Bikolwa 1
1
OYesu okutwalibwa omwiguru
1Owa kitiinisya Tewofiiro, omu kitabo kyange ekyekereire nawandiikire byona byona oYesu byeyakoore nʼebyeyayegeserye okuliga niyatandikire omulimu gwamwe 2okwica niyatwaliibwe omwiguru namaare okuweerya ebiragiro egiri abakwenda baamwe beyaali nakomerye, okwakala omu Mwoyo Akwera. 3Niyamaare okufa ni yeeranga gyebali emirundi gingi, okumala ebiro amakumi anai, nakubaza oku bukama bwa Kanca era nʼabaweerya obubonero bwingi okulanga nti mwomi. 4Ekiro kimwei niyaali akulya na bo nʼabalagira ati, “Mutaliga mu Yerusaalemu baitu mulinde ekitwo kyenabakobereku oite wange kyeyabasuubiize. 5OYokaana yabatiize nʼamaizi baitu omu biro bidooli mukwiza kubatizibwa na Mwoyo Akwera.”
6Awo nibaakumbaine ni bamubuulya bati, “Mukama, omu biro bini nimwo okwaba okwiriirya oIsirairi obukama?”
7OYesu nʼabairamu ati, “Okumanya ebiro nʼesaawa oite wange byeyateekaniize omu buyinza bwamwe tikwanywe. 8Baitu muliweebwa amaani oMwoyo Akwera nalibaizaku era mulibba bajuurwa bange omu Yerusaalemu nʼomu Buyudaaya bwona, nʼomu Samaliya nʼoku mpero za nsi.”
9OYesu niyamaare okubaza bini, nʼatwalibwa aiguru nibarolereire, baitu ekicu ni kibakingiirya obutamubona.
10Nibaali bacaalingaasira aiguru, abasaiza babiri abazwaire ebyeru ni bababonekera nibeemereire oku rubaju lwabwe. 11Nikwo okubabuulya bati, “Nywe abasaiza ba Galiraaya, lwaki mwemereire ani nimukulingaasira aiguru? OYesu oni abaiyiibweku nʼatwalibwa omwiguru, niyembe aliira omu ngeri nigyo gimwei gyemuboine nakutwalibwa.”
Okukomwa kwa Matyansi okwira omu kifo kya Yuda
12Awo ni baira e Yerusaalemu nibakuliga oku lusozi olwetebwa Oliva, oluli ampi nʼekibuga ekyo, olugendo lwa kilomita nkʼemwei.#1:12 Ebiwandiiko ebimwei bikoba nkʼolugendo omuntu lweyatambulanga oku Sabbiiti. 13Nibaikire, ni batemba omu kisiika ekyʼaiguru gyebaabbanga. Abaalowo baali: oPeetero, oYokaana, oYakobo, Andereya, oFiripo, oTomasi, oBatulumaayo, oMatayo, oYakobo omutaani wʼAlufaayo, oSimooni omulwaniiri wa iyanga nʼoYuda omutaani wa Yakobo. 14Boona boona ni beeyimbyanga buli kiro omu kusaba, nibali nʼabakali nʼoMalyamu onyina Yesu nʼabaganda ba Yesu.
15Ebiro ebyo oPeetero nʼayemeera omu baikiriza (Abantu abaakumbaine nibakwika nkʼekikumi omwabiri). 16Nʼakoba, “Abaluganda, ekyawandiikiibwe, oMwoyo Akwera kyeyabazire obwakarai, okwakala omu Dawudi, ekikufa oku Yuda eyakoleseibwe nkʼomulangiiri wʼabo abaakwaite oYesu, kyalina okwikiira, 17olwakubba nga yaali omwei okwiswe omu buweereza buni.”
18(Empiiya zeyafunire okuliga omu kibbi kyamwe yaziguuremu omusiri, mweyagwereire nʼasookesyawo omutwe,#1:18 Omulambo gwa Yuda okugwa ni gusookesya omutwe tikwabuliizo, kwali kwa kyewuunyo. nʼakaakuka nʼamala goona ni gasenseka.
19Buli omwei omu Yerusaalemu, kini nʼakiwura, omusiri guni nikyo baagwalikiire Akelidama; omu lulimi lwabwe ekimanyisya omusiri gwa musaayi.)
20OPeetero nʼakoba ati, “Olwakubba kyawandiikiibwe omu kitabo kya Zabbuli kiti,
‘Ekifo kyamwe kisigale kifurukwa,
watalibbaawo muntu nʼomwei akukisengamu.’#Zab 69:25
“Era nti,
‘Ekifo kyamwe ekya bwebemberi,
kitwalibwe owondi.’#Zab 109:8
21“Ale ati kikwetaagisya okukomya omwei oku basaiza ababbaire naiswe ebiro byona byetutambwire nʼoMukama oYesu, 22okutandikira omu biro bya kubatiza kwa Yokaana okwica oYesu niyatwiyiibweku nʼatwalibwa omwiguru. Omwei oku bani ateekwa okweyimbya naiswe omu kujuura oku kuyimbooka kwa Yesu.”
23Ale ni basimbawo abasaiza babiri: oYusufu eyayetebwanga oBbalusabbasi (oba Jasitaasi) amwei nʼoMatyasi. 24Awo ni basaba bati, “Mukama niiwe omaite omutima gwa buli muntu, oku bani ababiri tulange gwokomeryeku, 25okutwala omu maiso obuweereza obwa bukwenda oYuda bweyalekere nʼayaba eyo gyateekerwe okubba.” 26Ni bakubba obululu, akalulu ni kagwa oku Matyasi. Oyo ni bamuyimbya oku bakwenda eikumi nʼomwei.
Currently Selected:
Bikolwa 1: RUULI-NYALA
Highlight
Share
Copy
Want to have your highlights saved across all your devices? Sign up or sign in
Bikolwa 1
1
OYesu okutwalibwa omwiguru
1Owa kitiinisya Tewofiiro, omu kitabo kyange ekyekereire nawandiikire byona byona oYesu byeyakoore nʼebyeyayegeserye okuliga niyatandikire omulimu gwamwe 2okwica niyatwaliibwe omwiguru namaare okuweerya ebiragiro egiri abakwenda baamwe beyaali nakomerye, okwakala omu Mwoyo Akwera. 3Niyamaare okufa ni yeeranga gyebali emirundi gingi, okumala ebiro amakumi anai, nakubaza oku bukama bwa Kanca era nʼabaweerya obubonero bwingi okulanga nti mwomi. 4Ekiro kimwei niyaali akulya na bo nʼabalagira ati, “Mutaliga mu Yerusaalemu baitu mulinde ekitwo kyenabakobereku oite wange kyeyabasuubiize. 5OYokaana yabatiize nʼamaizi baitu omu biro bidooli mukwiza kubatizibwa na Mwoyo Akwera.”
6Awo nibaakumbaine ni bamubuulya bati, “Mukama, omu biro bini nimwo okwaba okwiriirya oIsirairi obukama?”
7OYesu nʼabairamu ati, “Okumanya ebiro nʼesaawa oite wange byeyateekaniize omu buyinza bwamwe tikwanywe. 8Baitu muliweebwa amaani oMwoyo Akwera nalibaizaku era mulibba bajuurwa bange omu Yerusaalemu nʼomu Buyudaaya bwona, nʼomu Samaliya nʼoku mpero za nsi.”
9OYesu niyamaare okubaza bini, nʼatwalibwa aiguru nibarolereire, baitu ekicu ni kibakingiirya obutamubona.
10Nibaali bacaalingaasira aiguru, abasaiza babiri abazwaire ebyeru ni bababonekera nibeemereire oku rubaju lwabwe. 11Nikwo okubabuulya bati, “Nywe abasaiza ba Galiraaya, lwaki mwemereire ani nimukulingaasira aiguru? OYesu oni abaiyiibweku nʼatwalibwa omwiguru, niyembe aliira omu ngeri nigyo gimwei gyemuboine nakutwalibwa.”
Okukomwa kwa Matyansi okwira omu kifo kya Yuda
12Awo ni baira e Yerusaalemu nibakuliga oku lusozi olwetebwa Oliva, oluli ampi nʼekibuga ekyo, olugendo lwa kilomita nkʼemwei.#1:12 Ebiwandiiko ebimwei bikoba nkʼolugendo omuntu lweyatambulanga oku Sabbiiti. 13Nibaikire, ni batemba omu kisiika ekyʼaiguru gyebaabbanga. Abaalowo baali: oPeetero, oYokaana, oYakobo, Andereya, oFiripo, oTomasi, oBatulumaayo, oMatayo, oYakobo omutaani wʼAlufaayo, oSimooni omulwaniiri wa iyanga nʼoYuda omutaani wa Yakobo. 14Boona boona ni beeyimbyanga buli kiro omu kusaba, nibali nʼabakali nʼoMalyamu onyina Yesu nʼabaganda ba Yesu.
15Ebiro ebyo oPeetero nʼayemeera omu baikiriza (Abantu abaakumbaine nibakwika nkʼekikumi omwabiri). 16Nʼakoba, “Abaluganda, ekyawandiikiibwe, oMwoyo Akwera kyeyabazire obwakarai, okwakala omu Dawudi, ekikufa oku Yuda eyakoleseibwe nkʼomulangiiri wʼabo abaakwaite oYesu, kyalina okwikiira, 17olwakubba nga yaali omwei okwiswe omu buweereza buni.”
18(Empiiya zeyafunire okuliga omu kibbi kyamwe yaziguuremu omusiri, mweyagwereire nʼasookesyawo omutwe,#1:18 Omulambo gwa Yuda okugwa ni gusookesya omutwe tikwabuliizo, kwali kwa kyewuunyo. nʼakaakuka nʼamala goona ni gasenseka.
19Buli omwei omu Yerusaalemu, kini nʼakiwura, omusiri guni nikyo baagwalikiire Akelidama; omu lulimi lwabwe ekimanyisya omusiri gwa musaayi.)
20OPeetero nʼakoba ati, “Olwakubba kyawandiikiibwe omu kitabo kya Zabbuli kiti,
‘Ekifo kyamwe kisigale kifurukwa,
watalibbaawo muntu nʼomwei akukisengamu.’#Zab 69:25
“Era nti,
‘Ekifo kyamwe ekya bwebemberi,
kitwalibwe owondi.’#Zab 109:8
21“Ale ati kikwetaagisya okukomya omwei oku basaiza ababbaire naiswe ebiro byona byetutambwire nʼoMukama oYesu, 22okutandikira omu biro bya kubatiza kwa Yokaana okwica oYesu niyatwiyiibweku nʼatwalibwa omwiguru. Omwei oku bani ateekwa okweyimbya naiswe omu kujuura oku kuyimbooka kwa Yesu.”
23Ale ni basimbawo abasaiza babiri: oYusufu eyayetebwanga oBbalusabbasi (oba Jasitaasi) amwei nʼoMatyasi. 24Awo ni basaba bati, “Mukama niiwe omaite omutima gwa buli muntu, oku bani ababiri tulange gwokomeryeku, 25okutwala omu maiso obuweereza obwa bukwenda oYuda bweyalekere nʼayaba eyo gyateekerwe okubba.” 26Ni bakubba obululu, akalulu ni kagwa oku Matyasi. Oyo ni bamuyimbya oku bakwenda eikumi nʼomwei.
Currently Selected:
:
Highlight
Share
Copy
Want to have your highlights saved across all your devices? Sign up or sign in