Exodus 33
33
1ఉజ్జి యెహోవా మోషేతి హన్నుకో - తూన్, తూఁ ఈజిప్టేతి చలాలేన్ లాయెుజకొ జన్ సే. నిక్ళన్, మ అబ్రాహామేతి, ఇస్సాకేతీన్ యాకోబేతి సోగన్ ఖాన్, - తార్ వలాదేన ఏన దూంచుఁ కన్ కోజకొ దూదన్ మంగాళో వ్యావ్తొ రజకొ దేశేన ఊటన్ జావో.
2మ తార్ ముణాంగ సోజాన మేలన్, కనానె వాళేఁవున, అమోరియా వాళేఁవున, హిత్తీ వాళేఁవున, పెరిజ్జీ వాళేఁవున, హివ్వీవాళేఁవునన్ యెబూసీ వాళేఁవున బార కాణ్ణాకూఁచుఁ.
3తమ్ సర్ ఝోకావోని (నవన్ రోని) జకొ జన్ ఛో జేర్ కార్ణే, మ తమార్ సాత్ ఆవుని; వాటెపర తమేన మర్నాకూంచుఁ కాఁయిఁ కో కన్ మోషేతికో.
4జన్ ఓ బల్లా ఖబరేన సామ్ళన్, రోల్దే; కుణీ సదా గ్యాణో ఘాలె కోని.
5జనా యెహోవా మోషేతి హన్నుకో, - తూఁ ఇశ్రాయేలెవాళేఁవుతి, - తమ్ సర్ ఝోకావొని జకొ జన్ ఛో. ఎకాత్ ఘడి మా తమార్ వచ్చ ఆయుఁ తో తమెన నాష్ కర్నాకియుఁ జేతి తమేన కాఁయిఁ కర్ణోకో, ఊ మన మాలమ్ వజుఁ, తమార్ గ్యాణా తమార్పరేతి కాణ్ణాకొ కన్ కకన్కో.
6జేర్ కార్ణె ఇశ్రాయేలెవాళ్, హోరేబ్ కజకొ గట్లాకన ఉందూర్ గ్యాణా గాంటా కాణ్ణాకే.
7జనా మోషే డేరాన పాడన్, ఆళీర్ బార జాన్, ఆళీతి దూరేమా ఓన మాండన్, ఓన మళావొ భళేర్, డేరాకన్ నామ్ పాడో, యెహోవాన ఢూఁడజకొ హర్యేక్, ఆళిర్ బార ఛజకో ఓ మళావొ భళేర్ డేరాన జావ్తెర.
8మోషే ఓ డేరామా జావజనా, జన్ సే ఊటన్, హర్యేక్ ఓర్ డేరార్ దర్వాజెకన హాూబ్రేన్, ఊ ఓ డేరామా జావజేలగు ఓర్ లారేర్ వడితి నంజర్ పాడన్ దేక్తేర.
9మోషే ఓ డేరామా జావజనా, వాదళేర్ ఖంబ్ ఓ డేరార్ దర్వాజెకన హాూబ్ర జనా, యెహోవా మోషేతి వాతె కర్తోర.
10జన్ సే ఊ వాదళేరొ ఖంబ్, ఓ డేరార్ దర్వాజెకన హాూబ్రజకొ దేకన్, ఊటన్ హర్యేక్ ఉందూర్ ఉందూర్ డేరార్ దర్వాజేర్ సమ్నక్ హాూబ్రేన్ నమస్కార్ కర్తెర.
11మన్క్యా ఓర్ దోస్తి దారేతి వాతె కరజుఁ యెహోవా మోషేతి సాము సమ్నక్ రేన్ వాతె కర్తోతో. ఓర్పచ్చ ఊ ఫరన్ ఆళీమా ఆవ్తో తో, ఓర్ పరిచారకన్, నూను కజేర్ బేటా, యెహోషువా కజకొ మోటియార్, డేరా మాఁయితి బార ఆయెుకోని.
12మోషే యెహోవాతి హన్నుకో - ఏ జనూన బలాలేన్ జో కన్ తూఁ మాతి కేరోచి పణ్ మార్ సాత కేన మేలేచికో మన కోకోని. తూఁ - మ తార్ నామేన పక్డన్ తోన మాలమ్ కర్లీదోంచుకన్, తార్ మేర్ మార్పర ఛ కన్ కోచి కాఁయిఁ.
13జేర్ కార్ణె, తార్ మేర్ మార్పర రీయెతో తార్ మేర్ మార్పర రజుఁ, దయాకరన్, తార్ వాట్ మన మాలమ్ కర్ద, జన్నామ తోన మాలమ్ కర్లూంచుఁ. దయాకర్, ఏ జన్ తార్ జనజ్ కాఁయిఁ, కన్ కో.
14జనా ఊ - మ తార్ సోబత్ రేన్ మదత్ కరూంచుఁ. మ తోన విశ్రాంత్ దూంచుఁ కన్ కో జనా.
15మోషే - తూఁ సోబతేమా న ఆవస్తో, హమేన అత్తేతి లేజో మత్.
16మార్పరన్, తార్ జనూర్పర తార్ మేర్ ఛకన్ కూఁ మాలమ్ వచ? తూఁ హమార్ సాత ఆవస్ జేతీజ్ తొ కాఁయిఁ ? హన్ను హమ్, కతో, మన్, తార్ జన్ సే, ధర్తీపర ఛజకొ సొగ్ళి జనూమాఁయిఁతి, అలగ్ వేన్ రీఁయాఁ కన్, ఓతికో.
17జేర్ కార్ణే యెహోవా - తూఁ కోజకొ, వాతేర్ నాఁయిఁజ్ కరూంచుఁ. తార్పర మార్ మేర్ ఛ. తార్ నామేన పక్డన్ తోన మ మాలమ్ కీదోంచుఁ కన్ మోషేతి కోజనా.
18ఊ, - దయాకరన్, తార్ మహిమాన, మన దకాళ్ కన్ కోజనా.
19ఊ, - మారొ ఆచ్చొ పణోసే తోన దకాళూఁచుఁ యెహోవా కజకొ మార్ నామేన తార్ సమ్నక్ ప్రకట్ కరూంచుఁ. మ మేర్ దకాళూఁ జేర్పర మేర్ దకాళూంచుఁ కేర్పర దయా దకాళూంచుకో, ఓర్పర దయా దకాళూంచుఁ కన్ కో.
20ఉజ్జి ఊ, - తూఁ మార్ మూండొ దేక్ సకేస్ని. కుణ్సి నర్ మన దేకన్ బంచ్ సకేని కన్ కో.
21ఉజ్జి యెహోవా - ఇదేక్, మార్ ఢఁయిఁసి ఏక్ జాగ్ ఛ, తూఁ ఓ భాటాపర హాూబ్రేణో.
22మారో మహిమా తోన లంగన్ జావుకర జనా, ఓ భాటార్ వచ్చ తోన రకాడన్, తోన లంగన్ జాఁవుఁజేలగు, మార్ హాతేతి తోన బూర్దూఁచుఁ.
23మ, మార్ హాతేన పాడుఁ జేర్పచ్చ మార్ పాచ్చేర్ భాగేన దేకీస్ పణ్, మార్ మూండొ తోన దకాయెని కన్, మోషేతికో.
Currently Selected:
Exodus 33: Lambadi
Highlight
Copy
Compare
Share
Want to have your highlights saved across all your devices? Sign up or sign in
© 2025, The Bible Society of India
All rights reserved
