Evikholwa Akokhuchangirira
Akokhuchangirira
Esitau Sievikholwa via Avachumwa sichianakania amaandiko ka Luka. Echomo liesitau sino njokhwekesa ngavalondi va Yesu, nivemiriywe nende Roho Muchwenufu, valandia amakhuwa malayi aka Yesu Kristo mu Yerusalemu, Yudea, Samaria nende eyisivala siwera (1.8). Luno njolukano lwokhwanja khwa Owukristo mu Avayahudi nende nga wachiririra okhwelomba esuvira liesivala siosi. Nundi, omuaandiki kenya okhusuvisa avasomi vave mbo Avakristo sivakhupaniranga owami wesialo sia Avaroma tawe, ne mbo esuvira liesikristo njesiali esiosereso siedini Yavayahudi.
Esitau siene siekava muvikha vitachu, okhwekesa okhuvalaa okhu amakhuwa malayi akalondekhana nende Yesu kali nikasalanire nende okhwanja khwekanisa:
1.1—8.3 Okhwanja khwomukhung'ano kwa Avakristayo Yerusalemu Yesu ni kakhakulukha okhuchia mwikulu.
8.4—12.25 Okhusalana khwamakhuwa malayi mumbeka chindi echia Palestina.
13.1—28.31 Okhusalana khwamakhuwa malayi muvivala viri alukongo wenyanja ya Meditarenia okhwola Roma.
Eliokhutinyirisa musitau sino njesikholwa sia Roho Muchwenufu, owicha nende amaani khuvasuviri mu Yerusalemu enyinga ya Pentekote, nundi achianakana okhwimirira nende okhutinyirisa ekanisa nende avemirisi valio mumilimo kiosi. Ekhuwa Liowukuristo nga wanja liwusuwa alala okhuvichira mu merwacho, ne evikholwa viaandikwa viekesa amaani kekhuwa lino muwulamu wa avasuviri nende okhusanga alala khwekanisa.
Akalimo
Okhuchekekha owuveri 1.1-26
a. Elako emalirisi elia Yesu nende Endakaano 1.1-14
b. Owakoola muweyangu wa Yudasi 1.15-26
Owuveri mu Yerusalemu 2.1—8.3
Owuveri mu Yudea nende Samaria 8.4—12.25
Owukhalavani wa Paulo 13.1—28.31
a. Olukendo lwokhulandia ekhuwa olwokhuchangirira 13.1—14.28
b. Omukhung'ano kwa Yerusalemu 15.1-35
c. Olukendo lwokhulandia ekhuwa olwakhaviri 15.36—18.22
d. Olukendo lwokhulandia ekhuwa olwa khatachu 18.23—21.16
e. Paulo omuwoe wa Yerusalemu, Kaisarea, nende Roma 21.17—28.31
Currently Selected:
Evikholwa Akokhuchangirira: LNTPP
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024