Esaburi 10
10
Esala lia Owang'ali
1Mbo sikira sina niwema aleyi Ewe OMWAMI?
Sikirasi ni wekisanga muvise evi khuli muwutinyu?
2Avanju vamayanu vanyasa avamanani musireka;
lekha vatirwe mumicheko ekivacheka avene.
3Sikira omumayanu kelayiranga eliekomba liomwoyo kukwe,
nomunju waliukha alamanga nundi alovanga OMWAMI.
4Musileka sisie owembi siatakhatakhanga OMWAMI ta;
enganakani chichie chiosi chiri wusa mbo, “Nyasaye awumao.”
5Engira chichie chiyindiranga wuli lwosi;
esikhalako sisio siri aleyi naye; ne kalekeresa avasiku vave.
6Aparanga mumwoyo kukwe, “Sindakhesindukhe ta; sindinyolakho owutinyu ta.”
7Omunwa kukwe kwechula evilaamo, owuveyi nowuchasi,
olulimi lulwe lulimo, esinye nende owoni.
8Kekhalanga nikekhina mumataala;
kekisanga okhwicha avanju vawuma esikha.
Kekhalanga meso nalengerera avatietiekhere,
9kekhiinanga muwekisi ngetalang'i;
kekhiinanga mbo ave natira avamanani,
atiranga avamanani nikakhavengisa mumicheko kikie.
10Avatietiekhere vasenwanga vakwa aasi,
vakwiswanga namaani komusiku.
11Aparanga mumwoyo kukwe, “Nyasaye kevirira,
kakisa oweni wuwe, sianakhawone ta.”
12Yinyokha Ewe OMWAMI. Ewe Nyasaye, kingula omukhono kukwo,
ochevirira avanyakhana ta.
13Sikira sina omunju mumayanu nalova Nyasaye,
nundi awolanga mumwoyo kukwe, “Suchia khumukholakho esinju ta”?
14Nausa ewe owonanga. Yee, owonanga eminyakhano nowutinyu,
mbo ove nukikinga mumakhono kako;
omutietiekhere akhweyikinanga ewe;
ewe wakhava omuyeti wavafuvi.
15Funaka amaani komunju mumayanu nende omukholi wembi;
takhatakha owumayanu wuwe wosi okhwola wulekhe khunyolekhana ata wulala ta.
16OMWAMI nje omuchuki wemiaka nemiaka,
avamaanga vachia khusikha musialo sisie.
17Ewe OMWAMI, ochiakhuwulira eliekomba liavetutuya;
ochiakhutinyirisa emioyo kiawe, ochiakhuvachekeresa.
18Okhukholera owang'ali avafuvi nende avaminikha,
mbo omunju walongwa nelova alekhe khulechakho owuchi nundi ta.
Currently Selected:
Esaburi 10: LNTPP
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024
