Rutsi 3
3
Rutsi naBoazi halutse
1Mana Naomi nyakhufialanyene namusunjila mbu Omukhaana wanie, shikhoyile okhukhu-khaabila obuhuluushilo, mbu obe bulayi? 2Ne bulaano Boazi oyo owa obeelenje nabakhaanabe, shialiye mulamuwo? Lola, eshilo shino ali okhuseesa ishayiri halutse. 3Kho wiyosie, wibashe amafura, niwifwala bulayi, otsie halutse tsana; ne oreemanyishila omusaatsa oyo ta, okhuula olwa alaba namalile okhulia nende okhunywa. 4Mana olwa atsia okhukona, ohenje bulayi ewa akona, mana winjile, ofuunule ebilenjebie, niwiyalisia; naye alakhuboolela eshia okhola. 5Naye namukalusia mbu Ndalakhola kosi aka oboola.
6Kho nakholomokha natsia halutse tsana, nakhola kosi aka nyakhufialanyene yali namubooleele. 7Mana olwa Boazi yali naliile nanyweele, omwoyokwe nikutsatsahaale, yatsia okhukona khundulo weshituuli shieimele; naye niyeetsa kahala, nafuunula ebilenjebie, niyeeyalisia. 8Mana mushilo hakari omusaatsa oyo yeesundukha, niyeeshiukhasia, ne omukhasi ngwoyo, nakonile habilenjebie. 9Nareeba ari Niwe wina? Naye nakalusia mbu Nisie omukholiwo Rutsi; chama wale inguboyo khumukholiwo; okhuba oli mulamwa. 10Naye naboola mbu OMWAMI akhuheelesie ikhabi, omukhaana wanje. Eshisashjo shino shiolunyumakhwo shishila eshiambeli, shichila shiwalondakhwo abasooliili, kata abamanani kata abayinda ta. 11Kho bulaano, omukhaana wanje, oraria ta; ndalakhukholela kosi aka oboola; okhuba abomwitaala lieefwe bosi bamanyile shinga olwa oli omukhasi ouli omukhaye toto. 12Ne tieri, endi mulamuwo; habula aliho mulamuwo undi ouli ahambi okhushila isie. 13Olinde butswa eshilo shino; mana mukamba, naba nafuchiilila okhukhukholela akakhoyeele mulamwa, nobulayi; akhukalusie; ne naba narachama okhukhukalusia ta, kho isie ndalakhukalusia, shinga OMWAMI olwa abeetsangaho mwoyo. Okone okhuula mukamba.
14Kho yakona habilenjebie okhuula mutsuli; mana nabuukha khushise eshia oranyala okhumanyilisia omundu ta. Okhuba Boazi yaboola mbu Omundu yesi aleshe okhumanya mbu omukhasi uno yeetsile halutse ta. 15Khandi nasunga mbu Leera ingubo eyo eya wifuubiile, ochibambule; naye nachibambula; Boazi nachela ebichelo bisasaba bieishayili, namutuukha; mana natsia mwitaala. 16Ne olwa yeetsa ewanyakhufialanyene, yamureeba ari Rho kabeele karie, mukhaana wanje? Naye namuboolela kosi aka omusaatsa oyo amukholeele. 17Nasunga mbu Ishayiri yino eyebichelo bisasaba, niye oumbeelesiye; okhuba aboolile mbu Orakalushila nyakhufialawo amakhono amakhaya ta. 18Naye namuboolela mbu Olinde butswa, mukhaana wanje, okhuula olwa olamanya amakhuwa kano shinga olwa keetsa okhuba; okhuba omusaatsa oyo shialahliluukha ta, okhuula olwa alaba nakamalilisiye inyanga yino.
Currently Selected:
Rutsi 3: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975