2 Timotseo 4
4
1Ekhulaka imbeli waNyasaye nende waKristo Yesu ouliyaasia abalamu nende abafu, khandi khulwa okhulolekhakhwe nende obwamibwe, 2mbu yilwatsanga likhuwa liene; beetsanga niwirecheeshe buli lwosi, kata mubise ebichamwa kata ebirachamwa ta; chesiyinjia, nende okhukondekha, nende okhusaaya, nobwisimilisii nende obwechesii bwetsimbia tsiosi. 3Shichila tsindaalo tsileetsa olwa baliloba ameechesio amalamu; ne balilonda khubwikombi bwabwe abeene nibeebunjishila abeechesia abasangaasia amarwikabwe; 4ne baliikala amarwi kabwe khukobwatoto, nibarechelesia aketsingano. 5Nebutswa iwe, obeetsenje omurechelefu mumakhuwa kosi; wifwile mumatinyu; okholenje emilimo chiomwilwatsi weinjiili; wusie habwene obukhalabanibwo.
6Okhuba isie kata bulaano enzukhungwa shinga omusango okwokhutsushilwa; eshise shianje eshiokhwinyoshelamwo shiulile. 7Ndalasaane lihe lilayi; ndamalile oluchendo Iwene; ndalindile obusuubili; 8bulaano embiishiilwe olusimbi olwo Iwobulunjishi, olwa Omwami, omukhalachi owatoto, alambeelesia khunduukho eyo; ne shindi isie sienyene ta, habula nende abo bosi abareelekhwo omwoyo khukhulolekhakhwe.
Obuchesiyii khukabandu nalebe
9Rakhwo omwoyo okhwitsa ewa endi bwangu; 10okhuba Dema wayandekha, shichila yali naheelanga eshialo shino eshiliho bulaano; watsia eTsesalonika; Kereseke natsia eGalatia, naye Tito natsia eDalamatia. 11Luka yenyene niye owatong'a ninasi. Omwende Mariko, witse ninaye; shichila yangaasilanga muno mubukhalabani. 12Ne Tikiko ndamuruma eEfeso. 13Noli owitsa, yitsa nende ingubo ifuubila eyo eya ndalekha mumukhono kwaKaripo eTeroa, khandi nende ebitabu, nokhushila muno ebio biamaseelo.
14Alekisanda, omwiraanyi wemikasa chiemibona ulia, ya'khola amabii amanji; Omwami alamurunga ebikholebie shinga olwa bili. 15Nawe wesi wirecheshe khukeke; okhuba yafukula amakhuwa keefwe muno. 16Khukhwiteetsa khwanje okhwambeli, yabulaho owanderela; nebutswa bosi bandekha; esaba mbu lileshe okhubabasilibwa. 17Ne Omwami yasinjila ninasi halala niyanyalila; mbu mwisie amakhuwa keelwatsiiwe elala, Abamahanga bosi bahulile; khandi ndahonokosibwa mumunwa kweitalanyi. 18Omwami alambonokosinjia mubuli shikhole eshibii; alambonia enzule khubwamibwe obwomwikulu; ye aheebungwe oluyali ebisoni nebisoni. Amina.
Amashiesio akahelelesia
19Mushiesilie Pirisika nende Akula, nende abelitaala liOnesiforo.
20Erasito yatong'a eKorinzo; ne Turofimo ndamulekha eMileto, nali omulwale. 21Rakhwo omwoyo okhuula tsindaalo tsiomunyiri nitsirashioola ta.
Eubulo akhushiesiye, nende Pude, naLino, naKilaudia, nende abaana beefwe bosi.
22Omwami abe nende rohoyo. Obukoosia bube nineenywe.
Currently Selected:
2 Timotseo 4: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
2 Timotseo 4
4
1Ekhulaka imbeli waNyasaye nende waKristo Yesu ouliyaasia abalamu nende abafu, khandi khulwa okhulolekhakhwe nende obwamibwe, 2mbu yilwatsanga likhuwa liene; beetsanga niwirecheeshe buli lwosi, kata mubise ebichamwa kata ebirachamwa ta; chesiyinjia, nende okhukondekha, nende okhusaaya, nobwisimilisii nende obwechesii bwetsimbia tsiosi. 3Shichila tsindaalo tsileetsa olwa baliloba ameechesio amalamu; ne balilonda khubwikombi bwabwe abeene nibeebunjishila abeechesia abasangaasia amarwikabwe; 4ne baliikala amarwi kabwe khukobwatoto, nibarechelesia aketsingano. 5Nebutswa iwe, obeetsenje omurechelefu mumakhuwa kosi; wifwile mumatinyu; okholenje emilimo chiomwilwatsi weinjiili; wusie habwene obukhalabanibwo.
6Okhuba isie kata bulaano enzukhungwa shinga omusango okwokhutsushilwa; eshise shianje eshiokhwinyoshelamwo shiulile. 7Ndalasaane lihe lilayi; ndamalile oluchendo Iwene; ndalindile obusuubili; 8bulaano embiishiilwe olusimbi olwo Iwobulunjishi, olwa Omwami, omukhalachi owatoto, alambeelesia khunduukho eyo; ne shindi isie sienyene ta, habula nende abo bosi abareelekhwo omwoyo khukhulolekhakhwe.
Obuchesiyii khukabandu nalebe
9Rakhwo omwoyo okhwitsa ewa endi bwangu; 10okhuba Dema wayandekha, shichila yali naheelanga eshialo shino eshiliho bulaano; watsia eTsesalonika; Kereseke natsia eGalatia, naye Tito natsia eDalamatia. 11Luka yenyene niye owatong'a ninasi. Omwende Mariko, witse ninaye; shichila yangaasilanga muno mubukhalabani. 12Ne Tikiko ndamuruma eEfeso. 13Noli owitsa, yitsa nende ingubo ifuubila eyo eya ndalekha mumukhono kwaKaripo eTeroa, khandi nende ebitabu, nokhushila muno ebio biamaseelo.
14Alekisanda, omwiraanyi wemikasa chiemibona ulia, ya'khola amabii amanji; Omwami alamurunga ebikholebie shinga olwa bili. 15Nawe wesi wirecheshe khukeke; okhuba yafukula amakhuwa keefwe muno. 16Khukhwiteetsa khwanje okhwambeli, yabulaho owanderela; nebutswa bosi bandekha; esaba mbu lileshe okhubabasilibwa. 17Ne Omwami yasinjila ninasi halala niyanyalila; mbu mwisie amakhuwa keelwatsiiwe elala, Abamahanga bosi bahulile; khandi ndahonokosibwa mumunwa kweitalanyi. 18Omwami alambonokosinjia mubuli shikhole eshibii; alambonia enzule khubwamibwe obwomwikulu; ye aheebungwe oluyali ebisoni nebisoni. Amina.
Amashiesio akahelelesia
19Mushiesilie Pirisika nende Akula, nende abelitaala liOnesiforo.
20Erasito yatong'a eKorinzo; ne Turofimo ndamulekha eMileto, nali omulwale. 21Rakhwo omwoyo okhuula tsindaalo tsiomunyiri nitsirashioola ta.
Eubulo akhushiesiye, nende Pude, naLino, naKilaudia, nende abaana beefwe bosi.
22Omwami abe nende rohoyo. Obukoosia bube nineenywe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975