Tito 2
2
Ameechesio amalamu
1Nawe, oboolenje akeenako akakhoyeele ameechesio ako amalamu.
2Boolela abasaakhulu mbu babeetsenje abeeleshesii, aboluyali, abeetembelesii, abali abalamba mubusuubili, nomubuheeli, nomubwisimilisii. 3Abashiele nabo bario beeyilenje mubwongoli; baraba abachiishi, kata abasumba beidivai ta; beechesinjie akali amalayi. 4Bachesiyinjie abakhasi abashili okhukofula okhuheelanga abasaatsa babwe, okhuheelanga abaana babwe; 5nokhubeetsanga abeetembelesii, abeeleleshe, abalumilifu mumilimo echiamungo, abeshisa, abahulilanga abasaatsa babwe, mbu likhuwa liaNyasaye lileshe okhunyekwa.
6Abasaatsa abashili okhukofula nabo bario obachesiyie mbu babe abeetembelesii 7mumakhuwa kosi; niwilolosia omwene noli eshilolelo shiebikhole ebilayi; nololosia mubwechesiibwo eshiilongoole nobwitembelesii, 8nokhuboola okhulamu okhuranyala okhukhalachilwa eshiina ta; mbu oufukula yesi afwimbwe omurwe nabula libii liosi elia aboola khwifwe.
9Obabiile abasumba mbu bahulilenje abaami babwe nibabachamisia mukosi, oburayinga ta; 10obureebukulila ebiabeene ta, habula okhulolosia obusuubilwa bwosi obulayi; mbu bario bang'oone ameechesio kaNyasaye Omuhonia weefwe mumakhuwa kosi.
11Okhuba obukoosia bwaNyasaye bwaloleeshe, nibuleerela abandu bosi obuhonia, 12nibukhwibaalila, mbu khusile oburaria Nyasaye ta, nende obwikombi bweshialo, nikhumenya mushialo shino eshiliho bulaano mubwitembelesii nobulunjishi nikhumuriitsanga Nyasaye; 13nikhulindiililanga linaayo lieefwe elilimwo ikhabi, nilio okhulolekha khwoluyali lwaNyasaye weefwe omukhongo nende Omuhonia Yesu Kristo. 14Ye yeehaana khulweefwe, mbu akhununule mubumayaanu bwosi, niyeesiiyila omwene oluyia lwabandu olwakhaba olulwe omwene, abarakhwo omwoyo khubikhole ebilayi.
15Oboolenje amakhuwa ako; ochesiyinjie nokhukondekha, nende obunyali bwosi. Omundu yesi aleshe okhukhulechelesia.
Currently Selected:
Tito 2: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
