Esaburi 27
27
Esaala Liokhufumia
Esaburi ya Daudi.
1OMWAMI nje owulafu wange nundi owuwonia wange;
Njanu oyunyala okhuria?
OMWAMI nje owunyali wowulamu wange;
Njanu oyunyala okhuria?
2Olu avasiku vachia okhusecha,
nivambolakho akowuveyi,
avasiku vange nende avo avambiyira avo,
vachia khwekumula mana vakwe.
3Ata avamahe ni vambotokhana,
omwoyo kwange sikuchia okhuria ta,
nolu vanyanjakho emiero,
ndikhwomira mulieyikina.
4Esinju silala esinasava OMWAMI,
esindi okhuchianakana okhutakhatakha;
mbombe nimenya munju ya OMWAMI
enyinga chiosi echiowulamu wange,
kho mbe nimbona owulayi wa OMWAMI,
nokhutakhirisa elienya lilie mu Etemperi.
5Esikira achia okhungisa musisuli sisie,
mulutalo lwowutinyu;
achia okhungisa mukaali lilie,
achia khungingula amukulu khulwanda.
6Khanu omuchwe kwange kuchia okhukingulwa,
amukulu wavasiku vange vava nivambotokhanire;
nenjia okhumuanira mukaali lilie evitiso ningalakasa;
njia okhwemba nifumia OMWAMI.
7Wulira Ewe OMWAMI, nindira nomwoyo kwamukulu,
mbonere esisa mana wunjipe!
8Ewe wawola, “Takhatakhe oweni wange.”
Omwoyo kwange kukhuwolera,
“Oweni wuwo, Ewe OMWAMI, njowu ndakhanga.”
9Ochangisa oweni wuwo tawe.
Ochalova omukhalavani wuwo mwichima ta,
wakhava omuyeti wange.
Ochasukuna ta, ochandekha ta,
Ewe Nyasaye wouwonia wange!
10Ata olu papa nende mayi vandova,
nausa OMWAMI achia okhumbukula.
11Njekese engira yiyo, Ewe OMWAMI;
mana wunyimirire khungira engwalafu
esikira avasiku vange.
12Ochandekha mulienya lia avasiku vange ta;
esikira avaveri vowuveyi vanyemereye,
ne vanjikhirisia nowululu.
13Suvira mbo njiakhuwona owulayi wa OMWAMI,
musialo siavalamu!
14Lindirira OMWAMI;
yomira, mana omwoyo kukwo kuve munyindafu;
Yee, lindirira OMWAMI.
Currently Selected:
Esaburi 27: LNTPP
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024
