Luka 6
6
OMukama wa Sabbiiti
(Mat 12:1-8; Mak 2:23-28)
1Ekiro kya Sabbiiti kimwei, oYesu yaali nakwakala omu musiri gwa ŋaano, abeegesebwa baamwe ni batandika okunokola engaano, okuginyunka omu ngalo nʼokugirya. 2ABafarisaayo abamwei ni babuulya nti, “Lwaki mukukola ekitaikirizibwa oku Sabbiiti?”
3OYesu nʼabairamu ati; “Timusomangaku oDawudi kyeyakoore ye enzala niyamulumire amwei nʼabo beyaali nabo? 4Nka ni yaingiire omu nyumba ya Kanca, nʼalya emigaati egiwonge, nʼaweerya nʼabo beyaali nabo?” Nigyo migaati egitaikirizibwanga kuliibwa muntu wondi, okwiyaku abakabona bonkai. 5Nikwo okubakoba nti; “OMwana wa Muntu niye Mukama wa Sabbiiti.”
OYesu okutamba omusaiza owa mukono ogukabire
(Mat 12:9-14; Mak 3:1-6)
6Oku Sabbiiti egindi oYesu nʼaingira omwikumbaaniro nʼayegesya. Omwikumbaaniro mwalumu omusaiza owa mukono ogulyo ogwakabire. 7Abeegesya bʼamateeka nʼaBafarisaayo baali bakutoolya ensonga kwebamujunaanira, ni bamutaaku amaiso okubona oba yatambira oku Sabbiiti. 8OYesu nʼamanya bye baali bakulowooza, nʼakoba omusaiza owa mukono ogwakabire nti, “Imuka oyemeere omu maiso ga bantu.” Omusaiza nʼaimuka nʼayemeera awo.
9OYesu nʼabakoba, “Kambabuulye, ekiikirizibwa okukolebwa oku Sabbiiti nikyo kiri ayi oku bini: Kukola kusai oba kukola kubbi, kurulumula bwomi oba kubuzikya?”
10Awo boona nʼabeeruguurya amaiso, era nʼakoba omusaiza, “Golola omukono gwamu.” Nʼagugolola ni gutambirwa kimwei. 11Awo ni beesoma, ni beebuulya bonkai na bonkai kyebakoora oYesu.
OYesu akukoma abakwenda eikumi nʼababiri
(Mat 10:1-4; Mak 3:13-19)
12Omu biro ebyo oYesu nʼayaba oku lusozi okusaba, nʼakeisya obwire nakusaba oKanca. 13Nibwakeire, nʼayeta abeegesebwa baamwe, nʼakomyamu ikumi nʼababiri beyayalikire abakwenda; era nibo bani: 14OSimooni (gweyasangirwe nayalikire Peetero#6:14 Omurulimi oluyonaani rimanyisya lwazi. Mat 16:16-18; Yok 1:42. Yaali mwegesebwa wa Yesu eyekereire okwetebwa oSimooni. Yaali mutegi omugande Andereya niye yamwanjwire ewa Yesu.), omuganda wa Simooni eyayetebwanga Andereya, oYakobo, oYokaana, oFiripo, oBatulumaayo, 15oMatayo, oTomasi, oYakobo omutaani wa Alufaayo, oSimooni#6:15 OSimooni yaali mu kibiina kya bantu abaayendyanga okwiyaku obufugi bwa Barooma. Yayetebwanga omulwaniiri wa iyanga. (Ziloti). eyayetebwanga omulwaniiri wa Iyanga, 16oYuda omutaani wa Yakobo, nʼoYuda Isikariyooti eyamuliraine.
OYesu okutamba abalwaire
(Mat 4:23-25)
17OYesu nʼasirimuka nʼabantu boona nʼayemeera awaseeteekeeri weyaajiirye abeegesebwa baamwe abandi baingi nʼabantu abandi abalugire omu Buyudaaya nʼomu kibuga e Yerusaalemu nʼoku lukeito lwa nyanja e Tiiro nʼe Sidoni, 18abaizire okumuwuliirya nʼokutambwa endwaire zaabwe. Abo abagadibwanga abadaimooni baatambirwe, 19nʼabantu boona boona ni bagezaaku okumukwataku, olwakubba amaani gamulugangamu ni gabatamba.
Aba mukisa nʼabakubona enaku
(Mat 5:1-12)
20OYesu nʼaroleera abeegesebwa baamwe nʼabakoba,
“Mwesiimire nywe abaseege,
kubba obukama bwa Kanca bwanywe.
21Ba mukisa abalumwa enzala ati,
kubba baliikutisibwa.
Ba mukisa abakukunga ati,
kubba baliseka.
22Muli ba mukisa abantu nibaakubanobanga,
ni babasoroora, nʼokubagaya,
ni babeeta ababbi olwa Mwana wa Muntu.
23“Musemereerwe ekiro ekyo era muguduke olwa kusemereerwa, kubba empeera yaanywe gikooto omwiguru, nkweta nʼabaitebaabwe nimwo bakoore abalangi.
24“Baitu ziribaaja nywe abaguuda,
kubba okusemereerwa kwanywe mumaare okukutunga.
25Ziribaaja nywe abakwikuta ati,
kubba mulirumwa enzala.
Ziribaaja abakuseka ati,
kubba mulyenatira era mukunge.
26Ziribaaja abantu boona nibaabazangaku okusai,
kubba nimwo abaitebaabwe baayakairye abalangi ababubeyegi.
Okwendya abatukola okubbi
(Mat 5:38-48; 7:12a)
27“Baitu nkubakoba nywe abakumpuliirya: Mwendyenge ababakola okubbi! Mukolenge kusai ababanoba. 28Musabirenge omukisa ababaceena, musabirenge ababakola okubbi. 29Omuntu nakupaayanga okwitama erimwei omuyinduuranga nʼerindi. Omuntu nakutwalangaku ekooti yaamu, tomwimanga kanzu. 30Buli eyaakukusabanga muweeryenge, nʼeyaakutwalanga ekyamu, tomusabanga kukikwiriirya. 31Ekyemwendya abantu okubakooranga, nywena nikyo mubakoorenge.
32“Nimwakwendyanga abo ababendya bonkai, mugaso ki? Kubba nʼababbi boona bendya ababendya! 33Era nimwakukolanga okusai abo ababakola okusai bonkai, mugaso ki? Kubba nʼababbi nimwo bakola. 34Era nimwakutiizanga abantu abaabairiiryanga muligasirwa mutyai? ‘Nʼababbi’ batiiza ‘ababbi,’ nibakusuubira okusasulwa omu bwizuli. 35Baitu nywe mwendyenge abanyanzugu baanywe, mubakolenge kusai, era mubatiizenge nimutakubasuubira kubairiirya kantu koona. Obwo empeera yaanywe eribba gikooto, era mulibba baana ba Kanca, kubba akwatirwa ekisa abateebalya nʼababbi. 36Mubbenge ba kisa nkʼoitewaanywe nali wa kisa.
Obutasaara abandi musango
(Mat 7:1-5)
37“Timusalanga musango, nywena mutalisaarwa. Timusaliiryanga nywena tibalibasaliirya. Musaasirenge nywena mulisaasirwa. 38Mugabenge, nywena muligabirwa. Olulengo olwizuli, olwikatiirwe, olutengeteibwe, era olukubwoga nilwo lwalibateerwa omu bidagado byanywe. Olulengo lwe mulikolesya okupimiramu, nywena nilwo lulibapimirwamu.”
39OYesu nʼabasubiira olufumo olundi ati: “Omwigali wa maiso asobola okwebembera omwigali wa maiso omwirawaamwe? Bakali babiri tibagwa omu kiina? 40Omweegesebwa tasinga mwegesya waamwe, baitu buli omwei namala okwegesebwa okusai, abba nkʼoyo eyamwegeserye. 41Lwaki oroleera akasubi akali omu riiso rya mutaayi waamu nʼotafa ku kisaale ekiri omu riiso ryamu. 42Era osobola otyai okukoba omutaayi waamu nti, ‘Mutaayi wange, leka nnyiye akasubi oku riiso ryamu,’ we omwenyenere nolemerwe okweiyamu ekisaale omu riiso ryamu? Mugobya we, banza oiye ekisaale omu riiso ryamu, obone kusai leke otoolemu akasubi omu riiso rya mutaayi waamu.
Omusaale nʼebyana byagwo
(Mat 7:16-20; 12:33-35)
43“Ndoowo musaale gusai ogwera ebyana ebibbi, era ndoowo musaale ogubbi ogwera ebyana ebisai. 44Buli musaale bagumanyira ku byana byagwo. Ebyana bya mutiini tibabinokola ku mweramaino nʼezabbibbu tibazinokola ku mugwi. 45Omuntu omusai aiya ebintu ebisai ebibiikiibwe omu mutima gwamwe, nʼomubbi aiya ebintu ebibbi ebibiikiibwe omu mutima gwamwe. Kubba ebiizula omu mutima omunwa nibyo gubaza.
Omwomboki omugezi nʼomusiru
(Mat 7:24-27)
46“Lwaki munyeta, ‘Mukama, Mukama,’ ni mutakola byembakoba? 47Nabalanga oyo aiza e wange, nʼawura ebigambo byange era nʼabikola, kyaisana. 48Aisana omusaiza akwomboka enyumba, eyasakire olwina olulai nʼayomboka omusingi oku lwazi. Ekinyeeri nikyaizire, ni kikubba enyumba baitu netatengeeta, kubba yayombokeibwe kusai. 49Baitu oyo awura ebigambo byange nʼatabita mu nkola aisana omusaiza eyayombokere enyumba okwitakali eginambula musingi. Ekinyeeri nikyagikubbire enyumba nʼegwa, nʼokugwa kwayo kwali kwa maani.”
Currently Selected:
Luka 6: RUULI-NYALA
Highlight
Share
Copy
Want to have your highlights saved across all your devices? Sign up or sign in
Luka 6
6
OMukama wa Sabbiiti
(Mat 12:1-8; Mak 2:23-28)
1Ekiro kya Sabbiiti kimwei, oYesu yaali nakwakala omu musiri gwa ŋaano, abeegesebwa baamwe ni batandika okunokola engaano, okuginyunka omu ngalo nʼokugirya. 2ABafarisaayo abamwei ni babuulya nti, “Lwaki mukukola ekitaikirizibwa oku Sabbiiti?”
3OYesu nʼabairamu ati; “Timusomangaku oDawudi kyeyakoore ye enzala niyamulumire amwei nʼabo beyaali nabo? 4Nka ni yaingiire omu nyumba ya Kanca, nʼalya emigaati egiwonge, nʼaweerya nʼabo beyaali nabo?” Nigyo migaati egitaikirizibwanga kuliibwa muntu wondi, okwiyaku abakabona bonkai. 5Nikwo okubakoba nti; “OMwana wa Muntu niye Mukama wa Sabbiiti.”
OYesu okutamba omusaiza owa mukono ogukabire
(Mat 12:9-14; Mak 3:1-6)
6Oku Sabbiiti egindi oYesu nʼaingira omwikumbaaniro nʼayegesya. Omwikumbaaniro mwalumu omusaiza owa mukono ogulyo ogwakabire. 7Abeegesya bʼamateeka nʼaBafarisaayo baali bakutoolya ensonga kwebamujunaanira, ni bamutaaku amaiso okubona oba yatambira oku Sabbiiti. 8OYesu nʼamanya bye baali bakulowooza, nʼakoba omusaiza owa mukono ogwakabire nti, “Imuka oyemeere omu maiso ga bantu.” Omusaiza nʼaimuka nʼayemeera awo.
9OYesu nʼabakoba, “Kambabuulye, ekiikirizibwa okukolebwa oku Sabbiiti nikyo kiri ayi oku bini: Kukola kusai oba kukola kubbi, kurulumula bwomi oba kubuzikya?”
10Awo boona nʼabeeruguurya amaiso, era nʼakoba omusaiza, “Golola omukono gwamu.” Nʼagugolola ni gutambirwa kimwei. 11Awo ni beesoma, ni beebuulya bonkai na bonkai kyebakoora oYesu.
OYesu akukoma abakwenda eikumi nʼababiri
(Mat 10:1-4; Mak 3:13-19)
12Omu biro ebyo oYesu nʼayaba oku lusozi okusaba, nʼakeisya obwire nakusaba oKanca. 13Nibwakeire, nʼayeta abeegesebwa baamwe, nʼakomyamu ikumi nʼababiri beyayalikire abakwenda; era nibo bani: 14OSimooni (gweyasangirwe nayalikire Peetero#6:14 Omurulimi oluyonaani rimanyisya lwazi. Mat 16:16-18; Yok 1:42. Yaali mwegesebwa wa Yesu eyekereire okwetebwa oSimooni. Yaali mutegi omugande Andereya niye yamwanjwire ewa Yesu.), omuganda wa Simooni eyayetebwanga Andereya, oYakobo, oYokaana, oFiripo, oBatulumaayo, 15oMatayo, oTomasi, oYakobo omutaani wa Alufaayo, oSimooni#6:15 OSimooni yaali mu kibiina kya bantu abaayendyanga okwiyaku obufugi bwa Barooma. Yayetebwanga omulwaniiri wa iyanga. (Ziloti). eyayetebwanga omulwaniiri wa Iyanga, 16oYuda omutaani wa Yakobo, nʼoYuda Isikariyooti eyamuliraine.
OYesu okutamba abalwaire
(Mat 4:23-25)
17OYesu nʼasirimuka nʼabantu boona nʼayemeera awaseeteekeeri weyaajiirye abeegesebwa baamwe abandi baingi nʼabantu abandi abalugire omu Buyudaaya nʼomu kibuga e Yerusaalemu nʼoku lukeito lwa nyanja e Tiiro nʼe Sidoni, 18abaizire okumuwuliirya nʼokutambwa endwaire zaabwe. Abo abagadibwanga abadaimooni baatambirwe, 19nʼabantu boona boona ni bagezaaku okumukwataku, olwakubba amaani gamulugangamu ni gabatamba.
Aba mukisa nʼabakubona enaku
(Mat 5:1-12)
20OYesu nʼaroleera abeegesebwa baamwe nʼabakoba,
“Mwesiimire nywe abaseege,
kubba obukama bwa Kanca bwanywe.
21Ba mukisa abalumwa enzala ati,
kubba baliikutisibwa.
Ba mukisa abakukunga ati,
kubba baliseka.
22Muli ba mukisa abantu nibaakubanobanga,
ni babasoroora, nʼokubagaya,
ni babeeta ababbi olwa Mwana wa Muntu.
23“Musemereerwe ekiro ekyo era muguduke olwa kusemereerwa, kubba empeera yaanywe gikooto omwiguru, nkweta nʼabaitebaabwe nimwo bakoore abalangi.
24“Baitu ziribaaja nywe abaguuda,
kubba okusemereerwa kwanywe mumaare okukutunga.
25Ziribaaja nywe abakwikuta ati,
kubba mulirumwa enzala.
Ziribaaja abakuseka ati,
kubba mulyenatira era mukunge.
26Ziribaaja abantu boona nibaabazangaku okusai,
kubba nimwo abaitebaabwe baayakairye abalangi ababubeyegi.
Okwendya abatukola okubbi
(Mat 5:38-48; 7:12a)
27“Baitu nkubakoba nywe abakumpuliirya: Mwendyenge ababakola okubbi! Mukolenge kusai ababanoba. 28Musabirenge omukisa ababaceena, musabirenge ababakola okubbi. 29Omuntu nakupaayanga okwitama erimwei omuyinduuranga nʼerindi. Omuntu nakutwalangaku ekooti yaamu, tomwimanga kanzu. 30Buli eyaakukusabanga muweeryenge, nʼeyaakutwalanga ekyamu, tomusabanga kukikwiriirya. 31Ekyemwendya abantu okubakooranga, nywena nikyo mubakoorenge.
32“Nimwakwendyanga abo ababendya bonkai, mugaso ki? Kubba nʼababbi boona bendya ababendya! 33Era nimwakukolanga okusai abo ababakola okusai bonkai, mugaso ki? Kubba nʼababbi nimwo bakola. 34Era nimwakutiizanga abantu abaabairiiryanga muligasirwa mutyai? ‘Nʼababbi’ batiiza ‘ababbi,’ nibakusuubira okusasulwa omu bwizuli. 35Baitu nywe mwendyenge abanyanzugu baanywe, mubakolenge kusai, era mubatiizenge nimutakubasuubira kubairiirya kantu koona. Obwo empeera yaanywe eribba gikooto, era mulibba baana ba Kanca, kubba akwatirwa ekisa abateebalya nʼababbi. 36Mubbenge ba kisa nkʼoitewaanywe nali wa kisa.
Obutasaara abandi musango
(Mat 7:1-5)
37“Timusalanga musango, nywena mutalisaarwa. Timusaliiryanga nywena tibalibasaliirya. Musaasirenge nywena mulisaasirwa. 38Mugabenge, nywena muligabirwa. Olulengo olwizuli, olwikatiirwe, olutengeteibwe, era olukubwoga nilwo lwalibateerwa omu bidagado byanywe. Olulengo lwe mulikolesya okupimiramu, nywena nilwo lulibapimirwamu.”
39OYesu nʼabasubiira olufumo olundi ati: “Omwigali wa maiso asobola okwebembera omwigali wa maiso omwirawaamwe? Bakali babiri tibagwa omu kiina? 40Omweegesebwa tasinga mwegesya waamwe, baitu buli omwei namala okwegesebwa okusai, abba nkʼoyo eyamwegeserye. 41Lwaki oroleera akasubi akali omu riiso rya mutaayi waamu nʼotafa ku kisaale ekiri omu riiso ryamu. 42Era osobola otyai okukoba omutaayi waamu nti, ‘Mutaayi wange, leka nnyiye akasubi oku riiso ryamu,’ we omwenyenere nolemerwe okweiyamu ekisaale omu riiso ryamu? Mugobya we, banza oiye ekisaale omu riiso ryamu, obone kusai leke otoolemu akasubi omu riiso rya mutaayi waamu.
Omusaale nʼebyana byagwo
(Mat 7:16-20; 12:33-35)
43“Ndoowo musaale gusai ogwera ebyana ebibbi, era ndoowo musaale ogubbi ogwera ebyana ebisai. 44Buli musaale bagumanyira ku byana byagwo. Ebyana bya mutiini tibabinokola ku mweramaino nʼezabbibbu tibazinokola ku mugwi. 45Omuntu omusai aiya ebintu ebisai ebibiikiibwe omu mutima gwamwe, nʼomubbi aiya ebintu ebibbi ebibiikiibwe omu mutima gwamwe. Kubba ebiizula omu mutima omunwa nibyo gubaza.
Omwomboki omugezi nʼomusiru
(Mat 7:24-27)
46“Lwaki munyeta, ‘Mukama, Mukama,’ ni mutakola byembakoba? 47Nabalanga oyo aiza e wange, nʼawura ebigambo byange era nʼabikola, kyaisana. 48Aisana omusaiza akwomboka enyumba, eyasakire olwina olulai nʼayomboka omusingi oku lwazi. Ekinyeeri nikyaizire, ni kikubba enyumba baitu netatengeeta, kubba yayombokeibwe kusai. 49Baitu oyo awura ebigambo byange nʼatabita mu nkola aisana omusaiza eyayombokere enyumba okwitakali eginambula musingi. Ekinyeeri nikyagikubbire enyumba nʼegwa, nʼokugwa kwayo kwali kwa maani.”
Currently Selected:
:
Highlight
Share
Copy
Want to have your highlights saved across all your devices? Sign up or sign in