Olwimbo Olukhulundu 7
7
1Ebilenjebio nebikaasu muno mubilaaro, iwe omukhaana womwami!
Amarangoko amafumunde keengana ebimili,
emiiimo chiamakhono komukholi omusitsa.
2Ikhofiyo yiingana akhakaye akhafumunde akharatamba idivai inzokasie ta;
indayo yiingana eshituuli shieingano eshia amataanye kafumbiile.
3Tsimbeeletsio tsiombi tsiingana abaana babili beshitsusu abeebulwa amakhwana.
4Likosilio liingana omunaara kwameeno ketsinzofu;
tsimonitsio shinga amatiba muHeshiboni, hashilibwa shiaBatsi-rabimu;
amooluko keengana omunaara kweLebanoni okuheniela enaDamasiko.
5Omurwekwo kuli khwiwe shinga Karameli,
neliswi liomurwekwo shinga ingubo imali ti, ling'inang'inu;
kata omuruchi ahambilwe imbambe mubikolo bialio.
Omweha nende omusaatsawe basangaalila halala
6Mako, oli owelikondo nowokhuchamisia,
omwitsa wanje, okhushila ebisangaasinjia biosi.
7Oburambibwo bwingana omushindu,
netsimbeeletsio shinga ebisakanya biakwo.
8Emboola mbu Eniine mumushindu, nindiila khumasaka kakwo;
tsimbeeletsio tsibe shinga ebisakanya bietsinzabibu,
nokhuhunya khwomuuyakwo shinga amapeela;
9omunwakwo nakwo kube shinga idivai indayi muno eyiswelulushila omuheelwa wanje niyiikha,
niyibira mumunwa kwouli mundoolo.
10Isie endi owomuheelwa wanje,
naye okhwenyakhwe khuli khwisie.
11Omuheelwa wanje, chenda khutsie mumikunda,
khukone mumataala.
12Khuhuune mumikunda chiemitsabibu,
khulole emitsabibu nichiba nichikaniishe,
ebimuli biachio nibiba nibibambuushe,
amakomamanga nikaba nikamuliishe.
Ebweneyo ndalakhuheelesia obuheeli bwanje.
13Tsinduli tsihunya eshiuya;
hekulu wemiliango chieefwe biliho ebiamo biolukoosi,
ebiyia nebikhulu biosi,
ebia ekhubiishiile, omuheelwa wanje.
Currently Selected:
Olwimbo Olukhulundu 7: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
