Bikolwa 2
2
Okwiza kwa Mwoyo Akwera
1Ekiro kya Pentekoote nikyaikire, abaikiriza boona boona baali bakumbaaniire omu kifo kimwei. 2Amangu ago ni wabbaawo okutuuta okwaligire omwiguru, nikuli nkʼokutuuta kwa mpungo owa maani omuno, okwo ni kwizula enyumba yoona yoona mwebaali baikaire. 3Awo ni babona endimi ezikwisana nkʼeza muuro, nizeeyawiiremu, buli rulimi ni lubba oku buli omwei oku bo. 4Boona boona ni baizula oMwoyo Akwera, ni batandika okubaza omu ndimi ezindi, nkʼoMwoyo Akwera niyazibabazisirye. Buli lulimi ni lubba oku buli omwei oku bo 5Omu Yerusaalemu mwalimu aBayudaaya, abasai abaajwawukiranga ediini, abaali baligire omu buli iyanga rya ku nsi. 6Nibaawuliire okutuuta okwo, ni bakumbaana baingi, ni batangaaliira, olwakubba buli omwei yawuliire abaikiriza nibakubaza omu rulimi lwamwe. 7Ni bawuniikiira, ni beewuunya ni bakukoba bati, “Abantu bani boona boona abakubaza ti Bagaliraaya? 8Ati lwaki iswe iswena tukubawura nibakubaza endimi za waiswe gyetubyalwa? 9Iswe tuli aBapalusiya, aBameedi nʼaBeelamaiti; abaaligire e Mesopotamiya, e Buyudaaya nʼe Kapadoosiya, e Ponto ne Asiya, 10e Furigiya nʼe Panfiliya, e Misiri nʼebitundu bya Libbiya ampi nʼe Kuleeni. Aliwo nʼabagenyi abaaligire e Rooma, 11(aBayudaaya nʼabanyamanga abaayindwirwe ni baingira ediini ya kiyudaaya), abandi Bakureete nʼaBawarabbu. Tukali iswena tukubawura nibakubaza omu ndimi ezaiswe, oku bintu ebikulu omuno oKanca byakoore!” 12Boona boona nibatangaaliriire era nibasobeirwe, ni babuulyangana bati, “Kini kikumanyisya ki?” 13Baitu abamwei ni babajerega, ni bakoba bati, “Batamiire bisomeere bya viini!”
OPeetero akubaza egiri abantu
14Baitu oPeetero nali nʼabakwenda abandi badi eikumi nʼomwei, nʼayemeera naimula eiraka, nʼakoba ati, “Bayudaaya baira bange, naanywe nywena abaikala omu Yerusaalemu, muwuliirye kusai byenkwaba okubaza. 15Abantu bani tibatamiire, nka nimukulowooza, olwakubba esaawa zicaalimbe isatu eza mambya. 16Baitu kini nikyo ekyabazirwe omulangi oYoweeri nʼakoba ati,
17‘OKanca akoba ati,
Omu biro bya mpero,
ndidukumuura abantu boona boona
oMwoyo wange.
Abataani baanywe
nʼabaara baanywe
baliranga.
Aboojo baanywe abasigazi balibonekerwa,
nʼabasaiza abakaire omu nywe
baliroota ebirooto.
18Mazima ebiro ebyo,
abairu bange nʼabazyana bange
ndibadukumuura oMwoyo wange,
ni balanga.
19Ndikola ebyamaano okwiguru,
nʼebikwewuunyisya oku nsi.
Walibbaawo omusaayi, omuuro,
nʼekiika ekikwaite.
20Eisana ririswekebwa ekiiruma,
nʼokwezi kutukulike nkʼomusaayi.
Ebyo biribbaawo ekiro kya Mukama
ekikulu ekya kitiinisya kitakaizire.
21Baitu buli eyaakwamiiranga eibara rya Mukama,
alijunwa.’#Yow 2:28-32
22“Nywe aBaisirairi, muwure ebigambo bini. OYesu oMunazaaleesi niye omuntu oKanca gweyakakatirye gyemuli, nakwakala omu byamaano, nʼobubonero, byeyamukoleserye omu nywe, nka naanywe nimukumanya. 23Omuntu oyo yaweereibweyo, nkʼoKanca niyaali amaare okuteekaniza omu magezi gaamwe, era nywe nimuli amwei nʼabantu abakoli ba bibbi ni mumubamba oku musaalaba, ni mumwita. 24Baitu oKanca yamuyimboire, nʼamwiya omu bulumi bwa kufa, kubba okufa kwali kutakusobola kumugumirya kimwei. 25ODawudi yamubazireku ati,
‘Naboine oMukama nali amwei nanje buli kaire;
olwakubba andi ku gulyo
tinatiinenge.
26Aleni omu mutima gwange
nsemereirwe
nʼebigambo byange
bya kusemereerwa.
Era gonze ndi wa kufa,
nkwiza okwikalanga ninkusuubira,
27olwakubba tolindeka kuzumu;
era toliganyika
omweru waamu okujunda.
28Wandangire emiwanda
egiica omu bwomi.
Naakwizulwanga okusemereerwa we
olwa kubbanga amwei nanje.’”
29“Abaluganda, nkusobola okubasubiira ebikufa oku zeiza waiswe omukulu oDawudi nintakwetiina. ODawudi oyo yafiire nʼaziikibwa, nʼekituulo kyamwe nʼati kicaaliwo ani e waiswe. 30ODawudi yaali mulangi, era yamaite oKanca kyeyamusuubiize, nʼamulayiriira; omwei oku baizukulu baamwe okugweta entebe ya bukama bwamwe. 31Era yamaite ebiribbaawo, nʼabaza oku kuyimbooka kwa Kurisito,#2:31 Oba, “Oyo eyasukirweku amafuta.” nʼakoba ati, ‘Tiyalekeibwe kuzumu, era nʼomubiri gwamwe tigwajundire.’ 32OYesu oyo, oKanca yamuyimboire, era niiswe bajuurwa ba kini. 33Niyamaare okwimulwa nʼatwalibwa omwiguru oku rubaju olwa gulyo olwa Kanca, era nʼafuna oMwoyo Akwera eyamuragaanisiibwe oIte waamwe, oKanca. Ati yeena ekitwo kyamwe kini akigabire, nka nimukubona era nka nimukuwura. 34ODawudi tiyatembere mwiguru, era ye omwenyenere yakobere ati,
‘OMukama oKanca yakobere oMukama wange nti:
Nyikaara oku gulyo
35okwica nindiyindula abanyanzugu baamu okubba
ekisusuuryo kyʼamagulu gaamu.’#Zab 110:1
36“Ati buni, abantu ba Isirairi boona boona bamanyire kimwei, nti oYesu oyo gwemwabambire oku musaalaba, oKanca yamufoire Mukama era Kurisito.”
37Awo nibaawuliire ekyo, ni batuntura muno, ni bakoba oPeetero nʼabakwenda abandi nti, “Abaluganda tukole ki?”
38OPeetero nʼabakoba ati, “Mwenenye era buli omwei oku nywe abatiziibwe omwibara rya Yesu Kurisito, leke musaasirwe ebibbi byanywe, ale mufune ekitwo kya Mwoyo Akwera. 39Ekisuubizo kini kyanywe nʼabaana baanywe nʼabanyamanga oMukama oKanca baalyeta.”
40Era oPeetero nʼabalabula omu bigambo ebindi bingi, nʼabakoba ati, “Mwejune, muwone omulembe guni ogubbi”. 41Abaikiriize ebigambo byamwe ni babatizibwa. Ekiro ekyo, omuwendo gwʼabaikiriza ni gweyongeraku abantu nkʼenkumi isatu.
Obwomi bwʼabaikiriza
42Ni beekambiranga okwegesebwa abakwenda, nʼokubbanga omu nkumbaana za kweyimbya, nʼokuliira amwei nkʼabaluganda,#2:42 Omu Luyonaani kini nikyo kyayetebwanga, “Okuyendayenda omugaati.” era nʼokusaba.
43Ebyamaano bingi ni bikolebwa abakwenda, abantu boona boona ni batiina. 44Abaikiriza boona boona baabbanga amwei, ni bagabananga era ni bakoleseryanga amwei ebintu byabwe byona 45Baatundanga ebyabwe, empiiya zebaiyangamu ni bazigabira boona boona, buli muntu nka niyayendyanga. 46Baajwawukiranga okukumbaanira omu mbuga ya iramyo ni bayenda emigaati buli kiro. Era omu buli maka boona boona baaliirangamu amwei emere yaabwe nibaizwire okusemereerwa nʼemyoyo egyanzulukuki, 47nibakuwaisya oKanca era nibakusiimwa abantu boona boona. Buli kiro oMukama yabongerangaku abo abaajunwanga.
Currently Selected:
Bikolwa 2: RUULI-NYALA
Highlight
Share
Copy
Want to have your highlights saved across all your devices? Sign up or sign in
Bikolwa 2
2
Okwiza kwa Mwoyo Akwera
1Ekiro kya Pentekoote nikyaikire, abaikiriza boona boona baali bakumbaaniire omu kifo kimwei. 2Amangu ago ni wabbaawo okutuuta okwaligire omwiguru, nikuli nkʼokutuuta kwa mpungo owa maani omuno, okwo ni kwizula enyumba yoona yoona mwebaali baikaire. 3Awo ni babona endimi ezikwisana nkʼeza muuro, nizeeyawiiremu, buli rulimi ni lubba oku buli omwei oku bo. 4Boona boona ni baizula oMwoyo Akwera, ni batandika okubaza omu ndimi ezindi, nkʼoMwoyo Akwera niyazibabazisirye. Buli lulimi ni lubba oku buli omwei oku bo 5Omu Yerusaalemu mwalimu aBayudaaya, abasai abaajwawukiranga ediini, abaali baligire omu buli iyanga rya ku nsi. 6Nibaawuliire okutuuta okwo, ni bakumbaana baingi, ni batangaaliira, olwakubba buli omwei yawuliire abaikiriza nibakubaza omu rulimi lwamwe. 7Ni bawuniikiira, ni beewuunya ni bakukoba bati, “Abantu bani boona boona abakubaza ti Bagaliraaya? 8Ati lwaki iswe iswena tukubawura nibakubaza endimi za waiswe gyetubyalwa? 9Iswe tuli aBapalusiya, aBameedi nʼaBeelamaiti; abaaligire e Mesopotamiya, e Buyudaaya nʼe Kapadoosiya, e Ponto ne Asiya, 10e Furigiya nʼe Panfiliya, e Misiri nʼebitundu bya Libbiya ampi nʼe Kuleeni. Aliwo nʼabagenyi abaaligire e Rooma, 11(aBayudaaya nʼabanyamanga abaayindwirwe ni baingira ediini ya kiyudaaya), abandi Bakureete nʼaBawarabbu. Tukali iswena tukubawura nibakubaza omu ndimi ezaiswe, oku bintu ebikulu omuno oKanca byakoore!” 12Boona boona nibatangaaliriire era nibasobeirwe, ni babuulyangana bati, “Kini kikumanyisya ki?” 13Baitu abamwei ni babajerega, ni bakoba bati, “Batamiire bisomeere bya viini!”
OPeetero akubaza egiri abantu
14Baitu oPeetero nali nʼabakwenda abandi badi eikumi nʼomwei, nʼayemeera naimula eiraka, nʼakoba ati, “Bayudaaya baira bange, naanywe nywena abaikala omu Yerusaalemu, muwuliirye kusai byenkwaba okubaza. 15Abantu bani tibatamiire, nka nimukulowooza, olwakubba esaawa zicaalimbe isatu eza mambya. 16Baitu kini nikyo ekyabazirwe omulangi oYoweeri nʼakoba ati,
17‘OKanca akoba ati,
Omu biro bya mpero,
ndidukumuura abantu boona boona
oMwoyo wange.
Abataani baanywe
nʼabaara baanywe
baliranga.
Aboojo baanywe abasigazi balibonekerwa,
nʼabasaiza abakaire omu nywe
baliroota ebirooto.
18Mazima ebiro ebyo,
abairu bange nʼabazyana bange
ndibadukumuura oMwoyo wange,
ni balanga.
19Ndikola ebyamaano okwiguru,
nʼebikwewuunyisya oku nsi.
Walibbaawo omusaayi, omuuro,
nʼekiika ekikwaite.
20Eisana ririswekebwa ekiiruma,
nʼokwezi kutukulike nkʼomusaayi.
Ebyo biribbaawo ekiro kya Mukama
ekikulu ekya kitiinisya kitakaizire.
21Baitu buli eyaakwamiiranga eibara rya Mukama,
alijunwa.’#Yow 2:28-32
22“Nywe aBaisirairi, muwure ebigambo bini. OYesu oMunazaaleesi niye omuntu oKanca gweyakakatirye gyemuli, nakwakala omu byamaano, nʼobubonero, byeyamukoleserye omu nywe, nka naanywe nimukumanya. 23Omuntu oyo yaweereibweyo, nkʼoKanca niyaali amaare okuteekaniza omu magezi gaamwe, era nywe nimuli amwei nʼabantu abakoli ba bibbi ni mumubamba oku musaalaba, ni mumwita. 24Baitu oKanca yamuyimboire, nʼamwiya omu bulumi bwa kufa, kubba okufa kwali kutakusobola kumugumirya kimwei. 25ODawudi yamubazireku ati,
‘Naboine oMukama nali amwei nanje buli kaire;
olwakubba andi ku gulyo
tinatiinenge.
26Aleni omu mutima gwange
nsemereirwe
nʼebigambo byange
bya kusemereerwa.
Era gonze ndi wa kufa,
nkwiza okwikalanga ninkusuubira,
27olwakubba tolindeka kuzumu;
era toliganyika
omweru waamu okujunda.
28Wandangire emiwanda
egiica omu bwomi.
Naakwizulwanga okusemereerwa we
olwa kubbanga amwei nanje.’”
29“Abaluganda, nkusobola okubasubiira ebikufa oku zeiza waiswe omukulu oDawudi nintakwetiina. ODawudi oyo yafiire nʼaziikibwa, nʼekituulo kyamwe nʼati kicaaliwo ani e waiswe. 30ODawudi yaali mulangi, era yamaite oKanca kyeyamusuubiize, nʼamulayiriira; omwei oku baizukulu baamwe okugweta entebe ya bukama bwamwe. 31Era yamaite ebiribbaawo, nʼabaza oku kuyimbooka kwa Kurisito,#2:31 Oba, “Oyo eyasukirweku amafuta.” nʼakoba ati, ‘Tiyalekeibwe kuzumu, era nʼomubiri gwamwe tigwajundire.’ 32OYesu oyo, oKanca yamuyimboire, era niiswe bajuurwa ba kini. 33Niyamaare okwimulwa nʼatwalibwa omwiguru oku rubaju olwa gulyo olwa Kanca, era nʼafuna oMwoyo Akwera eyamuragaanisiibwe oIte waamwe, oKanca. Ati yeena ekitwo kyamwe kini akigabire, nka nimukubona era nka nimukuwura. 34ODawudi tiyatembere mwiguru, era ye omwenyenere yakobere ati,
‘OMukama oKanca yakobere oMukama wange nti:
Nyikaara oku gulyo
35okwica nindiyindula abanyanzugu baamu okubba
ekisusuuryo kyʼamagulu gaamu.’#Zab 110:1
36“Ati buni, abantu ba Isirairi boona boona bamanyire kimwei, nti oYesu oyo gwemwabambire oku musaalaba, oKanca yamufoire Mukama era Kurisito.”
37Awo nibaawuliire ekyo, ni batuntura muno, ni bakoba oPeetero nʼabakwenda abandi nti, “Abaluganda tukole ki?”
38OPeetero nʼabakoba ati, “Mwenenye era buli omwei oku nywe abatiziibwe omwibara rya Yesu Kurisito, leke musaasirwe ebibbi byanywe, ale mufune ekitwo kya Mwoyo Akwera. 39Ekisuubizo kini kyanywe nʼabaana baanywe nʼabanyamanga oMukama oKanca baalyeta.”
40Era oPeetero nʼabalabula omu bigambo ebindi bingi, nʼabakoba ati, “Mwejune, muwone omulembe guni ogubbi”. 41Abaikiriize ebigambo byamwe ni babatizibwa. Ekiro ekyo, omuwendo gwʼabaikiriza ni gweyongeraku abantu nkʼenkumi isatu.
Obwomi bwʼabaikiriza
42Ni beekambiranga okwegesebwa abakwenda, nʼokubbanga omu nkumbaana za kweyimbya, nʼokuliira amwei nkʼabaluganda,#2:42 Omu Luyonaani kini nikyo kyayetebwanga, “Okuyendayenda omugaati.” era nʼokusaba.
43Ebyamaano bingi ni bikolebwa abakwenda, abantu boona boona ni batiina. 44Abaikiriza boona boona baabbanga amwei, ni bagabananga era ni bakoleseryanga amwei ebintu byabwe byona 45Baatundanga ebyabwe, empiiya zebaiyangamu ni bazigabira boona boona, buli muntu nka niyayendyanga. 46Baajwawukiranga okukumbaanira omu mbuga ya iramyo ni bayenda emigaati buli kiro. Era omu buli maka boona boona baaliirangamu amwei emere yaabwe nibaizwire okusemereerwa nʼemyoyo egyanzulukuki, 47nibakuwaisya oKanca era nibakusiimwa abantu boona boona. Buli kiro oMukama yabongerangaku abo abaajunwanga.
Currently Selected:
:
Highlight
Share
Copy
Want to have your highlights saved across all your devices? Sign up or sign in