Luka 7
7
OYesu akutamba omwiru wa musirikale oMurooma
(Mat 8:5-13)
1OYesu niyamaare okubaza bini egiri abantu, nʼaingira omu Kaperenawumu. 2Waaliyo omukulu wa kikumi omu iye lya Rooma eyaalina omwiru waamwe gweyayendyanga omuno. Omwiru oyo yaali nʼalwaire nʼali ampi okufa. 3Omukulu oyo yawuliire oku Yesu era nʼatuma abamwei oku bakaire bʼaBayudaaya#7:3 Lyamanyisyanga baana ba Yuda, omwei okubaana eikumi nʼababiri aba Yakobo (Isirairi). Obundi rimanyisya iyanga lya Yuda erimwei oku manga eikumi nabiri agakola eiyanga lya Israiri. Olwaleero rimanyisya abantu boona boona aBaisirairi. gyali okumusaba aize atambe omwiru waamwe. 4Nibaizire e wa Yesu, ni bamwesengeerya bati, “Bairaba omukulu oni omujune, 5kubba ayendya muno eiyanga lyaiswe era yatwombokeire eikumbaaniro.” 6OYesu nʼayaba nabo.
Naliampi okwika eka, omukulu nʼatuma abataayi baamwe okumukoba: “Mukama, oteegadya, kubba tinsemereire kukucaalisya mu maka gange. 7Era nikyo ntaasemereire na kwiza kukwitirana. Baitu baza kigambo kyonkai, omwiru wange yawona. 8Njeena ndi muntu alina abakama bange, era ndina abasirikale bentwala. Ninkoba oni nti: ‘Yaba,’ ayabambe; nʼowondi nti: ‘Iza,’ aizambe, nʼomwiru wange nti: ‘kola kini,’ akikola.”
9OYesu niyawuliire bini nʼawuniikiira muno, nʼayindukira abantu beyaali nabo, nʼabakoba ati, “Nkubakoba nti, timbonanga kwikiriza nka kuni gonze omu Isirairi.” 10Abakwenda nibaikire omu maka gaamwe, ni baaja omwiru nʼatambibwe.
OYesu okuyimboola omwana wa namwandu
11Niwaayakairewo akaire kadooli, oYesu nʼayaba omu kibuga kya Nayini, era abeegesebwa baamwe nʼabantu baingi ni baaba naye. 12Niyaigereire eirembo lya kibuga, ni wazwayo abaali beetiikire omulambo gwa mutaani wa namwandu, oni niye yaali omwana waamwe yenkai. Onamwandu yaali nʼabantu baingi aba mu kibuga. 13OMukama oYesu niyaboine omukali, nʼamukwatirwa ekisa ale nʼamukoba, “Tokunga” 14OYesu nʼayaba nʼakwata oku kaara, abaali nibeetiikire omulambo ni beemeera. Nʼakoba ati: “Musigazi nkukukoba, imuka!” 15Omusigazi eyaali nʼafiire nʼaimuka nʼaikala nʼabaza, oYesu nʼamukwatisya omawaamwe. 16Abantu boona ni batiina ni bawaisya oKanca nibakukoba nti, “Omulangi omukulu abonekeire omwiswe, oKanca aizire okujuna abantu baamwe.” 17Amawuro ga Yesu gani ni gamanyibwa omu Buyudaaya yoona nʼebitundu ebyerereirewo.
OYokaana oMubatiza akutuma abeegesebwa e wa Yesu
(Mat 11:2-19)
18Abeegesebwa ba Yokaana oMubatiza ni bamusubiira ebintu bini byona. Ye nikwo okwetaku babiri, 19nʼabatuma e wa Mukama oYesu okumuubuulya nti, “Niye we akwiza, kanda tulinde owondi?”
20Nibaikire e wa Yesu, ni bamukoba, “OYokaana oMubatiza atutumire okukubuulya nti, ‘Niye we akwiza, kanda tulinde owondi?’”
21Omu bwire obwo oYesu nʼatamba abantu baingi abaalina endwaire nʼemizumu, nʼalibbula abaigali ba maiso baingi. 22Nikwo okukoba abakwenda ati, “Mwireyo mukobere oYokaana bye muboine nʼebye muwuliire: ababbaire abaigali bʼamaiso bakubonia, ababbaire abalema bakutambula kusai, nʼabagenge batambiibwe, ababbaire abakiigara matwi bakuwura, nʼabafu bakuyimbooka, nʼAmawuro Agasai gakukoberwa abaseege. 23Wa mukisa oyo atalizwa mu kwikiriza okulwange.”
24Abakwenda ba Yokaana nibaayabire, oYesu nʼasubiira abantu ebikufa oku Yokaana: “Nimwayabire omwirungu mwayabire kubona ki? Ekibingo ekikutengeeta nʼompungo? 25Baitu, mwayabire kubona ki? Omuntu azwaire engoye ezikuseryaserya? Bbe, abazwala batyo babba mu mbuga zʼabakama. 26Baitu mwayabire kubona ki? Mulangi? Mazima, kambakobere, Oyo akusinga omulangi. 27Oni niye oYokaana eyawandiikiibweku nti:
‘Bona, ndituma omukwenda wange akwekeereyo,
okukuteekaniriza omuwanda gyʼokwaba.’
28“Kambakobere; omu bantu abaabyaliibwe abakali, ndoowo nʼomwei asinga oYokaana. Baitu omudooli omu bukama bwa Kanca amusinga.”
29(Abantu boona, gonze abasoroorya ba musolo, nibaawuliire ebigambo bya Yesu ni baikiriza nti enteekateeka ya Kanca ya mazima, kubba baabatiziibwe oYokaana. 30Baitu aBafarisaayo nʼabeeteja ba mateeka ni beiya oku nteekateeka ya Kanca, olwakubba baagaine okubatizibwa oYokaana.)
31“Obwo, abantu ba biro bini mbaisanisye ki? Baisana ki? 32Baisana abaana abaikaliire omu katale nibakugongoizokerangana bati:
‘Tubafuuwiire endere,
ni mutabina;
tukubbire ekiboobo,
ni mutakunga.’
33“OYokaana oMubatiza yaizire nʼatakulya mere ya buliizo gonze okunywa eviini, ni mukoba muti: ‘Aliku omuzumu!’ 34OMwana wa Muntu niyaizire nakulya amwei nʼokunywa, ni mukoba muti: ‘Omuntu oni wa mwolonko era mutamiire, munywani wʼabasoroorya ba musolo amwei nʼababbi!’ 35Baitu amagezi agasai gamanyirwa ku byana byago.”
OYesu okusukwaku amafuta e wa Simooni
36Omwei oku Bafarisaayo yayetere oYesu okulya naye. OYesu nʼaingira omu nyumba ya Mufarisaayo oyo nʼaikaara okulya. 37Omukali omusiisi eyaabbanga omu kibuga ekyo niyawuliire nti oYesu akuliira omu maka ga Mufarisaayo, nʼaleeta akacupa akʼalubasita akʼamafuta agacuunyi, 38nʼayemeera marambi wa Yesu ampi nʼamagulu nʼakukunga, nʼatotya amagulu gaamwe nʼamaliga, obwo nʼagasusula nʼeisoke lyamwe, nʼokuganywegera era nʼagasukaku amafuta agacuunyi.
39Kini oMufarisaayo eyaali amwetere niyakiboine, nʼakoba omu mutima gwamwe nti, “Banga oni abbaire omulangi yaakwetejere omuntu akumukwataku nali omusiisi.”
40OYesu nikwo okumukoba ati; “Simooni ndina kyenkukukoba.” Yeena nʼamwiramu: “Mwegesya kinkobere.”
41OYesu nʼamukoba ati, “Aliwo abantu babiri, abaali bakutongwa omuwoli wa mpiiya. Omwei yaali akutongwa edinaari ebikumi bitaanu, nʼowondi edinaari amakumi ataano. 42Nibaalemerwe okusasula, bakali babiri nʼabasaasira. Ale naani oku babiri eyaakusinga okumwendya?”
43OSimooni nʼamwiramu ati, “Nkulowooza oyo eyasaasiirwe ezingi.” OYesu nʼamukoba ati, “Olamwire kusai.”
44OYesu nikwo okuyindukira omukali nʼakoba oSimooni, “Omukali oni okumubona? Naingiire omu nyumba yaamu, tiwampaire maizi ga kunaaba magulu, baitu omukali oni, atoterye amagulu gange nʼamaliga gaamwe, nʼokugasusulisya eisoke lyamwe. 45We tiwangwire mu kisubba, baitu omukali oni, okuzwa lwe naingiire omwamu, acaali kulekayo kunywegera magulu gange. 46We tonsukireku mafuta ku mutwe, baitu ye asiigire amagulu gange amafuta agacuunyi. 47Nʼolwʼekyo, kankukobere, ebibbi byamwe ebingi bisaasiirwe nʼokwendya kwamwe kwingi. Baitu oyo asaasiirwe ebidooli, okwendya kwamwe kudooli.”
48OYesu nʼakoba omukali ati: “Ebibbi byamu bisaasiirwe.”
49Abagenyi abaali baikaliire naye nibatandika okubaza bati: “Naani oni asaasira ebibbi?”
50OYesu nʼakoba omukali, “Okwikiriza kwamu kukujunire; yaba mirembe.”
Currently Selected:
Luka 7: RUULI-NYALA
Highlight
Share
Copy
Want to have your highlights saved across all your devices? Sign up or sign in
Luka 7
7
OYesu akutamba omwiru wa musirikale oMurooma
(Mat 8:5-13)
1OYesu niyamaare okubaza bini egiri abantu, nʼaingira omu Kaperenawumu. 2Waaliyo omukulu wa kikumi omu iye lya Rooma eyaalina omwiru waamwe gweyayendyanga omuno. Omwiru oyo yaali nʼalwaire nʼali ampi okufa. 3Omukulu oyo yawuliire oku Yesu era nʼatuma abamwei oku bakaire bʼaBayudaaya#7:3 Lyamanyisyanga baana ba Yuda, omwei okubaana eikumi nʼababiri aba Yakobo (Isirairi). Obundi rimanyisya iyanga lya Yuda erimwei oku manga eikumi nabiri agakola eiyanga lya Israiri. Olwaleero rimanyisya abantu boona boona aBaisirairi. gyali okumusaba aize atambe omwiru waamwe. 4Nibaizire e wa Yesu, ni bamwesengeerya bati, “Bairaba omukulu oni omujune, 5kubba ayendya muno eiyanga lyaiswe era yatwombokeire eikumbaaniro.” 6OYesu nʼayaba nabo.
Naliampi okwika eka, omukulu nʼatuma abataayi baamwe okumukoba: “Mukama, oteegadya, kubba tinsemereire kukucaalisya mu maka gange. 7Era nikyo ntaasemereire na kwiza kukwitirana. Baitu baza kigambo kyonkai, omwiru wange yawona. 8Njeena ndi muntu alina abakama bange, era ndina abasirikale bentwala. Ninkoba oni nti: ‘Yaba,’ ayabambe; nʼowondi nti: ‘Iza,’ aizambe, nʼomwiru wange nti: ‘kola kini,’ akikola.”
9OYesu niyawuliire bini nʼawuniikiira muno, nʼayindukira abantu beyaali nabo, nʼabakoba ati, “Nkubakoba nti, timbonanga kwikiriza nka kuni gonze omu Isirairi.” 10Abakwenda nibaikire omu maka gaamwe, ni baaja omwiru nʼatambibwe.
OYesu okuyimboola omwana wa namwandu
11Niwaayakairewo akaire kadooli, oYesu nʼayaba omu kibuga kya Nayini, era abeegesebwa baamwe nʼabantu baingi ni baaba naye. 12Niyaigereire eirembo lya kibuga, ni wazwayo abaali beetiikire omulambo gwa mutaani wa namwandu, oni niye yaali omwana waamwe yenkai. Onamwandu yaali nʼabantu baingi aba mu kibuga. 13OMukama oYesu niyaboine omukali, nʼamukwatirwa ekisa ale nʼamukoba, “Tokunga” 14OYesu nʼayaba nʼakwata oku kaara, abaali nibeetiikire omulambo ni beemeera. Nʼakoba ati: “Musigazi nkukukoba, imuka!” 15Omusigazi eyaali nʼafiire nʼaimuka nʼaikala nʼabaza, oYesu nʼamukwatisya omawaamwe. 16Abantu boona ni batiina ni bawaisya oKanca nibakukoba nti, “Omulangi omukulu abonekeire omwiswe, oKanca aizire okujuna abantu baamwe.” 17Amawuro ga Yesu gani ni gamanyibwa omu Buyudaaya yoona nʼebitundu ebyerereirewo.
OYokaana oMubatiza akutuma abeegesebwa e wa Yesu
(Mat 11:2-19)
18Abeegesebwa ba Yokaana oMubatiza ni bamusubiira ebintu bini byona. Ye nikwo okwetaku babiri, 19nʼabatuma e wa Mukama oYesu okumuubuulya nti, “Niye we akwiza, kanda tulinde owondi?”
20Nibaikire e wa Yesu, ni bamukoba, “OYokaana oMubatiza atutumire okukubuulya nti, ‘Niye we akwiza, kanda tulinde owondi?’”
21Omu bwire obwo oYesu nʼatamba abantu baingi abaalina endwaire nʼemizumu, nʼalibbula abaigali ba maiso baingi. 22Nikwo okukoba abakwenda ati, “Mwireyo mukobere oYokaana bye muboine nʼebye muwuliire: ababbaire abaigali bʼamaiso bakubonia, ababbaire abalema bakutambula kusai, nʼabagenge batambiibwe, ababbaire abakiigara matwi bakuwura, nʼabafu bakuyimbooka, nʼAmawuro Agasai gakukoberwa abaseege. 23Wa mukisa oyo atalizwa mu kwikiriza okulwange.”
24Abakwenda ba Yokaana nibaayabire, oYesu nʼasubiira abantu ebikufa oku Yokaana: “Nimwayabire omwirungu mwayabire kubona ki? Ekibingo ekikutengeeta nʼompungo? 25Baitu, mwayabire kubona ki? Omuntu azwaire engoye ezikuseryaserya? Bbe, abazwala batyo babba mu mbuga zʼabakama. 26Baitu mwayabire kubona ki? Mulangi? Mazima, kambakobere, Oyo akusinga omulangi. 27Oni niye oYokaana eyawandiikiibweku nti:
‘Bona, ndituma omukwenda wange akwekeereyo,
okukuteekaniriza omuwanda gyʼokwaba.’
28“Kambakobere; omu bantu abaabyaliibwe abakali, ndoowo nʼomwei asinga oYokaana. Baitu omudooli omu bukama bwa Kanca amusinga.”
29(Abantu boona, gonze abasoroorya ba musolo, nibaawuliire ebigambo bya Yesu ni baikiriza nti enteekateeka ya Kanca ya mazima, kubba baabatiziibwe oYokaana. 30Baitu aBafarisaayo nʼabeeteja ba mateeka ni beiya oku nteekateeka ya Kanca, olwakubba baagaine okubatizibwa oYokaana.)
31“Obwo, abantu ba biro bini mbaisanisye ki? Baisana ki? 32Baisana abaana abaikaliire omu katale nibakugongoizokerangana bati:
‘Tubafuuwiire endere,
ni mutabina;
tukubbire ekiboobo,
ni mutakunga.’
33“OYokaana oMubatiza yaizire nʼatakulya mere ya buliizo gonze okunywa eviini, ni mukoba muti: ‘Aliku omuzumu!’ 34OMwana wa Muntu niyaizire nakulya amwei nʼokunywa, ni mukoba muti: ‘Omuntu oni wa mwolonko era mutamiire, munywani wʼabasoroorya ba musolo amwei nʼababbi!’ 35Baitu amagezi agasai gamanyirwa ku byana byago.”
OYesu okusukwaku amafuta e wa Simooni
36Omwei oku Bafarisaayo yayetere oYesu okulya naye. OYesu nʼaingira omu nyumba ya Mufarisaayo oyo nʼaikaara okulya. 37Omukali omusiisi eyaabbanga omu kibuga ekyo niyawuliire nti oYesu akuliira omu maka ga Mufarisaayo, nʼaleeta akacupa akʼalubasita akʼamafuta agacuunyi, 38nʼayemeera marambi wa Yesu ampi nʼamagulu nʼakukunga, nʼatotya amagulu gaamwe nʼamaliga, obwo nʼagasusula nʼeisoke lyamwe, nʼokuganywegera era nʼagasukaku amafuta agacuunyi.
39Kini oMufarisaayo eyaali amwetere niyakiboine, nʼakoba omu mutima gwamwe nti, “Banga oni abbaire omulangi yaakwetejere omuntu akumukwataku nali omusiisi.”
40OYesu nikwo okumukoba ati; “Simooni ndina kyenkukukoba.” Yeena nʼamwiramu: “Mwegesya kinkobere.”
41OYesu nʼamukoba ati, “Aliwo abantu babiri, abaali bakutongwa omuwoli wa mpiiya. Omwei yaali akutongwa edinaari ebikumi bitaanu, nʼowondi edinaari amakumi ataano. 42Nibaalemerwe okusasula, bakali babiri nʼabasaasira. Ale naani oku babiri eyaakusinga okumwendya?”
43OSimooni nʼamwiramu ati, “Nkulowooza oyo eyasaasiirwe ezingi.” OYesu nʼamukoba ati, “Olamwire kusai.”
44OYesu nikwo okuyindukira omukali nʼakoba oSimooni, “Omukali oni okumubona? Naingiire omu nyumba yaamu, tiwampaire maizi ga kunaaba magulu, baitu omukali oni, atoterye amagulu gange nʼamaliga gaamwe, nʼokugasusulisya eisoke lyamwe. 45We tiwangwire mu kisubba, baitu omukali oni, okuzwa lwe naingiire omwamu, acaali kulekayo kunywegera magulu gange. 46We tonsukireku mafuta ku mutwe, baitu ye asiigire amagulu gange amafuta agacuunyi. 47Nʼolwʼekyo, kankukobere, ebibbi byamwe ebingi bisaasiirwe nʼokwendya kwamwe kwingi. Baitu oyo asaasiirwe ebidooli, okwendya kwamwe kudooli.”
48OYesu nʼakoba omukali ati: “Ebibbi byamu bisaasiirwe.”
49Abagenyi abaali baikaliire naye nibatandika okubaza bati: “Naani oni asaasira ebibbi?”
50OYesu nʼakoba omukali, “Okwikiriza kwamu kukujunire; yaba mirembe.”
Currently Selected:
:
Highlight
Share
Copy
Want to have your highlights saved across all your devices? Sign up or sign in