Olwimbo Olukhulundu 5
5
1Enzulile mushilundu shianje, mbootswa, omweha wanje;
enoka amanemane kanje netsindesi tsianje tsieshiuya;
endia eshieileyo shianje nobuushi bwanje;
enywa idivai yanje namabeele kanje.
Lie, abeetsa banje, nimunywa;
nywe muno, abeetsa abaheelwa.
Obukabukhani buleera amasila
2Embeele ningonile, habula omwoyo kwanje kubeele meeso.
Hulila! Omwitsa wanje akhong'onda;
ari Unzikulile, mbootswa, omwitsa wanje,
lihuusi lianje, oubula obuleemu;
okhuba omurwe kwanje kunyirile muno khulwa eliime,
ne liswi khulwa ebiroonyo bieshilo.
3Ndifwaluule ingubo yanje;
ndakhanyala endie okhuchiifwala?
Ndiyosiye ebilenje;
ndakhanyala endie okhubionoonia?
4Omuheelwa wanje yeenjisiye omukhonokwe mumuluhu okwomulwichi,
omwoyo kwanje nikuyia mwisie.
5Embuushile okhwikuiila omwltsa wanje,
amakhono kanje nilearoonya amanemane,
tsinzala nitsiroonya amanemane amasaluulukhu khubirindilo biolwichi.
6Emwikuliile omuheelwa wanje;
nebutswa omuheelwa wanje abeele nashiukhaane,
nifwa omwoyo olwa ahweeleho.
Emukhaabile, nindamunyoola ta;
emulanjile, naye narafuchila ta.
7Abalindi abalambuulanga litookho banyoolile,
nibakhupa, nibalumira;
abalindi bolukoba bambukula ingubo yanje ifuubila.
8Emulaka, inywe abakhaana beYerusalemu,
mbu nimuba nimunyoola omuheelwa wanje,
mumuboolele mbu endi omuteshele khulwa obuheeli.
Omweha namwitsoomia omusaatsawe
9Ne omuheelwawo ashila omuheelwa undi yesi nende shi,
iwe ouli owelikondo mubakhasi?
Omuheelwawo ashila omuheelwa undi yesi nende shi,
mbu okhulaka orio?
10Omuheelwa wanje yaakha, khandi yaakhaanye;
amanyikhana mubandu ebikhumila ekhumi.
11Omurwekwe kuli shinga itsahaabu inzele muno;
liswilie neliikotu, nelimali shinga likhookho.
12Tsimonitsie tsiingana amahuusi hamichela chiamatsi,
etsiosiibwe namabeele,
etsieerenjekha habwene.
13Tsindamatsie tsiingana eshilundu shietsindesi tsieshiuya,
nebibunjikho biemiani chieshing'aari.
Omumwakwe kwingana amataanye,
nikuroonya amanemane amasaluulukhu.
14Amakhonoke keengana amatayia keitsahaabu akalikhwo tsitarashishi;
omubilikwe kwingana okwakholelwa ameeno ketsinzofu akachelekhwakhwo tsisapiri.
15Ebilenjebie biingana tsisiilo tsieimarimari etsili khubichibi bieitsahaabu.
Okhulolekhakhwe khuli shinga Lebanoni,
okhulayi muno shinga emisiita.
16Oknuboolakhwe nokhwokhuchamisia muno;
toto mwene, nowokhwikombwa muno.
Uno niye omuheelwa wanje, khandi uno no-mwitsa wanje, inywe abakhaana beYerusalemu.
Currently Selected:
Olwimbo Olukhulundu 5: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
