Tito 1
1
Lishiesio
1Eyirula khuPaulo, omusumba waNyasaye khandi omurume waYesu Kristo, obusuubili bwabalobole baNyasaye shinga olwa buli, khandi obumanyi bwakobwatoto obuli bweidini, 2mubunaayi bwobulamu bwobumeli. Ne Nyasaye, ouranyala okhubeeha ta, yasuubisia obulamu obwo okhurula khubumeli; 3ne munduukho yiye omwene yamanyisiye ebulafu likhuwalie mumwilwatso okwa ndaheebwa okhulinda, lilako liaNyasaye Omuhonia weefwe shinga olwa lili.
4Yule khuTito, omwana wanje watoto mubusuubili obwa khusanjilanamwo. Obukoosia nomulembe ebirula khu Kristo Yesu Omuhonia weefwe, nende Nyasaye ouli Samwana.
Emilimo chiaTito eKirete
5Kano niko akachila nikhulekha eKirete mbu wanze habwene ako akashileemile okhukaasikha, khandi okhuraho abakofu mubuli litookho, shinga olwa ndakhulaka; 6mbu omundu naba nabula eshikha, nali omusaatsa womukhasi mulala, abaanabe nibali abasuubili, nibareenjililungwa khulwa obwilaasi kata inumba tawe. 7Shichila askofu, olwa ali omusinjilili waNyasaye, akhoyile okhubula eshikha; araba owomurwe omuumu, kata omwangu okhutiilwa oburima, kata omumeesi, kata owobusoolo, kata omulangushili weinganga tawe; 8habula ouchamanga okhwinjisia abacheni, ouheelanga amalayi, omwitembelesii, omulunjishi, ouriitsanga Nyasaye, niyeeruka omwene. 9Ahandenje khwikhuwa eliisiikwa eliwinjana nende ameechesio keene, mbu anyale okhuchesiyinjia munjila yameechesio ako amalamu, nende okhuhula abamayinie.
10Shichila abeinumba baliho abanji, abeimbakha ikhaya nabakaatii, okhushila muno abo abeshishebo, 11aba eminwa chiabwe chikhoyile okhusibwa; nabandu abafumaminjia tsinzu tsinamba nibeechesia amakhuwa akarakhoyeele ta, khulwa inganga yeshifwabwi. 12Mulala khubo abeene owokhubalakusi babwe yasunga mbu Okhurula khale abaKirete nababeeyi, tsisolo tsimayaanu, abalangu abakara. 13Ne yateeka habwene. Niko akachila nokhoyile okhubahalabila nobululu, mbu babe abalamba mubusuubili, 14oburareka amarwi khuketsingano tsieshiYahudi nende amalako kabandu abeehaanya obwatoto tawe.
15Khubali abeeleleshe, ebindu biosi nebieleleshe; ne khuboonoonekhu ababula obusuubili shibulaho eshili eshieleleshe; habula amayililisio kabwe nemioyo chiabwe biombi bibeetsanga nibionoonekha. 16Baboolanga mbu bamumanya Nyasaye; ne mubikhole biabwe bamwiyambakhananga, nibaba abeshisinyo, abakhayi, ne khubukholi obulayi bwosi bamala okhulobwa khale.
Currently Selected:
Tito 1: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Tito 1
1
Lishiesio
1Eyirula khuPaulo, omusumba waNyasaye khandi omurume waYesu Kristo, obusuubili bwabalobole baNyasaye shinga olwa buli, khandi obumanyi bwakobwatoto obuli bweidini, 2mubunaayi bwobulamu bwobumeli. Ne Nyasaye, ouranyala okhubeeha ta, yasuubisia obulamu obwo okhurula khubumeli; 3ne munduukho yiye omwene yamanyisiye ebulafu likhuwalie mumwilwatso okwa ndaheebwa okhulinda, lilako liaNyasaye Omuhonia weefwe shinga olwa lili.
4Yule khuTito, omwana wanje watoto mubusuubili obwa khusanjilanamwo. Obukoosia nomulembe ebirula khu Kristo Yesu Omuhonia weefwe, nende Nyasaye ouli Samwana.
Emilimo chiaTito eKirete
5Kano niko akachila nikhulekha eKirete mbu wanze habwene ako akashileemile okhukaasikha, khandi okhuraho abakofu mubuli litookho, shinga olwa ndakhulaka; 6mbu omundu naba nabula eshikha, nali omusaatsa womukhasi mulala, abaanabe nibali abasuubili, nibareenjililungwa khulwa obwilaasi kata inumba tawe. 7Shichila askofu, olwa ali omusinjilili waNyasaye, akhoyile okhubula eshikha; araba owomurwe omuumu, kata omwangu okhutiilwa oburima, kata omumeesi, kata owobusoolo, kata omulangushili weinganga tawe; 8habula ouchamanga okhwinjisia abacheni, ouheelanga amalayi, omwitembelesii, omulunjishi, ouriitsanga Nyasaye, niyeeruka omwene. 9Ahandenje khwikhuwa eliisiikwa eliwinjana nende ameechesio keene, mbu anyale okhuchesiyinjia munjila yameechesio ako amalamu, nende okhuhula abamayinie.
10Shichila abeinumba baliho abanji, abeimbakha ikhaya nabakaatii, okhushila muno abo abeshishebo, 11aba eminwa chiabwe chikhoyile okhusibwa; nabandu abafumaminjia tsinzu tsinamba nibeechesia amakhuwa akarakhoyeele ta, khulwa inganga yeshifwabwi. 12Mulala khubo abeene owokhubalakusi babwe yasunga mbu Okhurula khale abaKirete nababeeyi, tsisolo tsimayaanu, abalangu abakara. 13Ne yateeka habwene. Niko akachila nokhoyile okhubahalabila nobululu, mbu babe abalamba mubusuubili, 14oburareka amarwi khuketsingano tsieshiYahudi nende amalako kabandu abeehaanya obwatoto tawe.
15Khubali abeeleleshe, ebindu biosi nebieleleshe; ne khuboonoonekhu ababula obusuubili shibulaho eshili eshieleleshe; habula amayililisio kabwe nemioyo chiabwe biombi bibeetsanga nibionoonekha. 16Baboolanga mbu bamumanya Nyasaye; ne mubikhole biabwe bamwiyambakhananga, nibaba abeshisinyo, abakhayi, ne khubukholi obulayi bwosi bamala okhulobwa khale.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975