Mako 14
14
Olukwe olwa kwita oYesu
(Mat 26:1-5; Luk 22:1-2; Yok 11:45-53)
1Omu biro ebyo, niwaali wasigaire ebiro bibiri, oBugenyi obwa Kwakalibwaku, nʼoBugenyi obwa Migaati Egitatumbisiibwe bwike, abakabona abakulu, nʼabeegesya bʼamateeka gʼaBayudaaya ni bakola olukwe olwa kukwata oYesu, leke bamwite. 2Baitu ni bakoba bati, “Tuleke kumukwata mu biro bya Bugenyi, andaake abantu beegunge.”
OYesu akusukibwaku amafuta e Bbesaniya
(Mat 26:6-13; Yok 12:1-8)
3Awo oYesu niyaali e Bbesaniya omu nyumba ya musaiza eyayetebwanga Simooni omugenge, ngʼaikaire akulya, omu kaire ako omukali nʼaiza, ngʼalina ecupa erimu amafuta agasai ageetebwa narudo, agacuunyi era aga muwendo ogukooto. Nʼabbiinukula ecupa eyo, amagita nʼagasuka oku mutwe gwa Yesu.
4Baitu abamwei abaaliwo, ni bagongera. Ni bakobangana bati, “Lwaki amafuta ago agasiisire atyo? 5Gabbaire gakusobola okutundwa, ni gazwamu empiiya ezikuguluka omu dinaari#14:5 Dinaari: Bona ebikunyonyola oku 6:37. ebikumi bisatu, ni zigabirwa abaseege.” Omukali ni bamunenya muno.
6Baitu oYesu nʼakoba ati, “Omukali mumuleke, lwaki mukumugadya? Ekikolwa kyankoleire kisai. 7Abaseege baakubbanga naanywe bulinca, era buli lwemwakwendyanga, mwakubajunanga. Baitu nje tinkwiza kubbanga naanywe bulinca. 8Omukali oni akoore kyakusobola, omubiri gwange agusukireku amafuta agacuunyi nincaali kufa, nʼakuguteekaniriza okuziikwa. 9Era kambakobere mananu, woona woona omu nsi Amawuro Agasai gyegaalibuulirwa abantu, na kini omukali oni kyakoore, kiribazibwaku okumwizukira.”
OYuda akwikiriza okuliirana oYesu
(Mat 26:14-16; Luk 22:3-6)
10Awo oYuda Isikariyooti, omwei oku beegesebwa eikumi nʼababiri, nʼayaba egiri abakabona abakulu, nakwendya okuliirana oYesu, amuweeryeyo gyebali. 11Abakabona nibaawuliire kyakwendya okubakoora, ni basemeerwa, era ni basuubiza okumuweerya empiiya. Okuzwa olwo oYuda nʼatoolya akaire aka kuweeryayo oYesu.
OYesu akulya Obugenyi bwa Kwakalibwaku amwei nʼabeegesebwa baamwe
(Mat 26:17-20; Luk 22:7-17)
12Oku kiro ekikwekeera ekya Bugenyi bwa Migaati Egitatumbisiibwe, kwebaawongeranga ontaama omutomuto owa Bugenyi obwa Kwakalibwaku, abeegesebwa ba Yesu ni bamubuulya bati, “Okwendya tukuteekaniriize ayi oBugenyi obwa Kwakalibwaku?”
13Awo oYesu nʼatuma babiri oku beegesebwa, nʼabakoba ati, “Mwabe omu kibuga, mukwiza okwaja omusaiza eyeetiikire ensuwa yʼamaizi, mumusengeerye. 14Era mukobe muti omukama wa nyumba omusaiza oyo mweyaingira, ‘OMwegesya abwirye nti ekisiika kyamwe ye nʼabeegesebwa baamwe mwe baaliira oBugenyi obwa Kwakalibwaku kiri ayi?’ 15Ye akwiza okubalanga ekisiika ekikooto ekyʼaiguru omu kalina, ekiweire okuteekanizibwa, mututeekanirize omwo.”
16Awo abeegesebwa ni baimuka, ni baaba omu kibuga. Era ni baaja nga byona byona biri nkʼoYesu ni yabakobere. Ni bateekaniza oBugenyi obwa Kwakalibwaku.
17Obwire nibwaswekere, oYesu nʼaiza nʼabeegesebwa baamwe eikumi nʼababiri. 18Awo nibaali baikaire nibakulya, oYesu nʼabakoba ati, “Kambakobere amananu, omwei oku nywe akulya nanje, yandiirana.”
19Abeegesebwa baamwe ni beenatira era buli omwei, na buulya oYesu ati, “Omuntu oyo, niye nje?”
20OYesu nʼabairamu ati, “Omwei okwikumi nʼababiri era akukozya nanje omu lucuba niye yandiirana. 21Kubba oMwana wa Muntu ateekwa okwitibwa, nkʼebyawandiikiibwe nibimubazaku. Baitu omuntu oyo eyandiirana, wakubonaabona, kyakuli kisai natakubyairwe!”
Ekyaigolo kya Mukama waiswe
(Mat 26:26-30; Luk 22:19-20)
22Awo oYesu nʼabeegesebwa baamwe nibaali bakulya, oYesu nʼarola omugaati, ni yeebalya oKanca, nʼaguyendayenda nʼabaweerya, nʼabakoba ati, “Mutoole mulye, guni nigwo mubiri gwange.”
23Nʼaira nʼakwata ekikopo, era niyamaare okwebalya oKanca nʼabaweerya boona boona ni banywa, 24nʼabakoba ati, “Guni nigwo omusaayi gwange ogwasenseka oku lwa baingi, era ogukukakatya endagaano egiyaaka ekoleibwe oKanca. 25Kambakobere amananu, tindiiramu kunywa ku viini ya mizabbibbu, okwica nindiginywa, nga giyaaka, omu Bukama bwa Kanca.”
26Awo nibaamaare okwemba ekyembo ekyakuwaisya oKanca, ni bawuluka, ni baaba oku Lusozi olwa Misaale Egyetebwa Oliva.
OYesu akulanga nti oPeetero yamwegaana
(Mat 26:31-35; Luk 22:31-34; Yok 13:36-38)
27Awo oYesu nʼakoba abeegesebwa baamwe ati, “Nywena nywena mukwiza kwiruka mundekewo, kubba kyawandiikiibwe kiti,
‘Ndiita omuliisya,
entaama zirarange.’#Zek 13:7
28“Baitu ni ndimala okuyimbooka, ndibeekeera okwaba e Galiraaya.”
29Awo oPeetero nʼamukoba ati, “Gonze abandi boona boona ni baakulekawo, nje tinakulekewo.”
30OYesu nʼamwiramu ati, “Kankukobere amananu, Ekiro kya leero onkoko niyaabba atakakookere kabiri,#14:30 Ebiwaandiiko ebya irai tibirina “kabiri”. waneegaana emirundi esatu.”
31Baitu oPeetero nʼairamu nʼakakatirya kimwei ati, “Gonze ninaabba nga nteekwa okwitibwa amwei naawe, tinakwegaane.” Nʼabeegesebwa abaira baamwe boona boona ni babaza batyo.
OYesu omu Gesusemaani
(Mat 26:36-46; Luk 22:39-46)
32Awo oYesu nʼabeegesebwa baamwe ni baika omu kifo ekyetebwa Gesusemani. OYesu nʼakoba abeegesebwa baamwe ati, “Mwikaare ani, nje leke mmale okusaba.” 33Nʼayabangana nʼoPeetero, oYakobo nʼoYokaana, nʼatandika okutiina omuno nʼokutuntura. 34Nʼakoba ati, “Omwoyo gwange gwizwire obujune obukusobola nʼokunyita! Musigale ani nimukubonia.”
35Ni yeeyongerayo kadooli omu maiso, nʼakubba amajwi nʼasaba oKanca nikyabba kikusoboka, esaawa eya kubonaabona etamwikaku. 36Era nʼakoba ati, “Taata,#14:36 EBbaibbuli ezimwei eziri omu ndimi ezindi zirekawo ekigambo “Abba” ekimanyisya nti taata. egyoli buli kintu kisoboka, niwaabba nosiimire ntoolaku ekikopo ekya kubonaabona kini, ti mu kwendya kwange, baitu kyokwendya nikyo kikolebwe.”
37Awo nʼaira, nʼasanga oPeetero, oYakobo nʼoYokaana nibawungukire, nʼakoba oPeetero ati, “Simooni owungukire? Tosoboire kubonia gonze esaawa emwei eti? 38Mubonie era musabe oKanca, muleke kwoyeerwa. Omwoyo gukwendya, baitu omubiri gunaki.”
39Era nʼairayo nʼasaba ekintu nikyo kimwei nka kyeyeekereire okusaba. 40Awo niyaire era nʼabasanga nibawungukire, kubba amaiso gaabwe gaali gaizwire obulo. Ni babulwa kyebakumwiramu.
41Niyaire omulundi ogwakasatu nʼabakoba ati, “Mucaabbasirye era mucaawumwire? Mulekere awo! Esaawa eikire! OMwana wa Muntu akwaba okuweebwayo omu mikono gya bakoli ba bibbi. 42Mwimuke twabe, kubba omuntu andiiraine ali ampi okwika.”
Okukwatibwa kwa Yesu
(Mat 26:47-56; Luk 22:47-53; Yok 18:1-14)
43OYesu niyaali nacaabaza, amangu ago oYuda, omwei oku beegesebwa baamwe eikumi nʼababiri, nʼaiza nʼekibiina kyʼabantu abaalina empirima nʼagaigo, nibatumiibwe abakabona abakulu, nʼabeegesya bʼamateeka gʼaBayudaaya, nʼabantu abakulu omwiyanga.
44Obwo omuliirani yaali nawaire ekibiina ekyo akabonero nakukoba ati, “Omuntu gwenalamuca ninkumugwa omu kisubba, niye oyo, mumukwate mumugumye era mumutwale.” 45Awo oYuda niyaizire, amangu ago nʼayaba awaali oYesu, nʼakoba ati, “Mwegesya!” Era nʼamugwa omu kisubba. 46Awo ni babbukuura oYesu ni bamukwata ni bamugumya. 47Baitu omwei oku baali beemereire awo, nʼaiyayo empirima, nʼatema omwiru wa Saabakabona nʼamutiicaaku okutwi.
48Awo oYesu nʼababuulya ati, “Mwizire okunkwata nimulina empirima nʼagaigo, nkʼabaiziriire omunyagi? 49Buli kiro naabbanga naanywe omwiramyo ninkwegesya, ni mutankwata. Baitu kini kikoleibwe, ebyawandiikibwe leke biikiire.” 50Awo abeegesebwa baamwe boona boona ni bamwirukaku, ni bamulekawo.
51Waaliwo omusigazi eyaali yeenagiize olugoye lwa liiri lwonkai nakusengeerya oYesu. Abantu ni bagezaku okumukwata, 52baitu nʼabeetaisulaku, nʼairuka nali bwereere.
OYesu omu maiso ga Lukiiko lwʼaBayudaaya
(Mat 26:57-68; Luk 22:66-71)
53Awo oYesu ni bamutwala ewa Saabakabona. ABakabona abakulu boona boona nʼabantu abakulu omwiyanga, nʼabeegesya bʼamateeka gʼaBayudaaya, ni bakumbaana.
54OPeetero, eyaali asengereirye oYesu namwenagireku eibbanga, nʼaingiriira kimwei omu lubuga lwa Saabakabona, nʼaikaara nʼabalindi nʼayota omuuro.
55Obwo abakabona abakulu nʼoLukiiko lwʼaBayudaaya olukulu lwona lwona ni batoolya obujuurwa obukulumiirya oYesu leke bamwite baitu ni batabubona. 56Waaliwo baingi abaawaire obujuurwa obwa bubeyegi baitu obujuurwa bwabwe ni butakwatangana.
57Awo abamwei ni baimuka, ni bamuwangiirya bati, 58“Twamuwuliire nakukoba ati, ‘Ndiyendawo eiramyo rini eryayombokerwe abantu, omu biro bisatu, ndyombokawo erindi eritayombokwa bantu.’” 59Baitu nʼobujurwa obwa bani ni butakwatangana.
60Awo oSaabakabona nʼayemeera boona boona webakumubonera, nʼabuulya oYesu ati, “Tolina kyakwiramu? Kiki kyʼokukoba oku bini byebakukulumiirya?”
61Baitu oYesu nʼasirika, nʼatairamu. OSaabakabona nʼayongera okumubuulya ati, “Niiwe oKurisito, oMwana wa Kanca Awaisibwa?”
62Awo oYesu nʼairamu ati, “Ninje. Era mulibona oMwana wa Muntu naikaire oku rubaju olwa gulyo olwa Kanca oMunyamaani,#Zab 110:1 era nakwizira omu bicu ebya iguru.”#Dan 7:13
63Awo oSaabakabona nʼatemula ebizwalibwa byamwe,#14:63 Nʼatemula ebizwalibwa byamwe Kini kyali kikolwa ekyalanganga nti omuntu agongeire. era nʼakoba ati, “Ati tucaayenderyaki abajuurwa abandi? 64Muwuliire nka nazumire oKanca. Nywe mukulowooza mutyai?”
Awo boona boona ni basingisya oYesu omusango, ni bakoba nambu ateekwa okwitibwa. 65Abamwei ni batandika okumucwaku, ni bamubbwa ekitambaala oku maiso, era ni bamukubba ebitomi nibakukoba bati, “Teeba akukubbire.” Awo abalindi ni bamutwala nibakumupaaya.
OPeetero akwegaana oYesu
(Mat 26:69-75; Luk 22:54-62; Yok 18:15-18,25-27)
66Awo oPeetero niyaali ansi omu lubuga, omwei oku baala abaweereza ba Saabakabona, nʼaiza. 67Niyaboine oPeetero nakwota omuuro, nʼamwetegereza nʼakoba ati,
“Naawe waali nʼoYesu oMunazaaleesi oyo.”
68Baitu oPeetero ni yeegaana nti, “Kyokukoba tinkimaite era tinkukyeteja.” Awo oPeetero nʼazwa omu lubuga, nʼayaba omu lukuubo olukuwuluka enzai, onkoko nʼakooka.#14:68 Ebitabo ebimwei tibirina bigambo onkoko nʼakooka.
69Awo omwala odi nʼairamu okubona oPeetero, nʼakoba abaali beemereire awo ati, “Omusaiza oni niye omwei oku basengeerya ba Yesu.” 70Baitu oPeetero ni yeeyongera okwegaana. Era niwaakairewo akaire kadooli, abaali beemereire awo boona ni bamukoba bati “Mananu oli omwei oku basengeerya ba Yesu, kubba weena oli Mugaliraaya.”
71Baitu oPeetero ni yeeyongera okwegaana nakukoba ati, “Nkulayira nga nkubaza mananu nti nje omuntu oyo gwe mukubazaku timmumaite.”
72Amangu ago onkoko nʼakooka omulundi ogwakabiri. Awo oPeetero nʼaizukira oYesu byeyamukobere nti, “Onkoko yaabba atakakookere mirundi ebiri, waneegaana emirundi esatu.” Awo oPeetero nʼalumwa muno nʼatandika okukunga.
Currently Selected:
Mako 14: RUULI-NYALA
Highlight
Share
Copy
Want to have your highlights saved across all your devices? Sign up or sign in
Mako 14
14
Olukwe olwa kwita oYesu
(Mat 26:1-5; Luk 22:1-2; Yok 11:45-53)
1Omu biro ebyo, niwaali wasigaire ebiro bibiri, oBugenyi obwa Kwakalibwaku, nʼoBugenyi obwa Migaati Egitatumbisiibwe bwike, abakabona abakulu, nʼabeegesya bʼamateeka gʼaBayudaaya ni bakola olukwe olwa kukwata oYesu, leke bamwite. 2Baitu ni bakoba bati, “Tuleke kumukwata mu biro bya Bugenyi, andaake abantu beegunge.”
OYesu akusukibwaku amafuta e Bbesaniya
(Mat 26:6-13; Yok 12:1-8)
3Awo oYesu niyaali e Bbesaniya omu nyumba ya musaiza eyayetebwanga Simooni omugenge, ngʼaikaire akulya, omu kaire ako omukali nʼaiza, ngʼalina ecupa erimu amafuta agasai ageetebwa narudo, agacuunyi era aga muwendo ogukooto. Nʼabbiinukula ecupa eyo, amagita nʼagasuka oku mutwe gwa Yesu.
4Baitu abamwei abaaliwo, ni bagongera. Ni bakobangana bati, “Lwaki amafuta ago agasiisire atyo? 5Gabbaire gakusobola okutundwa, ni gazwamu empiiya ezikuguluka omu dinaari#14:5 Dinaari: Bona ebikunyonyola oku 6:37. ebikumi bisatu, ni zigabirwa abaseege.” Omukali ni bamunenya muno.
6Baitu oYesu nʼakoba ati, “Omukali mumuleke, lwaki mukumugadya? Ekikolwa kyankoleire kisai. 7Abaseege baakubbanga naanywe bulinca, era buli lwemwakwendyanga, mwakubajunanga. Baitu nje tinkwiza kubbanga naanywe bulinca. 8Omukali oni akoore kyakusobola, omubiri gwange agusukireku amafuta agacuunyi nincaali kufa, nʼakuguteekaniriza okuziikwa. 9Era kambakobere mananu, woona woona omu nsi Amawuro Agasai gyegaalibuulirwa abantu, na kini omukali oni kyakoore, kiribazibwaku okumwizukira.”
OYuda akwikiriza okuliirana oYesu
(Mat 26:14-16; Luk 22:3-6)
10Awo oYuda Isikariyooti, omwei oku beegesebwa eikumi nʼababiri, nʼayaba egiri abakabona abakulu, nakwendya okuliirana oYesu, amuweeryeyo gyebali. 11Abakabona nibaawuliire kyakwendya okubakoora, ni basemeerwa, era ni basuubiza okumuweerya empiiya. Okuzwa olwo oYuda nʼatoolya akaire aka kuweeryayo oYesu.
OYesu akulya Obugenyi bwa Kwakalibwaku amwei nʼabeegesebwa baamwe
(Mat 26:17-20; Luk 22:7-17)
12Oku kiro ekikwekeera ekya Bugenyi bwa Migaati Egitatumbisiibwe, kwebaawongeranga ontaama omutomuto owa Bugenyi obwa Kwakalibwaku, abeegesebwa ba Yesu ni bamubuulya bati, “Okwendya tukuteekaniriize ayi oBugenyi obwa Kwakalibwaku?”
13Awo oYesu nʼatuma babiri oku beegesebwa, nʼabakoba ati, “Mwabe omu kibuga, mukwiza okwaja omusaiza eyeetiikire ensuwa yʼamaizi, mumusengeerye. 14Era mukobe muti omukama wa nyumba omusaiza oyo mweyaingira, ‘OMwegesya abwirye nti ekisiika kyamwe ye nʼabeegesebwa baamwe mwe baaliira oBugenyi obwa Kwakalibwaku kiri ayi?’ 15Ye akwiza okubalanga ekisiika ekikooto ekyʼaiguru omu kalina, ekiweire okuteekanizibwa, mututeekanirize omwo.”
16Awo abeegesebwa ni baimuka, ni baaba omu kibuga. Era ni baaja nga byona byona biri nkʼoYesu ni yabakobere. Ni bateekaniza oBugenyi obwa Kwakalibwaku.
17Obwire nibwaswekere, oYesu nʼaiza nʼabeegesebwa baamwe eikumi nʼababiri. 18Awo nibaali baikaire nibakulya, oYesu nʼabakoba ati, “Kambakobere amananu, omwei oku nywe akulya nanje, yandiirana.”
19Abeegesebwa baamwe ni beenatira era buli omwei, na buulya oYesu ati, “Omuntu oyo, niye nje?”
20OYesu nʼabairamu ati, “Omwei okwikumi nʼababiri era akukozya nanje omu lucuba niye yandiirana. 21Kubba oMwana wa Muntu ateekwa okwitibwa, nkʼebyawandiikiibwe nibimubazaku. Baitu omuntu oyo eyandiirana, wakubonaabona, kyakuli kisai natakubyairwe!”
Ekyaigolo kya Mukama waiswe
(Mat 26:26-30; Luk 22:19-20)
22Awo oYesu nʼabeegesebwa baamwe nibaali bakulya, oYesu nʼarola omugaati, ni yeebalya oKanca, nʼaguyendayenda nʼabaweerya, nʼabakoba ati, “Mutoole mulye, guni nigwo mubiri gwange.”
23Nʼaira nʼakwata ekikopo, era niyamaare okwebalya oKanca nʼabaweerya boona boona ni banywa, 24nʼabakoba ati, “Guni nigwo omusaayi gwange ogwasenseka oku lwa baingi, era ogukukakatya endagaano egiyaaka ekoleibwe oKanca. 25Kambakobere amananu, tindiiramu kunywa ku viini ya mizabbibbu, okwica nindiginywa, nga giyaaka, omu Bukama bwa Kanca.”
26Awo nibaamaare okwemba ekyembo ekyakuwaisya oKanca, ni bawuluka, ni baaba oku Lusozi olwa Misaale Egyetebwa Oliva.
OYesu akulanga nti oPeetero yamwegaana
(Mat 26:31-35; Luk 22:31-34; Yok 13:36-38)
27Awo oYesu nʼakoba abeegesebwa baamwe ati, “Nywena nywena mukwiza kwiruka mundekewo, kubba kyawandiikiibwe kiti,
‘Ndiita omuliisya,
entaama zirarange.’#Zek 13:7
28“Baitu ni ndimala okuyimbooka, ndibeekeera okwaba e Galiraaya.”
29Awo oPeetero nʼamukoba ati, “Gonze abandi boona boona ni baakulekawo, nje tinakulekewo.”
30OYesu nʼamwiramu ati, “Kankukobere amananu, Ekiro kya leero onkoko niyaabba atakakookere kabiri,#14:30 Ebiwaandiiko ebya irai tibirina “kabiri”. waneegaana emirundi esatu.”
31Baitu oPeetero nʼairamu nʼakakatirya kimwei ati, “Gonze ninaabba nga nteekwa okwitibwa amwei naawe, tinakwegaane.” Nʼabeegesebwa abaira baamwe boona boona ni babaza batyo.
OYesu omu Gesusemaani
(Mat 26:36-46; Luk 22:39-46)
32Awo oYesu nʼabeegesebwa baamwe ni baika omu kifo ekyetebwa Gesusemani. OYesu nʼakoba abeegesebwa baamwe ati, “Mwikaare ani, nje leke mmale okusaba.” 33Nʼayabangana nʼoPeetero, oYakobo nʼoYokaana, nʼatandika okutiina omuno nʼokutuntura. 34Nʼakoba ati, “Omwoyo gwange gwizwire obujune obukusobola nʼokunyita! Musigale ani nimukubonia.”
35Ni yeeyongerayo kadooli omu maiso, nʼakubba amajwi nʼasaba oKanca nikyabba kikusoboka, esaawa eya kubonaabona etamwikaku. 36Era nʼakoba ati, “Taata,#14:36 EBbaibbuli ezimwei eziri omu ndimi ezindi zirekawo ekigambo “Abba” ekimanyisya nti taata. egyoli buli kintu kisoboka, niwaabba nosiimire ntoolaku ekikopo ekya kubonaabona kini, ti mu kwendya kwange, baitu kyokwendya nikyo kikolebwe.”
37Awo nʼaira, nʼasanga oPeetero, oYakobo nʼoYokaana nibawungukire, nʼakoba oPeetero ati, “Simooni owungukire? Tosoboire kubonia gonze esaawa emwei eti? 38Mubonie era musabe oKanca, muleke kwoyeerwa. Omwoyo gukwendya, baitu omubiri gunaki.”
39Era nʼairayo nʼasaba ekintu nikyo kimwei nka kyeyeekereire okusaba. 40Awo niyaire era nʼabasanga nibawungukire, kubba amaiso gaabwe gaali gaizwire obulo. Ni babulwa kyebakumwiramu.
41Niyaire omulundi ogwakasatu nʼabakoba ati, “Mucaabbasirye era mucaawumwire? Mulekere awo! Esaawa eikire! OMwana wa Muntu akwaba okuweebwayo omu mikono gya bakoli ba bibbi. 42Mwimuke twabe, kubba omuntu andiiraine ali ampi okwika.”
Okukwatibwa kwa Yesu
(Mat 26:47-56; Luk 22:47-53; Yok 18:1-14)
43OYesu niyaali nacaabaza, amangu ago oYuda, omwei oku beegesebwa baamwe eikumi nʼababiri, nʼaiza nʼekibiina kyʼabantu abaalina empirima nʼagaigo, nibatumiibwe abakabona abakulu, nʼabeegesya bʼamateeka gʼaBayudaaya, nʼabantu abakulu omwiyanga.
44Obwo omuliirani yaali nawaire ekibiina ekyo akabonero nakukoba ati, “Omuntu gwenalamuca ninkumugwa omu kisubba, niye oyo, mumukwate mumugumye era mumutwale.” 45Awo oYuda niyaizire, amangu ago nʼayaba awaali oYesu, nʼakoba ati, “Mwegesya!” Era nʼamugwa omu kisubba. 46Awo ni babbukuura oYesu ni bamukwata ni bamugumya. 47Baitu omwei oku baali beemereire awo, nʼaiyayo empirima, nʼatema omwiru wa Saabakabona nʼamutiicaaku okutwi.
48Awo oYesu nʼababuulya ati, “Mwizire okunkwata nimulina empirima nʼagaigo, nkʼabaiziriire omunyagi? 49Buli kiro naabbanga naanywe omwiramyo ninkwegesya, ni mutankwata. Baitu kini kikoleibwe, ebyawandiikibwe leke biikiire.” 50Awo abeegesebwa baamwe boona boona ni bamwirukaku, ni bamulekawo.
51Waaliwo omusigazi eyaali yeenagiize olugoye lwa liiri lwonkai nakusengeerya oYesu. Abantu ni bagezaku okumukwata, 52baitu nʼabeetaisulaku, nʼairuka nali bwereere.
OYesu omu maiso ga Lukiiko lwʼaBayudaaya
(Mat 26:57-68; Luk 22:66-71)
53Awo oYesu ni bamutwala ewa Saabakabona. ABakabona abakulu boona boona nʼabantu abakulu omwiyanga, nʼabeegesya bʼamateeka gʼaBayudaaya, ni bakumbaana.
54OPeetero, eyaali asengereirye oYesu namwenagireku eibbanga, nʼaingiriira kimwei omu lubuga lwa Saabakabona, nʼaikaara nʼabalindi nʼayota omuuro.
55Obwo abakabona abakulu nʼoLukiiko lwʼaBayudaaya olukulu lwona lwona ni batoolya obujuurwa obukulumiirya oYesu leke bamwite baitu ni batabubona. 56Waaliwo baingi abaawaire obujuurwa obwa bubeyegi baitu obujuurwa bwabwe ni butakwatangana.
57Awo abamwei ni baimuka, ni bamuwangiirya bati, 58“Twamuwuliire nakukoba ati, ‘Ndiyendawo eiramyo rini eryayombokerwe abantu, omu biro bisatu, ndyombokawo erindi eritayombokwa bantu.’” 59Baitu nʼobujurwa obwa bani ni butakwatangana.
60Awo oSaabakabona nʼayemeera boona boona webakumubonera, nʼabuulya oYesu ati, “Tolina kyakwiramu? Kiki kyʼokukoba oku bini byebakukulumiirya?”
61Baitu oYesu nʼasirika, nʼatairamu. OSaabakabona nʼayongera okumubuulya ati, “Niiwe oKurisito, oMwana wa Kanca Awaisibwa?”
62Awo oYesu nʼairamu ati, “Ninje. Era mulibona oMwana wa Muntu naikaire oku rubaju olwa gulyo olwa Kanca oMunyamaani,#Zab 110:1 era nakwizira omu bicu ebya iguru.”#Dan 7:13
63Awo oSaabakabona nʼatemula ebizwalibwa byamwe,#14:63 Nʼatemula ebizwalibwa byamwe Kini kyali kikolwa ekyalanganga nti omuntu agongeire. era nʼakoba ati, “Ati tucaayenderyaki abajuurwa abandi? 64Muwuliire nka nazumire oKanca. Nywe mukulowooza mutyai?”
Awo boona boona ni basingisya oYesu omusango, ni bakoba nambu ateekwa okwitibwa. 65Abamwei ni batandika okumucwaku, ni bamubbwa ekitambaala oku maiso, era ni bamukubba ebitomi nibakukoba bati, “Teeba akukubbire.” Awo abalindi ni bamutwala nibakumupaaya.
OPeetero akwegaana oYesu
(Mat 26:69-75; Luk 22:54-62; Yok 18:15-18,25-27)
66Awo oPeetero niyaali ansi omu lubuga, omwei oku baala abaweereza ba Saabakabona, nʼaiza. 67Niyaboine oPeetero nakwota omuuro, nʼamwetegereza nʼakoba ati,
“Naawe waali nʼoYesu oMunazaaleesi oyo.”
68Baitu oPeetero ni yeegaana nti, “Kyokukoba tinkimaite era tinkukyeteja.” Awo oPeetero nʼazwa omu lubuga, nʼayaba omu lukuubo olukuwuluka enzai, onkoko nʼakooka.#14:68 Ebitabo ebimwei tibirina bigambo onkoko nʼakooka.
69Awo omwala odi nʼairamu okubona oPeetero, nʼakoba abaali beemereire awo ati, “Omusaiza oni niye omwei oku basengeerya ba Yesu.” 70Baitu oPeetero ni yeeyongera okwegaana. Era niwaakairewo akaire kadooli, abaali beemereire awo boona ni bamukoba bati “Mananu oli omwei oku basengeerya ba Yesu, kubba weena oli Mugaliraaya.”
71Baitu oPeetero ni yeeyongera okwegaana nakukoba ati, “Nkulayira nga nkubaza mananu nti nje omuntu oyo gwe mukubazaku timmumaite.”
72Amangu ago onkoko nʼakooka omulundi ogwakabiri. Awo oPeetero nʼaizukira oYesu byeyamukobere nti, “Onkoko yaabba atakakookere mirundi ebiri, waneegaana emirundi esatu.” Awo oPeetero nʼalumwa muno nʼatandika okukunga.
Currently Selected:
:
Highlight
Share
Copy
Want to have your highlights saved across all your devices? Sign up or sign in