Mako 15
15
OYesu akutwalibwa egiri oPiraato
(Mat 27:1-2,11-14; Luk 23:1-3; Yok 18:28-38)
1Awo obwire nibwali bwakaca, abakabona abakulu nʼabantu abakulu omwiyanga, nʼabeegesya bʼamateeka gʼaBayudaaya, nʼoLukiiko lwʼaBayudaaya olukulu lwona lwona, ni basalawo ekyakukola. Ni babbwa oYesu, ni bamutwala ni bamuweeryayo egiri oPiraato omufugi oMurooma.
2OPiraato nʼamubuulya ati, “Niiwe mukama wʼaBayudaaya?” OYesu nʼamwiramu ati, “Ekyobazire nikyo.”
3Awo abakabona abakulu ni bamujunaana emisango gingi. 4OPiraato nʼairamu okumubuulya ati, “Tolina kyakwiramu? Bona emisango gyebakujunaana nigiri egingi.”
5Baitu oYesu natamwiremu, oPiraato ni yeewuunya.
OYesu akusaarwa gwa kufa
(Mat 27:15-26; Luk 23:13-25; Yok 18:39–19:16)
6Yaali ngeso ya Piraato, oku Bugenyi bwa Kwakalibwaku, okutaisya omubbwe abantu gwebaabbanga bamusabire. 7Oku mulundi guni omu nkomyo mwalimu omusaiza eyayetebwanga Balaba, eyaali nabbwerwe nʼabajeemu abaitire abantu omu kwegunga. 8Awo ekibiina kyʼabantu ni kyaba ewa Piraato okumusaba abakoore kyabakoora bulinca oku kiro nkʼekyo.
9OPiraato nʼababuulya ati, “Mukwendya mbataisirye omukama wʼaBayudaaya?” 10Ekyo yakibazire, kubba yeetejerye nti abakabona abakulu baali bawaireyo oYesu egyali lwa kumukwatirwa bwiya. 11Baitu abakabona abakulu ni bacwaka ekibiina kyʼabantu okusaba oPiraato abataisirye oBalaba omu kifo kya Yesu.
12Awo oPiraato era nʼababuulya ati, “Atite gwemukweta omukama wʼaBayudaaya mmukole ntyai?” 13Bo ni bamwiramu nibakukokooma bati, “Mubambe!”
14OPiraato nʼababuulya, “Lwaki? Airye musango ki?” Baitu ni beeyongerambe okukokooma bati, “Mubambe!”
15Awo oPiraato olwa kwendya okusemeerya ekibiina kyʼabantu, nʼabataisirya oBalaba. Nibaamaare okusuunya oYesu, oPiraato nʼamuweeryayo okubambwa.
Abasirikale bakujeejeera oYesu
(Mat 27:27-31; Yok 19:2-3)
16Awo abasirikale ni batwala oYesu omu kikaali kya Piraato ekyetebwa Puraitoriyaamu, ni beeta abaira baabwe boona boona. 17Ni bazwalikisya oYesu olugoye olwa kikingo, ni bakola ekondo yʼamawa, ni bagimuta oku mutwe. 18Awo ni batandika okumukiina bati, “Mamaala omukama wʼaBayudaaya!” 19Ni bamukubbisyakubbisya olubingo omu mutwe, ni bamucwaku, ni bakubba amajwi nambu bakumuramya. 20Awo ni bamaare okumujeejeera, ni bamwambulamu ekizwalibwa ekya kikingo, ni bamuzwalikisya engoye zaamwe, ni bamuwulica, ni bamutwala okumubamba oku musaalaba.
OYesu akubambwa oku musaalaba
(Mat 27:32-44; Luk 23:26-43; Yok 19:17-27)
21Awo omusaiza eyayetebwanga Simooni oMukuleeni, oite wʼAlekizanda nʼoRufusi niyaali akwakalawo nakuzwa omu kyalo, abasirikale ni bamuwambiriza okwetiika omusaalaba gwa Yesu. 22Awo oYesu ni bamwica omu kifo ekyetebwa Gologoosa, (Ekimanyisya nti “Ekifo kya kyangala.”) 23Ni bamuweerya eviini gyebaruubiremu omubazi ogwetebwa, mira baitu nʼagaana okuginywa. 24Awo ni bamubamba oku musaalaba. Ni bagabana ebizwalibwa byamwe nga bakubikubbira obululu, babone buli omwei kyeyatwala.
25Baamubambire ku saawa isatu eza mambya.
26Omusango ogwamujunainwe ni guwandiikibwa oku kipande nti, omukama wʼabayudaaya. 27Baabambire abanyagi babiri ampi nʼoYesu, omwei oku lubaju lwa Yesu olwa gulyo, owondi oku lwa gumoso. 28[Ekyawandiikibwe ni kiikiira, ekikoba kiti, “Yabaliibwe amwei nʼabayendi bʼamateeka.”#Isa 53:12]#15:28b Ebyawandiikibwe ebimwei ebya irai tebirina lunyiriri luni. 29Abaali bakwakalawo ni bazuma oYesu, nibakutengeetya emitwe omu bwandi nibakukoba bati, “Ale we ayenda eiramyo nʼoira nʼoryomboka omu biro bisatu 30weejune, weiye oku musaalaba.”
31Abakabona abakulu nʼabeegesya bʼamateeka gʼaBayudaaya, boona ni bamugaya nibakukobangana bati, “Yajunanga bandi, baitu ye takusobola kwejuna!” 32Era ni bamukiina ni bakukoba bati, “We oKurisito omukama wa Isirairi, ati zwa oku musaalaba nitukubona leke tukwikirize!” Nʼabo abaabambirwe naye ni bamuzuma.
Okufa kwa Yesu
(Mat 27:45-56; Luk 23:44-49; Yok 19:28-30)
33Okuzwa oku saawa eza mwiyangwe okwica oku saawa omwendai eza igolo, ekiiruma ni kisweka ensi yoona yoona. 34Oku saawa eyamwendai oYesu nʼakokooma nʼeiraka eryanguki ati, “Eloi Eloi, lama sabakusaani?” Ekimanyisya nti, “Kanca wange, Kanca wange, lwaki ondekere?”#Zab 22:1
35Abamwei oku abo abaali beemereire awo ni baawuliire ni bakoba bati, “Wura, akweta Eriya!”
36Awo omwei nʼairuka nʼainika ekyangwe omu nkaatu ya viini, nʼakita oku lubingo, nʼaweerya oYesu okunywa, nakukoba ati, “Leka tubone Eriya niyaabba yaiza okumwiya oku musaalaba!”
37OYesu nʼayamiira, nʼafa.
38Awo eikinga rya mwiramyo ni ryonokamu akati, okuliga aiguru okwika ansi. 39Osencuriyo, eyaali ayemereire awo narolereire oYesu, ni yaboine engeri oYesu gyafiiremu, nʼakoba ati, “Mananu omuntu oni abbaire Mwana wa Kanca!”
40Era waaliwo abakali abaali beenagireku akabbanga nibakulengera. Abamwei oku bo nibo bani, oMalyamu Magudaleena, oSaalume, nʼoMalyamu oma wa Yose nʼoYakobo omuto. 41Abakali bani baali basengeerya ba Yesu abaamuweerezanga niyaali omu Galiraaya. Era waaliwo abakali abandi baingi abaizire naye niyaali akutembatemba e Yerusaalemu.
Okuziikwa kwa Yesu
(Mat 27:57-61; Luk 23:50-56; Yok 19:38-42)
42Ekiro kya kuteekaniriza eSabbiiti obwire nibwali bukusweka, 43Awo omusaiza eyayetebwanga Yusufu owʼAlimasaaya, omukiiki oku Lukiiko lwʼaBayudaaya olukulu, eyaali omumanyiki era eyalindiiryanga obukama bwa Kanca, nʼaiza ewa Piraato nga takutiina nʼamusaba omulambo gwa Yesu. 44OPiraato ni yeewuunya okuwura nti oYesu yafiire irai. Nʼayeta omukulu wa kibinja kyʼabasirikale, leka amukakatye nti oYesu yaali afiire. 45Omukulu wa kibinja kyʼabasirikale niyamaare okukakatya oPiraato nti oYesu yaali nafiire, oPiraato nʼaikiriza oYusufu atwale omulambo. 46Awo oYusufu nʼagula olugoye olwa liiri, nʼawanula omulambo gwa Yesu oku musaalaba, nʼaguzinga omu lugoye olwo, nʼaguta omu mbi eyatemerwe omu lwazi nʼagalanzula eibbaale, nʼalikingisya omulyango gwa mbi. 47OMalyamu Magudaleena nʼoMalyamu oma wa Yose, ni babona omulambo gwa Yesu webaagutaire.
Currently Selected:
Mako 15: RUULI-NYALA
Highlight
Share
Copy
Want to have your highlights saved across all your devices? Sign up or sign in
Mako 15
15
OYesu akutwalibwa egiri oPiraato
(Mat 27:1-2,11-14; Luk 23:1-3; Yok 18:28-38)
1Awo obwire nibwali bwakaca, abakabona abakulu nʼabantu abakulu omwiyanga, nʼabeegesya bʼamateeka gʼaBayudaaya, nʼoLukiiko lwʼaBayudaaya olukulu lwona lwona, ni basalawo ekyakukola. Ni babbwa oYesu, ni bamutwala ni bamuweeryayo egiri oPiraato omufugi oMurooma.
2OPiraato nʼamubuulya ati, “Niiwe mukama wʼaBayudaaya?” OYesu nʼamwiramu ati, “Ekyobazire nikyo.”
3Awo abakabona abakulu ni bamujunaana emisango gingi. 4OPiraato nʼairamu okumubuulya ati, “Tolina kyakwiramu? Bona emisango gyebakujunaana nigiri egingi.”
5Baitu oYesu natamwiremu, oPiraato ni yeewuunya.
OYesu akusaarwa gwa kufa
(Mat 27:15-26; Luk 23:13-25; Yok 18:39–19:16)
6Yaali ngeso ya Piraato, oku Bugenyi bwa Kwakalibwaku, okutaisya omubbwe abantu gwebaabbanga bamusabire. 7Oku mulundi guni omu nkomyo mwalimu omusaiza eyayetebwanga Balaba, eyaali nabbwerwe nʼabajeemu abaitire abantu omu kwegunga. 8Awo ekibiina kyʼabantu ni kyaba ewa Piraato okumusaba abakoore kyabakoora bulinca oku kiro nkʼekyo.
9OPiraato nʼababuulya ati, “Mukwendya mbataisirye omukama wʼaBayudaaya?” 10Ekyo yakibazire, kubba yeetejerye nti abakabona abakulu baali bawaireyo oYesu egyali lwa kumukwatirwa bwiya. 11Baitu abakabona abakulu ni bacwaka ekibiina kyʼabantu okusaba oPiraato abataisirye oBalaba omu kifo kya Yesu.
12Awo oPiraato era nʼababuulya ati, “Atite gwemukweta omukama wʼaBayudaaya mmukole ntyai?” 13Bo ni bamwiramu nibakukokooma bati, “Mubambe!”
14OPiraato nʼababuulya, “Lwaki? Airye musango ki?” Baitu ni beeyongerambe okukokooma bati, “Mubambe!”
15Awo oPiraato olwa kwendya okusemeerya ekibiina kyʼabantu, nʼabataisirya oBalaba. Nibaamaare okusuunya oYesu, oPiraato nʼamuweeryayo okubambwa.
Abasirikale bakujeejeera oYesu
(Mat 27:27-31; Yok 19:2-3)
16Awo abasirikale ni batwala oYesu omu kikaali kya Piraato ekyetebwa Puraitoriyaamu, ni beeta abaira baabwe boona boona. 17Ni bazwalikisya oYesu olugoye olwa kikingo, ni bakola ekondo yʼamawa, ni bagimuta oku mutwe. 18Awo ni batandika okumukiina bati, “Mamaala omukama wʼaBayudaaya!” 19Ni bamukubbisyakubbisya olubingo omu mutwe, ni bamucwaku, ni bakubba amajwi nambu bakumuramya. 20Awo ni bamaare okumujeejeera, ni bamwambulamu ekizwalibwa ekya kikingo, ni bamuzwalikisya engoye zaamwe, ni bamuwulica, ni bamutwala okumubamba oku musaalaba.
OYesu akubambwa oku musaalaba
(Mat 27:32-44; Luk 23:26-43; Yok 19:17-27)
21Awo omusaiza eyayetebwanga Simooni oMukuleeni, oite wʼAlekizanda nʼoRufusi niyaali akwakalawo nakuzwa omu kyalo, abasirikale ni bamuwambiriza okwetiika omusaalaba gwa Yesu. 22Awo oYesu ni bamwica omu kifo ekyetebwa Gologoosa, (Ekimanyisya nti “Ekifo kya kyangala.”) 23Ni bamuweerya eviini gyebaruubiremu omubazi ogwetebwa, mira baitu nʼagaana okuginywa. 24Awo ni bamubamba oku musaalaba. Ni bagabana ebizwalibwa byamwe nga bakubikubbira obululu, babone buli omwei kyeyatwala.
25Baamubambire ku saawa isatu eza mambya.
26Omusango ogwamujunainwe ni guwandiikibwa oku kipande nti, omukama wʼabayudaaya. 27Baabambire abanyagi babiri ampi nʼoYesu, omwei oku lubaju lwa Yesu olwa gulyo, owondi oku lwa gumoso. 28[Ekyawandiikibwe ni kiikiira, ekikoba kiti, “Yabaliibwe amwei nʼabayendi bʼamateeka.”#Isa 53:12]#15:28b Ebyawandiikibwe ebimwei ebya irai tebirina lunyiriri luni. 29Abaali bakwakalawo ni bazuma oYesu, nibakutengeetya emitwe omu bwandi nibakukoba bati, “Ale we ayenda eiramyo nʼoira nʼoryomboka omu biro bisatu 30weejune, weiye oku musaalaba.”
31Abakabona abakulu nʼabeegesya bʼamateeka gʼaBayudaaya, boona ni bamugaya nibakukobangana bati, “Yajunanga bandi, baitu ye takusobola kwejuna!” 32Era ni bamukiina ni bakukoba bati, “We oKurisito omukama wa Isirairi, ati zwa oku musaalaba nitukubona leke tukwikirize!” Nʼabo abaabambirwe naye ni bamuzuma.
Okufa kwa Yesu
(Mat 27:45-56; Luk 23:44-49; Yok 19:28-30)
33Okuzwa oku saawa eza mwiyangwe okwica oku saawa omwendai eza igolo, ekiiruma ni kisweka ensi yoona yoona. 34Oku saawa eyamwendai oYesu nʼakokooma nʼeiraka eryanguki ati, “Eloi Eloi, lama sabakusaani?” Ekimanyisya nti, “Kanca wange, Kanca wange, lwaki ondekere?”#Zab 22:1
35Abamwei oku abo abaali beemereire awo ni baawuliire ni bakoba bati, “Wura, akweta Eriya!”
36Awo omwei nʼairuka nʼainika ekyangwe omu nkaatu ya viini, nʼakita oku lubingo, nʼaweerya oYesu okunywa, nakukoba ati, “Leka tubone Eriya niyaabba yaiza okumwiya oku musaalaba!”
37OYesu nʼayamiira, nʼafa.
38Awo eikinga rya mwiramyo ni ryonokamu akati, okuliga aiguru okwika ansi. 39Osencuriyo, eyaali ayemereire awo narolereire oYesu, ni yaboine engeri oYesu gyafiiremu, nʼakoba ati, “Mananu omuntu oni abbaire Mwana wa Kanca!”
40Era waaliwo abakali abaali beenagireku akabbanga nibakulengera. Abamwei oku bo nibo bani, oMalyamu Magudaleena, oSaalume, nʼoMalyamu oma wa Yose nʼoYakobo omuto. 41Abakali bani baali basengeerya ba Yesu abaamuweerezanga niyaali omu Galiraaya. Era waaliwo abakali abandi baingi abaizire naye niyaali akutembatemba e Yerusaalemu.
Okuziikwa kwa Yesu
(Mat 27:57-61; Luk 23:50-56; Yok 19:38-42)
42Ekiro kya kuteekaniriza eSabbiiti obwire nibwali bukusweka, 43Awo omusaiza eyayetebwanga Yusufu owʼAlimasaaya, omukiiki oku Lukiiko lwʼaBayudaaya olukulu, eyaali omumanyiki era eyalindiiryanga obukama bwa Kanca, nʼaiza ewa Piraato nga takutiina nʼamusaba omulambo gwa Yesu. 44OPiraato ni yeewuunya okuwura nti oYesu yafiire irai. Nʼayeta omukulu wa kibinja kyʼabasirikale, leka amukakatye nti oYesu yaali afiire. 45Omukulu wa kibinja kyʼabasirikale niyamaare okukakatya oPiraato nti oYesu yaali nafiire, oPiraato nʼaikiriza oYusufu atwale omulambo. 46Awo oYusufu nʼagula olugoye olwa liiri, nʼawanula omulambo gwa Yesu oku musaalaba, nʼaguzinga omu lugoye olwo, nʼaguta omu mbi eyatemerwe omu lwazi nʼagalanzula eibbaale, nʼalikingisya omulyango gwa mbi. 47OMalyamu Magudaleena nʼoMalyamu oma wa Yose, ni babona omulambo gwa Yesu webaagutaire.
Currently Selected:
:
Highlight
Share
Copy
Want to have your highlights saved across all your devices? Sign up or sign in