet gai eh pe nau nah pe gunia leune teu eh Canaan tingpile bie miedi, nah Lot ze pecu ngngwa mie. 2Abram mahei süt kecu kauge, meurün, hemeu, nah ketum, rangkang goi nah kechak dung. 3Pecai pa cide püt ti eh heni ge gade keda gega mie eh Bethel lambie miedi. Pa ndaa ramzeuki Bethel penai Ai kak ga gwang cang lu 4delü recabam ge tei lu. Pa cika de Rampaube ze reca.
5Lot ze meurün, hemeu, nah ketum, nah pe kelak nah kilame bam. 6Cine penai hang na cika lungh ncüt kera tsehei deu ceu di, kedanemene penai kauruine kiee ham kedine. 7Cine Abram kaukwame penai Lot kaukwame regeu di. (Cipau tingdau Canaanme penai Perizziteme cipau deu ga lungh bam.)
8Ge Abram Lot dage rang eh, “Anai kilungme ge, nah n mina dung nah a mina dung kesamlim bui ma. 9Cine anai kelamtsam cu go. Nang kideu n sui lebie kedet lu. Nang ket lam miecu, nah I keda lebie mie luzie” dedi.
10 #
Ken. 2:10. Lot pie togwa gai eh Jordan langkam pelane, Zoar lampui pelane ga dui kiee süt kebam ngau lu, Rampaube Gurie#13:10. Rampaube Gurie: Eden Gurie de rang bam. nzwa mede Egypt deu nzwa. (Aide Rampaube Sodom penai Gomorrah namdi kena de nkap kedi dwa.) 11Cine Lot Jordan Langkam pelane pe ziemne kedet lu, delü tingbangle ge tet gaidi. Ciciu eh penai kelamtsam di. 12Abram Canaan deu ga bam di, nah Lot namdi dung kak langkam be ga lungh di Sodom tai gage ramzeuki tei lü, 13cika mina nlien nah Rampaube dage kemau tei gai.
Abram Hebron ga Kemie
14Lot tetti ge, Rampaube Abram dage rang eh, “Nang kebam gade lule ailam pie teune gailo. 15#Bat. 7:5.I ncu nah n leuhme ze nang ngau kebam hangdeu pelane peu zie, nah cide tingtie n gu zie. 16I n leuhme kiee süt kecu migede penui pelane ze peikap gai kelak ge pwa ncu peu zie; cide kideu ga heciang peikap gai kelak nzwa zie! 17Cu, mie hangdeu pelane pie gailo, kedanemene I cide pelane ncu peu zielu” debeu. 18Cine Abram pe ramzeuki nsün mie Hebron ga tsingbang kemci Mamre tai ga lungh di, nah cika de pa Rampaube ze recabam ge tei beu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.